DianaWong2074的個人專頁

研香係青衣城2期開左分店，應該半年至一年左右掛，不過一直未有機會去試。正好今日帶媽咪行街街，下午茶時間到，就去食碗糖水補一補。以前呢個位係pacific coffee, 估唔到改為食店地方都夠寬廣，入面裝修雅致。QR Code 落單價錢比較貴一點，不過幾大碗的，出面新式糖水鋪大約3x左右嘅價格，就細碗d。我地叫左個＜芝麻糊豆腐花＞ 同埋＜研香開心果豆腐花＞。啱香港人唔太甜，但係本人覺得可以甜丁點, 幾香濃嘅芝麻味，幾大碗，可以2個人食＜芝麻糊豆腐花＞ $43呢杯野又甜左d, 開心果味差少少，可能混埋豆腐花度，又係幾大杯飲杯就飽晒 ＜研香開心果豆腐花＞$49呢頭係小糖水鋪，佢真係開正果樣，週末都見好多人，而家見佢有多D食品供應，遲下去睇睇有咩好食。…查看更多

美景配辣鼓油COCKTAIL約朋友小聚去到位於尖沙咀赫德道附近的AVOCA，位置頗方便。到了門口偷看內部環境裝潢不錯，8時多客人已滿滿。朋友先到了而且先選了WINDOW SEAT, 落地玻璃窗外風景很美，在38樓上可以俯瞰維港景色，夜景非常漂亮。坐著坐著點了杯LGM MARY $138這杯子邊沾了塩，杯身寬厚，飲品SIZE尚算合理。唊了一口，不得不反白眼，這杯是什麼口味？像辣味鼓油，又辣又咸。看Menu 他們想做有香港特色的COCKTAIL, 但是味道真心不敢恭維，他們可能沒什麼想單做酒客，要麽找個香港人試飲，你敢說好喝嗎？…查看更多

101台式休閒餐廳 (青衣城2)無諗過而家想食個有多士, 炒蛋的茶餐係咁困難，剛剛在尖沙咀, 好多餐廳都執晒咁, 有平價的粉麵粥, 厚福街都好多日韓台, 唯獨茶記得”紅茶”爆人龍。ANYWAY入正題，去青衣原本諗住都要去返屋村或者大家樂先有常/茶餐，睇睇下101台式休閒餐廳原來有我想食嘅野，價錢合理$50, 即刻入去。我就係想食個有多士, 炒蛋, 有濃湯麵嘅下午茶，搵得我咁辛苦。叫左個沙嗲牛肉米粉，多士炒蛋拼火腿, 熱奶茶，簡單得嚟又唔簡單。沙嗲牛肉米粉，味道夠濃不錯，牛肉似香口膠”難趙”, 米粉仲係硬少少, 要浸多1分鐘。多士炒蛋拼火腿，多士夠厚不錯，有奶油就PREFECT，炒蛋不油，火腿2片份量亦夠不錯。熱奶茶一般，好過連鎖快餐但比出面茶記欠味道。地方企理，人不算多, 比起對面連鎖式快餐舒服，無咁嘈，得閒可以入去HEA, TEA一TEA。…查看更多

今次約個朋友嚟呢間位於尖沙咀K11購物中心《喫茶ちょうぼ》、環境好有日式懷舊FEEL，整間以啡紅木裝潢，典雅木材傢俬地同吊燈， 好似置身日本咁，地方亦寬敞舒適。由於朋友LUCH TIME食左好多野，所以我地叫了點小食同埋飲品就夠。我地叫左個《喫茶夏制屋台小吃耕盤》$128 看上去很不錯，每款有2件，有炸雞 /八爪魚/章魚丸/ 甜蕃茄仔， 份量亦足夠。《濃厚洋蔥手搖薯條》$32 賣相不及其他菜色，用紙袋裝著有點失色，可能要手搖搖味粉， 其實可以放好點醬， 但味道及口感亦算不錯，也夠脆口。飲品點了《抹茶牛乳》$42《培茶牛乳 》$45 以為會比較”水質”會好”稀”, 估不到又幾有質感，复古茶杯配上圖案非常別緻，抹茶味濃郁。這茶室裝修雅致，在黃金地段商場價錢亦合理，比起深圳大型商場價錢其實差不多看見隔離檯的蛋包飯都十分精緻，下次也會再來，支持本港消費。…查看更多

