拾四人妻的個人專頁

我好鍾意食拉麵，最近見朋友有黎呢度打卡，角落生物真係好Q又超級可愛，一於放假黎試下佢😍✨胡麻醬冷麵呢款冷麵有蝦有蟹柳、玉子、蕃茄仔，配上胡麻醬超級開胃，拉麵又有咬口，顏色好繽紛，好味道！✨特製白鹽蝦拉麵湯底唔會太咸，白鹽蝦入味又爽口，仲有溏心蛋、大蝦、叉燒，最QQ就係每款食物上面都有角落生物的圖案公仔😍✨串燒雞軟骨雞軟骨炸到脆卜卜，還灑上孜然粉，口感爽脆✨紫薯栗子餅外脆內軟，入面有大大粒既栗子，栗子控必食✨特製荔枝梳打食完煎炸野飲返杯荔枝梳打，好清新，油膩感全消✨特製青蘋果梳打味道唔會太甜，感覺清新，雖然上面有層cream，如果不喜歡cream，不要搞混來飲就可以✨特製芭菲最底層係士多啤梨奶凍，上面有士多啤梨、藍莓、年輪蛋糕，還有雲呢拿雪糕，食埋個甜品就將呢一餐畫上圓滿的句號除左食物之外，買任何產品送鎖匙扣一個，follow 社交平台like & share可獲A4 folder 一個，仲有角落生物嘅精品，拉麵碗、環保袋，粉絲們不要錯🥰…查看更多

一直好鍾意有文青氣息的餐廳位於德福廣場呢間恕試好耐了一入店環境裝修都好鍾意有大大書櫃的角落好有 feel念雖然係假日比較full但枱與枱之間唔算太迫坐得好舒服超鍾意食牛油果、芒果既我就比「千島香芒牛油果雞肉薄餅」吸引左超好食，味道好夾加埋千島汁好開胃。「松露蜜糖香烤雞中翼」呢款松露雞翼味道好特別，松露味好突出，好正。「龍蝦汁鳳尾蝦意大利粉」每條意粉都沾滿濃郁嘅龍蝦汁，配埋大大隻蝦，非常濃厚嘅味道。 「避風塘炒蟹肉意大利粉」比較少有既烹調方式好惹味「焙茶心太軟流心蛋糕 配Haagen-Dazs 雪糕」最後不少得甜品時間，焙茶心太軟比較少有我又係好鍾意食茶類既野一啖蛋糕一啖雪糕又熱又凍超好食。天氣咁凍，當然唔少得叫返杯熱飲啦「白桃烏龍茶（熱）」「冰水果茶（凍）」以下呢兩杯就配甜品時飲熱綠茶 配 焙茶心太軟好夾「牛奶咖啡（熱）」「靜岡玄米綠茶（熱）」…查看更多

位於大圍圍方的綠茶餐廳-新浙菜，古色古香的裝修，環境優美。餐牌上寫著：「一手煙火，一手藝術」的江南盛宴。店內牆身滿佈壁畫，門口還有涼亭雅座的設計，好有詩意的餐廳「蔥香脆皮烤鴨」烤鴨旁邊佈滿蔥段，好特別的配搭外脆內嫩，鴨件好嫩滑，不錯👍「黑醋脆皮牛腩」脆皮牛腩比較少有，外表脆脆的，內裏牛腩肥瘦適中，脆而不漏，用脆米伴碟，生色不少「江南茄子煲」微辣，好惹味 ，餸飯一流「黑松露牛肉炒飯」炒得粒粒分明，好濃郁黑松露味道他們價錢合理，份量不會太多，兩個人食都食得哂😚「懷舊米漿（熱）」好養生的米漿，淡淡米香的味道，入口微溫，不會太甜暴打鳳梨茶（凍）賣相一流，味道很清新食完肥膩嘢，再飲返啖，再可以幫助消化解解膩…查看更多

