alwayshangry852的個人專頁

等咗好耐， 綠景地下嘅台式餐廳終於都開業！ 牛頭角區終於又多一間食得過嘅餐廳！😌店舖都幾多位，就算坐滿晒人都唔會太嘈，旁邊仲會有啲window seat，如果要自己一個食lunch就可以坐window seat, 望住街景食飯，應覺唔會太lonely又chill！😎食物質素算中上，$60 左右有個main 加港式飲品，係呢區嚟講算超值。🤑味道個人覺得好味過 ‘x元’好多，唔會太濃味🥰 蔥油豬頸肉煎蛋飯豬頸肉肥瘦適中，煮得好入味😋皇牌鹽酥雞扒滷肉飯 （外賣冇影相）雞扒炸得好鬆脆，鹽酥味岩岩好，唔會太咸加埋滷肉個人覺得太肥膩😌古早味滷肉台式香腸飯台式香腸好味滷肉太肥1705 呢間餐廳係連住天仁茗茶嘅，但係唔可以加錢轉天仁茗茶飲品有啲可惜😝🤪Ps 如果想堂食要早啲去拎位！ …查看更多

知道傅珮嘉終於係香港重開返間台式文青店，呢日過開港島區終於可以去試一試。 尚青商號位於灣仔同金鐘交界，附近有出名嘅bakery同cafe，絕對值得搵一日特登去附近搵食。店舖裝潢十分文青，地下門口位好岩打卡， 上一層就到食堂位置，坐位舒適同闊落，加埋餐廳嘅音樂，真係有一刻置身於台灣嘅感覺。食物方面，由於我自己一個毒食， 只可以試到一款食物同飲品，但係食完之後我肯定會不停搵機會去食， 完全係水準之「尚」，高質台灣菜😍香菇瓜仔肉飯香菇，瓜仔同埋肉都炒得超香，味唔會太濃，絕對要試！😍復刻胚芽奶茶茶底好濃得嚟唔會苦，飲落仲有陣清香茶味，唔會太甜，但又唔會唔夠味，加埋脆脆胚芽，我未開始食飯已經忍唔住飲咗大半杯😍總括嚟講，絕對要試，實在太回味啦！呢個價錢，有「尚」級質素💛…查看更多

由Lagom 裝修開始，一直都好期待，好想去試一試，但係最近太忙，到開咗2個月之後先試到。由於太遲去，好多朋友都試咗，佢哋對嘅食物評語一般般。可能我冇期望去食，食完反而覺得有驚喜！ Lagom 鋪位好大，樓底好高，坐位多，裝修睇得出好用心，好岩坐低chill 一chill 。鋪頭有埋炒咖啡豆嘅地方😍，簡直係啡迷嘅樂園！😍😍😍個人覺得最值得推薦嘅一定係咖啡，拉花樂特別，杯杯都唔一樣，都係一個art piece! 咖啡👌🏼豆味都香😍最驚喜嘅都係拉花天鵝拉花幾特別嘅花台北燉牛肉意粉😋牛肉燉得好滑😋少少麻辣嘅汁好正，好惹味😍😍😍必食all day breakfast🤨價錢較貴，與食物質素不乎🤪😕味道好一般，可以skip松露干貝意粉😋干貝煎得香， 好味😋加埋淡淡松露味，值得一試鮭魚 牛油果三文治😋朋友話好食，我冇試到，比唔到comment 🤪…查看更多

平時假期入赤柱，次次都人山人海，大多數餐廳都坐滿人，搞到有個感覺—-覺得冇咩好食😅今年冇得去旅行，積咗好多假，索性平日拎日假入去赤柱行下，放鬆一下，仲突然發現赤柱有間咁好食嘅beef burger 餐廳！😋😋😋可能係平日lunch time 時間關係，入面冇咩客人，望落去所有位置都坐得舒服！手撕豬肉漢堡😋漢堡包烘到好脆，手撕豬肉好入味，食落一啲都唔乾，啖啖肉🤤😋加埋啲蔬菜絲，解膩雙層芝士漢堡😋牛肉唔係普通漢堡扒，係薄薄碎牛，有2片， 好重牛味，加埋溶咗嘅芝士🤤perfect 💯 蕃薯薯條 （side, 跟餐）😋超級好味！熱辣辣，加埋蕃薯原本嘅甜味！ 不得了😍😍😍🤩雖然係跟餐，但係都好大份，好抵食檸檬特飲😋加咗新鮮檸檬汁好fresh，食完漢堡飲返一杯即刻Gur 晒！難得係赤柱都搵到好嘢食，開心🥳，坐低食個burger， 飲杯beer，chill 一 chill💯…查看更多

