mm438的個人專頁

某天洗車時有人介紹我去試下，話自己都成日食開好味道，但多數要排隊先買到。我去買果時的確要排隊，等左幾個字終於買左半打，西餅雖外貌平平，但食落的確好味。入口餅底軟綿，味道清甜不膩，連我平時不愛好食甜品，都會想一口氣食哂半打0既衝動。當晚約左人食飯，食左兩三件，剩低0既西餅，隔左夜第二晚再食，令我更驚喜，竟然隔左咁耐時間，口感同味道仍然保留到，完全冇隔夜餅感覺，keep到新鮮好味！下次朋友生日，都打算去呢間訂蛋糕，好野值得推薦比朋友！…查看更多

呢間係老牌嘅連鎖式酒樓，其實由細飲到大，亦都睇住佢愈做愈差。員工服務態度愈來愈差，樓面同收銀個個黑口黑面不單只，而且質素愈來愈低，連安排位置都吾識。下午茶時段，入席率都吾夠3分1，格硬要4位吾相識嘅客人迫埋同1張細圓枱，根本吾夠位擺野食。食吾哂嘅野食，問樓面拎膠袋，有d當聽吾到，有d當睇吾到你，問左四五個都冇人應你，然後到有人理你時，職員話下午茶拎走要收正價，膠袋亦要收費。出街飲食咁多年，除左自助餐同$1堂食優惠係吾可以打包，第一次聽到下午茶係咁限制，而且所謂下午茶亦吾係真係好平，吾比客人拎走好吾合理，入席時亦冇講過下午茶吾可以拎走。而家度度都講緊環保，竟然仲有呢d咁吾環保嘅食市迫客人去浪費食物。…查看更多

同友人揸車去元朗食飯，貪佢門口可以泊街睇到車，就試左呢間。個場好大，人亦吾多，都吾洗等位。一坐低就有位呀姐好粗聲粗氣咁走黎問我食乜，我心諗我地連餐牌都未睇喎，跟住佢好吾耐煩咁叫我地睇下先。到我叫佢埋黎落單，佢又話我點果樣吾好食，叫我點呢樣果樣... 我心諗我自己食乜都冇話事權？！洗吾洗咁多意見呀？況且呢個呀姐講野又大聲又粗魯，我一D都吾鍾意囉～ 响等餐期間，我地發現左最恐怖嘅事就係... 好多小強周圍爬，仲要响擺放食具同已經裝水杯個櫃度不停爬，地下都見到D小強响腳下穿梭。每人1個碟頭飯+1杯凍飲，盛惠$7x一個人。我同友人都一致覺得吾會再有下次❌❌❌…查看更多

我因為胃食，聽人講隔離間BB茶座好出名，所以慕名而去，特登揸車去食，結果當然失望啦～ 離開果時，就發現左旁邊呢間陳鳳記，決定下次要試，點知幾次去都吾合時，撞岩佢地休息，到第三四次先試到。難得試到，我地都點左佢嘅超級早餐食。呢份早餐好有歐陸風味，食材用料吾錯，廚師都煮得好有心機，各種食物都水油份平衡，香口得黎吾會太乾。我與同行友人一樣，其實都對佢個自家制果醬一試傾心，果味香甜，連平時吾多鍾意食面包嘅我，都為食呢隻果醬而食好多面包。之後我地有時間都會特登揸車去陳鳳記嘆早餐😋…查看更多

吾知係未壽司市場競爭大左?! 今日我試完呢間d壽司，覺得貴夾吾好食，完全中哂伏~ 明明網上睇到有人讚佢好食，仲有人話抵食夾大件，今日親身試完，真係網上太多打手~ 先講size，其實佢吾係好大件，只係正正常常size，但d肉就吾係好新鮮，望落去冇光澤，食落口粗糙，同有d刺身已經梅梅地。飯就當然吾會係手握，亦吾會係日本米，朋友直情覺得d飯吾好食，跟比我嘅醬油味道古怪，wasabi黑黑瘀瘀色，亦食吾到有wasabi味，吾知係未因為擺太耐。價錢方面本身我地吾覺得貴，只要食物水準ok就合理，但相對於呢間嘅食物質素，我同朋友都覺得貴，咁嘅價錢食呢d咁嘅野，非常非常吾值得!…查看更多

成日聽人講呢間拉麵好出名，我個美甲師父又極力推薦，所以同家人冒名來試下。價錢吾貴，平均每碗拉麵$1xx，响餐牌點左3款拉麵外賣，番屋企路程5分鐘左右。番到屋企一打開，賣相一般，餸好少，已經聞到好大陣鹼水味，開始覺得中伏，再食第一啖，已經完全中哂伏。吾單只d麵難食，連d餸同湯底都好難食，就算當時我已經好肚餓，都只能勉強食左兩三啖醫肚就倒左。完全冇法想像，拉麵美味程度可以同預期相差咁遠，並吾係名大於實咁簡單，而係"好難食"，仲難食過某d拉麵連鎖店，簡直入吾到口🙊…查看更多

尋晚遊車河，同家人去試左呢間响大埔的潮州打冷。食物味道吾錯，起菜夠快，價錢公道。環境都算乾淨企理，就算坐出面d枱，地下都冇乜垃圾，吾會周地水濕立立。枱與枱之間距離適當，坐得舒服夠寬闊，傾計都方便d吾洗嘈到隔離。夜晚去宵夜仲可以坐出面，方便食煙，食得密都吾洗出出入入。舖頭前面就係停車場，岩我呢d夜遊駕駛人仕，可以一邊食野一邊睇車，不過附近夜晚都算多差佬，要小心抄牌，最好都係泊錶位。職員服務態度好，有禮貌，而且講流利廣東話，溝通好吾會落錯單。整體感覺良好，值得推薦👍…查看更多

之前响度食晚餐，今日試下佢個早餐，食品不過不失，但有位檬豬眼+齊陰+扎馬尾0既丫姐服務態度麻麻。吾知係未吾夠人手，所以發客人脾氣，落單時好清晰，又重複講佢聽早餐配搭，泥度都係錯左，同番個丫姐講泥錯左野，佢屈客人講錯，之後佢肯換但等左好耐，10:03am落單，等到10:50都未有得食，問佢咩事甘耐，佢話"重新落單要耐d"，早餐要50分鐘都未上得，咩玩法呀？車泊門口，冇諗過食個早餐要咁耐，搞到差佬抄左兩次牌都未食完個早餐，要走兩次鬼，真係頭都痕埋。…查看更多

朝早11點幾，我抱住個BB又拎住書包去攞位，門口個接待丫姐都吾肯幫我㩒飛，叫我"妳自己去㩒飛排隊"，黑口黑面同服務態度超差。坐低之後睇點心紙，發現同一款瑤柱蛋白炒飯，竟然比隔離商場間新明苑酒樓正價都貴$30一碟飯，點心又細件又油又吾好食，個粥D粥料同粥底分開，粥底又稀到水咁。飲茶需要多D時間落單等上菜，埋單問收銀個四眼丫姐攞泊車飛，佢態度好差咁叫我"妳自己八達通付款儲單啦"。飲咁耐茶都未去過間咁衰0既酒樓，人地話海港D野難食服敄態度又差，真係聞名不如見面！今日終於見識過有幾衰，再去好難囉！…查看更多

聽朋友介紹話好出名，所以有日lunch同朋友一齊去外賣左醉雞同豬扒試下，食完一d都吾覺得好食同有咩特別，豬扒同普通茶餐廳下午茶豬扒無異，醉雞雞肉有d老，酒香亦不足，同之前晌上海舖食的差好遠。。。…查看更多