foodie_bunny的個人專頁

Cafe坐擁開揚海景，氛圍悠閒舒服，望住海景歎美食同咖啡夠晒chill。主打西日fusion菜，價錢大眾化。UMI全日早餐 ($138)滿滿一大碟，有機沙律菜、乳酪杯、煙燻黑豚肉腸、紫薯餅、燒大啡菇、櫻花蝦炒蛋、野菜魚餅、雞皮餃子同酸種包多士，豐富又飽肚。M5和牛壽喜燒意大利飯 ($148)意大利飯creamy入味，再配搭微甜軟嫩嘅M5和牛壽喜燒，滋味無窮。爆谷綠鴦 ($46)賣相吸引，層次分明，面層用咗爆谷做點綴，入口有咖啡香同茶香，甜度適中。+$48自選飲品+精選甜品特色嘢飲價錢由$42-$48不等，加多幾蚊可以自己揀嘢飲之餘仲多件cake，咁抵食無理由唔加！…查看更多

九龍城唔止cafe同泰菜，今次朋友就帶我嚟食意大利菜。炸魷魚圈估唔到西餐廳都有炸魷魚圈食！外層酥脆香口，入面柔軟得嚟有咬口。燒美國頂級肉眼牛扒肉質柔嫩，肉汁豐富，充滿油香且有陣陣焦香。西班牙黑毛豬火腿薄餅Pizza有拉絲效果，用咗西班牙黑毛豬火腿，充滿鹹香，加埋羽衣甘藍、火箭菜、黃椒同紫洋蔥，口感豐富。清炒蒜片辣椒意粉意粉乾爽唔油膩，有陣陣蒜香，辣辣哋好惹味。Tiramisu食意大利菜又點少得經典甜品Tiramisu呢？質感柔軟，手指餅有咖啡香。…查看更多

今次帶咗朋友嚟呢間主打日式Fusion菜嘅樓上Café，性價比頗高，更有榻榻米座位可以打卡。『汐仔』雞翼（芝士乳酪) ($58)雞翼大隻肥美，外脆內軟，充滿鹹香，啖啖芝味。櫻花蝦清酒煮蜆 ($108)好足料，有好多隻蜆，蜆肉有淡淡酒香，加上櫻花蝦令整體風味更豐富。蟹膏甲羅燒醬油漬角切三文魚丼 ($148)賣相吸睛，色彩繽紛，打卡一流，係餐廳熱點item！中間係蛋白雲朵加自家製醬油漬蛋黃，輕輕一篤，蛋汁流落嚟好吸引！配料豐富，有中華沙律、蟹柳絲、粟米、蟹籽、柴椰菜絲，當然唔少得蟹膏甲羅燒同醬油漬角切三文魚，撈飯食，口感同味道都好豐富。靜岡抹茶豆乳 ($42)抹茶同豆乳比例啱啱好，兩者相輔相成，既有清新茶香亦有香濃醇厚豆香，令人回味。…查看更多

Café 主打輕食，甜品同咖啡，當中tiramisu好出色，性價比高，值得encore！最近小店推出咗新口味，仲新增咗兩個飲品優惠，抵食！購買窩夫或輕食，可享飲品半價優惠 購買以上甜品可享飲品25%折扣優惠蜂蜜芥末嫩雞扒•半個牛油果酸種麵包 ($75)份量十足，雞扒同牛油果都鋪滿成塊包，酸種麵包鬆軟，雞扒嫩滑，牛油果軟腍，加埋蜂蜜芥末醬，香甜開胃。伯爵茶提拉米蘇 ($57)知道Tiramisu出咗新口味，特登嚟試吓！質感軟滑，手指餅濕潤，入口有陣陣茶香。抹茶芝士蛋糕 ($54)亦都係新口味，好軟心，口感軟滑，但茶味略嫌唔夠濃。厚椰鮮奶咖啡 (+$27)既有淡淡椰香，亦有啡香，兩者互相平衡，甜度適中。…查看更多

主打豆乳食品，有鹹有甜，選擇多樣豐富，令人眼花繚亂，更會不定時推出期間限定，保持新鮮感。D24榴槤豆花 ($74)以豆花作為底層，配搭榴槤果蓉、榴槤奶蓋、特調椰奶、白玉同黑糖，甜度適中。豆花富豆香，白玉軟糯煙韌彈，榴槤果蓉用上D24蘇丹王品種，口感綿密，帶有濃濃榴槤香氣。多芒楊枝甘露 ($48)用咗大量新鮮芒果粒、西柚肉同西米製成，好足料，啖啖濃郁芒果香，而且唔會好甜。牛油果鰻魚玉子粢飯 ($55)栥飯即叫即整，餡料澎湃，更採用即炸油炸鬼，酥脆香口，再配上肉鬆、青瓜絲、牛油果、玉子同鰻魚，香濃惹味，一啖有多重滋味，飽肚又滿足！…查看更多

