ab1689yy的個人專頁

剛剛收工，路過，發現這間餐廳，在門口睇咗餐牌之後，價錢合理，在門口見到，客人唔算多，諗住味道都係麻麻地，膽粗粗入去試一試，我們兩個人，冇叫晚餐，叫了三個單點餐，第一個鰻魚飛魚子炒飯，第二個闊條麵，第三個標準和牛漢堡餐，可能人數唔係太多，所以好快上餐，首先食和牛漢堡餐，已經覺得有驚喜，幾十蚊，食到百幾蚊嘅味道，跟住食鰻魚飛魚子炒飯，這個飯不算有驚喜，但係都係中規中矩，最後食闊條麵，這個真係有驚喜，佢的白汁同埋闊條麵，非常之夾，三個餐埋單，都係二百幾蚊，喺現在這個環境，三個餐二百幾蚊，真係超值，講真-如果這間舖頭，位於大埔中心附近，已經發咗達。溫馨提示：如果散餐，加少少錢，可以提供飲品，這樣就100分…查看更多

大年初一，本來都冇諗住發炮，剛剛食完這間日本放題，睇食評講到有幾出神入化，專登喺將軍澳走嚟食，一坐低只係見到任食甜品，所謂嘅甜品就係棉花糖同埋朱古力，什麼什麼小食，就係麥樂雞同埋薯條，感覺已經好似中咗少少招，頭一輪叫刺身，叫10件來了六件，已經係預咗，但係刺身居然差過元氣，一間咁有名嘅食店，居然做啲咁嘅刺身，唉😮‍💨⋯⋯，第二輪叫壽司，我從來未食過，咁就真嘅壽司，手指公大少少，唔知係咪為咗小朋友而設？，口感係點？我諗唔使介紹，第三輪叫你鰻魚同埋羊架，叫咗差唔多成個鐘頭，仲未有得食，三催四請才嚟到，鰻魚的而且確好食，但係羊架喊到一個點，幾乎要洗腎，仲要出奇地，本來第四輪叫甜品，居然早過羊架嚟，這個時候食嘢，簡直係百般交集，今晚食咗九百幾蚊，過年時候其實差唔多，但係如果食啲咁嘅嘢，好老實，我寧願返屋企煮麵，我真係唔知道，嗰啲食評家，點解講到咁好食？，我真係唔識欣賞！…查看更多

睇廣告慕名而來，入到門口感覺好乾淨，坐下叫了鐵觀音，然後叫了10多款式點心，賣相真係幾好，食過之後味道就麻麻地，點心應該有的配料，佢都冇放在內，出奇地，佢好多點心加了麻辣，感覺好怪，例如滷水鵪春蛋燒賣，佢加了麻辣，麻辣的味道太霸道，變相蓋過了滷水鵪春蛋的滷水味，另一個金錢肚並鳳爪，又係加了麻辣，叫了兩個炸物，本身諗住都冇問題，但係食落啲餡了，居然有蝦醬味，我真係唔識欣賞，鰻魚荷葉飯，這個飯不算太差，但係食唔到荷葉香味，我認為這間公司，應該改良下味道，突出係應該的，但係都要睇吓夾唔夾，咁多點,心，我認為中規中矩，只有叉燒包和腸粉，茶葉方面，只有鐵觀音及菊普洱茶，太小選擇，假如你們是特色茶樓，應該引入多幾款花茶！…查看更多

好耐冇幫襯，昨天去食，依舊叫了好多點心，這間酒樓每日都送一款點心，昨天是送生菜，我們三個人去， 結果送了三碟菜，我都笑咗出嚟，講到點心 ，以前都唔係太好，起碼都叫做乾淨，昨天去食，點心冇味，賣相又差，基本上街邊啲小檔口點心，都好食過佢，就連辣椒油都下降，大排檔都不如，到埋單的時候，先知道冇做特價，結果差不多$600埋單，這個價錢，食這些點心，叫我下次點去！…查看更多

