esther515的個人專頁

即日book都好彩有位，上到去已經坐滿，一坐低簡單介紹完個食嘅程序，原來係一次過食完雞煲、跟住有海鮮、跟住再整個打邊爐。我聽完已經眼都凸埋，咁多野食真係$298 only ?🤣海鮮同邊爐唔錯，個牛頸脊幾好味，最後個糖水都好正！已經同fd 講定幾時再黎！支持留港消費，高質餐廳真係無敵！…查看更多

今日難得經開觀塘做嘢，就去試吓上次食過嘅六和冰室，因為上次係食夜晚嘅，所以都想睇吓晏晝會有啲咩食！去到見到隔籬枱叫咗碟酸菜魚，跟住我就望一望個Menu，估唔到竟然有個酸菜魚飯，見佢賣相咁正，梗係即刻嗌返碟試吓！真係估佢唔到個酸菜魚整得咁好食，個酸度啱啱好，最正係裏面竟然有我最愛嘅萵筍！ 六和連lunch都整得好好食，希望佢哋快啲開嚟尖沙咀，咁我就可以成日食啦！🤣🤣🫶🏻嗰杯即磨咖啡都唔錯，而且食物上枱都好快，基本上等咗唔使10分鐘！…查看更多

老友住喺麗港城嗰邊，所以元宵節就過嚟觀塘呢邊搵食。估唔到咁耐冇黎觀塘，成條成業街竟然有咁多餐廳！老友話呢間新開嘅六和冰室唔錯，所以姑且一試！今晚都叫咗幾多餸菜，不過唔係好記得影相，好多小菜都做得好出色，熱烈推介招牌吊燒骨、豉油王大蝦、仲有豉汁聖子煎米粉底！個煎米粉底真係一試難忘，呢排夜晚冇食澱粉質嘅我都忍唔到口食咗好多！仲有老友嗌咗一個薑蔥魚卜，平時嘅我一定唔會叫呢個，因為我平時怕腥唔食魚，見老友猛咁話好食，咁就一於試一試，估唔到真係彈牙冇腥味好好食！佢哋自家製嘅薏米水都好出色，仲可以免費添加，呢樣真係非常值得一讚！估唔到做餐廳都咁周到！現場好多檯都係叫烤魚，已經約咗老友下次嚟食烤魚，希望都有驚喜。…查看更多

今晚約埋幾個朋友試呢間期待好耐嘅私房菜，估唔到係呢個價錢食到呢個質素，首先佢上嘅包已經係比其他地方好味，比我以前食嘅米芝連餐廳都更好味，另外食物都好有創意。擺盤都好正，個人最愛就係佢個湯，手工意法，仲有係佢個火焰🔥甜品，係我地面前燒個火，成件事係衝擊眼睛同味蕾！場內嘅staff 都好好，好有禮貌。要讚個妹妹仔waitress，佢好用心講解，而且我朋友有一堆問題問，佢都好有耐心🤣🤣無比我地d 老餅嚇親！…查看更多

食得返以前內地做野食食嘅味道。喺上海做嘢嘅時候第一次食小雲吞，嗰陣時已經覺得驚為天人，因為做到個皮超級薄，個餡就好似好大咁，一啖食落去非常之滿足。呢度嘅質素就類似以前喺大陸食嘅味道，大約有八成似！可惜唔知係咪太夜過去，全家福小雲吞淨係得返粟米，蝦同原味…查看更多

濃姐嘅腸粉真係好好味，佢地自己整嘅配方，令個質地好正好滑，而且雞蛋有蛋香，每次食完都心思思想再食，唯一頭痛就係food panda有最低消費同運費，搞到唔可以lunch 叫food panda😢因為會太貴。唯有一得閒就自己親身去買😎好滿足嘅味道…查看更多

真係好正啊呢間餓媽卡些，好多fusion 版嘅出品，服務好好，同事又好細心不斷fill酒，食左個震撼吞拿魚之後真係返唔到轉頭，同時中段又比雪笆我地清清再上其他，好貼心！…查看更多

店主好錫貓貓，叫左1個兒童餐同1個定食都食唔曬，好大份，好美味！貓貓都超級可愛，非常有heart嘅cafe！最正係無論咖啡、湯都整左貓貓圖案，同埋店主好照顧我朋友個女，對小朋友好有耐性！…查看更多