呀叮的個人專頁

這店的男員工超沒禮貌！永遠blacklist！今天千里迢迢到九龍城打算支持這餐廳，本來對餐點都很期待，但在門口朋友等職員掃安心等到一陣子那男人才動起來(他一直在玩手機!)，好不容易等到男店員不情願走過來，當朋友開手機針卡那男店員就態度不好的質問為何針卡會是截圖，然後就強迫朋友一定要現場立即update安心app再載入針卡！這男員工也太誇張了吧？在飲食業工作也不知道針卡可以用相片出示嗎？！而且你有什麼權利強迫他人更新手機？當朋友拒絕現場更新安心出行app那男的便態度欠佳匆匆把我們趕出餐廳，也太兇了吧？明明都已經掃好安心出行也出示針卡，只是因為你對條例不了解就要用惡劣的態度趕走客人嗎？同路人也不會再去支持了，太失望。…查看更多

今日同女朋友係中午行經呢間餐廳，見佢Menu介紹唔錯就入咗去食，點知就係中伏嘅開始.....一入到去我哋就被安排左坐係爐端燒前面嘅位置，當時枱面已經唔太乾淨，枱邊邊放滿哂用過既碗碟，我見餐廳嘅人都好忙碌招呼客人，就冇特別去在意呢個環境。係睇住師傅煮嘢食嘅途中，我見佢冇戴手套，先用自己雙手拎住四串生嘅雞肉串放上個爐度燒，然後唔使手就直接拎個碗去裝飯！（你冇睇錯，個飯係直接放啲餸上去就直接拎比客人食！）我望到個一刻都呆左，裝完飯佢就直接用對手翻下雞肉串，然後就徒手拎啲配菜放落飯上面！！我以為佢成碗飯會再作處理先比客人食，估唔到佢就直接送到客人面前......另外，佢用鐵夾將生嘅牛肉放上爐上燒，當之後佢翻牛肉同將牛肉放上飯上面，都係用同一個夾！當食物放到我面前，其實食慾已經減左一大半，拎起餐具時，筷子同匙羹都係好油，我已經忍唔住叫侍應換過餐具俾我，但換來同樣都係好油....見啲侍應完全忙到唔得閒理我，只好自己抹乾淨餐具盡快食完就算。係食到途中我仲見到枱面有隻死咗嘅昆蟲，唉...簡直係倒胃口到極點......係食緊嘅時候，我都忍唔住講笑同女朋友講，希望今餐食完唔會腸胃炎，點知就係晚上，我同女朋友都相繼走咗去嘔！！我唔理解點解一間餐廳衛生程度可以咁差，我自己都做過餐飲，從來都冇見過一間餐廳可以咁差勁，真係第一次見到一個師傅，係客人嘅面前仲可以徒手同時接觸生熟食物，我亦都唔理解呢間餐廳點會咁多好評，嘢食嘅水準我覺得中等，比較好食嘅係南蠻雞，但係衛生程度簡直令人作嘔。呢間餐廳我同朋友家人一定會永遠永遠咁black list！太過分！…查看更多