Maggie202020的個人專頁

朋友介紹下，搵到一間位於銅鑼灣廣場一帶，地理位置好就近而且又幾好味既中菜廳。⭐️ 平日夜晚嚟食，前都幾精緻。⭐️ 拔絲咕嚕鳳梨黑毛豬肉一上碟有騰雲駕霧般既乾冰，打卡感十足。除左有外貌亦有內涵，外層薄薄地帶拔絲效果，用上黑毛豬肉味道更濃郁。⭐️ 一口蝦多士呢個都好值得推廌。蝦肉同芝麻鋪滿整個炸至金黃色既多士，咬落好香脆但又唔會有好重既油膱味，食到後半先再沾醬汁就更滋味。⭐️ 秘製汁乾炒牛肉炒河同茶記食到既乾炒牛河風味有啲唔同，唔會炒到太過油膩，亦唔會太濃或者太鹹。…查看更多

大埔不嬲出名都多美食，呢個美食綠洲真唔少好野食，各式其式美食都有。天氣開始凍，係打邊爐既好季節，所以今日就去左大滾友，試下佢d野，得唔得先！入到黎比人一種有氣派的感覺，環境亦都十分舒適。花膠雞湯底大大塊花膠，加上勁鮮濃黃金色的雞湯，剩係呢個湯底都值得黎一次，加上用左黃雞，所以雞味道都十分重同質感都十分滑，一定要叫！牛肉拼盤(細)細細一碟有晒好多唔同牛既部位，包括一口牛粒、牛頸脊、肥牛、牛展等，各款牛味道都有濃郁，同油花分佈都好靚。手打鵝肝墨汁墨魚丸手打墨魚丸，同出面d唔同，呢度感覺同食真墨魚無太大分別，加上鵝肝，十分惹味。伊比利亞橡果豬伊比利豬不但肥美， 肉味更是濃郁到滿瀉，不加點任何醬油已經好好食。帶子大粒，新鮮的帶子，又係一款只係稍碌一陣，剩食佢本身鮮味都好夠。大滾友雜菜拼盤呢個都係誠意之作，大大盤蔬菜拼盤，全部菜都勁鮮甜，有驚喜，絕對唔係hea你。自家制竹蔗茅根清甜美味，打邊爐必備火焰焦糖豆腐花: 豆腐花豆味濃郁，稍覺焦糖味道唔夠，但整體都係高質。…查看更多

收工約咗朋友喺食飯，香港仔有唔少連鎖粉麵店同車仔麵店選擇，競爭都唔少，最後決定食番又平又好食既麵尊，開左係香港仔真係方便哂南區人。⭐️ 豬頸肉、蘿蔔叫餸係逐份計錢。揀完一大堆配料後，豬頸肉同蘿蔔好焾好入味，絕對值得一試。酸齋同生菜都唔錯。⭐️ 咖喱魷魚揀左另上，咖喱辣係可以入口嘅辣度，而且幾大碟。⭐️ 咖喱牛柏葉、豬紅麵底揀咗油麵，再配麻辣，夠哂惹味。牛柏葉好大份，食落好爽口彈牙。⭐️ 炸魚皮炸魚皮香脆鬆化，點少少腩汁食就啱啱好。…查看更多

收工約咗朋友食飯﹐喺中環搭扶手電梯再行一段路﹐嚟到蘇豪區一間意大利餐廳。餐牌一眼望晒﹐主要食pizza、pasta同埋risotto。Linguine with clam, chilli, & white wine fish broth意粉都炒得幾乾爽﹐味道調得幾好﹐帶少少辣﹐整體都幾好食。Uncle Rajeev即係Margherita﹐12寸pizza同朋友share食就啱啱好。相比起番茄同埋羅勒葉﹐ buffallo mozzarella cheese嘅比例較多﹐啖啖芝士仲可以拉絲﹐打卡一流。…查看更多

最鐘意食既車仔麵係香港仔開分店，裝修期間已經好期待佢可以快啲開張營業。繁忙時間係有啲人龍，但好在唔洗等太耐就可以入座。炸魚皮不論堂食定外賣，都會比一袋你。齋食都相當香脆，浸一浸湯就更滋味。大尊啱晒啲咩都想試吓，又唔知點揀嘅人。大尊有豬紅、蘿蔔、咖喱魚蛋、紅腸、豬皮同埋生菜。白蘿蔔都係必試，好淋好入味。豬頸肉、酸齋、牛柏葉、五香牛腩及油麵豬頸肉同樣好入味，極推介。碗麵加左麻辣，辣度啱啱好，唔會食到噴晒火。…查看更多

收工約咗朋友喺中環飲嘢，萬聖節臨近，好有feel，串燒亦非常出色。樣樣都好好食，不知不覺就嗌到張枱都冇位擺。分別有味噌甲羅燒、鳳梨燒、鹽燒燒白鱔串、燒蜜椒雞翼處串、一口蕃薯仔、燒雞朝翅包飯、燒大啡菇等。鹽燒燒白鱔串特別推介呢個白鱔，幾大份又啖啖肉，魚皮部分燒至香脆，好出色。炭燒牛扒充滿肉汁，又唔會太韌。芝士焗雜菌好大份，熱辣辣，食到好飽。脆炸雞軟骨大舊到有啲似炸雞，食落香脆爽口。Chicago Logo Beer…查看更多

