big-eat-ar的個人專頁

今日同朋友去左銅鑼灣食串燒，餐廳由地鐵站行過去都幾近，室內裝修簡潔，坐得都好舒服。我同朋友叫左唔同串燒同食物share餐廳嘅前菜係新鮮嘅蔬菜配上麵豉醬同糖椰菜，蘿蔔，青瓜同西芹都好新鮮，就咁食都有清新甜味。串燒類我地就叫左免治雞肉棒表面燒得焦香，雞肉有咬口唔會太碎，配上醬油蛋黃，味道幾夾豚肉荔枝卷 第一次食呢個配山，覺得好夾，豚肉有咬口，包住甜甜嘅荔枝果肉，中和左油膩感，更帶出豚肉香味，推薦一試！厚切牛舌芯 加左胡椒調味，食落爽口，唔會太韌或者有渣。大蔥 係每次都會想食嘅串燒，燒得都啱啱好，表面乾脆，大蔥芯有鮮甜嘅味道。柚子胡椒豬腩豬腩肉肥瘦均勻，配上少少柚子味，濃厚肉味之餘好清新，食落都好夾。燒物燒羊架味道都唔錯，唔會羶或者太多肥肉，燒得都啱啱好。燒岩手縣生蠔 （醬油 ）食落有鮮味，都飽滿。小食海膽醬吉樂餅 外脆內軟，第一次食配搭海膽醬嘅做法，食落有淡淡嘅海膽味，口感軟綿綿唐揚雞塊配柚子蛋黃醬新鮮炸起熱辣辣，外脆內軟，雞肉滑溜，炸粉都唔會覺得過厚同油，柚子蛋黃醬好清新，同炸雞好夾。另外叫左唐揚河蝦 好啱餸酒鹹香酥脆，仲保留到d蝦鮮味，同朋友傾計，一定要叫返兜主食叫左 牛肉稻庭烏冬份量都幾多，烏冬軟綿而有咬口，牛肉肉質唔錯，牛味香濃惠比壽生啤 泡夠濃厚 冰凍啤酒！…查看更多

星期六同朋友去左佐敦食間新開嘅泰國菜。位置喺上海街，餐廳星期六都仲有set lunch，我同朋友就喺main menu叫左幾樣share。鮮蝦炒金邊粉炒起好香，好足料，上枱都感受到新鮮炒氣嘅鑊氣。鳳尾蝦大大隻，食落爽口新鮮。配料足，芽菜，蔥，蛋，花生粒撈起好好食。金邊粉煙韌有咬口，食落清新，酸甜好味。炸皮蛋蝦餅份量比想像中多，一睇就知係相當講功夫嘅一道菜式，皮蛋新鮮，唔會有d放得耐嘅味。蝦餅厚實而彈牙，外皮薄脆炸得啱啱好！建議先原味試一件再點泰式辣醬，就咁食都好好食！推薦~泰式牛肉沙嗲串燒串燒三串起叫，牛肉串燒調味啱啱好，肉質都幾嫰，食落唔會有羶味。沙嗲醬好香濃，喜歡重口味味少少嘅就可以了點埋醬食。飲品 朋友叫左 泰式青檸茶 少冰少甜我飲左啖，飲落似有加左話梅，少少鹹味，茶底香濃，凍飲飲落好清新消暑。我就叫左泰式奶茶 少冰少甜，靚靚嘅杯加埋一層厚奶泡勁啱打卡，仲好好味，奶味香濃，但唔會搶左茶底嘅香味。芒果糯米飯，糯米飯暖熱，質感軟熟，芒果新鮮，賣相仲好靚~餐廳店員有禮，座位闊落舒服，聽到廚房都用泰文溝通，睇黎廚師都係泰國人。…查看更多