今日同朋友係沙田試左一間日式木系cafe環境乾淨都幾舒服平日夜晚時段7點前都未算太多人佢地都幾多款式選擇有丼飯、有白咖哩、又有甜品都幾吸引朋友叫左主打創意日式料理 - 白咖哩烏冬「吉列豬鞍，白咖哩烏冬 $178」豬鞍比平時食既豬扒肥美啲咬落去比較juicy唔會鞋，用左吉列方式去炸好鬆化白咖啡烏冬都好好味上面有一層cream加埋咖哩汁好滑我就叫左「蒲燒原條鰻魚丼飯 $168」佢份量都幾多原條鰻魚都肥美多肉最後一定要叫甜品啦窩夫需要等15-20分鐘建議差唔多食完就叫定我鍾意食窩夫叫左「白桃伯爵茶窩夫 $108」伯爵茶味都幾出配埋白桃都幾清新天氣咁凍一定配返杯熱飲佢地既特色花茶都不錯幾大杯熱檸檬薑伯爵茶 $58熱洛神花水果茶 $58如果想同朋友黎食飯靜靜地傾下計呢間餐廳都不錯📍 禪 ZEN by Tera @zen_by_tera沙田沙田正街18-19號新城市廣場一期1樓109號舖…查看更多

而家好多人都注重健康既生活連飲食既要求都高左食物要有益之餘服務又要良好唔係會影響哂成餐飯個心情😂朋友介紹有間cafe好正又chill放假就急不及待去試位於灣仔呢間Liffee Coffee & treats主打coffee & 生酮飲食假期的早上好好彩唔算太多人可以坐係bar 枱望住街景飲住咖啡都幾chill重點推介呢度每order一杯咖啡都會係客人旁邊拉花😍係呢間cafe既signature亦可以嘆咖啡之餘仲可以欣賞拉花的過程手勢亦都非常之好🥰我最鍾意就係香蕉鬆餅本身我超級鍾意食鬆餅仲要熱辣辣的老闆娘一早親自準備重點佢地用羅漢果糖代替白糖甜度又剛剛好健康又好味另外仲有steak & eggs - 牛扒、煎太陽蛋、磨菇、蔬菜Super Smoothie Bowl有牛油果、香蕉、藍莓、Nuts、新鮮生果賣相靚之餘又健康而且老闆娘好有心搞呢間cafe又靚女🥰😍我都忍唔住望多幾眼😂下次大家來睇下撞唔撞見老闆娘Liffee 定期會同跑團搞跑步活動假期可以附近跑下步、跑完又可以黎呢度坐低休息一下睇黎我都要參加話唔定可以撞到攝影師😂…查看更多

今日去葵涌等老公放工就去左葵廣葵廣有超多美食好難選擇今次再次幫襯「孖寶車仔麵」值得再去既原因係好鍾意他們的秘製醬汁岩岩好3點幾左右有下午茶時段鋪頭細細但客人都不少今次就叫左魚肉春卷、必食既「辣陳皮魚蛋」、牛柏葉配米線加秘製醬汁魚肉春卷都好食佢索哂啲辣汁 好開胃因為我唔太食得辣而呢款汁剛好唔辣可以調下味如果想食辣啲可以加菜莆另外我仲加左碟腸粉咩醬都落哂趁熱食更加好食三餸一麵加可樂（+$3）有時經開唔太肚餓去呢間食下小食都唔錯👍…查看更多

之前去過油麻地田記佢地既牛腩好出色今次帶埋老公去食試下太子塘尾道分店中午時段唔係好多人我都係揀返招牌牛腩+河粉可惜今日無崩沙腩🥲佢地啲牛腩肥美適中好好食架而且湯底濃郁食完都唔會好口渴👍🏼我配埋蘿蔔蘿蔔浸左湯索哂啲腩汁又係一流老公就叫左牛三寶 +紫菜+粗麵牛三寶有：牛筋、牛腩、牛肚粗麵+紫菜又係好夾再加碟菜心+腩汁絕對要加腩汁超入味唔好加蠔油呀😂值得一讚佢地碗粉真係好大碗好足料大食既人就岩哂一定夠飽最後叫返杯凍檸樂好滿足…查看更多

每一次經過尖沙天星碼頭都好想食《媽咪雞蛋仔》離遠已經聞到香噴噴由細到大都好鍾意食雞蛋仔或格仔餅以前無咁多口味淨係食原味格仔餅勁多花生醬就最好食但而家新出左好多唔同口味樣樣都想試😂今次我試左薄荷朱古力味雞蛋仔😂一出爐拎上手嘅時候已經聞到好大陣薄荷朱古力味🤤勁香再配埋凍荔枝紅茶清清甜甜可以消除油膩感天星碼頭呢間分店窗口位仲可以望到出邊海景😂平日下午少啲人望住個景係度食都幾chill架或者買黎上船食都唔錯啦😂見到格仔餅我都心思思想食😂我揀咗金莎醬格仔餅平時我好鍾意食朱古力或者榛子醬金莎醬都想試好耐味道不錯 如果再多啲醬就好😂下次想試紫薯番薯味雞蛋仔可惜今日無得買🥹…查看更多