除咗食物受歡迎外，蛋糕同樣出色，之前食過軟心巴斯克性價比高，而且低糖少油，口感輕盈，罪惡感低！口味選擇豐富，總有一款啱你口味！仲送埋生日金色圓插牌同閃燈，儀式感滿滿！最近出咗新口味，梗係要同朋友開心share！芒果巴斯克軟心Burnt Cheesecake ($198)面層鋪滿新鮮芒果肉，無用果膠Frozen啲果肉，值得一讚！質感綿密濕潤，香滑creamy，仲有唔少芒果肉，整體水果比例極高，啖啖都食到多汁果肉，口味清新，加埋曲奇餅底，層次滋味更豐富，絕對係誠意之作！楊枝甘露拿破崙 ($198)打開盒即刻聞到芒果香同陣陣牛油香！拿破崙酥皮即焗即製，每切一下都聽到清脆嘅咔嚓聲，有好多新鮮芒果肉同西柚，好足料！…查看更多

突然好想食小菜，作為地膽嘅朋友就帶咗我去佢食開嘅飯堂試吓。蜜汁叉燒王 ($138)叉燒肥瘦平均，蜜汁包住叉燒，食到蜜汁嘅清甜但又不失叉燒原有味道，甜而不膩。拔絲鳳梨咕嚕肉 ($98)粉漿唔會好厚，入口有脆口感，唔會覺得油膩。肉質鬆軟，又夠掛汁，每舊咕嚕肉都沾有酸甜醒胃醬汁，送飯一流！欖菜肉碎四季豆 ($98)四季豆爽脆入味，仲要去晒兩邊嘅筋絲，唔會食到有渣，值得一讚！食落鹹香帶微辣，而且仲有少少甜味，又唔會好油。…查看更多

放工相約朋友happy hour，來到日式居酒屋又怎少點得來杯清酒，輕酌一番。八爪魚沙律（洋風風味）八爪魚口感彈牙，加上酸甜開胃的醬汁，味道清新。海膽吞拿魚壽司色澤鮮艷，引人食慾，以鮮美的吞拿魚，配上鮮甜的海膽，滋味不已。厚燒玉子鬆軟多汁，散發濃厚蛋香，味道甜滋滋的。雞中翼雞皮焦脆，雞肉口感結實而又嫰滑，十分適合配清酒享用。海鮮天婦羅盛盒 & 野菜天婦羅盛盒色澤金黃，皮衣夠薄，入口香酥鬆脆而毫不油膩。清酒煮蛤蜊石頭湯蛤蜊體積相當大，肉厚嫩滑，帶有淡淡酒香。牛肉石頭燒飯熱騰騰，攪拌均勻時香氣四溢，脆卜卜的飯焦更是精髓所在！吃進嘴裡的一瞬間，味道充滿不同的層次！…查看更多

天氣熱辣辣，令人無咩胃口，朋友提議食越南嘢。南越金絲網蝦春卷（4條）將清爽嘅生菜包住酥脆香口嘅春卷嚟食，口感豐富，減少油膩感之餘更添清新。越式惹味粟米條粟米條加咗啲甜辣醬汁，開胃惹味。越式秘製香茅豬仔骨豬仔骨外層焦香，帶有少少脂肪，食落甜甜味，口感爽彈。鹹檸豬頸肉撈檬豬頸肉爽彈，檬粉撈咗碌冧味道酸酸甜甜，好清爽。[嫲嫲南越湯] 金邊粉（牛肉、牛肉丸）牛肉丸口感彈牙，肉味香濃，金邊粉滑溜，索晒啲湯汁，好入味。香茅青蘋果茶味道清香，涼快清爽。…查看更多

餐廳主打創新東南亞菜式，分兩層，有室內同戶外座位，可以飽覽維港美景，散發住異國情調，好啱同gathering或節日慶祝。Thai Beef Tartare with Bone Marrow牛肉他他幾清新，配上脆片同泰式醬，鮮香惹味，增添口感上嘅變化。Hamachi Ceviche油甘魚厚身，配搭柚子、芥末醬同泰國檸檬油，集香辣清新於一身。Baked Sambal Sous Vide Black Cod Fish黑鱈魚肥美嫩滑，充滿油脂感，配上辣中帶甜嘅參巴醬，啱啱好中和油膩感。Tom Yum Coconut Risotto with Hokkaido Scallops and Sea Urchin帶子鮮嫩，意大利飯被醬汁包圍，口感creamy，飯入面有蘑菇，令整體口感更加豐富，微酸帶辣，夠晒惹味。Happy hour點可以唔飲酒盡興吓？Wohoo, What A Day!酒感柔和，帶有椰香，味道清新微甜。…查看更多