剛剛在筲箕灣太興食飯，真係食到一肚火，我一入舖頭，舖頭又叫我排隊，正當我排隊之際，有兩個人行入去攞位坐，我立即同收銀員講，我在排隊為什麼他們一入去就有位，個店員立即叫嗰兩個在門口排隊，但是隨即入了一個客人，又坐咗我張枱，我又同收銀員講，點解我想兩人枱會冇咗，然後店員安排嗰個客人坐另一張枱，我才有位坐，到落單的時候，店員叫我用 QR 自行落單，我已經表明唔識用，但是店員話佢部機好慢，又問我用乜嘢手機，我即刻同店員講，唔該你哋用手寫單入去啦，嗰個店員立即黑面，我心諗你間公司係咪用咁嘅服務態度，好老實你們公司的 QR 落單，我唔係唔識用，而係非常唔完善，所以冇用，例如我要多飯，甚至多汁，甚至走汁，完全係冇顯示，換句說話講，客人的口味要求，完全係不能達標，你間公司搞咁多嘢為乜呢？…查看更多

今日諗住去九龍灣茜廊食早餐，同朋友來之制，行過隔離睇吓隔離餐廳有乜好食，見到價錢合理，於是叫朋友一起去試吓，真係估佢唔到，我叫了一個特色早餐，豬柳漢堡，火腿蛋通粉，我朋友叫了一個，粥同埋炒麵早餐，第一啖入口，已經感覺到，好好味，直頭有家庭溫暖的感覺，後尾再加多個，叉燒腸和炒麵早餐，一件不留，全部食晒，這間舖頭的腸粉，非常滑溜及有米香，仲要韭王喎，茶樓都未必有，真係好食到不得了，在九龍灣德福廣場，租金一定唔會平，這間餐廳收的價錢，一啲都唔係貴，如果有時間，我一定去試吓晚餐，因為睇到餐廳內的電視機介紹，啲餸菜真係好吸引！…查看更多

好耐冇去過敏華，今日早上去食，入到去落單，店員叫我們用QR落單，起初我覺得進步咗，但係點餐的時候，我發覺係找不到麵包選項，後來我叫了個沙茶牛肉麵早餐，我朋友叫咗一個沙茶牛肉米粉早餐，鹹牛肉蛋三文治，到上餐的時候，我發覺牛肉非常少，只有四細片，我好奇問店員，點解份量少咗咁多，店員好識做人，立即在廚房俾多少少沙茶牛肉我，但係個鹹牛肉蛋三文治，非常失色，用隔夜麵包都不凸止，佢只係用蛋包住鹹牛肉，不是溝埋一起煮，味道相當之怪，好老實，如果你張服務質素提升了，然後把食物質素下降，這樣會令間餐廳口啤變壞，這間餐廳係我眼中，是一間好有潛力的餐廳，希望你們能夠改善一下!。…查看更多

這個月在上環工作，咁啱去到這間茶餐廳，門口望落去，是一間普通燒味茶餐廳，起初入去食早餐，都已經覺得幾好，中午去食飯，發覺這間茶餐廳，中午飯的味道都幾好，款式又多，然後有一天，收工專登去食晚飯，這間餐廳的燒味，非常突出，叉燒夠林，脆皮燒鵝，非常入味的豉油雞，所以這個星期，我早午晚三餐都係嗰度食，出奇地這間餐廳收10點，8:00居然有出爐叉燒，原來這間餐廳的燒味，好多人排隊買外賣，外賣的人居然多過堂食的人，這是好難得，特別推介，乳豬四寶飯，豉油雞髀四寶飯，價錢平足料仲要好好味，可惜我仲有三日，就去第二個地方工作，不過我有時間一定會過來食，這間餐廳的燒味水準，好過柴灣新桂香。…查看更多

米之蓮五星級，本人都食咗好多間，每一間都有佢嘅特色，但係這間我覺得不外如是，我叫了一個素鵝，鵝片拼豬大腸，豪餅，蠔仔粥，一個白飯，埋單$600，其實唔算貴，但係食物冇乜驚喜，素鵝本身係齋菜，滷水汁淡味少少，我覺得合理，但係滷水鵝片拼豬大腸，又係用這個汁，問題就出現了，感覺完全冇味，尤其是滷水鵝片，雖然好滑，但係切得非常厚，感覺好似食無骨鵝肉，豬大腸是最正宗，蠔仔粥最搞笑，完全冇大地魚味，反而這間餐廳用了冬菜，雖然味道算不錯，但係收$88，大地魚都冇，好似過分少少，煎豪餅不過不失，食到尾聲，侍應幫我哋加啲茶，呢個係全場最搞笑嘅地方，五星級食府加茶比客人，居然用大排檔，用來洗碗的水壺，試問一間五星級食府，難道一個好少少嘅水壺都冇，其實潮州舖頭，辣椒油都好重要，這間餐廳只係用啲有顏色嘅辣椒油，完全冇辣椒油味，差啲唔記得講，滷水鵝片拼豬大腸，點解會俾啲食燒肉嘅黃色芥辣我，如果這間公司的管理層，睇到這段食評，應該好好改善！…查看更多