朋友gathering 佢死都要去旺角，原來佢要接條仔咁，Anyway 佢揀左間懶靚嘅餐廳，原本諗住有Happy hour 應該抵D, 點知佢嘅Happy hour就唔係買1送1！同正價一樣咁你就唔好話Happy hour, 野食貴過中環，真係好劏客。問佢話已經減左喎，因為mojito 係12x蚊嘅。入面好細得幾張檯，坐出面黑過露營，位又矮，點樣食野。Happy hour叫左2杯cocktail, 1個 "pizza, 1個併盤。野食OK, 呢個價錢我落尖沙咀，中環坐好過J moon handmade pizza要 $148， 細Size 貴過上環地鋪果間西餐。拼盤，雞翼2隻，2舊蝦餅，一堆薯條$ 158埋單$522，Happy hour $108X2 平左架喇！呢個HAPPY HOUR真係唔該晒。貴貴貴，何得何能？轉位又話我煩，唔好以為聽唔到啦！！！除左影出嚟有燈果幾個位約6張檯左右，其實迫得密， 入面全黑靠幾粒唔係好夠光嘅月亮燈。真係唔講唔得。…查看更多

好難搵到呢D舊式小店，午市飯餐5，60蚊包野飲， 而家茶餐廳都只能食常餐，即是2餸公仔麵加蛋加塊多士，呢度真材實料大大牒飯，塊塊豬排大過塊面。入面係8，90年代舊式飯店樣子，沒有什麼5華麗裝修，其實乾淨企理就得。吉列豬排飯可揀一個餸配搭，汁有黑椒，咖哩，洋蔥。成3塊豬排。炸得外脆，內裡腍，又唔會係用肉粉‘’乸‘’到霉晒。吉列豬排山，唔太油，睇到都開心，仲要$52蚊，涷飲加2蚊。呢個價錢簡直有良心，好多學生哥都嚟幫襯，真係買少見少，要多多支持。…查看更多

今日假期難得同媽咪去青衣城嘅Twinkle Elephant 泰式餐廳。今日諗住去食下午茶嘅 但係佢下午茶係兩點半先開始，大家要記住時間喇。 下午茶呢佢有個泰假日下午茶，禮拜六日呢都有，呢個下午茶餐嘅 ，而家好多餐廳都冇咗個下午茶餐。我就嗌咗一個迷你海南雞飯$62 同埋一個唔辣嘅泰式古法馬沙文咖哩飯配雞排$58， 份量呢都相當唔錯。咖哩飯幾好食，入面有薯仔，飯又多。迷你海南雞，都幾多雞肉同飯，都唔迷你，配餐湯。可選油飯咁佢都係配餐茶，咖啡奶茶檸茶咁， 如果其他就要另外加錢，我幫媽咪嗌咗一杯呢柑枯蜜加$8坐得舒服又食得飽，之後行下商場，夏天舒適之選，價錢唔好同大陸比，同返香港餐廳比，希望支持返有良心食市，講真睇價錢你大概都知，邊D劏客嘅，懶靚嘅...杯飲品同個飯差唔多價錢，好文青果D其實好少去了。…查看更多

成日去荔枝角都想去呢間Cafe, 不過成日都見到好多人，其實佢都開左好幾年架啦，但係時間唔啱就一直無入去, 平日佢下晝三，四點就無咁多人，但係嗰啲時間都要返工。今日終於有時間可以入去，約左朋友就搵間舒適嘅cafe食野, 差唔多一點半左右到, 入面環境都幾舒服,又有啲綠色植物。 佢係自助叫餐先嘅, 一入去搵個梳化位,然後我哋就睇下有咩好食。 今日見到佢個All day menu,我就叫左一個Big Brekkie早午餐, 有Scrambled eggs, smoked bacon, vegan, Nurnberger sausage, Salmon, Avocado, Sourdough $128。佢嗰個早午餐其實都唔算大份,份量足夠啦, 都有半個牛油果, 食物都新鮮。 另外朋友叫咗個自製鹹肉卡邦尼意粉Home made salty pork belly spaghetti $128蚊。 朋友嗰碟卡邦尼意粉肉碎或者意粉涼都足夠囉。我去收買銀餐, 因為第一次嚟，見餐牌無寫有無加錢買飲品，問收銀處個女仔, 我問呢個餐會唔會包飲品, 佢話‘’包架‘’。 咁我叫埋咖啡, 但係佢畀返張單我係唔包咖啡....咁算啦太多人，唔理論，當詐騙啦，我唔知點解佢會咁講？如果我自己一個嚟我會叫佢退錢兼Black list.叫咗杯Dirty $42 同Americano $34。 味道都還ok, 但其實佢依間貴過出面就算尖沙咀或港島Cafe好多, 因為佢個飲品係另外叫嘅, 冇話你可以加錢有discount或者其他，變咗你一杯嘢飲四，五十蚊,再加埋嗰個百幾蚊嘅一個餐, 其實都差唔多160蚊, 咁嘅Lunch，又唔係食左D咩，又唔係大份，又唔係好好食，埋單$332蚊。 出面嘅尖沙咀或者中環嘅Cafe對海景食都差唔多,咁仲有佢哋好多Cafe都係,譬如你額外加多30蚊有杯咖啡, 總之就咖啡如果你嗌餐就會有discount, 但係呢間就冇, 你話係咪真係好出色, 我又唔係覺得真係好出色。 只不過可能嗰一區就冇咩呢啲Cafe， 不過如果大家覺得值得，無所謂咪得囉。…查看更多

