Eli*'s Profile

今天早上有空,約11時光顧餐廳,侍應很禮貌地提醒早餐只供應到早上11時,若要下單,要盡快。但是,我是次光顧是衝著英式鬆餅而來的,所以沒打算點早餐吃。甫坐下我便點了一份提子英式鬆餅($18),配Clotted Cream and Strawberry Jam($18),以及一杯熱Mocha($38)。熱Mocha先來,Mocha不怎麼樣,除了朱古力味很濃,便喝不出什麼了。接著暖暖的提子英式鬆餅來了,鬆餅又暖又可口,而且價錢才$18元,比起酒店賣的便宜很多呢!配上Clotted Cream很好吃呢,Clotted Cream打得很幼滑,與scone很搭。而Strawberry Jam是homemade的,有很多果肉,也不錯呢以上食品盛惠$74,就scone而言,很平宜呢。…Read More

星期日同媽咪黎左Wildfire High Tea,叫左個二人下午茶,餐飲要凍咖啡同凍果茶侍應介紹個凍果茶係用凍檸茶做底,再加Lychee Puree同埋其他果汁做成o既。佢好落力sell話好好飲,咁我就試下啦。上枱啦,杯果茶真係好好飲,好fresh,又有少少Peppermint o既味道,又唔會過甜,勁個二人下午茶,有個8吋大o既pizza,我地揀左巴馬火腿雜菌Pizza。Pizza又薄又脆,雜菌味好出,加上Parma Ham o既咸香,好係好好味下午茶二層架o既下層係盛載咸點同甜點,咸點包括松露吞拿魚多士、香煎紐倫堡腸、火腿芝士三文治、酥炸魚柳、炸雞膇。甜點包括迷你馬卡龍、焦糖燉蛋撻、藍莓芝士蛋糕。先講咸點,咸點總括黎講好好食,特別出色o既有炸雞膇同香煎紐倫堡腸,炸同煎都恰到好處,好惹味。甜點就一d都唔好食,全部過甜。…Read More

住o係呢區咁耐,第一次黎試呢間德國菜餐廳,呢間餐廳星期一有主菜買一送一優惠。同家人兩個人點了一客招牌德國咸豬手($298)及西班牙海鮮飯($208)等左10分鐘左右就上菜啦!個西班牙海鮮飯實在太太太濕潤了,本人比較喜歡乾身o既飯,唔知傳統o既西班牙海鮮飯係咪就係咁濕身o既呢?跟住個招牌德國咸豬手出場了,我同屋企人見到個份量都嚇親,咁generous o既portion,起碼要4個人先食得晒不過除左份量外,食物o既味道係好重要架,個豬手味道實在太淡啦,比起我係赤柱King Ludwig Beerhall食o既豬手真係差太遠總結:對呢餐德國菜真係幾失望,不過餐廳氣氛搭夠,整體黎講都坐得幾舒服o既,如果旨在同朋友傾下計,飲下野,咁都ok o既!…Read More

琴日試o左呢間餐廳o既牛扒,今日就試o下佢o既酥皮鵝肝焗爐魚柳($128),其實我一d都唔好魚,不過想食鵝肝,就試下呢個主菜啦今日o既餐湯唔係磨菇湯啦,而係甜而不膩o既南瓜湯,熱哄哄o既南瓜湯配上蜆肉,味道唔錯飲完湯冇耐,個主菜酥皮鵝肝焗爐魚柳就出場啦!個魚柳普普通通,似係急凍而且侍應係我未食完,仲有一半主菜就叫我叫野飲,感覺好似好急,想趕我走如果等我食完,收走d餐具先問餐飲飲咩,感覺會好d餐飲方面同琴日一樣叫左熱Latte(+15),一樣都係咁靚咁好飲,咖啡同牛奶比例剛好總結:湯同咖啡比主菜出色…Read More

經過呢間西餐廳好多次,都未試過。今個星期六,訓到12點先起身,一於黎試下佢o既午餐。餐牌選擇有好多,魚、雞、牛、豬、羊、海鮮,應有盡有,但本人真係特別好牛扒,就揀左個扒紐西蘭肉眼配芥末子燒汁($138)先上黎o既係餐湯,磨菇湯,個湯濃郁得黎啖啖磨菇蓉,幾好,可惜佢配o既係面包條,而唔係餐包等左5分鐘到就上左主菜,扒紐西蘭肉眼配芥末子燒汁啦塊扒牛味濃郁,可惜overcooked我叫7成熟,黎到有8-9成,睇返之前d食評都有呢個問題出現,睇黎下次去都係叫5成熟算最後,餐飲叫左杯熱Latte,跟餐加$15,杯Latte個拉花好靚,而且咖啡同奶o既比例剛剛好,仲好大杯添唔洗加糖就咁飲仲正值得一讚!…Read More

