Cotton1234的個人專頁

呢間日本餐廳地點位置比較偏，本身冇抱有太大期望，點知咁有驚喜！無論係刺身拼盤、壽司，定係炭燒串燒，每一道菜都非常用心製作，味道細膩又層次分明，食材極度新鮮高質。尤其推介鹽燒牛舌，竟然可以燒到外爽內軟，肉質嫩滑多汁，令人忍唔住一舊接一舊。左口魚壽司更加係入口即溶，油脂極香！擺上枱的時候師傅就即刻叫我哋10秒之內要擺入口，以確保紫菜還在脆身的狀態之下得到口感的平衡，絕對係我食過最好食嘅左口魚壽司，推薦大家一定要試試！另外，餐廳環境舒適，幾位客人的話有獨立房間提供，服務貼心，適合同朋友、家人一齊聚餐。真心推介，感受高質日式美食的魅力！…查看更多

身為一間餃子店，連唯一專注嘅食物都可以做得咁難食，真係敬佩！ 我用外賣apps 叫了九隻水餃椰子豬骨湯底送黎我屋企，外賣員送到我就即刻食，我碗嘢仲係暖的，所以絕對不存在什麼我擺咗太耐令到食物質素變差。餃子：皮黏黏地既，食落口會漿實你個咀，塊餃子皮仲一直黐住喺我支匙羹上面，我叫的三款餃子，芫荽，白菜，芹菜，全部啲肉都係霉霉爛爛，一D口感都冇。 椰子豬骨湯底：椰子冇椰子味，豬骨冇豬骨味，我都唔知自己飲緊啲咩。老闆見字建議自我檢討下。…查看更多

一行四人黎到天后搵食，初頭以為伏味濃因為條街比較靜，點知又喜出望外喎！首先黎左幾個前菜冷盤，有陳醋豬手，川味牛舌，麻辣花甲，手拍小黃瓜等……樣樣都好入味！豬手炆得好腍！個麻辣花甲極力推介，佢唔係好辣，但絕對食得出麻辣味，而且個醃料唔會影響到花甲嘅鮮味，食落去花甲仲係勁鮮甜！絕對係前菜界嘅天花板！主菜方面，我哋點左荔枝咕嚕肉，羊肚菌絲菜苗，菠蘿配咕嚕肉就食得多，配荔枝都係第一次，卻又出奇地夾喎，咕嚕肉帶有浸荔枝香味。另外個羊肚菌絲菜苗，個人認為這味菜嘅湯先係主角！好清甜！所有羊肚菌嘅味道都入晒落去個湯度！好濃郁！…查看更多

已經唔止一次黎這餐廳食野，再黎既原因係因為這餐廳確確實實係物超所值👍🏻👍🏻👍🏻這餐廳以家庭形式經營，本人十分喜歡隱世小店，只有兩兄妹或兩夫妻(未能確定他們關係)，女的打點樓面工作，男的負責煮食，餐廳沒有華麗裝修感覺像茶餐廳，牆上能找得到當廚師的那個男曾經到過澳洲跟一些鬼佬學廚藝，在他的食物裡面真的能找到外國風味，絕對勝過Pizza Hxx十萬倍，好欣賞他。 餐湯有羅宋湯忌廉湯兩者選擇，本人兩者都試過，認為羅宋湯更勝一籌，味道很濃。而晚餐還附送蒜容包一件，麵包是新鮮香脆的，絕對唔係整定擺係度一段時間的貨色，讚。 我的伴侶點了茄汁鴨胸意粉（$50），有四片厚厚的鴨胸，意粉硬度適中，不錯。我點的是香草忌廉雞肉長通粉（$50），有驚喜，好香香草和洋蔥味，而且雞肉份量好多，絕對有超越期望既感覺，我很喜歡他們意粉的硬度，有咬感。今晚我們點的兩款晚餐都是＄50的，已經包含左蒜容包餐湯餐飲意粉，好抵食，最緊要係平得黎仲要好味。會再來，一定會支持這些優質小店👍🏻👍🏻來之前最好打個電話睇下佢有無開門，有一次慘慘吃了閉門羹。…查看更多

行過入去飲杯咖啡。雖然沒有華麗既裝修，但感覺簡簡單單，舒服寫意。原本無打算食野，但確實見到隔離枱個all day breakfast 有點吸引，而且個all day breakfast仲有套餐優惠，$108 包埋杯咖啡，價錢合理。佢地個all day breakfast 包含左炒蛋啦，脆皮豬肉腸，茄汁焗豆，沙律菜，薯條，同埋薄餅。最欣賞個炒蛋同埋薄餅，炒蛋不會太乾，仲有蛋汁濕濕地，最岩我口味，而個薄餅唔係係其他既all day breakfast 時常見到，幾特別，good 。…查看更多