今日夜晚同朋友去左觀塘樓上嘅火鍋放題位置比較近牛頭角港鐵站，都非常易搵。388自助餐 任飲任食花膠雞鍋，足料，望落多好新鮮，湯底冇落味精，飲落都幾清甜，打邊爐食落唔會覺得口渴。雞肉都幾嫰滑，花膠食落滑溜。牛盛盤 賣相非常靚 色澤望落好新鮮頂級牛小排 肉質軟嫰，牛味香濃，油脂食落口好滑。頂級牛肩胛 同 安格斯牛板鍵 比較有咬口，牛味都好重雪花一口和牛粒，一口一粒，啱啱好！海鮮盤 五款時令海鮮蠔 好大隻 煮熟後都好滑口，唔會縮得好犀利，冇沙，食落新鮮白鱔片 清爽脆口飽魚 望落大隻都驚會韌，食落又幾嫰，唔會咬好耐都咬唔開，味道都幾清甜，質素唔錯蜆肉雖然唔算大粒，但唔腥，亦都冇沙，相當不錯。基圍蝦 肉質鮮甜，唔點醬都食到蝦嘅香味，搣完殼個size一啖一隻，好味！三點刺身三文魚 帶子 赤蝦刺身新鮮味甜，質素唔錯荔枝蝦球外皮好脆，裏面蝦肉彈牙，有咬口。前菜 冷盤 都好多選擇中華沙律，螺肉，芝麻八爪魚，水果小食 烤腸 炸物 甜品 各款口味雪糕 港式奶茶味好好食，香濃幼滑，真係好重奶茶味！ 泡芙 brownie, 啫喱 應有盡有火鍋配料 丸類 海鮮 菜類都好多款飲品任飲，啤酒有黑啤，泰國象啤等等茶，汽水嘅選擇都好多。整體黎講性價比好高，特別一班人有唔同口味都可以照顧到。食物好多元化，店員有禮。仲唔限時任飲任食，一路食都可以傾下計~…查看更多

今日約左同朋友食樓上韓國菜！飛達商業中心二樓嘅Outdark都開左好多年，出名有氣氛，野食好食又正宗。留意到餐廳唔少店員都係韓國人，配上星光閃閃嘅吊燈，有d似韓式嘅路邊大排檔，好有氣氛。 餐廳都幾大，座位都好闊落。我地就叫左烤牛肉飯卷，海鮮蔥煎餅，水冷麵 配烤豬肉，韓式香腸年糕串，同一枝星光清河燒酒。餐廳嘅食物都係韓國人烹調，非常地道。烤牛肉飯卷好足料，一啖一件好滿足。飯粒粒粒分明又飽滿，經典嘅蘿蔔絲，醃蘿蔔加上烤牛肉，紫菜亦都唔會太濕，夠新鮮好食！海鮮蔥煎餅份量好大份，賣相都好靚，上枱都感受到熱辣辣。外面煎得香脆，中間咬落有軟綿綿嘅口感而且蔥夠多夠新鮮，食落爽脆，口感好有層次！ 喜歡濃味可以配埋個煎餅醬汁，惹味之餘加上大量芝麻，食落更香濃。韓式香腸年糕串賣相到味道都係韓國味！表皮輕炸到脆身嘅香腸，咬落好juicy年糕外脆肉軟，火喉啱啱好，配上韓式甜辣醬，真係超好味，必試小食！星光清河燒酒啱哂小酌嘅晚飯，甜甜地有氣，易入口，仲可以解下膩！…查看更多

星期六午餐去左沙田新城市廣場嘅泰國餐廳 Here the Thai 食lunch餐廳好大，座位好多，坐得舒服。Menu係報紙造型，落單用qrcode，非常方便。餐茶飲落似大麥茶，飲落舒服，有啖啖茶香。食物我地就叫左牛柳炒闊河粉 闊河粉好少有，難得見到就要試一試。牛柳炒闊河粉調味啱啱好，食落都夠火口，闊河粉咬落煙韌有口感，牛柳薄切肉味香濃，配上蔥頭，紅綠椒，芥蘭等炒起，好惹味。泰式墨魚餅賣相好靚，炸到表面薄脆，墨魚餅厚身咬落彈牙，口感十足。配上泰式辣醬都好夾。飲品幾有驚喜泰式手打檸檬茶 少甜少冰香料味道濃而清新，唔會搶左茶底嘅香味，啱哂炎炎夏日配上火辣辣嘅泰國野好適合。餐廳嘅大廚真係食得出有水準，用料講究。店員有禮，整體唔錯…查看更多

