雯雯_迪迪仔的個人專頁

傳承左經典小籠包的製作精髓，樂天皇朝創作咗為人熟悉嘅白色小籠包，之前食過都念念不忘，今日再嚟，又試吓其他唔同菜式。第一次嚟到銅鑼灣分店，未入去之前已經見到琳瑯滿目嘅獎狀，已經急不及待想入去食野。雖然想試其他嘢食，但係亦不得不過下癮食吓小籠包，最喜歡都係招牌原味，為咗想試其他美食，所以都係叫咗半打過吓癮，之後再點其他美食。滿滿嘅湯包，皮薄餡靚，仍然係精緻嘅經典之作。主食揀咗個京味炸醬撈麵，一上枱已經覺得個賣相好吸引，充滿着中國風，濃郁既豬肉末炒得香濃，豆瓣醬的辣甜層層疊加，每一口都像北京胡同的經典風味，拌麵吸收哂醬汁嘅精華真係好惹味。另外再點咗幾個小食，上海生煎包，刀切小饅頭同埋蘿蔔絲酥餅，生煎包唔會煎到個底硬晒，滿滿嘅肉餡非常吸引，小饅頭炸得剛剛好，外皮夠晒脆，都係簡單又考功夫嘅製作，另外蘿蔔絲酥餅更加係必點之選，不油膩之餘亦都唔會讓餡料整濕咗個酥餅，即使放咗一陣先食仍然食到層次分明嘅蘿蔔絲同埋外層嘅酥軟餅皮。仲有好多經典之作，未能一日嘗試，時令嘅蟹品之作亦係要快啲下次嚟食嘅滋味之選…查看更多

望住個維港景食高級素菜真係心曠神怡，功德林堅持不加味精，不加色素，少鹽少油，原來已經響香港三十五年，以「仿葷」菜式最為神似，知道佢出咗個$35優惠，所以今次嚟試吓首先梗係要用咗$35優惠先la. 揀咗泰式大菠蘿炒飯，菠蘿炒飯上面嘅肉鬆好像真，通常簡單嘅餸菜先至考食材嘅新鮮度同埋廚師既功夫，菠蘿夠晒甜，炒飯微辣，泰式風味十足，惹味。無錫脆鱔
Deep Fried Shredded Vegetarian Eel with Sweet & Sour Sauce
$108呢碟隨時上枱嘅時候平平無奇，但係食落去真係有驚喜，唔知點解食落去真係好似有啲鮮味，明明係素菜，唔知點解佢可以做到呢個效果，勁脆口熱辣辣，好正嘅小食，小朋友都會鍾意芙蓉炒桂花翅Fried Vegetarian Shark Fin with Egg White$128傳統嘅粵菜選擇，亦都係素菜常見嘅家常菜，做法講究火候嘅配合，其實我就第一次試，不過覺得條翅真係整得好像真，蛋都炒得熟到適中，可說是一個不錯嘅功夫菜鮮茄蝦仁鍋巴Rice Crust with Tomato & Vegetarian Shrimp$128呢個鍋巴真係有驚喜，熱辣辣嘅鍋巴夠晒脆口，記得點茄汁嘅時候要即刻食，因為遲咗2秒佢已經會淋㗎啦，證明真係即刻煮好新鮮嘅鍋巴，茄汁惹味好送飯，配埋個菠蘿炒飯簡直一絕總括而言，呢度係一間好啱朋友聚會，環境又靚食物又好食嘅地方順帶一提，餐廳為咗慶祝35周年仲有惠顧滿$1000送$350現金券既優惠，大家記得唔好錯過啦❣️…查看更多

