yaau的個人專頁

端午節的家庭聚餐，由奶奶提議，估唔到性價比都幾高，叫咗個4餸1湯套餐$398加埋1鹹菜、1啤酒、1白飯同茶位連加一係$600左右，滷水雙拼，鹹肉豆腐，枝竹斑腩煲，金銀蛋莧菜加個西洋菜豬肺湯。呢4個餸質素堅唔差，暫時係天水圍幾間茶樓中算係最啱口味！用OpenRice訂位仲有一個小菜送，食完全部嘢仲有蕃薯雪耳糖水，糖水好重薑味，意料之外全部都好啱口味，性價比也相對較高，服務都唔錯，決定以後家庭聚餐就會去呢度啦，最緊要所有餸係有味但唔鹹，值得推薦！…查看更多

諗住一家人到啟德行返轉同食德國餐，點知去到無德國餐食，只好搵咗一間大小朋友都啱食嘅餐廳！只是幾個點心，應該是地點問題，埋單已是$6xx尾，有夠貴！只能說雲吞麵，小籠包還是不錯的，其它幾款也不推薦。個人就唔會再去食！…查看更多

網上見人分享左半自助邊爐都係$78。於是今日去左牛一食午餐，2點到，都要拎飛，等咗5分鐘就有位了。入面都有唔少人呀！揀咗$78/60分鐘，出面自助拎嘅嘢食好多款色，拎咗啲腸，丸，炸芋頭，菜⋯⋯仲有嘢飲後返位，10分鐘未見有肉上就叫咗人幫手跟，轉頭就嚟咗，但牛五花就肥咗少少！豚五花都幾好味！啲待應姐姐幾好人，夠快手！之後食咗半個鐘就飽咗，就周圍影吓相，同試下雪糕同豆腐花，估唔到豆腐花都幾滑，仲有椰子味雪糕唔錯！嘢飲方面有驚喜，竟然有啤酒同手搖茶，可以試下自己沖嘢飲，又幾好玩😆！其實加$30就可任飲生啤，好抵呀！總括嚟講，餐廳嘢食都好新鮮，同多選擇，食1個鐘大人細路仔都會好飽！以後可以多啲過嚟食午餐啦！…查看更多

今日開OpenRice，係收藏度搵咗出嚟，決定一試。因6點15分到，樓下層已坐滿。原來樓上仲有一層，都有唔少枱。限時食90分鐘，坐底就用QR code點餐，嘩！比想像中多嘢揀，真係大細都啱食！平時係食天水圍個邊日本菜真係無啖好食，元朗呢間性價比好高，三文魚腩刺身8片$98，原條鰻魚都係$118，沖繩生啤2杯都係$68，牛油果軟殼蟹$45。。。。。。今晚食咗22樣嘢，埋單都係$798。相當抵食！刺身好肥美同新鮮，屋企人都話下次食日本菜要再返嚟食呀🤭🤭🤭…查看更多

隨意走進的一間餐廳，坐位必須跟佢餐具坐的鋪😅，好死板！跟住坐低咗，點餐時又問我哋飲湯定豆漿，咁咪豆腐囉，以為2揀1，原來湯送，但豆漿要加錢😅，又唔講清楚，只好硬食！之後叫左紅燒獅子頭，酸菜魚，加配小籠包同紅油抄手。首先豆漿正常唔太甜同稀！小籠包同紅油抄手都係唔錯嘅！紅燒獅子頭啲肉太淋，完全無口感，配啲素姑都唔好食。其次酸菜魚啲魚肉又梅又腥，暫時未食過酸菜魚的肉咁難食，成碗酸菜魚中，大概得7-8片魚肉，4片的萵筍片，下面都係芽菜！完全唔掂！應該無下次！…查看更多

無意中發現香港開左間賣斑斕蛋糕店，本身都鍾意食斑斕產品，仲唔到一入間鋪就聞到好濃嘅斑斕味。核桃斑斕蛋糕咁啱賣曬，我就落訂等20分鐘再去買新鮮出爐嘅蛋糕。啱好食個午餐轉頭去拎。拎到手時，底仲熱嘅，入袋唔可以封口。拎到返屋企已急不及待拎嚟食。一入口好鬆軟，仲香噴噴，口中有核桃加斑斕味，好正！連平時唔食蛋糕的男人都話好味！下次經過要再買！以後去新加坡唔使買啦。…查看更多