平日星期五嘅tea time dinner去左旺角 TOP地下嘅Couch club食野鋪頭好有日式咖啡廳嘅簡潔風格，乾淨企理。有紙本menu 落單搵店員或者qrcode都可以非常方便茶漬飯 意粉 各類飲品 甜品 都幾多選擇我就叫左 慢煮三文魚配三文魚籽茶漬飯set包左兩個小菜 一個係醃漬蕃茄 酸甜清清好開胃，炎炎夏日就最適合另一個係玉子燒，香甜滑溜，面頭仲加上三文魚籽，食落多一份鹹香。茶漬飯配上麥茶高湯 店員細心介紹 飯可以先試下就咁食，然後再加上麥茶高湯另外仲備左一隻杯 麥茶高湯都可以就咁飲。飲落好有麥茶香味，同時有淡淡嘅鹹味。飯配上配料 秋葵，酸薑，飯素，另外有wasabi, 隨個人口味添加飯粒粒粒飽滿，唔加麥茶高湯就咁食都唔錯，加埋湯食落味道更加有層次，飯粒軟熟，食落好舒服。慢煮三文魚都幾大件，魚肉咬落有綿綿口感，三文魚肉新鮮香濃 配上三文魚籽嘅鹹香同口感，整體都好夾。飲品配上凍美式咖啡，冰凍淡香，味道偏fruity。餐廳服務，食物水準都唔錯，環境舒服，地點都方便，行完街想飲杯野定食個甜品都好適合。…查看更多

晚上同朋友食左間好食嘅日式西餐小店，就喺旺角東一出天橋附近，喺洗衣街嘅Chill Pill餐廳裝修簡潔溫馨，配上木枱，好有復古感。我地叫左2 GOOD 2 CHILL 2人餐是日餐湯係南瓜忌廉湯，用罐頭湯造型湯碗，非常得意。南瓜味香濃，有淡淡甜味。厚身幼滑，熱辣辣。小食叫左日式山葵醬餃子 4隻擺盤好靚，餃子隻隻飽滿，山葵醬唔會太濃，啱啱好帶有香味。餃子皮薄脆，肉饀飽滿，肉味唔會過鹹過肥，係出色嘅餃子！黑松露雜菌粗管通粉粗管通粉連埋黑松露忌廉汁好夾。就算擺左一陣，黑松露忌廉汁都不至油膩，仲係好掛到落通粉。 雜菌量足，食得好滿足。香烤羊架 五成熟 配燒薯菜羊架上面鋪左蒜加黃芥末醬，第一啖羊肉味比較出，食食下就會食到黃芥末嘅香味。羊架肉質嫰滑，入口肉味香濃，一d都唔羶。燒薯仔 好重嘅薯仔原味，入口軟綿。紅椒清甜 蘆筍好嫰，食落清爽餐點好多食到食材原味，唔會過度調味，值得一讚。甜品係柚子牛角窩夫，配雪糕。旁邊有粒提子樣嘅柚子醬夾心麻糬，入口煙韌，超有驚喜，中間嘅柚子醬酸甜清新。牛角窩夫咬落千層脆脆，一人一件啱啱好，配上柚子醬唔會太膩。飲品一杯要左白桃芒果冰茶一杯要左凍焙茶鮮奶兩杯飲落都冇額外加糖，保留左原味。特別係白桃芒果冰茶 好香鮮果味，飲落好清爽…查看更多

星期六同朋友一齊去左食台灣菜長沙灣有間新開嘅台灣菜 金緣居我叫左個全日套餐招牌三寶麵 套餐 揀左 紅燒湯底 粗麵套餐包左 前菜 三選一 我揀左 小黃瓜食落爽脆，酸酸地 好開胃小食 三選二 試左 雞米花同炸花枝丸雞米花 炸粉唔厚，食落啖啖肉 味道唔錯炸花枝丸都幾好食招牌三寶麵 係牛筋 牛肚 牛腩份量都幾大份，紅燒湯底 惹味，食落唔算太油粗麵份量足，幾滑溜。牛筋 炆得啱啱好，保留到口感，味道都唔會太鹹。牛肚，薄切入味，炆得夠腍牛腩 一大件 啖啖肉 好實在。餐仲有個甜品 仙草芋圓，細細碟，啱啱好。芋圓 整得煙煙韌韌，唔錯飲品 叫左 凍咖啡 去糖去冰少奶 加仙草咖啡大大杯 好香濃，加左仙草都好夾另外叫左個小食 甘梅地瓜條炸得啱啱好 炸粉唔厚，食到地瓜嘅甜味。套餐啱哂有時一個人又想食下小食 甜品嘅食客。…查看更多

