AmyBuBu的個人專頁

$198A4和牛炒飯餓底嘅朋友，唔好講笑，好似我哋咁樣叫個和牛炒飯😛。日本珍珠白米飯抄到每一粒分明，雞蛋均勻。來自和牛油香恰到好處，加上明太子上面增加色彩，仲有其他嘅配料，好快一碗又一碗就會食晒。原條燒花魚 $168啖啖肉，食都唔停口🐟，燒到香噴噴嘅青花魚燒魚鮫必定要叫嘅一道菜色，燒出嚟嘅形狀係一個大嘅C型。鍾意食魚嘅朋友，會感覺到佢同青花魚嘅唔同。比起燒鯖魚，入邊嘅魚肉更加嫩滑可口多汁滋味，魚香更加重，而且有少量嘅脂肪，燒起來更加香溢。又喺一道食唔停口嘅菜式🙀宇治抹茶紅豆布丁🍮$48香濃嘅宇治綠茶味，另外有紅豆加重甜味，上面仲有忌廉以及好醒目嘅餐廳舖頭名做標誌，作為甜品係一個唔錯嘅選擇😻…查看更多

都係用手機掃描QR code之後，自己去落單旺角有間日式快餐店，唔想食吉野家仲有個選擇俾大家。呢邊有唔少日式快餐面當，大部份都係用燒牛肉為主，亦都有豚肉、雞肉飯。另外都可以選擇咖喱飯等等醬汁叫咗個燒肉定食套餐有麵豉湯有日本白米飯有香燒牛肉有沙律加錢可以叫一個流蛋汁嘅溫泉蛋，半熟嘅溫泉蛋用一個小點裝住，一般來講會到入去碗度攪拌適用沾滿左日色醬汁嘅肥牛肉仲有香蔥餐廳用日本🇯🇵白米飯，不過有少少硬唔想淨係食燒肉，想健康啲嘅話，小食仲可以選擇椰菜沙律🥗…查看更多

禮頓道呢度平時成日都有人排隊，依間嘅餐廳同朋友嚟咗幾次，每一次都回味無窮。夜晚嘅晚餐製作用心，食材新鮮，平時都有吸引唔少外國人幫襯。三文魚、莎樂美腸、巴馬火腿前菜，煙三文魚，即食西班牙風乾沙樂美腸、巴馬火腿海膽忌廉汁煎帶子煮闊條麵海膽忌廉煮醬汁，味道好濃郁，每一口都是鮮甜的海膽以及忌廉香味。碟頭份量好多，大大條闊條意粉條條沾滿醬汁又彈牙，帶少少香料藏紅花、香草香、魚子，一啖入口勁滿足！香蕉蛋糕Mojito ($70)餐廳嘅雞尾酒酒精份量非常重，最啱我呢啲酒徒，亦都係我一個人鍾意飲用嘅份量，冇偷工減料呢🤪…查看更多

今日同同事放咗工之後喺附近嘅餐廳食一啲小食，搵咗一間裝修格局優雅嘅地點平時晏晝嘅時候都好多人排隊，夜晚嘅時候親仲未多人就入嚟坐低休息吓。餐牌上面有好多套餐，而且小食我哋今日就叫咗個黑松露薯條🍟以及中國mix東南亞風味嘅新鮮魷魚🦑黑松露醬薯條🧀🍟 個人非常推介嘅食物。薯仔香味新鮮可口，方角狀薯條炸得香脆，粗幼度適中，有卜卜趣嘅口感，入邊軟林林薯仔肉。黑松露味雖然唔係好重，絕對唔馬虎。配合雞尾酒🍹食用乃是佳品川椒胡麻火焰魷魚鬚本人都好鍾意食魷魚鬚，呢個係我食過咁多個之中其中一個最值得回味嘅魷魚鬚！所有人喺附近飲酒食嘢嘅話，我都建議你哋過嚟試一試！佢有少量內置蕃茄嘅酸味提升食慾，適當嘅川椒提味而且增加刺激感，舌頭中嘅味雷俾川椒開啟咗之後就可以感受到魷魚鬚嘅鮮味。新鮮嘅魷魚鬚非常之爽口，加上蘿蔔絲及香草伴菜最後左焗玉桂蘋果脆脆杯雪糕🍦🤪香噴噴嘅蘋果批上邊有香脆嘅外皮，熱辣辣嘅蘋果肉上邊伴隨着冰凍嘅雪糕球，邪惡嘅配搭非常令人有幸福感覺…查看更多

