laimanfish的個人專頁

今日喺灣仔上堂唔使返工, 有1.5小時午飯時間, 原本喺OPENRICE搵左幾間合心水嘅餐廳, 點知去到嘅時候, 有幾十人排隊....喺附近行下睇下有冇其好嘅選擇就俾我發現左呢間「隱世」嘅咖啡店, 唔使等位之餘, 仲有好優閑嘅氣氛, 有三四個顧客分別坐唔同嘅枱, 有用嘅手提電腦嘅, 有嘅一面聽一面享用午餐, 有嘅就同朋友/同事傾住計, 估唔到LUNCH時間喺灣仔呢個地方會有咁嘅景象~ 選了三款午餐嘅其中一款:韓式牛肉漢堡, 再加沙律, 一共$52, 價錢唔算太貴~ 慢慢享受完午餐之後, 再欣賞店內嘅佈置及寧靜嘅氣氛, 在忙碌嘅生活節奏下, 能夠喺呢度花上一小時, 就好似休息左兩三個小時一樣, 叉完電又可以繼續努力拼搏!!!…查看更多

因天雨關係, 由燒嘢食變左去食放題, 三間選一間嘅情況下, 我同另外兩個朋友揀左嚟吉壽, 原因為其中一個朋友嚟過, 覺得唔錯, 冇謂搏嘛~BOOK左5:30最早嗰場, 被安排坐喺近許願牆隔離, 對住好多許願紙, 幾好MOOD架, 加上張枱係預左俾三人坐, 唔會怕坐多個會俾侍應傳菜時撞到, 幾貼心~坐落唔夠一分鐘, 侍應哥哥已經拎左個頭盤俾我哋, 叫我哋邊食邊叫啦~ 頭盤係一碟新鮮嘅刺身, 有幾種唔同嘅魚生, 而且都幾厚架, 又有鮮味, 啱哂勁餓嘅我~~~ 落單紙有十幾張, 小食、燒物、炸物, 泰式, 串燒、仲有好多好多....雖然放題都係大致食嗰D嘢, 但咁多張紙, 感覺好多嘢好食~先講刺身, 每件其實都算厚, 我哋叫左三文魚, 希靈魚, 魷魚, 甜蝦等, 講最鮮最好味嘅係甜蝦, 然後係三文, 其他嘅都OK, 只係唔夠前面嗰兩種咁甜咁鮮, 我最鍾意食玉子, 所以都叫左好多, 佢嘅玉子唔似其他鋪頭嗰D整到一層層, 但食落味道又一樣喎, 唔錯唔錯~前菜有枝豆、蜆肉, 酸蘿蔔、泰式鳳爪~ 枝豆裝滿哂個碗, 好似唔使錢咁, 蜆肉唔係普通嘅醬汁, 似用左沙律, 味道比較清新~ 酸蘿蔔入哂味好開胃, 鳳爪太大隻, 反而覺得有D難咬.....串燒叫左牛肉、雞腎、腸仔、蝦、芝士魚餅, 牛肉比較韌, 雞腎冇咩特別, 腸仔入面有碎粒粒, 似黑椒但又唔辣, 幾野~ 蝦就冇咩鮮味, 可能食咗甜蝦刺身有左比較....芝士魚餅就唔好味, 芝士唔夠多, 魚餅就得舊粉....燒多春魚落單係一份份嘅, 唔知係我哋誤會左定係張單唔清晰, 一份原來得一條....而且唔香口....煙肉車尼茄嘅煙肉包唔哂個車尼茄, 燒出嚟有D散左, 唔夠完美....炸物中嘅芝麻雞翼係全餐中最好味嘅, 炸得啱啱好唔會燶或者太硬, 脆得嚟又唔覺肥膩, 中翼上面有D芝麻粒, 個樣好吸引, 所以食左兩隻~~仲炸左D類似年糕嘅波波球, 只係得煙韌又黏口...炸蠔我就冇食, 朋友一叫再叫, 應該唔錯吧~ 仲有一個炸香芋粒同蕃薯粒, 兩款都好特別, 唔係間間餐廳都食到, 覺得可以試試~煮物類就叫左牛油粟米, 夠多牛油, 熱食最好~ 忌廉煮蜆嘅忌廉好味, 而且每隻蜆都有肉, 開哂口, 唔呃人~ 羊架我冇份食, 但見朋友食乾淨D哂骨, 應該入味同好味~ 和牛肉煮得過左時, 變得好韌同冇和牛味; 煮牛舌亦一般, 配菜嘅洋蔥同雜菜比主角多幾倍....仲有辣味魷魚鬚, 好野味, 有D似中式鳳爪嘅醬但辣少少, 正~最後叫左壽司, 只係差鰻魚冇食過, 叫左兩款, 一款有芝士, 一款係普通, 前者我以為塊芝士鋪喺鰻魚面, 但點知係夾喺飯入面, 感覺古怪唔好食, 後者正常, 亦夠燒汁, 不過不失~臨走ORDER左雪糕, 四種味道選擇: 朱古力、芒果、雪尼拿、芝麻, 都係細細杯蓮花杯, ORDER唔使一分鐘就嚟, 快到我哋都仲未食哂枱面D嘢, 結果只好食左雪糕先.....唔係甜品囉....…查看更多