我好鍾意食沾麵因為好鍾意食好濃既湯底今日我又發掘到係旺角一間食拉麵或沾麵鋪頭細細的唔算好多座位好在lunch hour 唔算太多人唔洗等🥳我就揀左「人氣慢煮安格斯牛小排沾麵」熱辣辣滾住既超濃蝦湯底我諗冬天食一定好暖笠笠每款沾麵都配溏心蛋&紫菜紫菜浸係湯底索哂啲湯汁 好好味雖然湯底好濃郁但食完唔會口渴👍主打「安格斯牛小排」切得好薄每塊牛都係6-7成熟中間粉紅色的唔會韌 好林 沾麵浸係湯底掛哂湯汁最後連湯都飲埋呢間不錯 有驚喜佢地另外仲有小食&飲品波子汽水、茶類、汽水、熱茶都有同埋佢地唔收加一服務費下次要帶埋老公去試…查看更多

最近去左一間好好味既串燒店位於土瓜灣的雖然鋪頭細細但好有風味各樣食物都調味得好好而且夜晚又開到凌晨2點宵夜一流最印象深刻係呢啲野食：「豚肉明太子卷」好特別因為出面暫時未見過呢個組合味道好夾好鍾意佢個明太子醬「燒麵包」麵包而上有一層蜜糖有BBQ的味道但佢用左厚身既麵包所以特別有口感「燒鮮鮑魚」本人好怕食鮑魚因為好怕食太硬又難消化既野但佢地煮得好林 唔硬 有驚喜「蒜蓉燒鮮日本生蠔」燒蠔燒得好juicy唔乾熟度岩岩好「蒜蓉粉絲花甲」超喜愛食蒜蓉粉絲如果佢啲蒜蓉味再重啲就好不過粉絲索哂啲汁都係一樣好食「蚝仔旺菜粉絲」佢有個爐仔跟埋就可以滾住食超級惹味另外我地仲叫左以下呢啲勁多選擇👍幾個朋友坐埋邊飲酒邊吹水食野都幾開心雞腎雞軟骨大蔥雞肉牛舌安格斯牛肉紐西蘭羊架豚肉泡菜卷燒露筍燒日本豆腐燒秋葵燒蒜蓉茄子燒豆腐皮京蔥芫茜卷燒台灣腸燒麵包多春魚燒海蝦…查看更多

朋友介紹旺角有間食梳乎厘幾好食一於去試下這間小店是外賣或立食為主，所以沒有座位，但外型好似一架巴士咁，幾特別梳乎厘款式幾好，仲有我至愛既D24榴槤味，不過今日想試其他味道我同朋友就叫左特濃朱古力香蕉味及靜岡抹茶味，即叫即整，等左5-10分鐘就有架喇，我地叫左每款兩件，佢仲可以選擇件數，如果一個人驚食唔哂可以叫一件☺️等候既期間仲見到職員製作中，香噴噴好吸引主角出場了，我比較鍾意特濃朱古力香蕉，因為朱古力味道好出好濃，朱古力配香蕉，簡直係一流，反而抹茶味比較淡，如果鍾意食無咁重口味，可以試下抹茶。佢地啲梳乎厘口感比較實在，唔似其他店舖好似食咗一陣風咁，所以飽肚好多👍除左梳乎厘，仲有牛角酥窩夫，同埋其他特飲，下次一於試埋佢🥰…查看更多

今日去屯門探朋友順便去食個lunch先屯門市廣場這間「TOSS蘇媽 蘇媽」環境好大好乾淨Lunch時段唔算太多人可以坐到卡位午市套餐有ABC三款選擇價錢中等，唔算太貴有$118、$78、$68三款我今次揀左「蟹粉豆腐煲」配白飯再加杯 「似水流年（榴槤）」 （加$22）我非常鍾意榴槤😍佢係類似榴槤沙冰榴槤味好重好正蟹粉豆腐煲好香濃餸飯一流我又唔覺得好重口味味道又唔會好濃味果種食完好口渴果種而且蟹粉配豆腐好夾可以餸到兩碗飯😂…查看更多

