ap65msxcrhhy的個人專頁

平時都鐘意食雲桂香，但依間食親都落錯單叫涼拌紅薯粉就落錯米線，又未有張單俾我check咗先所以唔知佢落錯咗兩次結果都係遮遮係咁話不如唔好換好唔好，因為要換好麻煩（可能係驚俾廚房鬧？）。第一次都ok，但連續黎兩次 兩次都係一樣味道其實都ok嘅，如果餸多啲就好，$15肥牛得一兩塊仔，$10丸得兩粒，有時唔太夠飽，想加小食但又無一人小食。整體野食味道無問題，如果落單可以少啲錯漏，小食或者新增一啲套餐照顧一人/二人用膳就更好…查看更多

服務態度差，Lunchtime時段等咗半小時先講壞機做藉口，望都唔望廚房話追緊，點知連個客叫咩食都唔知😂兩個樓面阿姐掛住累喺廚房門口傾計，完全唔望啲客舉手想叫佢地幫手跟單，要自己行去出餐位拍佢地先有反應，仲識串「你唔見我幫緊你地追架咩」。出面叫位都非常混亂，見其他人都反映成日skip住嗌位。食物方面普普通通，依個價錢嚟講可以好少少咁。主要係員工溝通方面真係超混亂，一路食一路聽同事大叫咩枱未食野，咩枱淨係食咗小食，嗌哂交咁。…查看更多

等好耐 員工做野超混亂 4個後生嘅睇落完全無培訓過咁，又無人lead住 係咁跑來跑去但無出餐/野飲，完全唔知忙緊咩，至少教下佢地工作崗位或者分工。瞄到佢地啲單，一個鐘前嘅野食仲打開蓋攤喺度未執好外賣野飲又開哂蓋擺喺度十幾杯未整。麻煩肯定啲同事準備好返工先…查看更多

侍應態度同工作態度愈嚟愈差，尤其有qr code落單後更加有恃無恐。落完單等咗超過半個鐘都未到，想叫侍應幫手睇睇，結果全部斜視望你一眼就行過當睇唔到，結果要客人行埋出去請同事幫手追，先知全部餐都喺出餐處無人幫手拎，個多士一野達落枱面俾你，仲要係凍哂硬哂嘅。（至少樓面同事們唔出餐忙緊咩就真係唔知，不過就見眼鏡短髮李同事同微胖同事就食包食得好開心）。樓面淨係識催你問你食完未飲完杯野未幫你收咗佢，但連餐都未出齊又扮睇唔到客舉手，真係唔建議再食。…查看更多

侍應服務態度極差，行入去無人理都唔緊要 就當無爆場所以任坐 大把空位，不過得一兩張係執好咗枱嘅。坐低之後舉咗5分鐘都扮睇唔到叫落單，等到個白頭髮侍應嬲爆爆咁走埋嚟問「你想做咩架？」，即刻打咗個突答佢「落單唔該」，個侍應「好心你一個人坐第二度啦，又要幫你執枱又要剩」，起身轉去第二張枱想話叫佢落單先，個白頭髮侍應眼尾都唔望手指去第二張枱，示意叫我行開先唔得閒招呼人。再之後見佢都係態度好差咁鬧啲廚房同唔理啲客。…查看更多