買左團購一段日子, 諗住即日中午打去BOOK睇下有冇得食, 點知又俾我BOOK到喎, 就孖住朋友一齊去~侍應安排左我哋坐露天嘅坐位, 天氣唔凍唔熱, 覺得幾舒服, 而且坐喺行人路旁, 比坐喺入面好, 因為唔使個侍人隔住其他客人老遠咁遞D嘢食嚟~~~一開始先嚟個刺身, 唔係太鮮味, 得甜蝦比較好, 三文魚及其他魚類嘅魚生都麻麻地, 不過我哋落嘅ORDER都叫上齊, 冇比少我哋啦~然後叫左泰式鳳爪同蝦多士, 鳳爪冇骨, 又夠入味, 酸得嚟有少少辣, 好開胃, 蝦多士炸得太勁, 變得好硬, 亦食唔到有蝦味..椒鹽魷魚鬚份量好夠, 炸得幾脆口, 用嘅都係魷魚鬚嘅尾部, 所以唔覺得韌, 佢落左D辣粉, 所以唔食得辣嘅朋友可能唔係好受到, 不過我就食唔停口~多春魚同蠔好普通, 不值一提.....食左好多肉類同刺身, 於是叫左個馬拉盏通菜, 雖然D菜係老左少少, 但馬拉盞好香好野味, 所以又再叫多左一碟~~~怕唔夠飽, 叫下壽司嚟食, 牛油果軟殼蟹尚算OK, 只係牛油果好細粒....但個招牌瀧天月亮壽司就...唔知係咩做, 好輕微嘅酸味(但唔係變壞嗰種), 食唔出係咩料, 個面就有木魚碎, 總之就覺得唔夾唔好食!!最後叫左個魚生沙津, 預左碎濕濕嘅魚生粒, 再加粟米, 蕃茄, 因為唔夠沙津汁, 所以同食淨菜同魚生冇分別......甜品食左芒果奶凍同木糠布甸, 前者好香奶味, 後者嘅木糠唔係用瑪利餅, 所以味道麻麻....…查看更多

諗緊喺太子食咩之際行到嚟花園街其中一段有好多餐廳食肆嘅地方, 有D有好多人等位, 有D就一個人都冇.....最後揀左呢間麵店, 因為我鍾意食魚片頭~ 餐廳嘅姐姐見客人一入門口就SELL佢哋嘅餐, 但佢講左好耐我都聽唔明, 所以我都係睇餐牌好D, 叫左一個魚片頭米線, 加$6有碟通菜~ 姐姐仲叫我嗌多碟炸魚皮, 不過因為熱氣冇叫到....等左一陣間碗米線就嚟, 一共有四塊魚片頭, 而且塊塊都有1.5CM咁厚, 一D都唔似寒酸, 而且好爽口, 個湯好清, 唔係好覺有味精, D菜亦唔覺得好老或者韌~餐廳播住 Kenny G 嘅音樂, 好有情調咁~~~ 而且牆度掛左周潤發同蔡瀾嘅相, 真係估佢唔到......…查看更多

