Lilianfafab的個人專頁

喺香港地，租金貴，食海鮮又唔平，竟然有一間俾客人玩夾蝦，仲要提供任食燒海鮮既餐廳，真係好難搵到!　泰‧夯燒位於尖沙咀繁華地段諾士佛臺既餐廳，主打自己即夾即燒生猛大頭蝦 (概念自泰國流水蝦)，另提供精選海鮮任拎任燒，同埋多款串燒、炸物、小食、飲品、甜點，無返幾個胃都未必食得晒! 地點好方便，價錢仲包食包玩，真係好岩情侶或者一家大細呀!第一次食呢間野，間野好full，要book位真係要早啲。本來本住一種心態，係覺得唔會有三百蚊左右，就有得任食講緊街市都接近$100/斤既重稱大頭蝦任燒，覺得間野係會開爐慢或者好多死蝦細蝦之類。點知! 係絕對無任何野取巧過，貨真價實既，真係由入座到俾錢走都無一刻hard feeling過，好難得!一開始上到去，佢會同客熨斗消毒，同埋提供酒精搓手液，跟住會俾塊圍裙你一陣用，以防啲蝦水彈到污糟。之後坐底就已經開爐，staff會講解點用啲工具，之後已經可以開始夾。夾蝦其實都有啲驚，因為有啲槓都幾長，好大隻又生猛! 夾完要放啲蝦入冰水度，如果唔係啲蝦會係咁郁燒唔到，另外記得要剪咗啲蝦觸鬚同埋腳，可以慳返多啲爐位，咁就可以燒多啲啦!烤起既大頭蝦都仲係肥嘟嘟大大隻，頭啲膏原來可以好似大閘蟹啲黃咁好味架，肉身好爽又夠厚肉，咬落去完全係鮮、爽、滋味既口感!　既然來就係為咗食大頭蝦，建議全程至少一半爐用來燒蝦，燒緊既時間就出去拎飲品熟食!除咗主打既大頭蝦，餐廳仲提供海鮮任燒，呢日就有象拔蚌仔、元貝同埋沙白! 清潔得好乾淨，而且唔會有需要等或者爭拎既局面。象拔蚌仔因為係比較細隻既，所以肉唔太大，燒咗2轉就無再拎，元貝一般，肉唔係特別大隻，但都係同象拔蚌仔一樣咁有鮮味!沙白其實好大粒肉同埋好有海水味，而且又大隻，但正因為咁，太阻個爐既位置，雖然好食，但比起主食大頭蝦，本人喜歡既其他海鮮都要放埋一邊了!至於串燒都有提供廿多款，味道是一般啦，而且因為主力食蝦所以都無試晒架。串燒方面有唔同口味既雞翼、蔬菜、魷魚、牛仔骨、豬軟骨等等，喜歡食串燒既朋友就記得拎多啲啦! 另外佢有提供湯水，唔同既飲品，連泰式soda water都有，配燒烤真係好爽呀!記得記得就來夠鐘要去拎雪糕食，泰國既圓波波雪糕，有好多口味，榴槤，椰子，綠茶味.....好軟綿好好味!除咗欣賞餐廳將流水蝦引入香港同埋食物有質素之外，佢地既工作人員大部分都好好，特別係女工作人員，佢地唔單止好有禮貌，仲會好用心咁幫手處理蝦或者其他海鮮，又或者提點要將海鮮煮熟，雖然佢地戴住口罩，但都可以feel到佢地真誠同窩心既笑容。呢間自助餐雖然限時，但唔會令客人食得好急或者有壓力，就算真係見你差少少食物未清，都唔會來趕你走。相信如果個客唔係過份，都唔怕會俾餐廳收完錢就想趕你走既壓力。總結來講，用$300價錢有玩有食，就算去工廠區釣蝦都未必得，回唔回到本就要睇手夠唔夠快啦! 不過，喺尖沙咀可以有咁高性價比既餐廳，真係建議間唔中就約下朋友去玩去食啦! 讚!…查看更多