今次去牛大人，點咗「🎌日本黑毛和牛A4+ 套餐」，即刻送隻🦀江蘇太湖大閘蟹🦀今次既主題「經典重現，復刻體驗」真係好有情懷！湯底我推「🔱聰明魷魚沙茶鍋」，醬香層疊、鮮潤美味，每一口都像夜市回憶，先喝湯再涮火鍋，正呀一如以往，日本黑毛和牛A4+入口即化，伊比利亞黑毛豬梅肉香嫩多汁，鮮甜鮑魚三吃（蒸/煮/涮）簡直驚艷—我最愛鮑魚配沙茶，鮮甜爆表！個人推薦必點小食：- 蝦蝦霸霸脆多士，外脆內嫩，蝦仁彈牙，配和牛套餐完美！- 日本和牛橘梨伴豆腐（M5極上和牛套餐）：清新解膩，和牛既油脂被橘梨中和，超平衡。- 阿嬷豆乾魚蓉麵（用香港老字號“永樂粉麵廠”粉麵）：魚蓉滑溜，豆乾吸味，懷舊小食王道。其他小食一樣吸睛：烏金墨汁手作腸Q彈有嚼勁、三和夜市雞皮卷脆香、夜市撈脆薯薯條炸到金黃、海苔鹽酥雞鹹香上癮、滷味五香雞胗入味彈牙—夜市風情滿分！特飲芒檸蜜西米爽解暑又清新，酒精既有港式檸檸茶18+，惠顧「日本和牛」任飲，極上和牛升級$68/位，其他$58/杯—邊涮邊喝，high爆！甜品蜜桃愛玉冰滑溜甜蜜，午市晚市都加點，完美收尾。📸 記得玩「東南西北·回到童年時」！點極上和牛或以上套餐，每枱一次，仲有得送童年玩具或牛大人小禮品—我玩咗贏個鎖匙扣，超開心！牛大人咁多新花款，下次唔知又出啲咩呢？…查看更多

Today, while passing by Tin Hau, I spotted this healthy frozen yogurt shop. I've tried it before in Central, but seeing the pistachio flavor here made me want to try it right away!Ultimate pistachioThis pistachio froyo is a dreamy explosion of nutty goodness! The creamy pistachio sauce drapes over rich dark chocolate like velvet, while the crumble adds buttery crunch. That mysterious pistachio crunch? It's a wild, addictive surprise—chewy and textured, like hidden gems in every bite. Paired with matcha vibes from the cup, it's refreshing yet indulgent, with a subtle earthy sweetness that lingers. Total crowd-pleaser for nut lovers! ✨🍦CREATE YOUR OWN +The DIY froyo creation is FIT for your daily mood! The tangy frozen yogurt base gets a juicy, tropical lift from fresh mango, while the homemade honeycomb adds that irresistible caramelized crunch. Drizzle on the honey sauce for sweet stickiness, and top with flaky flat croissant pieces for buttery contrast—it's a playful, fresh explosion of textures and flavors that hits all the right sunny notes! 🍨🍯🥭CROFFLE Berry's dayThis froyo-waffle combo is genius! Creamy, tangy frozen yogurt swirls atop crispy, golden freshy made waffle layers. Croffle Berry's Day is a berry-licious delight! drenched in vibrant strawberry sauce for tangy sweetness. Juicy blueberries pop with freshness, adding bursts of purple joy amid the sticks and fruity escape that's equal parts crunchy and creamy! 🫐🍓✨For dogs friendly reference, while we enjoy the yummy froyo, pet can enjoy a free paw cup💕 also the shop open until 11 PM on Fridays, Saturdays, Sundays, and public holidays. The Tin Hau branch even stays open until midnight—perfect for grabbing froyo after a late-night drink! 🍦🌙…查看更多

今日發現鬧市商場裏有間越南餐廳，見到餐牌入邊有越式小火鍋，從來都未食過就入去試吓，呢度嘅餐牌都幾多選擇，仲有好多優惠菜式，今日就試咗 1. 越式牛柳沙律 goi vo tai $88原價103特價88先嚟一個開胃菜，類似平時成日食嘅木瓜沙律，加埋越式牛柳，側邊仲有啲蝦片可以俾你自製沙律杯 2. 牛油雞翼 Ganh Ga Chien Bo $78原價$88特價$78 一上枱即刻聞到勁大浸牛油香，炸得酥脆嘅雞翼鋪滿炸蒜，香味十分濃郁，外脆內嫩，夠晒惹味 3. 扎肉蒸粉包 banh cuon cha lua $82 這個建議蒸完要即刻食，因為下面墊住蝦片，如果放漏咗下面蝦皮就會腍，感覺有啲似客家客家蘿蔔粄，配上獨特嘅越式醬汁，已經可以當一個主食 4. 海鮮帽子酸辣鍋 Lau Hai San $380 我最期待嘅小火鍋出嚟啦，可以有牛或者海鮮選擇，不過我已經揀咗最鍾意食嘅牛肉pho,所以呢個就揀海鮮，蝦都好多膏，魷魚估唔到咁好食，最特別嘅係呢個湯底真係好少響出邊食到，值得一試 5. 越式吊龍湯粉 pho with rib eye $82係我最鍾意嘅越南美食，必須要點，越南小黃牛肉粉系列，濃郁牛肉香味，匙柄雪花同吊龍，最鍾意pho 既湯底，牛味濃郁 6. 精選甜品拼盆 $118 好靚靚既擺盤，估唔到有cream brûlée, yummy,全部都係我鍾意既甜品，糕點煙韌好味，芒果糯米飯啲芒果都好甜好好味 另外有新出既特飲，揀左百香果綠茶特飲$36 椰青水椰果特飲 $45,東南亞嘅必點飲品…查看更多