記得好耐之前嚟呢間食過, 覺得D喇沙好好味, 海南雞又好食...今日再光臨, 居然變得咁難食....嚟到見到個餐牌, set lunch 冇喇沙, 諗住問佢攞個主餐牌, 點都叫返一個嚟食, 點知個侍應話冇喇沙....唔係嘛, 成一點LUNCH時間居然冇喇沙, 咁仲叫咩馬來西亞餐廳呀.....唯有點返佢個餐牌上嘅嘢食, 我叫左個香茅雞扒炸蛋飯, 同事叫左個巴東牛肉飯等左10分鐘左右食物就嚟到....巴東牛肉個樣奇醜, 深啡色嘅泥漿加好厚又韌嘅牛肉, 個汁有好重嘅椰糖味, 但另一方面又好辣, 可能個廚師加得太多辣, 所以想搵D甜嘢中和返, 結果將個巴東牛搞到好奇怪, 而個香茅雞扒炸蛋, 平平無奇, 完全冇香茅味, 最頂癮嘅係佢有蔥油加喺雞扒面扮香茅囉, 不過D蔥油好咸好咸....至於D雞扒, 都係雪雞扒啦, 冇咩好講...咋蛋個粉漿好薄, 又唔脆口....可能廚師都知唔好味, 所以有一碟豉油俾我撈飯個餐包左一杯嘢飲, 我叫左咸柑桔蜜, 全個餐最正常都係呢杯嘢......…查看更多

聽得太多明將嘅劣評, 要揀入去食真係要有一鼓好大嘅勇氣....但又想過下癮食日本壽司, 於是心口掛左個勇字走左入去~先嚟兩個前菜, 一個係明將獨有嘅三文魚皮, 魚皮嘅醬汁甜甜地, 有d似八爪魚嘅種, 但又有少少辣, 魚皮好爽口彈牙, 份量都算幾多啦, 只可惜食到最後, 居然俾我食到二塊魚鱗....另一個係中華沙律, 冇咩特別, 份量好多, 而且佢D小食 每碟都係$16 , 可以叫抵啦~~~下午茶時間, 叫左兩個TEA SET, 三個人SHARE食, 豬軟骨拉麵夠哂多豬軟骨, 好似唔使錢咁, 放滿半個碗, 相比另一個鮑魚拉麵. 太差勁啦, 只係得5片, 個樣仲要令人好懷疑佢係咪真係鮑魚嚟, 咬落係有D硬, 又無味, 只係可以肯定佢唔係鮑魚菇....再叫多左一個鰻魚箱根壽司, 軟殼蟹手卷、櫻花蝦壽司同三文魚壽司....嚇死人嘅鰻魚箱根, 似有舊變壞左嘅玉子或者係加厚版嘅腐皮, 冇鰻魚味之餘仲要「鞋十十」軟殼蟹手卷嘅料就好足, 塊紫菜食到尾都仲好脆, D飯又包到落底, 夠哂飽肚 櫻花蝦壽司好乾身, 但都算好味嘅最出乎意料嘅係三文魚壽司, 可能因為完全冇期望, 所以一入口, 突然覺得好香三文魚味, 好新鮮, 只可惜已經飽...如果一早食, 應該會叫多幾碟不得不提嘅係佢杯茶, 係完全冇茶味嘅....好似飲滾水咁.....…查看更多

同爸爸媽媽去旺角行街, 帶佢哋去D食新嘢, 於是嚟到牛角食燒烤叫左三個set lunch, 諗住應該食同試到哂佢嘅牛肉, 入到去, 落左ORDER, 侍應好好態度咁為我哋介紹左佢哋嘅醬料, 我哋每人加左一D入個碟度, 等左大概五分鐘就開始有嘢食嚟嘅係沙律同五品燒肉定食, 個樣都唔錯架, 沙律有好多麻醬, 好香同好清新, 我哋一人一件燒咁放去爐, 大概等分幾鐘就食得, 只係覺得唔係好夠肉嘅香味, 雞同豬頸肉嘅肉質比較好, 但係牛就比我想像中差, 冇咩牛味.....不過加左醬料會覺得野味D, 可以送飯~~叫左幾種牛嘅燒肉, 其實燒完都唔覺得有咩特別好彈牙, 一D都唔覺得膩, 加上佢嘅胡麻醬真係好夠, 所以全部嘅烏冬都可以沾到, 而且紫菜下面仲有隻溫泉蛋, 好正!!!最後叫多左個海鮮薄餅, 爸爸話想試下佢哋整嘅嘢喎, 等左10分鐘左右, 薄餅嚟到唔算好熱, 而且出奇哋厚同少海鮮, 只係食到粉味....最後係因為唔想浪費而硬食落去....真係好難食.....叫佢吔起埋個甜品, 都要等10分鐘.....乜雪糕唔係整定架咩.... 好彩佢都好味, 面頭有D粉末, 似係餅碎, 仲有D焦糖醬淋喺面, 令到個雪糕有多D層次, 幾滿意~~~…查看更多