見呢間新開既KFC咪來試下買啲小食嘆下！間野新開既，都見佢幾多客架，以舖既大細來講座位算夠而且感覺都寬敞舒適。設備有電子感應洗手同出抹手紙，亦有得斟熱水。今次買咗3件炸雞同埋半打葡撻。KFC就大家都食唔少，不過講到質素真係間間唔同。呢次健威呢間就令我喜出望外啦因為以連鎖快餐炸雞質素來講，佢真係整得好好味，好味過晒之前食過既其他KFC。件炸雞外賣返到(5分鐘)屋企，都仲係熱辣辣，脆卜卜，皮真係炸到薄脆油香既感覺，肉唔會瘀黑晒而家啖啖肉唔會乾柴，完全唔係呃人。比起之前食，通常都骨多肉鞋皮就成尺厚咁，真係好大對比，好好味添呀！如果次次都咁樣一定成日幫襯呢間！至於葡撻就無咩特別同平時一樣，如果外層既皮再酥啲就好啦！不過價錢來講都滿意，因為而家出去買件蛋撻都咁上下，所以而家咁方便，差唔多價錢既話買半打葡撻就仲開心！另外唔知會唔會因為佢岩岩開既關係，人流比較多，等外賣時候都比較長，等果少少野都等咗10分鐘咁上下就有點點耐啦。…查看更多

茶木有好多間分店，開既位置又方便，好多時諗唔到食咩一望到個招牌就會去碰碰運氣，如果無人等位就入去食，今次真係好好彩，又唔使等啦! 先來「寶島三小碟」，二人份量就岩晒，左邊的是麻辣豬耳，中間是炸蒜香豆腐，右邊是煙燻流心滷水蛋。豬耳麻辣度適中，有肉有咬感，不過切細方形唔太方便夾；豆腐就普普通通啦，只是感覺一件有點咸有點甜既小吃；滷水蛋偏酸，但煙燻算重，還可以。 「酥炸雞排手作麵」的雞排砍至數塊，炸皮跟肉分離，但完全沒有酥炸感，肉亦無咩味。然而，手作麵及湯底好好味，清而有陣陣肉香既湯底，配上麵質煙韌極有口感既麵條，令人遂條遂條，愈食愈上癮呀!! 試完湯麵都要試下「青醬蝦手作麵」既，係另一種享受呀! 青醬包圍住每一條既麵條，唔會過多亦唔會太少，剛剛好既汁，好refreshing既感覺，清新得來但啖啖creamy! 蝦既份量都可以，成碟麵真係想一食再食呀! 飽飽都要試呢度既「黑糖芒果芋圓」，有士多啤梨同埋芒果可以揀，不過上到來發現芒果比想像中少好多，我諗叫咩水果都唔係重點吧了! 整個甜品係略甜，但紅豆蓉夠沙，芋圓夠煙韌，加埋其他豆類，提升晒口感既層次，食到唔同既質感。期待下一次再來食手作麵呀，好味!茶木‧台式休閒餐廳銅鑼灣軒尼詩道489號銅鑼灣廣場一期6樓A舖…查看更多