今日晚餐去左 沙田新城市嘅 天天海南雞 食晚餐，呢間新加坡過江龍都幾有名氣。餐廳位置開揚，有梳化位，坐得舒服，餐茶香濃，飲落舒服。平日午市餐牌去到7點半，性價比都幾高。我就係主餐廳叫左幾款食物試下。前菜叫左個 海南沙律 有番石榴，無花果，士多啤梨加上少少鹹肉鬆，食落好清新開胃，又有dd鹹香味，幾特別。主打嘅 天天海南雞 叫左一份中份試試醬汁方面都睇得出用心準備，薑蓉唔多渣，仲好香。海南雞雞肉嫰滑，全起骨，啖啖肉。青瓜新鮮爽口。小食叫左個 黑松露酥炸生蠔炸起左都好大隻，表面金黃黑松露醬足份量，第一啖咬落好香脆，炸粉唔會太厚第二啖黑松露醬配上滑溜嘅蠔肉，味道好香濃。加埋另上嘅他他醬都好夾，多一份清新感。餐牌都好多特色飲品我就叫左 豆花年代咖啡，走左奶糖。豆花有少少微甜，撈落啱啱好，唔太好甜但想試下都可以叫黎試下。餐廳好多選擇，幾個朋友一齊就可以試多幾走美食！…查看更多

今晚同朋友去左尖沙咀食越南菜 河肉越式料理，之前有同朋友食過第二間分店，覺得都幾抵幾好食。我地今日就試下d唔同野，叫左一個河內生牛肉湯河，份量都大份，兩個人配d小食share啱啱好。生牛肉湯河，生牛肉都幾嫰，食落唔會有羶味。湯底味道都幾香濃，配埋青檸，芽菜等配料，飲落都舒服多一層鮮香味。河粉好滑，掛到湯，越式湯河整得幾好食~小食叫左個 越式香茅雞翼新鮮煎起，外邊好夠脆，雞肉嫰滑多汁，帶清香香茅味。另外仲叫左個 香茅牛肉三文治三文治包烘到外脆，包住青瓜絲，蘿蔔絲，加少少沙律醬，食落爽口清新。面頭鋪滿燒好嘅香茅牛肉，啖啖肉香配上新鮮蔬菜，食落唔會覺得油膩，預先切開左兩份，兩個人share食落啱啱好！飲品叫左一個 椰青，冰凍清甜又解膩，濕熱嘅天氣一飲真係解哂暑。…查看更多

收早今日6點前去到旺角食泰國野。見門口拉左條隊睇黎好受歡迎。未夠6點唔洗排隊都入到座。餐廳都好闊落，裝修好有泰國大排檔嘅特色。食物都幾多選擇。我就叫左d經典菜式試下泰式虎蝦金邊粉新鮮炒起，第一時間擠青檸汁，將所有配料撈埋，青檸清新多汁，聞到d酸甜味，胃口大開。虎蝦大隻，咬落好爽口！金邊粉炒得好好，夾起有水份，但唔會痴埋哂一嚿，入口條條分明，配搭青檸汁食落清新開胃。撈埋蔥頭，芽菜，豆腐乾等等嘅配料，口感更加有層次。仔細d望仲有加埋蝦米，加倍鮮味。小食叫左個 沙嗲豬串燒比起一般食到嘅肉粒串燒，餐廳嘅串燒係一片片豬肉，帶少少脂肪，燒到有少少焦邊，香脆juicy!份量大份，啖啖肉。點埋酸甜嘅醬汁 味道都好夾有特色！飲品叫左杯 泰式奶茶 少冰，奶茶香滑，唔會過甜，味道唔錯，配肉類炒粉都唔會覺得太膩。到離開嘅時候未夠7點，門口排哂長龍，餐廳性價比好高，好食抵食，店員都好有禮貌。值得回頭！…查看更多

