siusiutt的個人專頁

餐廳開咗一段時間都keep住大排長龍，今晚臨急臨忙搞個ad hoc dinner gathering，朋友仔話想試呢間，點知平日7:30pm竟然俾我攞到位，真係有啲幸運！一入去未點菜，店員就送上兩杯茶同肚臍餅，唔知係唔係潮汕地道嘅待客之道？感覺幾有儀式感。講到潮汕菜，第一時間就諗到要食煎蠔餅。蠔餅好足料，每啖都有蠔仔，外層煎到脆卜卜，咬落去好香口。之後再叫咗香煎鯧魚，賣相就一般，但味道真係唔錯，魚皮煎得香脆，魚肉又唔腥。想食飽啲，就叫咗一鍋海鮮粥，入面有鮮蝦、蠔仔、clams等等，材料夠晒豐富，啖啖都係鮮味。整體嚟講，食物水準唔錯，味道有驚喜。不過餐廳一坐滿人就開始好嘈，傾偈要靠大聲啲，唔係太適合慢慢chill住食。…查看更多

難得今日有啲時間，終於可以食返個下午茶，就去咗好耐冇幫襯嘅 Grove Sandwiches！分店好似啱啱裝修過，裝潢簡約清新，環境乾淨咗好多，坐落感覺都舒服咗，氣氛比以前更放鬆。呢個時段客人唔算多，一入去收銀姐姐就笑容滿面，好熱情咁問我想食啲咩。今次我揀咗「慢煮雞胸菠蘿美式卷」，啱啱整好熱辣辣，餡料夠哂爆滿，雞胸肉嫩滑唔鞋口，配埋菠蘿嘅微甜，味道好夾又清新。如果芝士可以做到拉絲效果就更正啦！整體嚟講，食物質素有驚喜，環境又舒服，真係一個唔錯嘅下午茶選擇，值得再嚟！…查看更多

呢間係 AK@Mirror 哥哥及其三位好友一齊開嘅餐廳。可能你第一感官會覺得佢只係另一間明星店，但試過你就知道係真材實料！湯底未必係最最最正宗嘅味道，但你會食得出拉麵師傅嘅用心。咁多款拉麵當中，最愛「葡式檸檬蜆貝拉麵」，味道非常清新。相信除咗我之外應該都深受大家喜愛，所以由「期間限定」款式轉為「daily menu」。溏心蛋仲印上 cute cute 貓掌印，我嘅心要融化了！員工嘅 service 都係一讚的，熱情得嚟亦有求必應！另外室內裝修都幾別緻，牆身劃滿晒「江老闆」屋企的 7 隻貓咪。本身自己都係一位貓奴，坐喺度就好似好多貓貓陪我食飯，所以呢一點特別加分！可惜拉麵店將近 last day，我會好好珍惜這份味道。許願日後可以重拾這份滋味。…查看更多

見到佢最近開得越來越多分店，環境又幾清新幾舒服下，今日難得 Happy Friday 放假，一於帶埋媽咪過嚟試下～去到嘅時候無乜客人，我估應該啱啱開舖，所以連我哋入座嘅時候都完全無人招呼，就算我哋自己搵位坐低咗，店員真係繼續清潔店面，等咗好一陣先俾 Menu。是但啦，睇完 Lunch Menu 就叫嘢食。因為媽咪有特別 dietary restriction, 所以詢問店員某幾款飲品係咪「無糖」，但店員表示得不耐煩，不過最後都完成點餐。之後其他客人都唔係咁嘅待遇，都唔知係咪唔鍾意招呼老人家。首先上菜係「三文魚窩夫 」，窩夫真係做到外脆內軟，而且蛋漿落咗煙肉，味道鹹鹹地嘅窩夫又幾特別幾驚喜。另一道主菜「黑毛豬紫蘇飯 」味道香濃惹味，只係黑毛豬肥肉較多所以有少少油膩。同埋佢用個 basket 盤出餐有係特別嘅！另外一定要點「柑橘乳酪」，打卡一流呀！淺黃色嘅乳酪飲品，上面係原個柑橘做裝飾，味道唔算太甜幾好味。總括而言，食物嘅 quality 係唔錯嘅，但服務態度真係唔 okay，難怪成日都咁多吉位。如果真係有下一次，我諗只會係外賣，唔會想食飯受氣！…查看更多