今日一行8個人，想食返啲有風味同本地特色既野，第一時間就諗到大排檔! 早一日打去預定位，態度不錯。去到條街，佢地一望就知我地去預留咗位，就帶我地入到另一間店入面。 菜單一早擬定好，去到好快就叫餸食: 是日精選菜單 1. 招牌黑椒手揸骨 2. 沙薑雞 3. 薑蔥炒蟹 4. 油浸荀殼魚 5. 粉絲蒸蟶子王 6. 鹵水鵝腸 7. 啫啫通菜煲 8. 特色蠔餅 9. 豉油王炒麵 1. 招牌黑椒手揸骨 招牌黑椒手揸骨 上菜時感覺已經是發涼咗既感覺，色水唔多靚。不過拎上手很方便，拎住條骨已經可以食。呢個菜聽聞係招牌菜，本來真係最有期望，可惜，真係一件無味既肉，好失望。除咗肉質咬落去好淋無咬口，成件肉都好似無醃過咁，得上面既蒜味，真係唔知佢定位招牌菜，係有邊個地方值得欣賞。 2. 沙薑雞(半隻) 沙薑雞(半隻) 選用屬於細隻既雞，唔似其他大排檔果種大件夾抵食既。雞無口感可言，但生熟度剛好，保持到肉唔老。味道一般，以百幾蚊半隻來講唔抵。 3. 薑蔥炒蟹(2隻) 薑蔥炒蟹(2隻) 2隻蟹炒埋1碟既份量，普通蟹自然炒出普通既質素。蟹件件有肉，唔係水蟹，不過無膏。蟹是新鮮的，但薑蔥唔夠，火喉唔夠，完全炒唔出風味，屋企炒都比佢香。 4. 油浸荀殼魚 油浸荀殼魚 好味好好味。呢個一定要叫，不過要岩時間，仲要係未賣晒先有，建議訂定。荀殼魚唔係間間食館都會有，見到係一定要叫既! 魚既份量夠，炸得金黃，好香，魚肉超級滑超級的新鮮超級的甜，試過一定會愛上。廚師處理呢條魚好出色，要俾讚! 5. 粉絲蒸蟶子王 粉絲蒸蟶子王 一人一隻蟶子王，價錢略貴，$58/隻。蟶子王其實最緊要來貨靚，蒸既時間洽到好處，好可惜，每一隻蟶子王，都係比較細小無乜肉，兼且最慘既係蒸得過熟，啲肉老晒硬晒，8隻蟶子王就係咁被遭蹋了。 6. 鹵水鵝腸 鹵水鵝腸 完全肥膏無肥膏香的鵝腸，咬落去無新鮮鵝腸既感覺，而且鹵汁偏甜，不好吃，芽菜墊底亦偏多。 7. 啫啫通菜煲 啫啫通菜煲 大排檔來講，呢個啫啫通菜煲真係算差，唔單止係無乜味，更加無善用石窩既其中好處，唔覺得特別熱辣辣，亦無一種鑊氣味，仲要每一條菜都一啲都唔乾身，差。 8. 特色蠔餅 特色蠔餅 粒粒蠔幾大粒，咬落去鮮甜，數量亦足夠，鋪滿整個蛋餅。油份唔會過多，香口，邊位脆，不錯。 9. 豉油王炒麵 豉油王炒麵 最正常的炒麵不過了，炒得乾身，好味，如果有XO醬就好了。 以大排檔來講，呢度除咗環境似之外，無論價錢、味道、份量、鑊氣都唔得，然而，服務同態度都絕對意料之外，可以加分。佢一直都主力做遊客生意，希望佢可以有所改善，唔好破壞香港大排檔既特色印象同埋「美食之都」既美譽啦。 @KOLiLiAn @eatingLiLiAn 駒記海鮮大排檔 香港灣仔寶靈頓道16號…查看更多

太古城中心一向都係港島東既購物天堂，商店多，人亦多。到晚飯時間，好多時都要等位，不過其實行過太古城兩三條街，就可以免受等位之苦。今日去咗Pizza Express食pizza，一去到就有位唔使等，非常好。 Pizza Express咁多款pizza，真係食唔晒。今次就叫咗四式芝士薄餅及新口味芝士菠菜麵卷。 四式芝士薄餅 四式芝士薄餅真係好好食，每一啖都好香濃，軟軟綿綿既芝士，溶化既感覺，送到喉嚨既果種暖意真係好幸福呀! 薄薄既餅底，脆口既批邊，食落口每一啖都咁滿足，但唔會令人覺得好濟好膩。 芝士菠菜麵卷 新口味芝士菠菜麵卷，初初諗住係好有咬口同好煙韌既口感，同埋個麵係綠色既，不過上到來就發現唔係咁，但整體都是好味道的。相信做法是將一條條既麵反覆重疊咁疊起，成為一餅野，再上面鋪芝士及菠菜去焗的。上到來滾熱辣，食落去味道都好濃，但認為略微太重味。 甜品拼盤 (免費) 甜品拼盤是送的，因為第二個pizza遲咗好多先來... 呢個拼盤有朱古力心太軟、忌廉蛋白餅同埋檸檬果醬撻。是送的，覺得好窩心，其實都係遲等咗20分鐘左右，咁有交帶仲要咁有誠意，真係非常好呀。雖然已經好飽，但呢個送既甜品確實為成餐畫上一個非常完美既句號。不計較既餐廳真是少見，非常感謝 @KOLiLiAn @eatingLiLiAn Pizza Express G517, Ko On Mansion, 9 Tai Yue Avenue, Taikoo Shing, Hong Kong www.facebook.com/pizzaexpresstks www.instagram.com/pizzaexpresshk…查看更多