因為太大雨嘅關係, 原本諗住去花園街嘅其中間德國餐廳慶祝朋友嘅生日, 但人太多, 兩太大, 覺得行到去身都濕哂, 咩MOOD都冇哂, 所以決定轉地點嚟到家樂坊, 喺豚組同大阪王將之間選擇, 見大阪多D人坐, 所以就入左去~ 餐牌講到個定食份量好大咁, 見隔離枱都幾大份, 我哋又唔太肚餓, 三個人叫左兩個定食, 一個係豚肉拉麵定食, 一個係海鮮定食......嚟到個樣唔太吸引, 亦唔大份, 先講個豚肉拉麵, 得兩舊細細舊嘅豚肉, 肥肉多過瘦肉, 配料多過主菜.....好彩味道都唔差, 湯底幾清, 而個海鮮拉麵有一隻蝦同一隻帶子, 帶子唔覺得有鮮味, 蝦就冇食到, 所以評論唔到......呢間嘢應該係SELL餃子嘅, 兩個餐一共有12隻餃, 一夾起個皮已經散左, 不過唔見有肉汁流出嚟, 咬落反而覺得有少少汁, 入面有好多菜絲, 所以都幾爽口, 只係冇咩肉味同鮮味囉....總括嚟講, 呢餐真係冇樣好食.....難為左我嘅朋友.....唯有答應佢食多餐補數!…查看更多

5點幾出左旺角, 但又未夠鐘同auntie食晚飯, 所以就行街街食個tea, 見到許留山有個set tea, 可以選三款甜品, 價錢又唔貴, 就決定去食~唔知係間鋪難搵定係冇咩人食, 所以入到去即刻有位同叫嘢食~ 等左大約十分鐘, 甜品就嚟到~一品芒滋好juicy, 皮都幾薄個班㦸就最好食, 入面有好多忌廉, 但又唔覺得太甜, 只係面嗰粒士多啤梨有少少酸最唔好食居然係個芒棒, 朱古力皮雖然係脆, 但兩支棒真係雪到變左凍條, 似果汁冰多過真芒果, 完全冇哂芒果嘅質感同甜味, 所以有d失望…查看更多

要去禾輋做D嘢, 所以近近哋喺禾輋商場搵餐晏仔食下, 今次行左商場一圈, 都係入返金仔食米線, 有信心D, 份量又啱啱好~ 今次叫左腸仔蟹子丸豬軟骨沙爹米線, 上次見到媽媽叫呢個, 好豐富咁嘅樣, 所以我就叫嚟試下~~ 2 粒丸加一條, 好正常, 但豬軟骨嘅份量就超大份, 可以比得味千拉麵嘅豬軟骨拉麵嘅份量, 兩舊大大舊, 軟骨又多, 而且味道一D都唔差喎, 好入味, 又腍, 好味~~~上次食唔到木薯粉, 今次終於有得食, 朋友叫左, 痴左D嚟食, 透明波浪形嘅麵條, 好得意好彈牙, 雞翼係炸嘅, 俾D湯整腍左, 反而入左味, 唔怕咁熱氣, 不過木薯粉本身唔係咁索味, 所以覺得冇米線咁好味......飲品依然係叫返咸檸水, 半個咸檸啱啱夠味, 唔太酸或者太咸~~~…查看更多

夜晚做完嘢唔想同人迫, 去到荷里活廣場搵間少人等位嘅越棧, 人流快, 而且唔使加一~~叫左一個二人餐同同事SHARE , 包兩碗檬, 兩款小食, 一碟蘿蔔/生菜同兩杯嘢飲, 都係$158我同同事分別叫左香茅豬扒同雞絲撈檬, 雞翼拼豬頸肉, 上湯蘿蔔, 一杯椰汁紅幵冰同紅棗啫哩茶先講撈檬, 我食嘅係脽絲撈檬, 都算有幾多雞絲, 碗底有生菜絲, 面就有炸蒜同花生碎, 加埋佢D甜酸汁, 又香口又開胃, 檬粉都好爽口同易撈, 唔會痴埋一舊~朋友嘅香茅豬扒聽佢講都唔錯嘅~ 小食有豬頸肉同雞翼, 份量都算多, 雞翼炸得幾香, 連D軟骨都可以食到, 加埋佢D荵一齊食, 好野味, 而豬頸肉整得都唔差, 只係切得太簿, 冇咩咬口.....蘿蔔都幾甜同 大大舊, 不過我鍾意多D菜類, 一碗得五舊唔係幾夠喉.....最後就係嘢飲, 開頭覺得個名幾得意, 飲落先知原來係怪嘢.....叫嘅係熱嘅紅棗啫哩, 唔知係咪因為咁, 所以D啫哩熔左, 而且好甜好甜, 飲左一半就冇再飲....不過咁嘅價錢, 食到咁多嘢, 又幾好味, 都值得推介啦~…查看更多