呢度嘅壽司飯一直都係出名好味新鮮而且非常抵食，絕對冇偷工減料。北海道帆立貝松葉蟹丼（$148）呢個魚生飯，同以往一樣亦都係一樣非常之令人澎湃，新鮮厚切嘅帆立貝，仲有鋪滿左成個飯嘅蟹🦀肉，蟹肉好適當咁樣同米飯🍚混合之後，每一匙羹放入口中，每一啖都係新鮮嘅海鮮送入去，非常幸福。上邊仲有一啲魚子，增強鮮味。櫻花牛油果三文魚卷（$88）牛油果成熟嘅香味，越大水果香配以三文魚，外邊仲有香脆風味十足嘅櫻花沾滿壽司卷🍣信州白葡萄梳打最鍾意飲甜野嘅人記得試吓！兩個人食，埋單大概$300多啲…查看更多

搬來位於理工大學附近嘅時新漢堡包店，之前已經搬咗過去黃埔。個人認為新裝修地方闊落，座位比之前更加舒適，更加適合一家大細、朋友過嚟食飯。招牌、裝修非常復古，好有50年前茶餐廳風格快餐店餐牌有多個選擇，不過今日首選都係試吓漢堡包炸雞髀令一樣到訪必要叫嘅食品。香港快餐店的雞髀同雞翼同一般西式快餐店肯德基麥當勞嘅唔同，一般會比較大份， 而且生炸冇炸粉。香港傳統茶餐廳炸雞髀風味，皮肉香脆可口漢堡芝士蛋包招牌漢堡包，依然保留以前嘅水準。芝士、自家製沙律醬及煎雞蛋咬下去就會一次過流晒出嚟，記得需要趁熱食。麵包鬆軟，唔係麥當勞嗰啲擺咗好耐嘅款式。鮮果沙律食咗咁多嘅熱氣快餐，可以考慮追加一盤沙律平衡一下熱奶茶去港式快餐店食嘢當然係有港式奶茶！…查看更多

預早訂位好重要啊，因為成日都爆場，否則可以碰運氣walk-in。餐廳入口位係bar枱，可以一邊飲韓國啤酒、雞尾酒，一邊食小食睇電視。環境寬敞且舒適，以燒肉店來說油煙亦算處理得不錯，食完不會成身油煙味。五花腩五花腩肥美肉厚，燒之前將五花腩切成小塊，燒得金黃香口，啖啖油香。和牛拼盤超豐盛拼盤。日本A4牛肉眼，A4黑毛和牛肩肉，A4黑毛和牛背峰，A4黑毛和牛三角腩，澳洲和牛舌，雪花腩，封門柳牛肉燒一陣就可以上碟，唔洗燒得太熟已經可以食。每塊食落好嫩肉味重，油脂分佈剛剛好店家提供生菜讓客人用來包著肉類，減少油膩感。食客可考慮加上少許芽菜，海帶、泡菜及醬汁一起進食，多上了不同的口感。前菜三小碟泡菜、芽菜、海帶任添，另有醬料。燒烤爐邊蛋不得不讚爐邊蛋，可能係鐵板設計同蛋液調配得好，燒到尾仲係好嫩滑，底下脆脆地唔會痴底，十分好食…查看更多