次次經過，見到呢間譽廚既$298套餐，又有龍蝦，又有扇貝，仲有要條龍躉，真係好吸引。4個人食，每人都係$90左右，好似真係好超值，於是就上來試真假! 上湯焗美國龍蝦伊麵 呢碟龍蝦，上到來已經覺得好似好唔熱咁，成個賣相無晒個氣場，啲龍蝦好少，仲好碎。食落去只係暖暖地，肉質少少霉，伊麵打茨打都好勁。說好的芝士同焗既感覺都唔係好feel到。 東瀛大元貝 其實整體來講呢個元貝算係OK，size係屬於中型啦，不過就蒸得略熟，有點老了。粉絲吸晒啲蒜味，好正。不過咩係東瀛元貝呢? 日本? 係咪真架? 清蒸沙巴龍躉 1斤重既龍躉，無呃秤，蒸得岩岩好，唔錯。肉質是可以的，但有點泥既味道。 蒜蓉蝦干蒸勝瓜 呢個係另外叫既餸，係全晚覺得較為滿意既一道菜。蝦干夠大隻，好野來，好多蔥同蒜蓉，配上勝瓜，軟硬層次都有，咸鮮同清新，咁既配搭真係好match!完咗之後，每人有碗送既紅豆沙食，好沙好好味的，呢份心意值得欣賞。整體服務都唔錯，抵讚! 如果再來呢度，我唔會再叫呢個餐啦，因為佢都有好多唔同既小菜海鮮可以散叫，散叫既水準同食材，應該會好過套餐!譽廚正宗粤菜1/F, King's Tower, 480 King's Road, North Point…查看更多

少見的蟹膏甲羅燒 剩係呢盤咁大咁正既海鮮，已經夠晒吸引，仲要講緊係任食燒燒燒，呢度就係銅鑼灣既「熊本燒肉」! 話說我好鍾意食海鮮，對燒呢種質素既海鮮來講，只能夠去日本餐廳，往往都要$500一個人咁上下先會滿足，低啲價錢既，通常都係好差又無咩味既所謂海鮮。不過呢度，一入來就會上呢盤海鮮 (5人份)，之後可以任叫蝦同埋生蠔來燒，真係好滿足架! 好大隻既蚌，好大隻既蝦 好有日本燒既感覺，雖然唔係炭燒果隻，但已經好開心，每款海鮮其實好大，係新鮮既唔會係急凍貨，感覺到間餐廳真係好有誠意。 除咗燒海鮮，仲有任叫既刺身，質素叫合格啦，喜歡吃既朋友，又多一個回本方法。不過我個人認為，可以唔提供刺身選擇，反而令佢所有既食物水平都可以保持返高水準。刺身有固然開心，不過由於太多其他野可以任食，比下去刺身會成了配配角。 牛有好多款，咩部位都有，牛肉，牛腸，甚至牛胃都可以任點任食。牛脷極厚切，超水準。所有既牛都有濃濃既牛味，一食就知唔係平時低級韓燒或者求其俾片牛肉你食既水準。加$38可以任食和牛，個人認為一定要加，食多幾片已經喺返度，真係特別濃牛味，十萬個值回票價! 其他燒物 除咗牛，仲有豬(豚)同埋雞可以任食，仲有其他野菜、一品料理同埋沙律和食，真係幾多個胃都食唔晒呀! 員工主動更換燒網 每人可以有杯雪糕做總結，非常欣賞 呢間燒肉放題，絕對係普通放題價錢但高質素，非常值得再來! 唔單止有靚靚海鮮，仲有勁正牛肉等等，加上唔少飲品任飲，order仲要係用平板超方便，上菜唔會過3分鐘唔會拖你時間，今時今日香港有咁有良心既放題餐廳，真係要俾10000個like呀! 唯一缺點係要行十多級樓梯上去同埋成個場都煙霧迷漫，其他所有野都絕對係perfect! 一定會再來呀! 熊本燒肉Yakiniku Kumamoto 銅鑼灣謝斐道477-481號3樓…查看更多

