Eattor的個人專頁

台式甜品大滿足！！嫩仙芋奶凍$35大大碗好足料！抵食！口感豐富！芋圓煙韌香甜😋仙草好滑潤👍紅豆泥出色仲有好多其他薏米、豆豆、珍珠成個配搭豐富有層次！好好食！芋泥巴斯克蛋糕$35蛋糕質感可以，但底部芋泥比較硬今次淨係食咗甜品，環境簡樸清淨，感覺良好下次再嚟食正餐，期待佢哋嘅拌麵、蛋餅，見皮蛋豆腐好多枱嗌，下次都要試吓！…查看更多

食流心芝士豬扒漢堡包唔加薯條真係對唔住自己流心芝士豬扒漢堡包 $42豬扒好大塊，大過塊包，豬扒唔會太油，鬆化好食，夠熱，芝士夠溶最鍾意塊漢堡包上面有芝麻👍好香薯條 $13加13蚊就有薯條，又粗又攣，唔會炸得太窿，外脆內軟，口感好唔點茄汁一樣咁好食舖位雖然半開放式，正值夏天，個位置都幾好風，唔會太熱，店家有安設大風扇，食住熱騰騰嘅美食，吹住風都幾舒服幾爽！個阿姨招呼唔錯，爽手快腳，最尾一度菜上會順便叫你埋單~…查看更多

🤤👍✨深水埗新開印度料理值得一試印度烤餅好香好味！披薩芝士拉絲拉到頭殼頂！！初次光顧😄好味滿足👍店員親切殷勤😋會再嚟食Dinner Set 晚市套餐 $89.00Soup of the Day 是日例湯:蘑菇湯Naan (Set) 印度烤餅Fish Curry 咖哩魚蘑菇湯有濃郁蘑菇味道，喜歡菇味嘅朋友值得飲，筆者非常喜歡😋 印度烤餅好香好煙韌鬆軟，唔點咖哩直接淨食都好味👍推介必點！！ 咖哩魚嘅咖哩唔辣，本人唔太食辣，覺得好食。魚有炸過，不過浸喺咖哩入面，雖然唔脆，但肉質都好滑。P2 Avocado Pizza 酪梨披薩 $98.00非常足料，披薩面鋪滿牛油果，芝士拉絲拉到頭殼頂！！好正👍D3 Rasmalai (2PCS) 奶香甜球 $38.00店員推介，order試一試，個人覺得太甜。食完同朋友坐喺度傾偈，坐咗差唔多半個鐘有多，每次店員見水杯一空，立即過來加水，態度非常友善殷勤，適逢今日係印度新年慶祝有九折優惠✨感恩店員話嚟緊復活節公眾假期嗰四日都有九折，筆者打算到時再過嚟幫襯，好用心做嘅印度料理👍👍👍…查看更多