sikmeho的個人專頁

餐廳位於尖沙咀海港城，連續多年榮獲米芝蓮一星。小編試咗佢嘅$888 (+10%) lunch menu～ 整體體驗唔錯，菜式有記憶點，慶生一流🎉如果用餐環境更能提升，用餐體驗會更加出眾！個人認為lunch menu性價比較高，值得一試！----------------------------‧₊˚ 開胃菜Amuse Bouche有兩款餐包——French Baguette同酥皮麵包。酥皮麵包每一層酥皮牛油味好香濃，唔洗咗搽牛油～‧₊˚ 鮮甜油甘魚 Hamachi crudo with jalapeño and shiso油甘魚非常新鮮，入口時口感冰冷，魚肉質地豐腴細膩。青椒汁更能提出油甘魚嘅鮮味，同油甘魚好夾。前菜好出色！‧₊˚ 日本水果番茄配西班牙油醋汁 Amela fruit tomato with gazpacho vinaigrette呢道菜好特別，amela 番茄本身味道非常香甜，加上番茄水啫喱同西班牙油醋汁，味道交錯，有點地中海風情。底層好似一個奶凍，甜甜地，成道菜配搭特別得黎又幾夾。‧₊˚ 香烤法國鴨肝配羅望子檸檬草及鍋巴 Grilled foie gras with tamarind lemongrass and toasted rice羅望子檸檬草可以平衡鴨肝嘅豐腴油脂感，配上外脆內軟軟brioche麵包食一流！‧₊˚ 法國黃油雞配雞油菌 Poulet jaune farci with sauce suprême左邊啡色個舊下層係慢煮雞肉，上層係雞肉mousse，有兩種唔同嘅口感。黃油雞醬汁幾creamy同rich，小編鍾意呢款醬汁多過黑松露醬。隔黎黃色嗰個係炸雞天婦羅。‧₊˚ 梳乎厘 Soufflé梳乎厘嘅味道係薑味，蛋味香濃，蓬鬆又有滿滿嘅空氣感，難怪係呢度嘅招牌！梳乎厘亦配上薑味雪糕。‧₊˚ 法式美點 Petits foursMadeleine 係普遍常見而且看似簡單嘅甜品，但呢度嘅madeleine幾出色！外殼酥脆，內裡質感軟綿有空氣感，而且有蛋香味 👍🏻😍最後慶生送咗個朱古力opera cake，朱古力味好rich🍫…查看更多

二訪荔枝角人氣居酒屋，繼續巨量海膽鵝肝盛宴！餐廳一年後仍然座無虛席，而且見到最近餐廳轉咗menu，主打鵝肝同海膽，幾有誠意。黎到可以試下招牌菜金酒杯—份量超大，有海膽、三文魚籽、拖羅蓉同松葉蟹肉，同紫菜包著黎食一流！想一次過食曬海膽同鵝肝，可以點海膽鵝肝三文魚籽飯，滿口都係海膽同魚籽嘅鮮甜，或者係鵝肝嘅油香！另外最驚艷嘅係炙燒爆膏四頭巨型虎蝦，從來冇見過10吋咁長嘅虎蝦！超級厚肉同鮮甜，好出色😚串燒方面，自家製雞皮蝦值得一試，雞皮油香滿溢，蝦肉爽彈。其他串燒都juicy～…查看更多

媽咪雞蛋仔由2014開業到宜家一直人氣高企，曾經連續六年獲選米芝蓮！小編六年前已經開始食，茶味係必點！最近中秋推出咗特別口味，趁呢幾日可以試下！所有分店（除咗海洋公園分店）都有🤓-—————————白蓮蓉蛋黃月餅雞蛋仔 $49雞蛋仔外脆內軟，鹹香味同白蓮蓉嘅甜味都幾突出，真係好似食緊月餅咁，但係唔會好heavy🤪抹茶豆花豆乳凍 $34估唔到呢度有咁多款飲品！抹茶採用宇治抹茶粉，同豆乳平衡得好，好有驚喜！成碗豆腐花倒曬落去，好足料🤓 抹茶控一定要試下…查看更多

小店由韓國人主理，空間唔算唔大但有親切感，窗外嘅佈置有啲似益善洞嘅cafe！餐廳夜晚開到凌晨，如果OT完仲可以過黎食🫢 記住ig dm餐廳book位！餐廳嘅lunch set 只係$88起，幾抵食！餐廳亦免切餅費，好適合慶生（會播好特別嘅生日歌，朋友尷尬了🤣----------------------------烤全雞 $288雞皮烤得好脆身，雞脾幾嫩滑多汁。加埋芝士同粟米食超幸福～ 最底仲有啲糯米同飯焦，配搭幾特別。----------------------------辣炒章魚 $188章魚同粉絲好易咬同埋入味，非常推介！成道菜好惹味，而且唔辣，唔食得辣嘅朋友都食到👍🏻----------------------------韓式薯仔豬脊湯 $148豬脊湯梅菜味較重，豬脊份量好多而且煲到好軟腍，但薯仔可以更加入味～ 冬天飲呢個湯會更加正🥰…查看更多

之前食過minimal，幾有驚喜，今次黎到minimal嘅分店Kobane一試，環境同食物都一樣高質～Cafe採用簡約和風設計，落地玻璃可以讓自然光透入，採光度高，好舒適寫意餐廳好寵物友善，狗狗都可以坐室內梳化🐶聽講餐廳嘅甜品比主食更出色，遲啲再訪試一試吧😛-—————————壽喜燒牛肩肉鹿茸菇燴飯 $125Risotto雖然creamy，充滿牛油香，但唔會太膩。牛肉唔韌，加上壽喜燒同埋蘭王蛋呢個經典配搭真係冇得輸！燴飯份量啱啱好，但係好惹味，食完想再食！-—————————醬油漬吞拿魚茶泡飯 $120泡飯有五大塊經過微微火炙嘅吞拿魚，有啲筋但係好新鮮。除咗醬漬吞拿魚之外，仲有鯛魚同三文魚籽。整體唔算好飽肚但係調味啱啱好同埋好暖胃🥰-—————————焙茶鮮奶（熱） $45焙茶味幾濃郁☕️…查看更多

串揚（或者串炸）係源自大阪嘅一款小食，指係食物塗上薄薄嘅炸粉炸至金黃色。佢同串燒唔同，而好唔好食就真係好考功夫。餐廳除咗有串揚套餐之外，亦有特惠午市套餐，價錢好合理。呢類餐廳係香港比較少見，雖然佢嘅位置比較隱蔽，但係食物質素好高。大阪土手燒牛舌飯 嘅牛舌炆得幾腍，而蘿蔔都冇渣，入味之餘依然保持鮮甜。牛舌份量幾多，但食曬都唔覺肥膩蒲燒鰻魚飯嘅鰻魚厚切肥美，好惹味，而鰻魚汁非常濃郁，食得好飽好滿足！另外套餐亦可以加配串揚小食，黎到點可以唔叫😆串揚冬菇炸衣好薄，微微呈現金黃色，而且因為食材本身好新鮮，冬菇表面乾身之餘入面依然好juicy ，串揚雞翼亦好香口…查看更多