終於一嘗呢間收藏咗好耐嘅咖啡店！ 💛🤗懷住高期望去食，好彩最後都冇失望，仲有驚喜！ 店舖係地鋪，門口唔係太顯眼，要好留意先唔會行過籠🤣。入面就充滿空間感，枱與枱中間都有適當距離，啱晒一班朋友傾計，完全唔怕聽到隔離枱講咩！爆芝爆汁牛肉漢堡🤤好多款芝士溝埋一齊，超正🤤麵包烘到脆卜卜🤤漢堡扒好多汁！ juicy😍🥺脆薯角太乾，炸過籠，可惜😢健美沙律配蒜蓉蛋黃醬😋蒜蓉蛋黃醬係重點，令到成個沙律好出色！蒜蓉蛋黃醬好香，配埋啲菜同雞胸、煙三文魚係絕配！🥳😋所有蔬菜都好新鮮鮮茄牛柳粒意粉🤤牛柳粒重牛味，煮得好淋，加埋茄醬不得了 香蒜白酒大蝦意粉🤤大蝦好彈牙，加埋濃濃嘅蒜香味，好出色！🥳🤩🤤意粉煮到軟硬岩岩好，加埋啲汁同車厘茄一齊食， 好正！咖啡💓💓💓🤤flat white: 咖啡豆炒到好香，有果香味🤗🤤latte：都好正🤤ginger latte: 用新鮮薑汁，加埋落咖啡到好fresh，好突出😍每杯咖啡拉花都唔一樣，飲到底都keep到個花！👍🏻👍🏻👍🏻呢間係絕對值得坐底嘆杯好啡，食下高質食物嘅小店！花少少時間變為啡奴，為自己叉叉電💪🏻💛…查看更多

荃灣一向比人嘅感覺都係非常之多人同繁忙🚶🏻‍♀️🚶🏻‍♂️🚶🏻🏃🏃‍♂️，想係荃灣站搵個清靜嘅環境坐一坐，可以去下附近嘅小店-Browny。Browny 位於隱蔽嘅街角，店外同店內都有座位，位都唔算多，店員有禮貌及態度親切。如果想係繁忙中take a break 或者咁啱要等人，坐低係呢間小店飲杯咖啡，睇下鋪頭入面嘅書，絕對可以好好消磨半日。咖啡🙂重奶香，反而令到豆香唔出，不過已經比連鎖咖啡店好飲好多火腿芝士貝高(Ham and cheese Bagel)😃Bagel 好食，好煙韌，加埋上面嘅nuts，絕配🙂不足之處係火腿太薄，味唔濃，加埋bagel 唔覺食到火腿咁啱今次我要等人，慢慢坐低嘆咗個Brunch，睇下書，望下街景，都幾舒服。但係如果夏天，絕對唔建議坐室外，會好熱同可能有異味！…查看更多

突然想食日本嘢，搵搵下搵到呢間係太子嘅日式居酒屋！ 見太多數都係好評😁，即刻打去book 位，順便約埋朋友第二日一齊喺lunch time 試下，食最抵嘅lunch 定食！ 最正嘅係佢星期六日都有定食set，超抵！ 👍🏻👍🏻鋪頭入面唔係好大， 位置唔多， 得1張四人枱，3張兩人枱同幾個Bar 枱位。如果係人多嘅飯局未必啱😩， 人少少傾下計就perfect🤗! 中午時間去食，可以食定食或者散叫都得！ 我同另外2個朋友就叫咗2個定食再加散叫！ 全部食物質素都極高，好好味！什錦壽司魚生全部好新鮮，飯嘅比例都好啱，一口一件😍 帆立貝海膽飯帆立貝同海膽都好鮮味，食到停唔到磯燒鮑魚好彈牙，煮得好入味，正清酒煮蜆極力推介！蜆肥美，清酒湯好鮮甜，我飲晒個湯🤣🤣🤣其他串燒同小食就係正常水準，唔係超級出色🙂💛💛💛整體來講，非常值得一試！ 呢個質素黎講，二百幾蚊一位絕對算係抵食！仲要係正太子站附近！不過小店人手不足，要比啲耐性店員，佢哋都忙到冇停手！ 💛💛💛…查看更多

