kl 想食嘢的個人專頁

20110617 (周五)2個人的午飯, 想試多d都唔得, 半隻招牌山東燒雞+1碗飯shared+甜品.山東燒雞, 果然係名不虛傳, 鋪了滿滿的手砌蒜泥, 不過又唔係好搶味喎, 正. 手撕開的雞塊仍然滑滑, 又正; 半隻份量可不少, 雞皮沒有黐住很多肥糕, 所以大部份都俾我食埋, 又多個正. 呃咗個例湯飲 (因為以為我們會叫套餐), 半碗飯唔食晒, 為留位食木棣布甸, 都好味.希望下次可多d人, 就可以試食多d野. 不過店舖地方不多, 樓上(非雅座)要穿過廚房再上閣樓, 就會有多幾張枱, 想食好野就過來, 食地方就唔好啦.…查看更多

2010-08 (weekday)本來去明記應該食吓芒果木糠蛋糕及芒果糯米糍呀, 但仍然好鬼飽, 見佢有個外賣價竹蔗馬蹄水好鬼抵, 都係諗住解吓渴, 點知好甜好住家 feel 喎, 真係好過自己嘥柴火煲呀…查看更多

2010-08 (Sunday)放完狗去近期人氣幾旺的 Paisano's, 食得好開心滿足呀, 老闆又幽默(話就係老闆才做清潔抹枱, 因無人會肯做). 24" size pizza 1 件+Latta. $260有 8件係抵好多, 不過我一件都食剩喎, 真如老闆說要食剩帶回家. 其實好味架, 餅底係好脆嗰種, 不過 topping焗得唔夠靚, 無拉得起的 cheese, 可能因為得我一件去焗. 見到好多外國人3個2個就咁企係度, 將件對摺12" pizza放入口, 一邊飲啤酒, 好有酒吧閒聊 feel. 隔鄰枱2大3細 order了個 24", 個金髮妹妹好 surprise 又好可愛咁點投訴 '我地得5個人點食8 件喎', 好可愛搞笑.…查看更多

2010-07 (weekday)太興有 茶餐, 鮑汁雞腳撈麵+鮮忌廉奶紅豆冰.雞腳幾入味的骨膠原啊, 鮑汁唔多覺似鹵水感覺, 都好食嘅, 不過麵就太亁身, 若有汁或湯加吓會好 d.+$6有$18的鮮忌廉奶紅荳冰 抵啦, 紅豆大粒又夠稔, 忌廉唔多不過奶豆算幾 balance, 雖然唔係碎冰, 細冰粒都好呀.不過失敗在錯單多收錢, 精明眼執翻 $2雞.…查看更多

2010-07-07 (weekday)又去早收的金山, 試咗及第粥的肉丸真唔錯彈牙添, 豬什食落放心喎, 細(半)份炸腸, 唔係自己炸, 不過都好脆, 上次全份大碟到食唔晒, 今次啱啱好.…查看更多

2010-07-02 (weekday)早餐魚皮餃米線$20, +$3 就有牛油多士及煎蛋/餐肉/火腿/腸仔或煙肉其中2款, 加啦; 百香果乳酸+$3就有, 凍飲都加$2啦. 魚皮餃ok好食架, +$3嘅野都全部合格．雖然遺憾早餐無魚湯底, 不過呢餐都係好食+抵食嘅…查看更多

2010-06-13 (Sunday)本來唔想出, 不過見個電話又一樣, 又係轉角藍色的外牆, 個名又唔同喎, 唔通印度食物真係 咁 樣 嘅 ! ! ! ! 朋友一入內就明顯知道應該轉咗手, 不過都坐了下來, 又見內外主理都是印度人, 應該差極有限, 結果所有野無論落單/上菜/回應的反應, 速度及質數, 都令人非常沮喪失望. 有枱男女客叫咗貌似老板過去, 應該是投訴食物, 佢地嘰哩咕嚕傾咗一輪, 老闆攞翻碟野入廚房, 之後見那枱男女就咁放底錢係枱面就走咗, 八卦的我們都咦了一聲得3枱客咁大把, 職員(老闆)就好似好忙咁四圍騰, 叫親佢都係點頭應了但就再唔多理你, 又唔見廚房不時有菜出來．食完 ok嘅咖哩角好耐好耐, 好不容易分別送來的2道菜 pizza & 鐵板烤雞, 不過係我哋無 order的, 等待又等待, 無味香草炒飯(連印度香料都唔多覺), 無辣得甜4小件咖哩雞, 羊膝比咖哩多少少辣味囉, 大家都話唗料, 唔再寄望印度食物, 食唔飽叫了個Louisiana Pizza, 只有勁重手泰式雞醬, 仲係出水的 pizza食過未?! 喊！…查看更多

