chloe0102的個人專頁

今日晚上3個人7點攞飛，等咗一個鐘下一張就到我哋，然後有2位喺我哋之後黎入去坐低咗，覺得可能係訂咗枱/只有細枱就無理到佢哋。但係10分鐘後有四人枱走，以為終於到我哋，點知前面入去嗰2位突然之間轉咗去四人枱，之後叫咗後面2位入去。？？？我哋3個喺成頭問號。覺得佢咁樣安排非常唔合理，加埋我哋在內仲有2張3位等緊，等咗一個鐘，同埋嗰陣已經8點，間舖又收10點，仲要無限時，即係我哋唔使等啦。最後又等咗半個鐘都無人走，決定走人唔等。完全唔識安排坐位，無考慮過後面等緊嘅客人。如果轉枱嗰2位覺得二人枱太細，應該叫佢哋出返門口等，而唔係坐咗十分鐘等有人走先轉。…查看更多

1人行👩🏻嗰日要去學跳舞💃🏻，諗住做運動之前食餐好嘅，就喺附近搵咗間睇落唔錯嘅Cafe☕️，試吓好唔好食，點知又唔錯喎👍🏻去到嗰陣差唔多3點左右，冇乜人完全唔需要排隊，佢係嗌咗嘢食先坐低，嘢食都好快上，員工唔多得2、3個，態度OK嘅呢間Cafe嘢食偏貴，本人都食咗$150+💸，淨係一個飯都已經$100+，但係想試吓新嘢嘅朋友都不妨一試，可能會有驚喜㗎😋…查看更多

3人行👨‍👩‍👧又到每星期日去搵好囉食嘅時候啦！今次揀咗元朗YoHo嘅一間cafe，睇menu 個陣發現有好多款嘢食就坐低咗😂我哋每人揀一樣野食同嘢飲（冇影曬 太心急）嗌咗椰子咖啡同珍珠涼粉咖啡我諗會再食多次😂😂真心好食👍🏻…查看更多

之前食過堂食覺得幾好食，今次叫咗外賣試下水準😋Total食咗$628，少貴🤏🏻，但係都唔錯，個人覺得堂食會好食啲最推介：酸菜魚，「例」係細份啲嘅，2-3人適合，都可以多人食叫多幾個餸，係一個唔錯嘅選擇！…查看更多

2人行👭🏻家姐介紹我去食呢間花甲粉，懷住試吓嘅心態又發覺唔錯👍🏻，舖頭比較細位置唔多，當時係唔需要排隊，上菜嘅速度都幾快。叫咗2份花甲粉，份量啱啱好唔多唔少，價錢中等，幾抵食嘅😋佢有好多唔同選擇，唔同嘅辣味🌶️（麻辣、醉辣、魚湯）分大、中、小辣，可以加唔同價錢嘅配料，根據唔同人嘅口味揀返自己鍾意食嘅。本人揀咗魚湯花甲粉，轉左$5烏冬同加咗$8豬大腸。家姐揀咗醉辣小辣，轉米線，加咗$6牛丸同$10豆漿兩份飲最後兩個人賣單$125，係一間會再去食嘅花甲粉🫶🏻…查看更多

4人行👨‍👩‍👧‍👧叫咗3個主食，1個pizza，2碗湯2條友係北角行行吓肚餓搵嘢食，去到北角匯見到間幾靚嘅餐廳，睇吓menu 又好似幾jeng就叫埋爹哋媽咪一齊食。入到去坐咗係窗口位，望到個海景，都幾有feel架，啲侍應都好好態度😊個人覺得最好食嘅係個pizza🍕，對於一個對pizza興趣唔大嘅人黎講都食咗2塊😋，可想而知有幾好食，薄餅厚度適中，料夠足，仲可以拉絲添🧀係價錢有少少貴，不過都仲可以接受…查看更多

4人行👨‍👩‍👧‍👧 $1700左右叫咗個4人餐，包括：2份前菜、4碗湯羮、4份主菜、1隻扁平鴨、4份甜品、4罐汽水小食：黃金魚皮、巴蜀口水雞湯羮：松露海皇羮主菜：宮保蝦球、孜然羊架、辣子雞、白菜甜品：白朱古力牛奶凍、楊枝甘露最令人驚喜嘅係扁平鴨，稱為「會跳舞的烤鴨」，佢有10種配料可以配搭，例如傳統甜麵醬、青瓜、藍莓醬等，用烤鴨不同的部位配搭不同的口味。你令我對一般嘅片皮鴨有所唔同幾認識，原來仲可以咁樣食。😋整體上符合大眾口味，希望嘗試不同口味話想有新嘗試嘅人可以試吓羲和小館。期望大家都有一個愉快嘅美食之旅 ！🥰PS：掛住食，有啲相未能提供…查看更多