聽講好多香港人去親泰國一定要食Nara，原因係高級得來價錢平民，而且係真正既正宗泰國味道，拎過好多年獎。本住乜都要食一餐既精神，今日千里迢迢來到沙田新城市一試。早一日前打去book位，話phone reservation已full，要試walk in，不過早到，所以一入去就有位了! 泰式生蝦 $118 頭盤要咗必食生蝦，價格定得略高，之但係有成12隻就比較划算啦! 蝦比起其他餐廳厚肉，咬落無咁雪藏感，相信係有特別處理一下，個sauce絕對是重點，整體可以，如果可以酸多點相信可以更回味😉 泰式蝦餅 $88 明明叫咗蝦餅，但似是魚餅!? 😦 炸得係好既鬆脆，不過入面既餡就唔多掂，如果係魚餅或者都仲叫OK，但叫既係蝦餅。咬入去口感唔多好，好「鞋」，感覺豬肉多過乜，味道怪，唔理佢係蝦餅定魚餅，都唔想再食第二件🙅 冬蔭功 $108 如果同我講呢個係泰國的味道，真係會想喊。睇都睇得到，淡，香料少之又少。完全食唔到冬蔭功既神韻，魚湯? 雞湯? 加點辣? 蝦好似有6隻，size ok，彌補返成個湯既不足。 黃咖哩軟殼蟹 $188 印度薄餅 $25 呢道菜係全晚最值得欣賞既，份量足夠，軟殼蟹脆口有肉有膏，黃咖哩撈飯又或者配薄餅都係好正，如果呢個咁creamy既黃咖哩係可以配返肉蟹，相信到時有鮮味，可以整體吊返晒出返晒味，發揮最好。 榴槤雪糕伴榴槤糯米飯 $58 最後以一碗甜品做完結。雪糕雪得好實，放咗好耐都溶唔到，不過味道重，甜度好，配埋個榴槤汁，真係好臭架，但好好味。另外有叫到佢既招牌船河食，$108/碗，只能說，味道好不過上百蚊一碗，不值不值。 Nara，試一次就可以了，相信香港好多間泰菜都做得比佢更有泰國味道，更好味，不過未試過既，可以來試下，話晒都係Nara來香港開既第一間! 支持下嘛…查看更多

Shop Front 呢間 SP Flower & Tea Room 位於太古城中心，每次行過都會俾佢入面既靚靚蛋糕所吸引。今年母親節，一早就訂定咗枱同蛋糕，氹下媽咪 Our Seat & View Flower Tea $68/pot 叫左2壺呢度主打既花茶 $68/pot Zen Garden (茉莉桂花烏龍) 初初2次好濃，配上食物可以消滯，有茉莉花香，算不錯。Happiness (南非藍莓國寶茶)淡淡地甜甜地，幾特別，不過唔係人人都喜歡，始終係果茶。水可以refill，慢慢歎! SP Favourite Organic Chicken Waffle $142雞扒味道唔濃，淡淡既雞肉味，相信係因為輕食同健康熟煮，雖然唔多調味，卻係入口覺得好舒服，無任何雪味，肉質有感。 醬是用來配waffle，暖暖既waffle，食落口既感覺好match。 Tea Set ，有2 個mini hamburger同埋1年mini pancake，再配2件自選既mini cake! 真係好香甜既好自然既味道，唔會覺得係惹甜既感覺，每一口都好似飲咗啖清甜既香露，好香好sweet! 蛋糕係Spring Garden，唔好以為佢咁簡單普通cream cake，食落去係好輕好溫柔好似去咗花園既感覺，真係好舒服，令人個心都放鬆晒! 呢間Tea Room既特別之處，相信係佢無論邊一方面，都真係貫徹到自己既理念同主題定位，簡易、舒服、美麗，來呢度享受一個下午時光，的確係身心靈都能夠有所感悟。社會步伐太快，好多餐廳都會想法子做好多好誇張既食物來吸睛。然而，呢度簡簡單單，真係已極好。SP Flower & Tea room - TaikooShop 211A, 2/F., Cityplaza, Taikoo Shingsp-boutique.com…查看更多