同朋友仔慶祝生日，揀咗呢間喺尖東嘅 Cafe，位置就喺噴水池附近～ 等待朋友仔嚟嘅時候叫咗一份 Truffle Fries, 比我預期中大份。主菜方面分別叫咗 Egg Benedict 同埋 Frittata 蛋餅。Egg Benedict 嘅 base 唔係平時嘅 Toast 或 Muffin, 而係香脆嘅 Croffle（不過太肚餓嘅關係無影到相）。Frittata 蛋餅有幾款口味，我哋就揀咗蟹肉龍蝦汁。西班牙蛋餅入面有粒粒薯仔，增添唔少口感，就咁食又得，加配濃郁嘅龍蝦汁就更惹味！嚟  B'hood 嘅話，飲品先至係重點！ Drink list 上嘅所有 coffee 同 cocktail 嘅賣相都好吸引，我哋揀咗好耐先揀到呀！首先一定係「Hanakotoba」！其實我就係俾呢款飲品吸引咗我嚟呢到食嘢，如果男朋友帶女朋友嚟記得一定要點呀，成杯飲品包裝都好似一束花咁。另一杯揀咗 Dopamine，而我哋係比個杯吸引咗。調酒師用咗 Grey Goose Vodka/ St Germain Edlerflower/ Apple Juice/ Passionfruit/ Rosemary/ Blackcurrant Tea/ Dill/ Lemon 調製，淨係睇 ingredients 都知道好 sweet 好好飲，飲落又真係好令人驚喜，而且仲無乜酒味！服務員嘅態度都好抵讚！當日我同朋友兩位坐在二人枱，但係食物嘅擺盤都比較大，職員見狀主動幫我哋轉咗四人枱，方便我哋有足夠嘅空間進食，而且係表現得非常禮貌。所以我認為呢間餐廳值得 encore, 等我下次試埋咖啡先！…查看更多

荃灣最近我都開咗加多新餐廳，當中包括 B.O.T.H. by Texas Burger。餐廳靠窗位置有落地玻璃，中午時分好好陽光，加埋店內嘅田園裝飾，過來打卡真係一流呀！本小姐自己揀咗經典嘅「車打牛肉漢堡」配薯條，牛肉厚厚嘅亦多汁。另外仲點咗杯伯爵茶味嘅 milk shake，貪佢味道比較特別。男朋友就揀咗美國風嘅 Steak and Egg 試下。煎蛋係我最喜愛嘅燶邊蛋，正呀～ 當然牛扒都係有水準嘅！眼見其他枱好多都有叫 pancakes，賣相都唔錯，只係 pecan 口味就唔係咁啱我，有興趣嘅朋友都可以試下。…查看更多

正如其店名，呢度用咗工業風嘅裝修風格。 埋邊嘅樓梯位加埋霓虹燈牌，就最適合打卡。   要就返晚上 10 點前食完，得返一個鐘食的確有啲趕，不過勝在上菜夠快手。                                                                                                                                                                                                                                                                                                                      我哋分別點咗一份豬同埋一份牛，仲叫咗一杯荔枝梳打添。兩份扒都係鮮嫩多汁，而且配菜果啲磨菇粒同蘋果粒都一樣有水準，以佢嘅價錢我覺得係超值呀。估計係慢煮嘅關係，無論豬扒定牛扒都非常入味，根本不需要加其他醬汁，所以我哋額外加配嘅蜜糖芥末醬變得有啲多餘。另外你見到果隻雞蛋其實係溫泉蛋，估佢唔到係原隻連蛋殻上菜，要自己動手剝開佢。我覺得唯一美中不足嘅地方係要自己出去落單，感覺比較麻煩。但係我印象中呢到係無收取加一服務費嘅。 …查看更多

生日飯通常會食西餐或者日菜，今年揀咗呢間摩洛哥風嘅泰菜餐廳，結果 surprise 地幾好味，門口果條樱花隧道仲好夢幻添！叫咗沙嗲串燒、咖哩牛肉及烤魷魚飯，全部都好夠份量架！ 串燒配咗脆脆、咖喱就搭酥餅。不過為咗點埋啲咖哩汁，我哋仲特登點多咗份蒜蓉包。另外生日正日喎，點都要食下蛋糕嘅！試咗伯爵茶口味嘅 basque burnt cheesecake。其實原本係比佢個櫻花下午茶吸引咗，但意外地呢度嘅主食都同樣出色！…查看更多