發現左隻大芝麻街響路邊，梗係要即刻衝過去睇下，原來係間cafe, 仲有好多手工cookie 同其他野食，一於坐底試下。今次一次過試哂野飲野食同甜品主食揀左Garlic Chilli Chicken Spaghetti $108同 Chicken Avocado $98 估佢唔到以為Cafe嘅正餐應該都係麻麻哋，但係佢啲調味同埋份量都比足料，好味之餘又夠飽，尤其是個牛油果雞包，脆皮嘅外層配搭獨特嘅醬汁，特別滋味重點其實係想試佢地既甜品，揀左Special Cookie - Brownie Filled V2.0 $48.0 & Egg tart $30 & French Toast - Salted Caramel Apple $70 建議必須試下佢地既曲奇，除左有好多口味可以揀之外，仲要有自家製作嘅味道，仲可以預訂曲奇蛋糕添，特別得來又好味，如果同朋友嚟，食件餅飲杯嘢，都可以舒舒服服嘆個下午茶了，另外西多都好正，鹽味焦糖配上港式西多，中西合璧嘅感覺邪惡得來又滋味最後嘆番杯飲品就完美作結啦Peach Iced Tea $50 Chocolate $55…查看更多

西環有間小巧日式餐廳，門外有大大個餐牌同宣傳板，夜晚燈光柔和，入面走家庭風，開放式廚房令人感覺親切，好有家庭餐廳feel！環境溫馨舒服，裝修簡約，令人一入去就好放鬆，牆上擺滿日本清酒，餐牌選擇多元化，由燒物、炸物到壽司卷都有，價錢親民，啱晒同朋友或家人聚餐。今次試咗蒲燒鰻魚飯（$148）燒鰻魚飯鰻魚厚身油潤，醬汁香甜之餘鹹甜balance適中，上面加咗大量蔥絲同紅椒絲，色香味俱全！😋熱辣辣既白飯飯粒分明，每啖都好滋味，好滿足！牛肉壽喜燒配稻庭烏冬（$218）都好出色牛肉嫩滑，湯底香甜，烏冬煙韌，湯底鹹香帶甜，烏冬吸晒壽喜燒精華，配埋豆腐、蔬菜、菇類，蛋黃，賣相吸引，湯底色澤濃郁滋味！食完成個人都暖晒，食到最後都唔覺膩。另外見到Happy Hour優惠，黃昏時段有串燒配啤酒或清酒combo，仲有日本白桃烏龍茶，午市$18，晚市$28，感覺好適合放工chill一chill！🍢價錢合理，份量足，服務親切，無論同家人定朋友嚟都好舒服，真係有返日本家庭餐廳食飯嘅感覺。😋…查看更多