一個人嘅晚上去左啟德附近嘅mikiki商場食飯，商場好多餐廳，有天橋接駁啟德站同Airside 好方便。我就去左一樓嘅Plato Cafe & Bistro食dinner有dinner set,二人set或者單點餐廳光猛，用色柔和，座位闊落好舒服。玻璃望出去都幾開揚。做完運動好肚餓嘅我就叫左個dinner set再加配甜品。試左 西班牙黑毛豬鞍餐跟配 田園沙律田園沙律先到，沙律菜種類豐富又新鮮配上酸甜醋汁，食落清新，開胃健康。主菜 西班牙黑毛豬鞍上枱個陣，表面仲有d油脂喺面頭燒緊。望落煎得啱啱好，聞落好香。切開豬鞍厚身，有份量，肉質好嫰，顔色分佈平均。咬落juicy，香濃肉香配埋青蘋果醬，中和油膩感，肉味更加香。間中西餐配嘅雜菜都比較硬身，呢到嘅燒西蘭花，唔會過硬，喉落夠腍。冇特別調味，食落有清香，好舒服。原隻焗薯依家都好少有，薯味香濃仲熱辣辣。飲品我就加配叫左 湯力咖啡 少冰擺盤靚靚之餘，原支tonic, expresso可以自己沖，飲落爽口清新，因為你原支，氣泡感十足。小食加配 炸蕃薯條大大份，上枱仲感受到新鮮炸起嘅熱氣。做到外脆內軟之餘，蕃薯嘅綿密同香甜都保留到，加配性價比好高。鐘意蕃薯條推薦一試。晚市好旺場，店員人手充足，反應快都好有禮貌，餐廳今日仲播住耳熟能詳嘅廣東歌，好有親切感。…查看更多

平日晚上同同朋友一齊約食飯，朋友話想食台灣野，我地喺附近搵左間台灣野 讚好台灣，8點幾都有唔少食客。我地兩個人叫左個麵同小食share。肉燥三寶乾拌麵三寶係台灣腸，貢丸同花枝丸配上青瓜絲 麻醬，份量都幾大份麻醬味道香，掛到麵。清新香脆青瓜絲加落拌麵更有口感，麵質煙韌。台灣腸用料實在，外皮香脆，滿滿肉饀，仲好juicy,啖啖夜市味道。貢丸彈牙，咬落有啖啖香菇味。花枝丸有咬口，味道都唔錯。小食試左台灣經典 甘梅脆薯金黃炸蕃薯同梅子粉真係好夾，酸酸甜甜，好開胃，外皮好香脆，綿密嘅蕃薯好清甜。飲品叫左杯 凍珍珠奶茶 走甜少冰茶底味香濃，奶茶質感幼滑，珍珠都好有咬口。餐廳坐得舒服，店員有禮，食物都幾好食，值得再訪。…查看更多

今日去左尖沙希爾頓大廈食台灣野。餐廳 鐵牛台灣喺大地下一樓餐廳好光猛，都好闊落，卡位梳化櫈坐得好舒服。呢到午餐去到6點，仲有下午茶餐同火鍋，好多選擇我就叫左 人氣之選 總鋪師私房牛肉麵 加轉 蕃茄清湯麵底加轉 台南刀削麵 蕃茄湯麵大大碗，有金錢腱，牛筋，牛腩，牛肚絲，紅白蘿蔔。蕃茄清湯濃厚，酸酸甜甜好開胃，台南刀削麵 闊，薄身，超滑，食落粉感唔重，好順口。金錢腱 肉味濃，帶少少筋，幾有咬口。牛筋 大大件，炆得都有味，牛腩 軟熟，食落嫰滑。牛肚絲，有煙韌口感，食落冇渣，處理得幾好。紅白蘿蔔，炆得入味，吸左牛肉汁，食落juicy~飲品就叫左 感恩珍珠奶茶 少冰 無糖好似罐裝飲品咁包裝，望落好得意茶底濃香，奶味夠香，飲落順滑，珍珠份量足，好煙韌。…查看更多

今日同朋友去左銅鑼灣樓上嘅意大利菜Fusion餐廳 Ciclo食晚飯，餐廳就係地鐵站附近，非常就腳。前菜叫左Icura Lobster Arancini 龍蝦炸飯糰Lobster Risotto 配上mozzarella同 sour cream， 芝士有拉絲，味道濃郁。香脆嘅外皮配上三文魚籽，食落更有口感。主菜Crispy Beef Short Rib 牛小排醬汁用 山楂汁夾青醬 青醬淡香配埋山楂汁嘅酸甜好啱配肉類。牛小排熟成度啱啱好，肉質嫰滑之餘，油脂分佈都啱啱好。燒牛油薯蓉好出色，帶有牛油香味但食落一d都唔膩。質感幼滑綿密，配上肉汁味道天香濃。野飲叫左一杯Golden Hour由幾種唔同嘅酒 Gin, Whiskey, 麝香葡萄酒，白酒 製成嘅cocktail, 入口酒味濃烈，飲落乾身，餘香帶少少甜味。餐廳氣氛幾好，幽暗黑灰調好舒服，餐枱之間都有d距離好好放鬆，同朋友傾下計。店員都好nice，需要推薦都可以問下店員介紹下menu。…查看更多