今日星期六3月15日去左荃新天地嘅GODIVA叫返杯朱古力Latte, 由於上星期係青衣城已經叫左70%Dark Chocolate, 今次想試牛奶底果隻，點知....果位女服務員比左70%果杯我，我明明叫Dark Chocolate 果杯無講要70%，照著個牌讀，究竟係個牌錯定係佢唔問清楚？見到杯野都嬲嬲地，$59係咁多？Cream又落得多，冰落左3大舊，杯野好核突。同埋佢無問我要唔要落Cream!我問佢話呢杯係Dark Chocolate 定70%？佢話Dark Chocolate 就係呢杯，咁奶底果杯呢，佢話叫Latte! 大佬呀， 我照餐牌讀2杯係又係叫Latte, 咁其實妳唔明，唔確定會唔會叫下人呢？我點先可以叫啱呢？70% Dark Chocolate Dark Chocolate Latte我講Dark Chocolate 佢比杯70%我，話奶底果杯要叫Latte! 點樣呀？阿媽我好亂呀，相反青衣城果間服務好唔錯，我下一篇會去讚，你地睇下兩飲野沖出嚟嘅分別吧！GODIVA 唔該提升員工質素，唔係請2個少女胡胡扯扯就算數！…查看更多

Lunch 時間又到了，葵芳搵食大家多數去邊呢？唔係新都食就應該係葵廣喇，新都會餐廳裝潢靚D, 主要係連鎖餐廳為主，價錢亦貴少少; 葵廣就主打掃街，頂樓外賣小食多款簡直一流。不過今日帶大家去商場對面，葵芳薈後面其實超多餐廳，在云云港式冰室，粥粉麵飯當中，有一間叫SNOW CAFE，地方細細也有個2人嘅露天茶座。入面沒豪華裝修，有多種植物配飾，乾淨企理感覺舒服，Lunch時間好爆勁多學生同埋返工嘅人放飯，除左價錢比一般Cafe相宜之外，食物質素也不錯。Lunch set有多達8款選擇，我選了＜西西里香草肉丸扁意粉＞$60， 涷飲只是加$2, 真是可以涷飲自由。賣相不錯，份量也夠，肉丸是肉碎，本人覺得味道稍清淡可接受，只是自己較喜歡吃泰越濃味菜色。如有時間，避開煩忙食飯時間在下午好好享受一下快樂Cafe，總括而言價性比高，使人有心去多幾次，相反（代號自己諗）‘’種子‘’cafe愈開愈多，價錢愈來愈貴，早已沒有幫襯了。…查看更多

難得Lunch Time約到朋友，去左荃灣行商場，好耐無行過荃廣，有D鋪頭執左，搵左好幾間餐廳，有D未開張，有D就新嘅。行多幾層真正偶遇間叫＜偶遇台北＞，見環境唔錯，就入試下快閃Lunch。我地叫左＜鹽酥雞扒配滷肉飯＞同埋＜紅燒牛肉麵＞。＜紅燒牛肉麵＞湯味濃淡得宜，不會有味精味，牛肉不粗嚡，份量適中。＜鹽酥雞扒配滷肉飯＞雞扒鬆軟，不油膩，滷肉較少不太咸，份量適中。2個餐配了熱飲＜桂圓紅祖茶＞不用加錢，普通甜甜地茶飲不作介紹。總結味道不錯，份量適中，男士食量大點未必夠飽，價錢大概$65至80左右，商場價錢尚算OK。…查看更多