之前響出邊路過見到呢度間酒吧已經覺得呢間餐廳好靚，今次入嚟入邊食嘢發現入邊嘅佈置都勁多打卡位，仲要有private 房，可以以一家人包房食飯都可以呢度嘅Menu都幾多選擇，尤其因為佢係酒吧，所以嘢飲選擇都特別多，同埋有唔同嘅小食，真係花多眼亂，如果有選擇困難症嘅，可以揀佢有特別標誌嘅招牌菜式，今次同朋友黎dinner,都揀多咗幾款小食試吓泰式小食薈萃（2人份量）$188小食Platter可以揀2/4人份量，每樣都可以揀4款小食，我地就揀左香茅雞翼，泰式蝦多士，紅磚豆腐同埋香辣脆蝦片，蝦片記得意有啲泰式香料味，豆腐外脆內嫩，不過食嘅時候記得小心辣口炭燒沙嗲手工雞串 $98見到佢限量供應咁巴閉，梗係要試吓啦，又真係幾嫩滑，燒得幾好食，基本上去泰國餐廳都必點嘅菜式泰式椰子鮮雞湯 $268食泰國嘢當然唔少得飲返個湯先啦，超級甜嘅湯，見到原隻鮮雞件，又有超多椰子肉，好足料嘅湯酒香火焰骨 $228本身想試火山骨，不過原來需提前2天預訂，下次想食嘅朋友仔記得要預訂啦，不過都有另一個版本，都幾大份，心諗如果真係揀咗釜山骨應該夠一圍枱人食，着晒火打卡一流，軟腍腍嘅豬肉骨，偏辣，唔食得辣嘅朋友仔要注意一下泰胡椒和牛炒糯米河$228呢個好似一個升級泰版嘅乾炒牛河，煙煙韌韌嘅河粉配搭和牛， 十分惹味黑糖椰子雪糕換返個椰殼就好似響泰國船上面食嘅椰子雪糕一樣，食完呢餐都有啲想去泰國添下次可以試吓唔係dinner 黎呢到飲野應該都幾好feel…查看更多

之前響網上見過菠蘿包雞蛋仔，專門慕名而去搵過，但係嗰日佢哋休息，今次終於有機會嚟試到，本來淨係見到雞蛋仔想食以為係好似啲小食檔咁買走take away，冇諗過原來而家食雞蛋仔都咁有儀式感，除咗有多款雞蛋仔選擇，仲可以嘆埋花茶，坐低慢慢食，潮爆嘅裝修更突顯潮人雞蛋仔餐廳慕名而來當然要食鎮店之寶 Q版菠蘿包雞蛋仔，佢地採用自家硏發既雙重酥脆工法製作，質素保持現烤級，比傳統雞蛋仔脆爆三倍，最最最緊要嘅係平時我鍾意食菠蘿包淨係鍾意食佢陳皮，今次可以同步滿足「雞蛋仔+菠蘿包」雙重口癮，望住個製作過程，見到佢嘅外型真係cute 到唔捨得食另外除咗甜味嘅雞蛋仔，仲破格有鹹味嘅雞蛋仔，今次我就試咗好有茶餐廳特色嘅鹹牛肉+蛋既雞蛋仔，經典的鹹牛肉搭配微焦蛋香，濃郁的鹹香與麵糊的微甜形成巧妙平衡最最最不得了，係升級套餐加埋杯花茶，簡直嘆到去咗一間好有港式茶餐廳味道嘅Cafe, 黑糖薑棗暖宮茶同桂花桂圓安神茶都好足料，見到成個茶煲都係紅棗，就知道花茶幾咁濃郁滋味必須再次encore，食過最潮又有儀式感嘅雞蛋仔…查看更多

呢間餐廳好夢幻，成間都係黑白色嘅主題，原來呢個二次元素嘅主題係巴黎舞室，除咗設計夠特別之外，嘢食都好有特色先嚟兩個小食One-bite Tofu with Cheese芝士拉絲一口豆腐$58芝士滿瀉嘅豆腐，外熱內滑，喜歡食芝士嘅朋友，千祈唔好錯過French Fried with Black Truffle炸香脆粗直薯條配黑松露醬$68食西餐不可或缺嘅小食，薯條炸得香脆，雖然茄汁好食，但係黑松露醬也提香不少主食同甜品先係今次嘅重點，因為見到佢哋有一個香港特色餐牌TAI D SHRIMP PASTE SQUID AND PRAWN FRIED SPAGHETTI大澳蝦醬魷魚筒鮮鳳尾蝦炒意粉$158呢個真係超級好食，重口味之選啱晒我，上枱已經聞到勁大浸蝦醬味， Crossover炒意粉，呢個中西合璧可以啊TRADITIONAL HANDMADE PORK PaTTYWITII CRABMEAT &YSALTED Eee RISDTTD古早手工煎肉餅蟹肉風沙鹹蛋燴意大利飯$168當初都有啲擔心意大利飯咁Heavy仲要加鹹蛋醬，本着一試嘅心態，結果都可以喎，唔會太鹹，意大利飯口感不錯Hong Kong Style "YUAN YANG" Mochi Waffles港式鴦鶩味麻藉窩天Banana • HK milk tea flavored ice cream • Chocolate crumble • HK "Yuan Yang" flavored mochi•香蕉•港式奶茶味雪糕•朱古力金寶 •港式鴦鴛味麻糬HK $128呢個窩夫都係大愛，點樣口味夠晒特別，窩夫好香脆，配上朱古力金寶，同埋軟糯既麻糬，簡直忍唔住食完一啖又一啖ULURU 2D Cake- White (strawberry jam + fresh strawberries)- Pink (rose lychee + rasberries)- Light blue (butterfly pea + blueberries + cheese)ULURU 二次元立體夢幻蛋糕* 白色（草莓果醬＋鮮草莓）- 粉紅色（玫瑰荔枝＋紅桑子）（必須於兩日前預約）- 粉藍色（碟豆花＋藍莓芝士）（必須於兩日前預約）$138呢個夢幻蛋糕，簡直係同呢度襯到絕，都係二次元元素嘅設計，上面有粒好抵死嘅士多啤梨，真係打卡一絕，本身另外嗰兩款都好吸引，不過原來要兩日前訂先有，下次真係要嚟試吓先得…查看更多