羲和雅院做新派中菜，比起傳統與別不同，但係箇中精粹，依然係以中菜作為核心，而做法加入不少西式以及東方元素，適合本地及遊客品嚐。第一道鴨皮自重感比較重，味道濃烈，可以選擇千點將雀雀以及爆炸糖，脂肪在口中溶化，配合爆炸糖嘀嘀嗒嗒。這道菜式，是我從來未見過，新穎創新而且味道水準一流，我會選為必試菜式。第二道鴨胸肉，肉量多比較粗糙，適合點芥茉醬，用甜味道帶出鴨香。第三道鴨肉上菜，店務員介紹是鴨髀肉。髀肉是成隻鴨最香最柔嫩細緻的地方，而且味道更鮮，因此不用沾點任何醬汁已經可以品嚐。椒麻澳洲牛肋條此道菜也是頂尖的享受，強烈推薦。柔軟的牛肋骨肉，上碟時已經切成漂亮的連骨的厚肉片。牛肋骨肉的油花較多，亦因為油花分佈平均細緻，肉質鮮嫩而多汁。而且加入中式香料及青蔥，增添左麻辣風味。牛肉入口後有溶化的感覺，因此令你有食唔停口嘅衝動。…查看更多

環境：牆上面貼滿日式復舊海報同貼紙，店內播著輕快嘅日文歌，有去到日本居酒屋嘅感覺，非常適當遲收工嘅人去食宵夜放鬆。服務：一坐低就有員工拎筆、餐牌同兩杯水俾我哋，亦有指示我哋可以將袋放喺一張櫈上面，都算貼心。其間我問起一個女職員有冇手工啤酒介紹，佢就推介Beniaka 7% (Aamber Ale)同Tokyo IPA 6% (Belgium IPA)，佢指前者有甜番薯味，後者係花酒，帶有花香味，都適合女士口味。食物：黑蒜鳴：豬骨濃湯配以自家製黑蒜油，跟叉燒及太麵 ($78)豬骨湯底濃郁，黑蒜的味道反而冇咁特出，但叉燒算大塊，總共有兩片。一碗麵的份量應該夠女士食，但對男士可能略嫌偏少。COEDO Beniaka 7% (Aamber Ale) (48)手工啤酒由甜番薯同大麥釀製，入口順滑，絲毫沒有苦澀味。女士應該會很喜歡，值得一試。…查看更多

相對其他銅鑼灣一間的餐廳，這算比較多空間可以方便傾計，伴侶聚餐。而且裝修年青可愛，出現重好似有水煙食😮煙三文魚凱撒沙律🥗食咗咁多野，要叫番啲蔬菜平衡一下，但上面都有勁多煙肉🥓😜。香滑沙律醬已經攪拌混合在蔬菜之中。蔬菜清爽、沒有苦味，中間一大塊煙三文魚做主食。韓式炸雞 甜醬及甜辣🍗（$148）已經去晒骨，淡淡都係肉，超級方便。為求健康你可以唔食脆皮，因為雞肉本身已經多汁，而且淡淡甜辣醬深入雞肉之中。辣炸雞的辣口味，適合一般香港人接受程度，一樣咁正！火山嬲爆抄飯🤣嗰個樣超級搞笑，好似小新咁ge様，但比激到噴出熔岩，令你原全唔捨得食咗佢…查看更多

位於大圍工廈，有一間休閒隱世新餐廳，專門係做豬手、小食，作為美食獵人當然要調查一下。尤其係下午茶嘅時候，忙碌生活之後，非常適合搵啲朋友同埋老婆過嚟攤唞一下。餐廳有園林小店嘅風格，利用溫和簡約主調。銅鑼灣第一脆爆鹹豬手🐷👋（$168）記得需預45-60分鐘製作，所以你到之前可以落訂。$168脆皮鹹豬手，如果以其他市區餐廳作比較，平左大概$200到🤪扺食。咁樣味道又如何呢？上菜嘅時候，餐廳已經為客人切好晒。豬手外皮烤焗得香脆，咬落好似薯片咁樣卜卜聲。但肉質依然保持嫩滑。入口味道鹹香，而且充滿膠質，每一啖有豐富滿足的口感。與酸菜、配菜同吃能減輕豬手的膩滯。分量足夠兩三個人食。食晒切出嚟嘅肉之後，有一大舊豬手骨，可以俾你好滿足咁樣咬皮及肉😋🍖除咗食豬手，其實仲有一些小食可以選擇。古早味三文治拼盤🥪凍咖啡…查看更多