繼續發掘香港又平又好食嘅嘢先葵涌廣場我係經常嚟以前喺運動場跑完步就會過嚟食嘢或者等老公放工就會黎呢度我最鍾意掃街😍如果掃街，我都有幾間心水可以介紹（掃街既鋪頭如果想睇下次我再介紹😂）不過今次想介紹呢間車仔麵雖然地方細細 但有時經過或下午茶黎食都好抵食雖然香港仲有好多間好好食嘅車仔麵但呢間性價比超高最緊要味道不錯有香港地既味道佢地仲有小食🤤燒賣、魚蛋、腸粉一定係必食的🥰辣魚蛋仲要係陳皮魚蛋而家好少地方仲有陳皮魚蛋識食一定一定要揀陳皮魚蛋👍其他嘅魚蛋係爭好遠嘅我揀咗秘製汁車仔麵一定要食豬紅，豬大腸😍仲加左包心蟹籽丸秘製汁唔算好辣我唔食得辣都ok想再辣少少，可以加菜脯…查看更多

位於旺角的馬來西亞茶餐廳「蘇媽 . 蘇媽」今天經過有機會試下聽講佢地既肉骨茶好出名👍店內環境裝修比較中國風地方寬敞 坐得很舒適Lunch hour 時段亦都唔算太逼夾午市套餐好抵食最貴肉骨茶套餐都唔過$100仲有叻沙、飯類、撈粉麵都吸引最後我揀左肉骨茶（三層肉），配白飯油菜 $76肉骨茶含有當歸，川芎等藥材，建議視乎自己體質才進食。我一直很怕藥材的味道，但這款肉骨茶唔算勁有藥材味，甘甘地唔苦，而且感覺好補，對於經常夜瞓既我還不錯，很養生👍三層肉肥美適中，有啲似東坡肉，唔韌，配埋豆腐卜、金菇，加埋肉骨茶，味道好夾，餸飯一流飲品我揀左美祿暴龍究竟美祿恐龍同美祿暴龍有咩分別？答案係暴龍有雪糕😂美祿勁濃郁，正！甜品叫左班蘭椰絲卷好香班蘭味，好特別，鍾意食班蘭一定唔可以錯過…查看更多

打邊爐呢樣嘢又使乜分季節性火鍋癮起夏天一樣可以照去食油麻地一間環境好靚黃昏嘅時候願望仲望到汲水門大橋坐低之後，我哋叫咗個4人套餐 $1588喺度等上菜嘅時候，另外我哋叫咗一個邪惡響鈴基本上就咁食都好好味，佢炸得好酥脆上面滿滿嘅鹹蛋黃醬，食唔停口開始食套餐啦先食原條火灸魚刺身肉質好嫩滑，而且一啲腥味都冇，味道好鮮甜然後開始揀湯底鍋底 (6選1)我哋揀咗煲冬瓜瑤柱美腿鍋未淥嘢食之前我哋先飲個湯底先個湯好清甜，一啲味精都冇，好好飲湯料好足料，有菇、冬瓜，金華火腿海鮮盤未開始淥果時，見到鮑魚仲係郁吓郁吓，好新鮮同埋鮑魚食落口，完全唔韌花甲都好鮮甜好好味手切特級牛(大)未食已經聞到牛肉味好濃食落口更加唔使講橡果豬(大)味道甜甜地，肉質好嫩滑餃子類分別有韭菜餃個皮唔算好厚，而且煮完都唔會好容易散至於蟹肉餃個餡料落得好足味道唔駛點豉油都好甜三寶丸有蝦丸、墨魚丸、牛肉丸全部都係由新鮮肉製出嚟粒粒都肉質好彈牙火鍋套餐仲包括田園雜菜籃2份手打烏冬或公仔麵 四杯無酒精飲品 (可樂/ 無糖可樂/ 忌廉/ 椰子水/ 低糖果汁)所以食完都好飽㗎而且最後仲有椰汁雪燕糖水食味道唔會好甜用料好充足食飽飽再食埋糖水真係超級滿足…查看更多