這間舖頭其貌不揚，燒味出眾，雖然地方細，勝在有街坊風味，爆曬肉汁脆皮燒肉，香料十足燒鴨，非常入味豉油雞，皮薄有啫喱狀的白切雞，這些燒味，已經唔係每一間燒臘飯店做得到，尤其是冇味精嘅老火例渴（堪稱一絕），如果能夠品嚐一杯凍檸茶，你哋就知道，好多米之蓮餐廳都不及這間舖頭，價錢用非常合理，可以講用一個平字來形容，我食咗兩個燒味相並例牌，兩個白飯，一杯凍檸檬茶，一個例湯，都係講緊$162，白飯和例湯食完，可以在加，不收任何費用，這些才叫做平民食堂，打破平嘢冇好的定律！…查看更多

有次路過海這間小店，入去食，我叫了個早餐，加咗個菠蘿油，睇一睇張單，居然都係$40，真係抵到爛，講真，食物真係一般，但係有驚喜，我加了少少辣椒油，個頭即刻叮一聲，估唔到個辣椒油咁勁，佢嘅辣度，足足辣過德昌魚蛋粉啲辣椒油，一倍有多，佢仲有牛腩粉麵，下次我一定要去試，這間小店在舊區，環境和服務態度，都係一般般，勝在平靚正！…查看更多

剛剛食完，這間餐廳的西餐，極具賣相，味道中上，特色小食，極具創意嘅甜品，價錢仲好平民添，本人有少少意見，如果這間餐廳，能夠多幾款特色小食，同埋多幾款自家製特飲，咁就very good喇，每一間餐廳，有優點，自然有缺點，這間餐廳的缺點就是，例如我叫啲食物不是餐的，如果加嘢飲，要附加$18，其實這一點不合理的，我行埋去茶餐廳，只係叫一杯凍奶茶，都冇可能收我$18，如果加$5至$8，我覺得可以接受，總括來講，這間餐廳食得過！…查看更多

這間舊式茶餐廳，雖然老字號，但係非常衛生，早餐平靚正，午餐款式多，特別推介煲仔菜，好多茶餐廳，已經做唔到煲仔菜原有味道，但係這一間煲仔菜，色香味俱全，重點推介，魚香茄子煲，咖喱牛筋腩煲，最重要係全冇味精的例湯，本來這間舖頭，另一樣最出位就係雲吞麵，炸醬麵，可惜小人去幫襯食雲吞麵，成本效益問題，老闆娘迫於無奈，已經冇做雲吞麵，這間茶餐廳，如果能夠改善奶茶香濃，咁就一百分💯！…查看更多

這間舖頭，我已經幫襯20幾年，佢啲食品一向保持水準，尤其是牛扒，特別出位，平民價錢高質享受，其他出品味道都幾好，特別係炒公仔麵，咖喱雖然係一般，但係已經好過好多茶餐廳，嚟到呢間餐廳，我會推介T骨扒餐，非常巨型，肉眼扒，炒公仔麵，懷舊紅豆冰，是這間公司必食，基本上一家四口，拿着$500已經夠埋單，本人覺得唯一改善空間，引入多幾款牛扒，增設三文魚扒，或者其他魚扒，這樣就完美.！…查看更多

剛剛食完，真係有驚喜，從來未試過食上海野，完全冇上海風味，我叫咗擔擔麵，小籠包，水餃，京蔥牛肉菜飯，擔擔面最基本嘅花生醬湯底（冇），面質鬆散冇口感，小籠包味道一般，基本上公仔點心好過佢，水餃基本上係冇味嘅，京蔥牛肉菜飯，叫做最似樣，最特別係，以上咁多款菜式，上到枱時，只係暖暖地，好老實，如果老闆想再經營這間上海店，應該好好考慮食物的質素及味道!。…查看更多