最近又「新出」黑椒漢堡，冇見咁多年，究竟未到變成點樣呢？比中信集團收購左之後，味到又會唔會有咩變化？今日就調查一下🕵🏻‍♂️黑椒漢堡，一句講晒重點就係四樣嘢，牛肉、爆多汁、香、辣。如果你食過歷史以來，麥當勞🍔第一款到而家嘅新黑椒漢堡，你應該會有親切嘅感受，你想非常認同我講法。以前第一款黑椒漢堡，只有一層牛肉，後來推出出個雙層牛肉🥩🥩黑椒漢堡🍔，到咗今日就定型一定係雙層牛肉，呢個其實係一個正確選擇。因為雙層牛肉額外的牛肉味及口感，先可以carry到濃濃的黑椒汁😙。不過女仔嘅就會覺得太heavy了😧。一打開包裝紙，就會湧出香溢的黑椒味。今期汁液又濃又黑，唔會太稀釋。所以唔會好似以前咁樣，多到啲汁成手係💦😰，反而係啱啱好👋🏻。不過，如果你去果間麥當勞🤡，唔係啱啱煮熱個汁比你，係放咗好耐凍左，咁就「恭喜🍾️」你了，你嗰個包係垃圾👻。今期黑椒唔會太咸，所以唔錯，不過重點係唔夠辛辣。以前黑椒汁可以直沖味蕾👅，擴大你的味覺神經，對味道變得敏感，因此辣得非常過癮。依點有侍改善😕。整體而言，以小丑麥當勞袋來說，覺得唔錯，可以食多一次，不過就唔會日日食了。…查看更多

今次介紹香港深水埗地區名店，番茄師兄🍅👨🏻‍🍳。深水埗地鐵站出口直行8分鐘轉右就到。夜晚8點半依然好多客人，因為越來越多街坊知道正了！此家麵店，以番茄🍅濃湯拉麵🍜，配以上等牛🥩及其他一眾新鮮食材。食品用心經營製作，遊客、本地人都值得一吃再吃😋犇犇有禮🐮（$78）- 牛面頰、崩沙腩及牛坑腩店其中主打「犇犇有禮」用新鮮牯牛各部位肉做餸，內有牛面頰、崩沙腩及牛坑腩。不愧為新鮮騸牯牛，牛坑腩則煮到軟身，有重重嘅牛肉香味，肉感會比較鮮嫩，色澤深、味道更濃郁。牛面頰肉嫩，帶點筋位，咬落有嚼勁。蕃茄🍅湯底，用牛骨加入蔬菜去淆煮，入口香甜，沒有令人討厭腥酸味。聽老闆👨🏻‍🍳說，濃湯每日用30斤蕃茄及30斤牛骨牛腩淆湯的，食材非常新鮮，選用本地最強進口商，唔會用冰鮮牛肉，$78元有如此出品實屬超值七十八度慢煮沙爹豬腩肉🐷（$28）沙嗲汁是店自家調配，慢煮豬腩肉又香又淋，不會太油膩，秘製沙嗲醬汁加上了洋蔥，香濃惹味中更帶爽甜口感味道豐富。信陽毛尖蜂蜜冷泡茶🍵信陽毛尖🍵，中國人十大名茶之一。想不到店家這樣有誠意，為客人準備如此香茶。茶味濃且持久、回甘長，飲後非常醒神。選用蜂蜜調味，避免甜味蓋過茶香。鮮氣逼人🌊（$88）- 新鮮鮑魚、大蝦、麻辣墨魚滑、蕃茄濃湯麵 好少喺小店見到有新鮮海鮮嘅番茄濃湯麵， 特製鮑魚🐚嘅口感有點不同，有磯煮鮑魚嘅醬香，長時間既慢煮淆汁滲透，令肉質更柔軟更鮮香。其他慢煮嘅海鮮如大蝦🦐、墨魚滑🐙，咬口極soft而且Q 彈，肉質好似白切雞咁嫩滑。烹調溫度沒有超過100度，而是以長期62度慢煮，健康得嚟，又唔會嚡唔會韌，加上酸甜醒胃既番茄濃湯，配合有咬口感既麵條，食得十分滋味檸檬雪梨露🍋🍐($18)玻璃瓶身嘅設計十分得意可愛， 亦夠曬環保，加五蚊可以拎走 。雪梨蓉🍐特別多，應該用咗差唔多成個。 加上squeeze咗一啲檸檬汁落去， 酸甜得來亦可作秋天嘅滋補飲料。70度慢煮麻辣瑞士汁雞翼慢煮醬汁入味，肉質又嫩。食落口後，會慢慢滲出微微嘅麻辣香，非常惹味。鮮炸魚片頭（$24）選用香港製造品牌學利魚蛋，魚片頭皮脆彈口，再配埋辣醬，正！最後，推介原因是鼓勵大家去香港本地人👨🏻‍🍳❤️用心經營的地區小店，見證香港人正向精神。在香港創業不是一件易事情，餐廳食材煮製認真更是值得讚賞👍🏼有朋友來，不妨帶來一試！…查看更多

