kamling1008的個人專頁

自問食過坊間唔少既日式布丁，第一口感都應該係幼滑，伴有焦糖及蛋味，呢間店主打抹茶，就試下期間限定抹茶布丁啦，上到黎好靚，同圖片一樣吸引。好啦第一啖食落去，ok乸野食落口感粗糙，抹茶味不濃，最後仲有少少蛋腥味回甘。我以為味覺出現問題，再食第二啖，口感依然。同行友人叫左抹茶雪糕，與麥記無差，可能真係我地唔識欣賞啦，比大家欣賞下呢個粗糙既布丁，唔想浪費食物，但真係食唔落，最後埋單$140蚊，又真係幾搵笨…查看更多

好耐冇食酸菜魚，每次我都會搵唔同舖頭食，今次揀左廚十三尖沙嘴分店，一上到去被安排到海景檯跟著2人落單細份酸菜魚➕萵筍片，另外仲加左豬手。酸菜魚上台其實都好大份，第一啖當然係飲湯先，酸酸辣辣，口味適中，即刻撈左幾啖飯，魚肉好緊實嫩滑，好新鮮既魚味，入面仲配有粉絲，豆腐，金針菇，其實都夠3人份。而豬手睇落冇咩色，撈埋啲醬汁都好惹味，不過有少少辣整體黎講，從食物、環境、服務都好好，但係去既時候晚市時段都比較少人，可能開關後鍾意食酸菜魚既人都會番番深圳食，希望都可以多多支持本地食肆…查看更多

路過見到新鋪開張就幫襯下，布丁撻售罄，唯有試下其他野，買左個原味bagel，想拎番屋企加工下加cream cheese，一切開就就見到巨大氣孔，咬落同麵包沒分別😛…查看更多

伯爵茶可麗露 $23 外皮脆，切開裡面毫無組織，乸埋一舊，好似食緊一舊濕既麵團，味道偏甜法式奶油酥 $33 表皮酥脆，整體口感扎實，但由於係常溫，所以咬落好韌，比較一般雲尼拿拿破崙 $82 酥脆既酥皮配上香濃雲尼拿吉士，味道十分和諧，可以清楚見到吉士入面既雲尼拿籽，配上紅桑子醬解膩，好評！Iced Americano $45呢杯野⋯無法形容，Mcafe都好過佢，究竟係速溶定係用罐裝咖啡粉衝下次可能只會食番拿破崙⋯⋯…查看更多

行開呢頭入黎hea hea，叫左杯iced longblack，入口非常淡，反而要飲到剩1/3先出到少少味。仲有杯hot 70% chocolate，入口竟然係鹹既⋯朱古力味都好淡，見到網上都話好飲，都好大期望，估唔到會係咁…查看更多

提前係App拎左位，去到店員表示依家得迴轉位，卡位要等，我問大概等幾耐，跟住話預計唔到。過左10秒，有另一位職員又帶左我們入去，路上見到空空如也既位置（迴轉及卡位都有），所以係咩意思好啦，跟住坐埋位落單啦。檯面得一本基本menu，問番店員有冇時令menu，店員話轉頭會有，ok！等左幾分鐘都冇動靜，再追問，店員話6點半先有，而依家時間係6點鐘，請問點解第一次唔同客人表達清楚呢？其實都經常幫襯，估唔到會係咁樣，態度唔係要求話好好，但基本野係咪要做到？…查看更多

今日Day off黎到離島，平時去長洲就去得多，榕樹灣都係第一次出發都冇乜點準備行程，諗住邊行邊食，點知搵到間小巷尾既隱世小店。門店好細，得一張檯，幸好到時並沒有客人。雪櫃產品令人眼花撩亂，有少少選擇困難，因為一個人食唔到太多坐低叫左一件New York Cheesecake$50，加兩粒芋泥糯米糍$35，一杯Ice Caramel Latte$40，係離島黎講，價錢亦算合理。Cheesecake餅底鬆脆，蛋糕入口順滑，濃郁芝士香味瞬間充滿口腔，配上自家製藍莓醬，兩者互相搭配，不失風味Latte就不過不失，煙燻味較重。糯米糍與坊間糯米糍不同，外皮好薄，入面包有奶味香濃既忌廉，再加上香滑芋泥，整體搭配十分棉軟，確係值得打卡。…查看更多

來附近的考評局辦事，看見有間餐廳幾好，就入去試下，估唔到十分好食下午茶餐非常抵食，質量都好好雞翼好嫩，唔會鞋，推薦大家西多士亦好大份，同行兩個人叫兩個餐都已經好飽…查看更多