平時成日搭扶手電梯望落嚟見到呢條巷仔有好多餐廳，今次終於黎了解下有咩野食，竟然比我發現左學生時代最愛車仔麵，呢度嘅餸都幾多選擇，仲可以揀菜底或者轉撈麵，加埋個小食啱啱好一掃個code已經見到自選車仔麵選擇，除咗一般有嘅食材，仲多咗啲台式選擇，最後揀咗烏冬，秘製辣汁加腩汁，揀兩個醬汁都係唔使加錢㗎，私心推介，咁樣就有濃濃的腩汁既辣湯做湯底啦，餸菜選擇揀咗菜心，台灣黑椒腸，韭菜餃，腐皮魚卷同蝦餅。另外岩岩響南京番黎冇耐，仍掛住嗰陣時食嘅鴨血，竟然都可以響呢到有小食叫，仲有好多款項未試到，下次要再試埋其他湯底天氣突然轉冷食番碗熱湯再辣辣地真係一人大滿足呀…查看更多

成日響銅鑼灣同尖沙咀出沒既我，成日都見到呢間幾靚既餐廳但未入過去試，今日難得lunch 黎搵食，就一於黎試下，門口見到show 緊活魚鮮宴‧手工現切午市小火鍋，即刻要揀呢個黎食原來入到去有個小corner有自助小食同水果，仲有任食既台式滷肉飯，真係一個lunch 食到飽，仲可以有多款不同風味特色醬料選擇黎到主食，入嚟嘅時候已經見到魚缸入面嘅活海鮮，問左店員，佢地話全新活魚套餐, 每日鮮活即劏, 不隔夜, 都是手工現切的，所以當然就係揀左全新 [活魚鮮宴‧手工現切午市小火鍋] 午市套既竹•三鱻蝦蜆盛合小火鍋，台式小火鍋$128起，多款湯底選擇，我就揀咗經典麻辣湯底，本身湯底已經有豆腐同鴨血，另外仲可以無限添加，套餐匯聚鮮沙巴龍躉魚、鮮脆鯇魚、鮮白鰻魚、基圍距跳蝦、鮮活黄規5款鮮活海鮮。沙巴龍躉滑嫩細緻、脆肉鯇鮮甜多汁、活鱔則入口即化，三者結合提供豐富的味覺層次。另外一款主食就揀左一品海皇大閘蟹粉麵1份蟹粉=4雙大閘蟹精華，四隻蟹精華入一碗，鮑蝦雙鮮，利尻昆布湯底以日本拉麵瀝水技術控於45°C黄金溫度，真正終極海皇一品麵，記得趁熱食最好味…查看更多