朋友就黎生日,一行三人去左太古城的Glasshouse慶祝。由於未試過呢間餐廳,所以都好期待。入座後,翻閱餐牌先發覺間餐廳無論野食定野飲都好特別,淨係DRINKS已經有好幾頁介紹,每日3pm至8pm仲係Happy Hour添!Drinks menu真係花多眼亂,我就點左杯Elder Peach($68),香香o既桃味再加上稍重o既酒味,啱晒我口味朋友點了Jasmine & Rose($48),佢話都ok。侍應仲好貼心,係佢飲完一壸茶之後,問佢洗唔洗幫佢加返d水refill。個壸係坐係個蠟燭上面燒o既,所以可以keep住個熱度,唔怕d茶凍晒,都幾貼心!間餐廳天花用左花花佈置,望落去好似一片花海,好靚呀!輪到食物,全晚最好味o既就係芝味無窮既芝士牛肝菌意粉($138),d芝士拉絲架。個意粉一黎到,我地就將意粉上面塊熱哄哄o既芝士撈勻,芝士撈埋d牛肝菌同菇菇,真係好好味呀再黎就係黑松露薯條($58),d薯條熱辣辣,好正好惹味呀!不過我覺得點茄汁好食過點黑松露醬接住落黎係大蝦黑松露咸蛋黃Pizza($138),個黑松露同咸蛋黃真係好夾呀,塊塊pizza都好咸香同松露,回味無窮!不過記住襯熱食呀,凍左就差太遠了,攤凍晒一d都唔好食再黎o既係咖喱蟹大蒜多士($98),呢個餸就普普通通啦,不過多士都係香脆o既!壓軸出場o既就係好好味o既雲呢拿梳乎厘($88)啦,個梳乎厘雖然要等足20分鐘,不過都係值得o既,因為佢真係好好味,黎到o既時候帳book book,充滿空氣感,加埋d vanilla sauce真係好正,甜而不膩。最後,食左咁多野,埋單都係$700,性價比ok呀…Read More

朋友生日，訂了The Farmhouse為她慶生。我和朋友周六下午3.45到達The Farmhouse,除了窗口位滿座外，餐廳尚有很多座位。我們點了一個TEA SET,包兩杯咖啡或茶，由於友人不喝含咖啡因飲料，故詢問侍應可否轉果汁，侍應態度很好，爽快回答：可以，給你們轉果汁吧。至於我的餐飲則點了Cappucino,這杯泡沬咖啡意外的好喝,泡沫與咖啡比例恰到好處,咖啡又不苦澀,值得一讚。 沒多久,HIGH TEA SET來了,不過沒有平常HIGH TEA的甜點,英式鬆餅,真叫人失望這裡的HIGH TEA是裝在玻璃盒內,而不是三層架,挺特別的呢。整個HIGH TEA最值得推介的是京都和牛三文治,和牛很JUICY,美味,讓人驚喜!其他咸點和甜點都普普通通,不過不失。P.S. 如LIKE酒店FACEBOOK,結帳時可享有全單85折結帳盛惠$311.6…Read More

這是我第一次寫食評呢(~^^~)希望多多包涵我和朋友於8月23日周四下午4.30到達餐廳。想不到平日下午,餐廳外仍有這麼多人排隊,我和朋友足足等了一小時才可入座。原本想試季節限定的宇治抹茶班戟拼大福,可惜早已售罄。於是我和朋友各自點了一份綠茶紅豆班戟和白桃班戟,飲品選凍薄荷朱古力和凍抹茶牛奶拿鐵。由於食品是即叫即製的,故等了二十分鐘才有得吃。綠茶紅豆班戟班戟足足幾厘米厚,充滿空氣感。用刀切開後,蛋香撲鼻,鬆軟如綿花糖,入口微甜,充滿蛋香,不枉我們排隊足足一小時。香桃班戟朋友的香桃班戟我沒有試吃,也沒有拍下,價錢約$150。凍薄荷朱古力凍薄荷朱古力值得一讚,不攪勻飲用為佳。香香的薄荷與濃郁的朱古力相遇,甜度恰到好處。凍抹茶牛奶拿鐵比起凍薄荷朱古力,凍抹茶牛奶拿鐵便比較失色了。…Read More