週末諗住點外賣，見到串燒堂都幾多好評就去點外賣，個外賣嚟到打開嘩咗出聲，成日都話貴唔係件產品嘅缺點，無錢係個人嘅缺點，所以食串燒兩個人都叫咗850，即係人頭425一位，諗住食飽飽過個好週末。點知完就俾呢間餐廳打破心情，一嚟到個份量細到以為漏單，對完無漏單開始食（原來真係勁少），唔緊要，食飯最緊要好食架啫。最後有收據！第一個放入口嘅係燒金菇，一睇到啲蒜蓉就知道係隔夜，金針菇完全冇味，仲要有淡淡嘅金菇腥味，90蚊一份！好彩份量少咋，唔使浪費食物。第二個嚟到蒜蓉錫紙燒花甲，幾佩服店家可以搵到啲咁唔新鮮嘅花甲，有沙死花甲，證明燒烤堂喺入貨時一定係用最低價入手，以最高價賣出，有一刻我覺得佢地主業應該係期貨買賣先啱。$152蚊冇事嘅，一定係錫紙燒有問題，食串燒一定冇問題（我心諗）拎出中環燒鳥屋都唔夠膽收嘅$196蚊雞軟骨同雞腎各3串，我未食都知咩料，因為HKTV MALL賣緊$46蚊10串同屋企雪櫃同牌子，不過人地煮埋俾你食，收返你150蚊人工費啫。最後輪到海鮮…應該唔使我再講有幾差啦，蝦可能比較少人叫，因為佢收$104一隻，可能解唔切凍啦，肉同殼分唔開的，肉質硬過擦子膠。蒜蓉帶子更加唔使提原來香港遍地黃金係真架，HKTVMALL熟食店，我夠膽講俾好評嘅都係打手！如果你都中過伏歡迎俾個讚睇下幾多人中伏先！…查看更多