之前食過呢個主廚整嘅黃油雞餐廳，知道佢過咗嚟呢間餐廳自己開之後梗係要嚟試吓啦。呢度分開室內同室外座位，室內都係輕鬆舒服嘅佈置。嘢食揀咗是日set lunch,先嚟熱辣辣嘅麵包同自家製嘅牛油，軟滑嘅牛油非常香濃，配搭外脆內軟嘅酸種麵包已經對嚟緊嘅菜式充滿期待前菜揀了TARTARE DE BŒUFBeef tenderloin tartare, miso mustard +88香草醃製嘅牛肉他他，帶有淡淡的香料和鹹鮮味道，層次豐富且均衡。配菜有爽脆嘅配菜，中和牛肉既油潤感，有質感又令人回味無窮ŒUFS BROUILLESSmoked Trout, scramble egg嫩滑嘅煙燻鱒魚炒蛋，蛋香滑順，濃郁綿密，搭配上煙燻魚的鹹香層次同脆脆的烤麵包，又係另一份好味開胃菜POULET JAUNEThe famous roasted chicken, Koshihikari rice (1/2 portion for 2)著名烤雞（Poulet Jaune) 燒得金黃酥脆，外皮香脆內裡多汁，雞肉多汁鮮嫩，配上香草裝飾，日本米飯鬆軟吸滿雞汁（Koshihikari rice），米粒晶瑩彈牙，灑滿蔥花，岩哂2人分享。邊食邊香氣撲鼻，係經典法式家常菜DESSERTS - PATISSERIEHome made pastry selection一入去嘅時候已經望到甜品櫃入面有好多自家製嘅甜品，每個套餐可以揀一款，法式泡芙帶有少少酸味，係傳統嘅法國甜品，朱古力mousse濃郁絲滑，入邊有脆粒同埋用咗唔同朱古力款帶出不同口感，建議必點…查看更多

之前都試過食手切潮汕牛肉，放題都係第一次，潮汕牛肉出名注重牛肉味道的本身，並且新鮮注重刀工，見到枱面標明10秒涮，三上三下的最鮮嫩涮牛肉技巧，都有點期待呢度有三款放題，我揀咗龍蝦海鮮拼盤配潮汕牛肉放題先黎鮮活龍蝦海鮮拼盤一份【七款】：鮮活龍蝦（半隻）、蟶子皇或扇貝（1隻）、鮑魚（1隻）桶蠔（1隻）、海蝦（2隻）、龍躉肉（1件）、沙白（2隻）/每位海鮮好新鮮，先放入牛骨湯度淆完之後，就可以飲碗鮮甜好味嘅牛骨海鮮湯一嚟到先有一份牛肉圈，打卡夠晒靚呀，有手切五花趾。手切吊龍。手切匙柄。手切雪花。手切 牛胸油，之後亦都可以任點，潮汕牛肉會比一般牛肉有咬勁，牛尾亦都好濃郁，五花趾同吊龍都係我鍾意既濃味牛除咗無限食牛已經夠哂飽之外，出面仲有自己可以夾嘅新鮮蔬菜同埋其他火鍋食材，仲有佈置到好似街市入面嘅牛肉檔咁樣切牛肉，特別有風味另外佢嘅熟食同野飲亦都一啲唔馬虎，值得推介嘅係一啲自家製作菊花茶，奶茶，洛神花茶，桂圓杞子茶等，仲有必點的手工咸蛋黃魚皮同生炸南乳雞翼，熱辣辣新鮮製作，即使係放題都絕不馬虎…查看更多

平時夜晚嚟蘭桂坊飲嘢，都未試過晏晝響度食lunch，今次嚟到加州大廈24樓，出𨋢已經感覺到光猛耀眼讓陽光映入眼簾，加埋呢度嘅音樂同埋望到周圍嘅景致都覺得自己好似離開咗香港咁，如果喺附近做嘢嘅人嚟到食lunch應該好放鬆先黎一份頭盤生蠔Oysters (2pcs) Served with Mignonette, Lemon, 冰爽嘅生蠔配合檸檬同埋木犀草醬，嗰陣海水鹹味同埋酸味嘅衝擊真係夠晒醒神，即刻開晒胃準備食主食見set Menu裏面竟然有一個Section特別講PARMIGIANO WHEEL 芝士火焰車輪意粉，梗係要叫你試吓啦，仲有唔同嘅意粉可以選擇，今次揀咗Strozzapreti 手卷意粉，用香檳奶油汁，響36個月巴馬臣熟成芝士輪烹煮，芝味濃郁另外set lunch main 揀左Porterhouse Lobster Roll 招牌龍蝦包，龍蝦包滿滿的牛油香味，配搭住配柚子蛋黃醬同三文魚籽，賣相靚仔之餘又好味，仲可以用麵包包加埋頭先車輪意粉嘅醬汁，又多一款食法呢度嘅lunch set Menu都幾多選擇，下次可以再同朋友過嚟試吓…查看更多