今日係沙田酒店同屋企人食飯，驚喜地好食👍🏼價錢唔貴，但食物質素好合理。⭐️招牌美式拼盤 $208拼盤有：醬烤豬肋骨、水牛城雞翼、煙肉芝士焗薯皮、炸洋蔥圈配蜜糖芥末汁；幾樣都好好食，尤其係豬肋骨，個汁甜甜地又唔會好咸。⭐️加洲海鮮薄餅 8 inch $128Pizza好多料！千島醬Pizza汁底，配帶子、蝦、煙三文魚，超多料又creamy，餅底又夠脆。⭐️鮮蝦帶子墨魚汁手工意粉 $198手工意粉🍝好彈牙，同一般意粉完全唔同，墨魚汁個調味好夾手工意粉，份量都唔少，性價比高。…查看更多

⭐️All Day Breakfast (Deluxe)一個人食絕對夠飽嘅all day breakfast 😝大份又好食🥰個蛋相當滑。⭐️Egg Benedict (Avocado Benedict)個蛋絕對係相當滑，配上牛油果，感覺清新，個汁亦調得相當美味😋唯一就係少少漏，配埋咖啡岩岩好。⭐️磨菇濃湯跟餐嘅磨菇濃湯🍲入口食到粒粒磨菇，清清地，唔會太咸。⭐️Caffe LatteHot latte，個拉花幾靚，味道層次相當豐富。⭐️熱棉花糖朱古力奶賣相好吸睛，啲棉花糖係好滿嘅，融入朱古力入面，熱朱古力本身唔太甜，所以混合埋棉花糖就啱啱好。…查看更多

收工約朋友再訪位於灣仔修頓球場對面既Uluru，一推門入餐廳，左右兩道牆壁上既畫作都係親手繪畫，好似入左童話世界咁。前菜甘筍湯味道好濃郁。阿根廷紅蝦刺身配蕃茄沙沙多士紅蝦刺身大條得嚟好有鮮味，配埋香脆既多士，都幾唔錯。煎帶子龍蝦汁蟹籽意大利飯帶子肉質好嫩滑，幾creamy，同朋友share就啱啱好。澳洲肉眼扒配紅酒燒汁五成熟嘅肉眼扒肉質鮮嫩帶微紅，中間仲鎖住啖啖肉汁。Moomin World極度推薦！脆皮朱古力包住士多啤梨moose同海綿蛋糕，味道好夾。而且賣相好靚好有心思😍，係可以邊食邊欣賞既甜品🥳🥳Uluru二次元立體夢幻蛋糕將餐廳黑白既設計融入蛋糕之中，中間仲有粒好可愛既士多啤梨坐左係度，果然創意十足。入面其實係士多啤梨蛋糕，中間有一層果醬，甜而不膩。Lychee MojitoVirgin Peach Mojito…查看更多

開咗係觀塘廣場一排，成日收工都會經過，終於有機會來試一試。涼拌土豆絲土豆絲夠晒爽口，幾開胃。酸菜魚寬粉魚肉嘅份量都幾多，仲有芽菜、海帶絲等配料，湯底酸酸辣辣夠晒過癮。寬粉嫩滑得嚟幾彈牙。自選粉麵餐咩都想試吓嘅就可以揀粉麵餐。今次揀咗潮汕豬肉卷、美國肥牛、皇帝菜、金菇等餸菜。朋友唔食辣，所以揀咗清湯，清清哋唔會好油膩。西柚梳打水西柚味道濃郁，唔會太甜。荔枝梳打水個樣成杯七喜咁，飲落都幾冰爽，食完辣當然要配返杯飲品。…查看更多

餐廳位於荔枝角D2 Place一期一樓，位置便利，主打café 式西餐及餐酒。Michael Frank Saar Riesling Feinherb 2020, Riesling, Mosel, Germany餐酒屬於德國酒Qualitätswein(優質產區酒)等級，出產於Mosel，入口偏甜，有蜜糖，梨味以及蘋果味，算係易入口既白酒，如果鍾意偏甜Riesling 既朋友應該會喜歡。Corte del Golfo Coda di Volpe Jrpinia DOC 2020, Coda Di Volpe, Italy餐酒屬於意大利酒，屬於DOC 等級，表示法定產區酒，相對上一款酒， 呢款明顯偏dry，medium body，相對酸少少，入口有青蘋果，梨，青檸味。由於小編私心dry嘅白酒，所以比較喜歡呢款。風幹火腿拼盤有兩款風乾火腿，包住橄欖，正常送酒小菜。海蝦辣椒蒜皮意大利面意大利面幾掛汁，鮮蝦鮮味十足。輕煎美國安格斯西冷牛扒三文治配薯條牛扒肉汁鮮嫩，薯條夠晒香脆。…查看更多

