Jeffbe的個人專頁

黎到銅鑼灣 ，試埋大名鼎鼎既墨丸大王 文輝 ， 叫碗 淨墨丸。 銅鑼灣鬧市食到碗43蚊既粉麵 都算係咁 。 當中有六粒丸 ， 蔥及冬菜 。 好唔好食 ， 見仁見志。 我食唔到有墨魚味 ， 又食唔到粉丸味喎 。丸野都好彈 。 好爽口既 ， 但係唔係粒好食墨丸 ， 我真係唔識野 ⋯ 我屋企既港島居民表示 ： 好好食 ， 文輝最正宗 最好食 🤷‍♀️…查看更多

好好食 又脆又薄多士 。食過翻尋味 鋪頭準備關門，我好遲至到鋪頭 ， 老闆好好人都做埋我張單 。我叫咗咖也多士同黑咖啡 。多士又脆又切到好薄， 好似食緊薯片咁。 凍啡 ， 順喉 唔酸。。 …查看更多

上星期去山林道果間見到 金鳳係荔枝角新開張， 今日放門行黎睇睇 。 D2 好多新開餐廳估唔到 竟然開金鳳 鋪頭無乜味。空氣流通 份量依舊 食物味道不變 依然咁好食鋪頭新裝修 扮懷舊 都係ok la 價錢貴5蚊左右西冷93什扒88 …查看更多

知道要去澳門, 就立刻BOOK BUFFET (當然七日前BOOK)點知記錯日子BOOK錯左，好彩我SEND EMAIL 俾佢（六日前），好好彩佢有位俾我．　我食2030:-2230 果輪早９個字去度果度，迫住去遊蕩等開飯，　點知準時番到果度時，係超多人排緊隊等入去，　真好誇張，　好多人！！！　都等左十五分鐘以上才可入到去．　（場面尚算混亂，排之前記得問清楚ｄSTAFF）入到去，又係要排隊羅最受歡迎既生冷野，一般啦，真係麻麻地，唔好咁大期望，生冷野方面：唯一可讚只有三文魚同蝦熟食：　幾好呀，　力推　１／牛肉，　凡牛肉都煮得好食　（我唔食牛，都食左幾口，　好嫩口，　好好食）２／蒸鮑魚好鮮煮得好嫩，又係好好食　３／炸天婦羅　隻蝦好爽口，　食完一隻又一隻　（排緊隊等魚生時，忍唔住食左）沙津一般新鮮啦，不過ｄDRESSING都幾好呀　太飽了，只吃了木糠布甸，好多CREAM　幾幾地　（但我見檯檯都番食佢，　可能係好食，　只係我唔識食）世間有太多BUFFET ，　可惜我只有一個胃排隊小插曲，不論何處排隊總有’自由行”來打尖，　打尖者不論老嫩，靚女定係阿叔，真係無樣睇．我國已成大國；希望下一個百年我國人民人人都學懂排隊　　　2 heads $516 , plus 10% upcharge, total 567.6 　…查看更多

崩大碗不是處處有賣, 最喜愛此家崩大碗, 夠味, 無溝水 我次次去九龍城, 都一定去此處飲番杯"綠水" 清下底 最近太濕熱, 又打邊爐,食過串燒,大閘蟹,韓燒, 再加自助餐, 毒素太深; 暗瘡最老實, 整個下巴填滿晒... 幹左支綠水之後, 好似有明顯反應, 起碼放左d濕屁, 清左d宿便 , 感覺良好, 無肚脹了~(PS 太夜光顧好似淡味d, 都係果句~早買早享受)間鋪事頭&員工好好人, 整日都笑笑口, 呢d態度好抵讚 一杯$7,一枝細$15一枝中$23一枝大($45) 忘記幾錢了.我多數買中size 自己獨飲 …查看更多

早幾個星期前我已經經過門口舔玻璃了, 見到店內有人食緊羊膝, 隻羊膝好似好好食, 碟上羊膝之下用左薯蓉墊底,薯蓉中加入香草攪拌, 睇得出有心之作.我六點半訂七點半檯, 好彩都有位. 兩個人食飯,最好都係食set dinner.餐湯: 有羅宋湯 及 周打蜆湯, 蜆湯好creamy,唔咸, 記得問佢羅餐包, 餐包係全麥包, waiteress 會番叮過才給你. 熱立立. 好食. ! 小食: 水牛城雞翼 (加$20 有小食, 一碟有四隻)main course:一個叫羊膝, 一個叫三文魚扒.羊膝算林, 魚扒煎得剛剛好, 香草汁夠濃香. 甜品: 本身配雪糕球 , 加$20 有其他選擇, newyork cheese cake / 心太軟/ tiramisu 個cheese cake 真係要讚, 厚底味濃,好食. 胃有限, 食無限; 我本人仲想試 意大利飯, 牛扒.... 我相信佢d野好好食 (我見到佢地老闆胖胖的, 胖胖的 一定好食)2位咁食埋單$400樓下, 附近又容易泊車. 食品質素及餐廳情調都很好, 一間令人好滿意既餐廳. 提提大家, 記得要訂檯, walk in 真係好難搵位. …查看更多