一直想嚟試下，今日做完正經嘢後，就入咗去食，第一次食分別叫左鮮魚湯同酸辣湯，沒睇清楚叫左滷水雞翼竟然係辣嘅，搞到小孩食唔落，最後待應姨姨好好人，可以幫手加清落個大碗度。反而個酸辣湯做得唔錯，豬頸肉都好味👍。…查看更多

今晚無煮飯，去了重新裝修的西餐廳。新開就有唔少小棒場客。等咗6張枱先到我哋。坐底係中間梳化位，感覺餐廳乾淨咗，但最唔好都係冷氣口吹住個頭。最後叫咗2個扒餐同1個意粉，食左三份一先醒起影相😂⋯⋯澳洲肉眼扒最唔值，雜扒最豐富，意粉就不過不失，應該無得揀再嚟幫襯了🙈。…查看更多

今日老公推介就一齊去食個湯飯。每人點了一個餐，蕃茄豆腐三文魚湯飯$63，生菜豆腐鯪魚球湯米粉$68，2個湯都唔錯，起碼飲完唔會口渴。套餐包：生滾湯+一個小菜+飯/米粉。感覺一個餐有2個餸，都抵食。今日2個餐都有魚，雖已小心食，但都被條細魚骨插左係牙肉度，最後返屋企先掹到出嚟，下次唔再叫有魚嘅湯啦。…查看更多

今日行完山，經過藍地就入咗呢間餐廳，估唔到餐牌上的價格大眾化$50左右，叫咗2個餐分別係蒜香炒意粉$50同早晨全餐$47，意粉好香蒜蓉味，個全餐都好豐富好味😋，食飽我哋都好滿足😊。小餐廳大意外，有機會要再去食😆…查看更多

網上睇到食評不錯，心思思想食一排，終於今日同個小情人去食午餐，叫咗卡邦尼意粉同夏威夷pizza共$138。卡邦尼意粉還可以，但pizza感覺個餅未烘到，唔夠脆。有個餐湯，不似我預期好味。整個餐有點偏貴。…查看更多

無意下經過，已聞到好勁的油煙味，都已不想進去。但之前一直想試下，都係快快食完走。於是叫左老壇酸菜魚配薯粉。不包野飲就$73，加杯凍飲$7。湯內只有酸菜，鱸魚，配菜豆卜和萵筍是自由選配，整體味道是不錯，但跟其它店比，這份量偏少，性價比較低。份量女生食夠飽的。…查看更多

11月頭去開屯門就走左去食烤魚，因為午餐的一人烤魚最抵食🤭。有幾款可揀，但我覺得江團魚較少骨，就點左佢嚟食。還可以加配特飲，超抵啦！條魚食落幾香口，一個人食完條魚已食唔到碗薯粉🙈，安全起見就叫左柑桔檸檬來飲。…查看更多

一直想試食，後聽朋友講唔錯，就一家人去食晚餐，試左，真心天水圍的日式餐廳比較下，算是最好的一間。晚市有加一服務費，消息$200就有現金卷$20回贈，可下次用，本身打算午餐用，可惜只限晚市可用。午餐就沒有加一，午餐也算抵食，昨天叫了個吉列豬扒拉麵+3件壽司都只是$70，牛肉拉麵+3件壽司係$75，食完壽司，先發現忘記了影壽司相，我哋仲加配左其他都只是$1x-$2x, 加左雞軟骨餃子$15，三文魚刺身三片$22，2個拉麵餐同其它加配都好好味，所以食到超飽。…查看更多

今日同朋友一齊去咗沙田恐龍公園，玩完就揀左呢間食，叫咗熟牛河$96，海南雞飯$112，豬扒撈㩚$102，食前忘了影相，由於海南雞飯係朋友食，說不錯所以很快就食晒。而我跟仔仔各叫了熟牛河同豬扒撈捞，我覺得2個食物質數差太多了，一天堂一地獄，當然牛河係整得好出色同好味的，但加配熟柚子蜜也加$12就太貴！最慘係熱飲都有頭髮就覺得恐怖！豬扒撈㩚就係我食過最差的一次，芽菜沒有焯過，真的接受唔到，還要比牛河貴，真的無言了。整得唔好吃的乾脆唔好放餐牌啦。…查看更多