因為工作嘅原因去左九龍灣德福食嘢, 諗緊食元氣定係板長, 最後選擇左後者....結果, 有D後悔....叫左一個SET LUNCH, 有麵豉湯同雜錦魚生飯, D飯唔夠凍, 所以夾埋D魚生, 感覺怪怪咁, 而且蛋多D魚生, 飯多過餸, 只有最頂嘅酸薑最好味~~為食發作, 叫多個熱食嘅燒玉子同鮟鱇魚肝軍艦, 前者還可以, 暖暖地, 好香蛋味, 講真, 呢樣好少會難食吧.....但後者用兩舊拇指指甲咁大嘅魚肝去做, 仲要一夾就散哂....諗住試真D味, 就咁食魚肝, 但真係太細舊, 只係試到好淡嘅鴨肝味, 但唔係應該有D魚油嘅香味嘅咩..... SET LUNCH可以加$5多一罐汽水, 但趕住走, 將汽水外帶了.....…查看更多

好耐都冇行過禾輋, 發現禾輋商場變左好多, 多左好多食肆, 裝修得好靚添~經過呢間金仔米線, 被佢嘅招牌吸引, 一個午餐只係$35左右, 仲有埋野飲, 佢仲要星期六、日嘅下午茶由12:00 開始, 午餐可以每個減$5, 即係廿幾蚊就可以食到, 所以就入左去金仔米線食嘅嘢有D似譚仔, 都係可以揀唔同嘅湯底, 唔同嘅配料, 當然佢有一D係夾好哂嘅午餐同下午茶餐, 而佢仲可以加$10配小食, 例如拍青瓜, 炸玉子豆腐咁, 睇餐牌就幾大碟, 但我就冇叫~ 最後我揀左個午餐, 有肥牛、蟹柳同墨丸, 轉左個沙嗲湯底~~ 不過可能因為午膳時間, 幾乎坐滿, 所以等左差唔多二十分鐘先有得食...餓死左... 食物嚟到,先試湯底, 沙嗲味好香好濃, 仲有少少花生, 湯底仲有D芽菜同腐竹, 米線加埋湯底一齊食, 味度啱啱好~ 肥牛真係好肥, 只得, 得三分一係肉... 蟹柳係普通超市買嘅, 一條切開兩邊, 睇落多D咁.... 墨丸得兩粒, 不過睇在有三種餸, 又咁嘅價錢, 湯底又好味, 就算數啦~餐飲叫左熱咸檸檬水, 見嗰半個咸檸好似冇咩色, 但飲落口又好香, 好醒神, 仲要唔使加錢, 抵!! …查看更多

今天工作不太繁忙, 可以到遠一點的荷里活廣場吃午餐, 選了新開不久的<小王牛肉麵> , 第二次試這間店, 感覺比第一次吃的好味~第一次吃牛筋麵, 覺得有好濃的牛肉味, 麵條和平時的不同, 像河粉, 沒有味道, 只覺得彈牙......今次叫了一個肉燥滷蛋伴麵, 肉燥很鮮味, 有啖啖的肉香, 加上少少肥肉混在一起, 感覺真的和台灣吃的肉燥一樣, 十分好吃呢!!!! 滷蛋只有半隻, 而且不夠入味, 顏色很白....說是伴麵, 心想應該係沒有湯的, 但上菜時見到的卻是一碗滿滿的湯, 和湯麵沒有分別! 不過上湯也很濃牛肉味, 應該是用牛骨煲的, 沒有油在湯面, 喝了也不覺得口渴~ 湯和麵條一起吃, 增加了麵的味道, 而且今次發現每條麵條雖然都是扁扁的, 但卻粗幼不一, 似是人手製的, 很有心機!!另外亦叫了小食, 魷魚酥~~ 店裏用的是魷魚觸鬚較尾的部位, 比較鬆軟, 而且沒有厚厚的炸漿, 入口不會覺得很油。$22一碟, 份量不算太多, 和同事一人三、四條便吃完....…查看更多