呢間野新開咗一段時間，但位置問題仲係無來試，今日終於的起心肝食!食咗唔少野，但我好想推介水煮魚，因為佢賣相好，魚肉鮮滑，最重要係個味道，我成日周圍食野，水煮魚都周圍試，呢間既辣度麻度好掂，問咗老闆原來係佢地既花椒突登四川拎過來，仲有師傅係喺四川煮過唔少好野食! 好多時我地話水煮魚好味，但呢間既好味真係非筆墨所能形容! 我地食完晒啲魚，雲耳，芽菜，超唔捨得，仲要打包成個湯汁返去，希望聽日自己再加魚片可以番尋味啦! 呢度有啲嘈，應該因為裝修唔收音，同埋啲攪拌聲超大。另外表面乾淨，但唔知點解都有幾隻蚊定蒼蠅食得辣既朋友，來到呢度，必點水煮魚…查看更多

上Openrice搵尖沙嘴邊度有燒蠔食，於是就搵咗呢間試! 滿心諗住食燒蠔，真係好想食又juicy又有奶味既燒蠔! 但呢間野真係令人失望!首先入到去就覺得好逼好多枱，行入位要跨過隔離枱既裝袋籃，肥少少都過唔到。到叫野食，款式其實唔多，來來來去只係因為有唔同味道，野飲就又少選擇又唔抵，得汽水同啤酒，但啲啤酒係細支裝，分別大約$18罐或$60支，而支水收$8但係俾屈人寺牌最細樽。等咗都唔少時間先來左串燒，最慘係呢度同人講係個半鐘埋單但啲野係要等。食物來了，本身係滿懷歡喜諗住係平時食開日本又或者清真風味既燒物但真係大失所望...總之唔明點解呢間野咁多好評，呢間野係唔值，貨唔靚味道無亦唔覺得有燒過既香，食物好差…查看更多

好耐無寫食評啦, 因為上咗大學之後好忙,畢業啦,而家係真正蜜月期,過多陣又要開始搵工踏入人氐另一階段!就係咁得閒既期間,用我班fd一行1x人,o係三陂坊一個派傳單既員工帶到來呢間好似開左無耐既食店~沿路都有好多間類似既食店,不過今次應承左個員工(佢好有禮貌)又話新開張咪去試下囉~間野唔係好大又唔係好細(我在說甚麼XD),但真係嘛,間野都幾乾淨(新開嘛),裡面有10張枱~ 有個女的員工好熱誠咁叫我地去最大同最入面既枱坐~ d fd開始睇餐牌, 女人就開始洗碗筷!!(不過我覺得唔使洗都得, 因為好乾淨)好快就有好野食啦^~^炒鮑魚係個員工拎個熱到爆既鍋出來, 然後落鮑魚即炒, 果種新鮮感令我地都好興奮! 味道超好, 鮑魚好新鮮好爽 ^_^呢個鹽焗雞真係唔同出面果d架喎, 莫非真係正宗!? 我覺得鹽香得來又唔會咸, 又唔會搞到隻雞好"鞋"!乳鴿係我飲茶都會叫既食物, 講師傅功架我覺得呢度完全掂, 但係隻乳鴒冇咩肉食, 如果可以入貨大隻d就好啦!!咕嚕肉我諗係每次都一定叫既野, 呢度既咕嚕肉真係一定要試! 佢既皮香香脆脆唔會厚, 汁既味好濃又唔會覺得有"漏"既感覺, 仲要收汁收得好好呢碟蝦我最喜歡蝦下面既粉絲, 所有汁都o係入面, 果種鮮味既感覺真係!! 哇!!!荷葉蟹飯我諗應該係呢間野既名菜之一~ 好大隻好多肉好甜既蟹! 蟹多過飯!! 我就最喜歡食蟹, 不過我d fd話d飯先係精華所在~ 哈哈, 其實我不嬲唔多喜歡食有味既飯, 但我自己都覺得個飯有蟹既鮮同一d少少油既感覺會包住個口, 真係可以話係極品! 大大隻蟹鉗, 絕對冇減料!蒸魚, 好似酒樓咁會俾你睇下條魚, 話ok先整, 好新鮮好味!呢個係好惹味既! 我覺得辣度岩岩好, 辣辣地, 令人好想食, 但個口其實覺得辣但又忍唔住想食, 喜歡辣的人一定要叫!!!***總括來講呢間新野完全無中伏既感覺, 我覺得係用平民價錢食到星級廚藝!Great!…查看更多