成日夜晚行過呢間日本嘢見到都好多人食😋，經常想搵機會試下，但係就冇記性成日唔記得，咁啱最近有一日平日放假就食咗！由於係一個仲讀緊書嘅學生好有誠意咁請我食生日飯，唔想佢洗太多錢同原本係好想食魚生嘅我，最終都揀咗食黑咖喱吉列豬扒飯。 而佢就食咗黑松露燒雞飯。黑咖喱吉列豬扒飯定食🙂黑咖喱味道普通，偏酸，唔辣唔甜，但係唔難食🙁吉列豬扒有啲乾，炸漿唔脆，豬味唔濃😋茶碗蒸好滑，幾好味👍🏻黑松露燒雞扒定食😀雞扒係即燒嘅👍🏻，不過味道就一般，唔算好香，黑松露醬唔算濃味，加埋一齊食唔難食，但係又唔係特別好食其實係呢間鋪頭應該食嘅係魚生同串燒，相信會係幾出色嘅。下次自己比錢時會試下🤣今次嘅午餐食物質素就中規中矩，但係商場坐得舒服咁食一餐飯，仲有埋沙律，麵豉湯，茶碗蒸，同主食都係$78，都算非常超值。…查看更多

呢間日本拉麵長期都多人食，今次已經係第三次食，味道都係保持到😅，唔算超好味到要特登黎食， 亦唔係難食，性價比就普通，但加半份麵就只需$13好抵，啱晒男士食。湯底超濃（我就覺得太重口味）食完好口渴，豚角必食，肥瘦適中，成舊肉都好入味，麵軟硬適中。如果咁啱係APM，又想食拉麵，又想食得heavy 啲，都可以食下。😁豚角必食， 入味，軟硬肥瘦適中。😁溫泉蛋極流心，必食😂湯底極濃，頭一兩啖都可以，再食就好喊…查看更多

一直都知道素食對身體好，但身為食肉獸嘅自己好難放棄肉類，唯有一星期食一次素食，對身體好啲之餘都對環境好啲！Green Common 係一間型格高質嘅素食， 次次食都唔會失望， 佢耐唔耐都會update 下個menu, 令到你食極都唔會厭！以前好驚食齋，因為傳統齋菜都好肥同好油， 自從試過Green Common 之後， 對素食完全改觀， 係呢到你可以食到高質素嘅中，西，泰口味素菜， 絕對值得開始GO Green 嘅旅程！未來漢堡plus 👍🏻好足料，有菠蘿，牛油果，加埋塊素肉好好味，高高一個好夠飽👍🏻加埋薯條都係加$12，粗薯條好熱，好香口，絕對值得加配！雞柳喇沙🙂唔算辣，甜味重啲，怕辣嘅朋友都可以叫🙂大大碗，米粉都好多🙂素雞就正常，食到有豆味新豬肉Pizza👍🏻新豬肉上面鋪滿晒芝士，加埋茄汁，好夾，食嘅時候芝士可以拉到絲，好cheesy 👍🏻餅底超脆！好香口😍韓式辣醬炒雞柳意粉🙂意粉軟硬適中，加埋韓式辣醬好特別，不過韓式辣醬原本應該好多味精，食完會好口渴🙂雞肉好淡味，可以再炒香啲先再加埋落意粉到炒，會香好多！總括嚟講，想食素一定要去Green Common，絕對唔會令到你失望！ 如果你係減緊肥行緊低糖或者Keto 都可以去食，menu 有晒呢啲options!P.S. 今次係中秋節正日去食， 仲一送咗個月餅比我哋！抵讚！…查看更多

自從深水埗一帶多咗好多型格文青店後，呢一頭都多咗好多年青人出沒，我都特登約朋友係呢邊行吓，嚟個小小getaway!十常八九嘅店舖環境絕對係符合晒getaway嘅要求，裝修簡潔、清新、型格，環境安靜，店內只有四張枱，食客相對有較大私隱度，啱晒傾心事同慢慢影相，再瘋狂打卡。不過，想要有機會入到鋪頭都唔容易，需要付出極大代價—— 耐性！店舖只有四張枱，每張枱限時90分鐘，如果你唔係一開門即刻入到去，最少都要等個半鐘先入到去。如果真好想去checkin下，真係要一早到深水埗就去十常八九登記先，太遲會連登記嘅機會都冇。（我同朋友一到SSP就登記咗先，再去其他coffee shop食lunch，跟住再去咗玩具街買嘢，差唔多4:30先入到去食dessert)食物十常吐司😊蛋好軟滑，麵包吸晒蛋漿，蛋味唔算好重，似甜嘅玉子燒，可以一試，不過就冇食完想再食嘅感覺😊伴碟嘅水果好出色！ 新鮮，好甜，一啲都唔酸！草莓忌廉奶油慕絲🙂慕絲幼滑，奶味較重，就算配上酸酸地嘅草莓都係太膩，不過賣相可愛，好啱影相🤣☕️黃豆黑糖豆乳😋有驚喜！黃豆粉香，加埋黑糖同豆乳係絕配，3粒香軟嘅丸子亦都好出色！☕️espresso tonic🙂正常水準之作想要一個舒服嘅環境瘋狂打卡，呢間清新小店真係好啱，環境同食物嘅presentation 都好IGable，食物質素正常，不過要做好有機會要無限等待嘅準備！…查看更多