最近大家都避免出街食飯，多間餐廳都有提供外賣自取優惠。Beans 都唔例外，外賣自取 7 折優惠，所以我毫不猶疑就揀咗佢！佢嘅 Lobster Roll 平時要 $172 先食到，通常覺得好貴就揀咗其他野食，今次見佢有 7 折就試下啦！呢個 set 包咗一碗迷你龍蝦湯、炸薯條、少許伴菜同埋重點嘅龍蝦卷。碗迷你龍蝦湯真係夠晒迷你，但其他分量都好足。淨係睇下份龍蝦卷，成個龍蝦頭放咗喺度夠晒睇頭，而且 lobster roll 入面都係啖啖龍蝦肉。真係超抵食，唯一美中不足嘅地方係外賣薯條會淋咗！另外我都仲叫咗一份  all day breakfast。同其他餐廳唔同，平時嘅烤多士會轉咗做兩個甜甜嘅 donuts waffle，幾鬆軟㗎！外賣到會配埋忌廉俾你，有夠貼心呢！…查看更多

平心而論，點選嘅菜式都幾好食嘅！（都有可能係疫情關係太耐無出街食飯啦）首先嚟返碗湯，唔少得係胡椒豬肚湯，係本小姐嘅 favourite 呀！蒜蓉粉絲蒸鮮魷呢一道菜真係唔輸得！滿滿嘅蒜蓉呀，粉絲超入味，用嚟送飯一流！當然魷魚都好鮮甜。三色椒炒牛柳就一般般啦；另外炸大腸都係幾好，只係我個人比較喜歡淨食肥美嘅部份，略嫌部份大腸太瘦，哈！如果真係要批評嘅話，我認為衞生比較差，咁啱我食晚飯期間不停有隻烏蠅圍住我哋飛來飛去。不過，打冷嘅舖頭一般都係差唔多。兩個人就食咗咁多嘢，係滿足嘅，重要差啲食唔晒要打包呢！…查看更多

Soufflé pancakes 口感非常 creamy, 而且真係會彈下彈下。聽取朋友建議無添加流心醬，但加左軟雪糕，味道剛好唔好太甜。分別試左 earl grey 同埋花生醬（其他分店都好少見），伯爵茶果款好甘香亦有粒粒口感，花生醬都好味但略為黏口。…查看更多

一向我係偏好西式甜品，但佳佳改變咗我對中式糖水嘅睇法。呢碗芋茸蓮子西米露，食落清香得嚟又幾足料，味道亦唔會做得太甜。就算外賣亦睇得出佢嘅用心，佢唔係用普通發泡膠碗，而係有設計過又結實的。…查看更多

荃灣嘅西餐廳唔多，這間算得上比較有質素。這裡暗暗地，裝修亦讓人感覺很舒服。前菜只是一般般，但看得出餐具上的確有花心思，沙律碗有精心挑選過，並不馬虎。主菜方面做得比較好，而且份量很充足（以價格來說已經非常令人滿意）。就圖片所看，鵝肝都份量十足。值得一提，雖然只是荃灣小店（又不是什麼大集團），但是招待人員服務周到且有禮貌，值得讚揚。…查看更多

開店幾個月依然大排長龍，真係要試下係咪真係咁好味！ 男朋友好醒目地點咗個 double smoke shack，然後幫我點咗個素食嘅 shroom shack！起初見到實物時到唔覺特別，double shack 亦唔見得份量好大（原本以為美國菜會低分啲），fries 就一般般啦！另外心諗食 burger 梗係食牛，點解要我食 portobello mushroom？！食落其實好有驚喜！大啡菇炸到剛剛好，裡面仲有啱啱溶咗嘅芝士，而且做到芝士拉絲嘅效果添（成 20cm 都有呀）！我覺得呢個 burger 點都要試下嘅～最後飲埋香港限定嘅 milk tea shake，感覺非常圓滿！…查看更多

有無試過喺 IKEA 食咗先 $200 幾蚊嘅晚餐？我就試過呢！今次嘅大餐就夠晒豐富囉！有烤雞、牛扒、招牌瑞士肉丸，仲有甜品添，埋單都只係 $200 左右！雖然無咩 service 可言，但係真係好抵食！…查看更多