$20 ，一碗熱辣辣河粉，白雪雪☃️滑脫脫🌊嘅河粉，一大碗沸騰嘅熱湯🍲， 倒入去，河粉爽口，用筷子夾起，用力一吸，成個口都係載滿左河粉，非常滿足。湯底雖然有少少鹹，但係可以接受。坐落喺旺角嘅潮州粉面店，成功醫治左唔少香港人嘅肚。客似雲來，所以深夜嘅時候需要搭枱，不過每一位食客其實都係食10分鐘到就會走🚶🏻‍♂️。題外話，隔離幾條街， 嗰啲越南餐廳，居然賣緊50幾蚊一碗越南河粉，有時候真係唔知咩玩法🤫。有啲仲要個湯根本唔夠熱，牛肉都煮唔熟。大家都係河粉，點解我$20可以食到咁正潮州粉麵🤩🍜， 50幾蚊食一碗越南粉😨？睇通脹？賺錢？定係一切都係土地問題作怪🤔？等我聽日問吓港大經濟學教授先……同枱食飯嘅，有一班女士喺度傾緊網購大計，其中一個不停喺度sell令一個人加入投資🤑Anyway, 計返人民幣，都係16RMB一碗，廣州深圳都唔止啦🤣當然，唔係叫游客你哋同我地本地人爭食，不過有機會，唔使排隊嘅話，入到去好容易可以感受到我哋本地飲食文化。…查看更多

最近工作需要經過葵涌，身為一個美食獵人，當然要即刻發掘地區美食😼🍴。今日見到有一間鋪頭，出面掛咗簡陋海報，大大隻字標榜「無敵豬扒」、「絕世牛扒」。雖然入邊裝修雖然好古舊，感覺好似返咗去70年代咁樣。但係不停有本區的食客入去，憑着我嘅直覺就知道系好嘢了終極牛腩飯🤩（$36）餐牌上有一個好醒目嘅菜式，叫做「終極牛腩」👀。想再嘅時候，係成碗牛腩上，入邊有菜膽，所有材料滲滿醬汁，成碗牛腩肉漆黑色。醬汁已經完全深入牛腩之中😋，牛腩肉、牛筋已經 炆得好琳，牛腩肉，質地變成好棉，而且有適量八角嘅味道調味。尤其是牛筋，絕對可以形容為入口即溶咁誇張🤤！好明顯，餐廳花咗足夠嘅心思時間先可以整到。一大碗白飯，好快又可以食得晒😋另外，豬扒經香料調製個，一樣非常好味，上班一族或者遊客，如果你有機會經過記得試一試！…查看更多