跟朋友睇完戲行過鰂魚涌，就入左呢間日本餐廳啦佢出面既裝修都幾有格調，再比較下隔離另一間日本餐廳，發現佢既價錢比較吸引就入左去啦。入面都好有日本feel架，一排咁直落，環境都幾浪漫我同朋友叫左個2人餐$238+10%不過不失既麵豉湯啦~左上角係魚生沙律，佢個酸酸地既汁幾開胃，魚生同菜都新鮮右上角係芥末八爪魚，好新鮮既八爪魚，咬落去好彈，甜，好味下面係自選的刺身拼盆，揀左八爪魚、帶子同左口魚，帶子唔夠大隻不過好甜好鮮，另外兩樣就真係水準一般，唔係好夠鮮味上面係鹽燒鯖魚，d肉好厚，鹽度剛好，唔錯架！左下面係牛柳粒，牛味強不過火候略猛，老了一點右下係炸軟殼蟹，份量幾足，炸得幾好，如果d蟹多d膏就好了><!什菜烏冬呢就真係唔錯架，熱熱的，個烏冬好有咬感好正宗的，good最後係甜品，日式雪糕，綠茶奶味重好好味，芝麻呢如果係粗粒d既芝麻相信會較好，但都係好好味的***呢間隱蔽既日本餐廳，食物環境價錢份量都真係唔錯，不過我覺得服務方面真係要改善下，因為佢地既感覺係唔係好好客…查看更多

點解我會去左食呢間野呢，係因為大埔超級城裡面咁多間野得呢間唔使排隊不過我都知，食家都係好醒目既，繁忙時段唔使排隊一定有d問題既，但遠道而來既我即管試下店內環境不錯，幾寬敞。先來一杯熱茶講真呢杯茶真係幾好飲，又夠熱又夠茶味，真係飲左好似3杯叫野食係最難既，首先因為自己唔肚餓，但最大問題係佢好狡猾佢係無任何set dinner/定食/套餐，樣樣散叫，唯一有一個百幾蚊既餐但入面既食物根本唔值，仲有一個人來呢間咁既野使咩比百幾蚊叫你既套餐，根本係唔值！最後叫左$58既牛扒同$39既烏冬以上係個牛扒，得個賣相同盛載既器皿有d睇頭，但...肉係好「鞋」好乾牛味都唔出，仲有d意粉真係乾身到硬硬地，令人唔係好想食晒佢。呢個叫日式叉燒稻亭烏冬，第一：烏冬質感都可以，係有咬口既真係第二：叉燒!你唔好同我係日式叉燒，佢明明係一個燒味叉燒!超失望><***總結：服務生好急要你叫野食，冇啦啦又收左你d野，服務不太好；食物真的很普通，甚至有名不副實之嫌。…查看更多

行行下The ONE想食野, 千揀萬揀就比呢間野吸引左(始終想食日式菜)店既環境都係一貫雅致既設計,不錯呢個拉麵係絕對地同餐牌既感覺唔同,因為餐牌係好靚好大隻感覺好新鮮,但真實既呢碗麵只係好細粒又唔鮮味拉麵既麵質良好選擇了醬油湯底, 但其實冇咩味道可言呢個拉麵就係一聽就覺得好吸引既!不過又係失望的...蟹肉、蟹糕、蟹子都係少量到不得了...反而蟹柳就最大塊...湯底都係冇咩味....呢2個拉麵比我既感覺係呢間野外表同內在完全不一....五十幾六十蚊個拉麵真係買環境(雖然都唔係好靚)食完拉麵見到佢有promotion話可以加$16.8有個原價$30-50既甜品就緊係試下啦好既地方係佢整得都算好味, 差既地方就係...餐牌好大份但事實好細 - -"***總結：其實講環境服務都可以，但不喜歡呢間野餐牌同現實相差得太遠，又唔係好味，唔划算…查看更多