趁住疫情回落返，就出動去搵小店食下，支持一下唔同小店💛咁岩係銅鑼灣行完街，就諗住近近地去大坑食下嘢！受疫情影響，大坑嘅食肆好似又再靜咗，今次係星期日晚去，都少咗好多人。由於唔太肚餓嘅關係，諗住食碗麵就算，揀咗前座飯堂，諗住食下好少見嘅川式車仔麵！一入到鋪頭，就被店內嘅裝飾吸引住，懷舊得黎好型格，有種唔係2020年呢個年代嘅感覺！如果咁岩係附近想食下辣嘢，都值得入去食碗麵，欣賞下店舖環境。食物豬大腸海帶結酸辣紅薯粉（中辣多酸）😋豬大腸超好味，好肥美（但唔會油），煮得好入味，必食！💛🙂海帶結偏鹹，好爽口，可以一戰🙂酸辣粉夠煙韌，湯底香辣惹味，但略鹹麻醬雞絲涼拌紅薯粉😊麻醬好香，加埋雞絲好夾😔紅薯粉黐埋一舊，好難咬開，咬得唔夠會容易濁親，可能配米線會好啲時菜😋菜心好甜，似菜心苗，好味，18蚊黎講算好抵食，又大份！…查看更多

深水埗呢幾年嚟愈開愈多文青cafe同型格食肆，今日終於同朋友去行下，係冇得去旅行下，去下啲平時少去嘅地區，當係有一個小小嘅getaway 都幾好！我哋星期六中午左右去到大南街一帶，由於weekend 都預咗會多人排隊，所以一早已經搵定幾間想試嘅， 邊間少人啲就食邊間。我哋快行咗一轉，發現好多食肆都已經出現人龍，最後決定企定定係有2層同埋望落最多座位嘅Nomad 到等，好好彩等咗30分鐘就有位啦！Nomad裝修型格，好岩weekend去relax下，食物質素一般，唔算特別出色，咖啡就唔錯，水準以上。由於太多人等候，用餐限時90分鐘，未必可以好relax好chill咁慢慢傾同食。不過90分鐘都絕對夠時間，唔會食得好趕！食物蒲燒鰻魚漢堡配青檸鹽薯條🙂鰻魚好大份，加埋燒汁都幾好味，正常水平😔青檸鹽薯條冇青檸味，似普通薯條，同埋唔算太熱，有好大改善空間海膽忌廉汁蟹肉意大利飯🙂意大利飯軟硬適中，個sauce 夠濃味，食落都幾夾，不過個sauce就似龍蝦湯多啲，有少少海膽味，另外完全食唔到蟹肉😱飲品☕️Flat White😋咖啡味濃，豆香重，落口都好滑☕️Espresso Tonic 😋tonic 加 espresso 好清新，絕配，岩晒夏天飲Nomad店內環境舒適，推介平日人少少嘅時間去飲杯咖啡，Chill 一chill下，好好放空一下！…查看更多

九龍東其實有好多好正好Chill嘅coffee shop,，如果要揀咖啡最出色嘅，暫時覺得非29 Coffee莫屬！29 Coffee 雖然鋪頭細細，但都提供多款咖啡同茶嘅選擇! 店舖得外面有幾個位可以坐，如果係秋冬，咁岩有時間都好建議坐低慢慢enjoy 杯咖啡同埋食埋小食！如果唔鍾意附近嘅環境，外賣拎去海濱公園野餐都好Chill!試過29 Coffee 嘅Caramel Macchiato( Salty Sweet Macchiato), Latte, Baileys Latte, Flat White, 全部都好出色，咖啡豆香好出，好好飲。我通常睇下當日心情而決定買咩口味，鍾意飲甜啲嘅就可以飲 Caramel Macchiato同Baileys Latte。呢間鋪頭有做埋set，買咖啡配埋食物會抵啲！推薦嘅有牛油果芝士Bagel, 次次叫親都未試過失望， 牛油果熟到岩岩好，入口即溶，加上cheese 同埋pepper 簡直係perfect match! 再飲埋杯咖啡，係最好start the day 嘅方法。當然，如果細食嘅，呢個set 就已經可以做lunch 啦！…查看更多

I am... Bakery 呢間麵包店水準好過一般連鎖麵包多多聲，價錢亦都合理啲，值得一食再食。必食推介蛋撻蛋撻皮鬆脆，蛋滑而香，好好味仲要做緊全日買3送1，抵食班蘭蛋糕班蘭味算濃，蛋糕好鬆軟細細件做早餐/下午茶岩岩好…查看更多