又係約朋友食Lunch時間， 今日嚟到葵興站，搵到一間可以望窗景嘅CAFE，入面地方不算大，露台有窗口位，采光不錯，Lunch時間也頗多人。CAFE通常也主打意粉及咖啡，看看這家的質素如何吧。我們選了＜激讚蒲燒秘製豬軟骨配珍珠飯＞$85 及＜蟹肉菠菜羅勒忌廉汁意粉＞$108, 配咖啡要加錢，因為又係快閃1小時食Lunch，所以又係配個免費綠茶算了。＜激讚蒲燒秘製豬軟骨配珍珠飯＞配有前菜小量，雞肉煎香脆，秘製醬汁沒什麼特別，珍珠飯口感適中，建議前菜多點。＜蟹肉菠菜羅勒忌廉汁意粉＞很香，忌廉汁很Creamy唯覺得蟹肉比較少，可能攪碎後覺得太少肉，建議加入煙肉或火腿或雞肉豐富份量。配特定茶飲不用加錢，普通茶飲不作介紹。整體來說環境不錯，食物份量也足夠，價錢與出面CAFE差不多，在葵興區比較少舒適CAFE，如果有時間大家可以買杯COFFE慢慢HEA。…查看更多

出左去銅鑼灣，唔係又去希慎，又去燈籠街掛？今次想睇下香港舊式嘅茶餐廳係咪仍然健在，睇左有幾間新開的韓仔鋪，就轉入利園果邊，轉轉下睇到有間快樂餅店，已經變成快樂餐廳，隔離係間港味懷舊冰室＜龍泉冰室＞，咁望下餐牌幾合理，望下入面幾企理，就決定入去喇。我就坐呢度，入面都唔算好窄，只係員工走來走去唔好意思影影影。因為有D飽，所以試食就揀個港人成日嗌嘅常餐。其實又係果D沙嗲牛肉，叉燒或者扒類加個丁麵／米粉／米線咁樣，有奄列+油多包餐飲。$50價錢是OK的。呢樣野好似好簡單，其實有好多茶記都非常難食。粉麵就叫左個叉燒米線，份量唔錯，肉類都平均，唔會得2舊，而且味道不錯唔會太淡。奄列同油多唔會太油，入面火腿唔會得2條。熱飲叫左個阿華田，因為之前胃痛，無試佢嘅奶茶。整體來說環境及食物都不錯，最欣賞無核突手寫字，同埋左貼右貼污穢膠紙漬，員工手腳已經很快，但是繁忙時間都必須等等，香港真的鋪租貴，人工貴，希望香港小店不會絕跡吧。…查看更多

其實佢一開業已經幫襯過好多次，食物不過不失，燒賣同小籠包唔錯，但係日頭同夜晚水準參差，由其是蒸飯。收銀，執外賣狀況混亂，等到人想走，1個人收完錢又要執外賣，好奇怪嘅安排。上次等得太耐，真係唔等走去買其他野食。今晚晚上又係咁，前面個客叫多幾個點心，後面就有排等，入面好多人，但係得1個收銀兼執單，好奇怪，我嗌左4，5次要咩點心，無人理，後面果幾條友唔知做乜，我係點不耐煩，然後另外有人插隊，唔知點解你地員工無視我，幫後來上前者，我話：我嚟先 ！真係火都嚟。蒸餃＋粉粿各$21，合共$42質素不理，員工不理，客人不理$42蚊要受氣，以後去返麥當勞算。…查看更多

被好多Cafe介紹文章所吸引，什麼景觀開揚，‘’睇晒銅鑼灣‘，廣角鏡欺騙手法層出不窮。其寶比想象或影相細得多，所謂區高臨下，都只係睇到對住利舞台。一場嚟到，飲杯latte先走啦，我叫左個Flat white 同埋Muffin Total $66， 一般Cafe,價錢，Flat White香濃，Muffin 得原味，難食，太散。如果比我揀會去樓下間How to llive，去過尖沙咀果開HOW唔錯，同埋好似係有services, 唔洗自己拎。NOT 我第一次去，唔知佢有個電子牌，所以比完錢就係度等佢出飛定話我知點做，結個果女職員佢無，就過左幾個人，我都唔知佢有我定無，係我見到有人攞先問返佢攞。我唔知係咪有化妝太靚嘅關係，佢個斜視樣都係有D畸呢Anyway NOT agsin, enjoy HOW 活在當下。…查看更多