收工同朋友去食大餐，餐廳位於銅鑼灣時代廣場9樓，主打韓食炸雞同蛋包飯。泡菜炒五花肉蛋包飯少少辣既泡菜同五花肉幾唔錯，用刀切開流心蛋後，蛋漿從內到外四溢，包住茄汁飯底。蜜糖無骨炸雞炸雞好大舊，咬落香脆帶少少肉汁，肉質嫩滑。個底鋪左啲薯條，上面放左幾件年糕，配埋蜜糖就一流。部隊鍋拉麵呢個要趁熱食，否則放耐左會有啲索湯，拉麵幾彈牙，另有午餐肉、腸仔、翠肉瓜、芽菜等配料，少少辣。韓式雜莓牛角包窩夫新鮮出爐既牛角包窩夫好酥脆，連埋雜莓再點少少cream一齊食，係絕配。青檸梳打食完少少辣野，飲杯清新既青檸梳打就夠哂爽。士多啤梨鮮奶咖啡士多啤梨牛奶味道一流，再帶點咖啡既回甘，好有層次。…查看更多

收工約朋友食大餐，嚟到位於灣仔修頓附近嘅西餐廳。一入門口就見到一條好長嘅白色樓梯，左右兩邊係以黑白色為主調嘅畫作，成間餐廳嘅牆壁都搵咗大學生去設計同繪畫，打卡就啱晒。前菜主菜加$38會有餐湯、沙律，同埋飲品。今日嘅餐湯係南瓜湯，有少少果蓉係入面，非常美味。沙律好大碗，夠晒清新。慢焗美國安格斯牛胸肋骨牛胸肋骨好軟腍入味，而且唔會太韌。配菜分別有焗薯仔、西蘭花、蕃茄等等，非常豐富。照燒比目魚柳伴香草蕃茄賣相好靚，有三件魚柳同埋薯蓉、西蘭花等配料。比目魚柳嘅魚皮煎得好香脆，仲有少少醬汁喺上面，肉質幾鮮嫩。食嘅時候要小心入面啲魚骨，但基本上都好容易挑得開。⛩ 富士芝櫻祭。丸久小山園抹茶Tiramisu無論主菜食乜，都一定要試吓佢哋嘅甜品。富士山上半部份用咗mascarpone cheese，唔會太甜而且幾香，下面係抹茶moose，食到中間仲有浸到好濕潤嘅手指餅，富士山嘅外圍以crumble圍住，賣相好靚之餘，食落亦唔會太甜。🍄 Moomin World呢個大蘑菇好可愛！其實係一個酸酸甜甜嘅草莓甜品，紅色嘅蘑菇係一個脆皮朱古力，扑碎後，入面係草莓moose 包住少少海綿蛋糕，三樣嘢一齊食，味道非常之夾。下面個蘑菇柄同樣脆皮朱古力，不過就包住乳酪同埋酸酸地嘅草莓果蓉。crumble上面亦放咗raspberry同藍莓等，成件事充滿森林嘅氣息😍Tiramisu Coffee杯嘅側邊有粒粒朱古力，奶同啡嘅比例啱啱好，好有層次。Virgin Peach Mojito好fresh嘅一杯冰爽mocktail，薄荷葉嘅味道好突出，同青檸嘅味道真係好夾。…查看更多

收工約左朋友食飯。Dinner set有齊前菜、小食、主食、甜品同飲品，仲有中環店限定既低碳水餐同咖啡任飲，都幾吸引。精選沙律加左沙律醋同埋有蜜瓜，好清新開胃。炸薯粒細細粒幾香脆，啱哂同朋友一路吹水一路食。香煎銀鰽魚配紅菜頭薯蓉、蜜糖豆及白酒忌廉汁銀鰽魚魚皮煎得好脆，紅菜頭薯蓉就夠哂特別同埋健康。啤酒脆漿銀鰽魚炸魚薯條同樣用銀鰽魚整既炸魚，外層香脆，加少少醋就更美味。士多啤梨大黃醬窩夫配綠茶雪糕食材係新鮮同自製。暖笠笠既窩夫入面好鬆軟，配埋雪糕一冷一熱都真係幾正。凍檸茶自行加糖漿，都幾大杯。…查看更多

收工趕住上堂，係中環食碗麵。湯底可選又辣又惹味既紅湯，或者唔辣既白湯。套餐既組合可選一款麵、小食、飲品同埋甜品。蒜泥青瓜切粒既青瓜幾清脆爽口，蒜泥味唔算好濃，作為冷盤都幾唔錯。瘋狂肥腸面揀左唔辣既白湯，湯底味道濃而不膩，連埋啲蔥粒一齊食就更好。豬大腸用川式手法處理，側面切開再清洗乾淨，食落非常入味。而麵條亦幾彈牙，整體唔錯。成都老冰粉冰粉可以解辣，今餐無食辣就當甜品咁食😋上面有山渣、提子乾、花生等配料，口感豐富。烏梅汁酸酸地幾開胃醒腦。…查看更多