2010-4 (weekday)上次食一粥麵不單被倒到一身都係餸汁, 又漏單, 又不見得好好食, 今次試隔離品味餐廳.晚餐芝士腸焗肉醬意餐及豉椒排骨炒河餐, 都算抵食兼大件, 味道及鑊氣仲比想像中好, 係翠河之類 style, 可以繼續試.…查看更多

2010-5 (weekday)差幾步就去了康華, 但貪近入咗八方雲集, 竟然差過台北的勁多,要了咖哩煎餃+酸辣湯椰菜餃麵+旗魚丸紫菜湯, 最好食算係個旗魚丸紫菜湯架啦, 魚丸3粒+一堆紫菜, 但 d 丸其實都係淋淋的無嚟爽口彈牙.咖哩煎餃只有咖哩香無咩味又唔夠脆, 餃子似灣仔碼頭樣子模樣但質素差好多, 皮仲幾厚添呀, 似蒸完擺咗好耐水氣走晒嘅樣, 韮菜餃子一d肉汁都無, 酸辣湯餃麵的椰菜餃都係無肉汁, 酸辣湯就有酸無辣.唔想食定係飽到食不下呢, 我好少會嘥嘢架.…查看更多

2010-5 (weekday)唔去'大碗'去試新嘢 '鮮茶坊', 做緊新張特價 $10有750cc, 已經係少冰, 仍然茶味不足, 幸好細珍珠都算夠Q有咬口.原來特價只是奶香並不包括茶香, 易拉架張poster 又無講, 發票才有印出來,嘥氣, 早知要蜂蜜綠茶好過, 都係大碗d質素穩定d.…查看更多

2010-5 (weekday)一出mtr見車厘哥夫, 買了個唔係好得的英式鬆餅, 提子ok, 可惜不僅不鬆化又味淡, d牛油好貴咩, 都唔知自己食緊乜, A-1 Barkey正常好多, 當跌錢!…查看更多

2010-5 (weekend)食評話幾好, 街坊話唔得, 親自引證最好, 係時新買了炸雞脾, 食住行去搭車, 唯一的好是有好香的薑香味, 不似是生炸, 似焯完再炸, 香滑香脆都不足, 同日月星差好多皮, 會俾多次堂食機會你, 否則以後可慳翻.…查看更多

2010-5 (weekday)行行吓去咗食順豐排骨麵, 問要辣否, 唔辣啦, 又說小辣不太辣的, 又好啦, 柸跟餐豆漿淡到都唔知佢加了幾多水, 排骨斬件另上, 叫做砌夠幾塊囉, 鬆腍不鬆脆, 有少少肥所以無物嚡, 都厚身過半島今佐的黑豚肉架, 味道都算幾好, 擔擔麵底加了花生碎及好咸的炸菜絲仲有條菜, 個湯只係少少辣都幾好, $32價錢唔太值.不過店內有好多飛蟲; 因為我食得慢, 見到同一張枱, 兩輪的客都跟老闆娘講有蟲蟲飛咗落柸豆漿裡, 都會幫佢地換過另一柸, 難怪豆漿會勁加水.第一次來的我, 沒法跟舊店作比較, 只覺未算特別好正或難食, 但蟲蟲的問題卻真會令我卻步, 店內擺放很多跟藝人的合照, 不過相中的老闆卻攰死似的腄在收銀位, oops...…查看更多

2010-5 (weekday)等巴士想飲嘢, 隔離就係臺北站, 基本珍珠奶茶700cc少冰要細珍珠, 茶又淡珠又淋, $12 咁就跌咗喇......點解唔去對面的 '輕鬆飲' 呢, 又或者做緊 promotion 的'串爆'都好呀, 竟然揀呢間!!…查看更多

2010-5 (weekday)玻璃外見到人地食豬仔包我又想食, 不過終於又選了翠河的魚米湯牛腩豬軟骨米線茶餐.米線太腍了, 魚湯又被肉汁混蓋過了, 除了牛腩仲有牛筋喎, 唔嚡算係咁, 豬軟骨兩大舊ok呀, 最憎搞到 d 軟骨軟晒腍pat pat 嗰種, 兩者都不錯, 份量唔算少, 未食完已覺飽了.原來奶茶更有大柸的, 嗰個一定係熟客; 喜愛翠河多於翠華, 平民無扮高檔, 下次再試埋$9奶油豬仔包先.…查看更多