能夠在apm屹立逾多年，食物質素絕對有水準。裝修以傳統日本風格木系為主題，環境闊落，卡位更可以自成一角與朋友聊天，坐得舒適。特選四人前料理 ($1480)選擇繁多，最後我們選了套餐不用為選擇而煩惱！由前菜，刺身、壽司、燒物、湯、主食到甜品，一應俱全，滿足不同人的喜好！豚肉沙律沙律菜爽脆，豚肉肉味濃，配搭濃郁香醇胡麻醬，吃起來很清爽。刺身四品包括：三文魚、油甘魚、赤蝦和磯煮鮑魚，刺身厚切新鮮，磯煮鮑魚爽彈。海の幸 海膽卷以肥美魚生配以爽脆醃蘿蔔，再綴以鮮甜海膽，食落充滿口感。牛舌鹽燒2串牛舌爽彈，嫩中帶脆，調味適中不過鹹。免治雞肉2串免治雞肉加入富嚼勁的雞軟骨，吃起來更富質感。鯛魚野菜石鍋湯鯛魚湯呈奶白色，散發陣陣魚香，野菜吸盡湯汁精華，味道鮮甜濃厚。鐵板A4和牛薄燒和牛捲着洋葱和蒜片，既香口又平衡油膩感。鐵板蟹肉炒飯粒粒分明，乾爽不油膩。甘味以北海道牛乳奶凍作結，入口散發淡淡奶香。…查看更多

環境寧靜舒適，燈光柔和，空間感十足。香烤豬頸肉配青木瓜沙律配甜辣醬 ($89)份量十足，豬頸肉份量多，肥瘦適中，口感爽彈，沙律爽脆，加埋甜辣醬就更惹味。香煎虎蝦配辣蕃茄汁意粉 ($124)虎蝦爽口，意粉入味又掛汁，微辣惹味，令人食唔停口。法式西多士配自家制雜莓醬 ($58)西多士色澤金黃，口感鬆軟，充滿牛油香，點埋酸酸甜甜嘅自家制雜莓醬有助解膩。伯爵茶鮮奶巧克力($42)口感順滑，香濃朱古力味中滲透淡淡茶香，甜度適中。…查看更多

新年當然要一聚，朋友知道我鍾意食日本菜，帶咗我嚟呢間人氣居屋酒試試。金龍珠海膽吞拿魚蓉卷($158)用料十足，大量海膽、吞拿魚蓉再加自定醃漬蛋黃，啖啖奢華邪惡。金糖盒 - 蟹肉三文魚籽日式豆腐 ($128)賣相擺盤有心機，齋睇已經流口水！蟹肉配搭三文魚籽，加上酥脆嘅最中餅，一啖入口勁滿足。去居酒屋當然要食吓串燒！自家製雞皮蝦 ($58)雞皮脆嫩滿油香，蝦肉爽彈，邪惡又美味。厚燒牛舌芯 ($58)厚切牛舌軟嫩多汁，口感爽脆有咬口。戰神鍋。兵庫縣生蠔鍋 ($680)一盤有好多隻，蠔肉飽滿肥厚，蠔味澎湃，入口啖啖肉。額外追加A4鹿兒島和牛(2塊) (+$188)脂肪分佈均勻，肉嫩多汁，每一啖都有濃郁牛肉香。戀丼 - 月見等厚燒牛舌三文魚籽($238)牛舌厚身，軟腍juicy，咬落去爽口彈牙，加上滿滿三文魚籽同蛋香十足嘅蛋汁，增添層次。…查看更多

Espresso Alchemy進駐將軍澳，以後又多一個地方享受悠閒嘅一天。青醬雞胸沙律配檸檬醋醬 ($92)雖然係雞胸，但一啲都唔會嚡熠熠，而且調味得宜，沙律菜爽脆，加埋酸酸甜甜嘅檸檬醋醬，味道清新。香煎虎蝦配辣蕃茄汁意粉 ($129)虎蝦厚肉，口感爽彈，蝦味香濃，每隻都有去蝦腸，值得一讚！意粉入味帶辣勁，開胃惹味。Baileys Chocolate (Alcoholic) ($73)Baileys味突出，酒香醇厚，但同時亦滲透淡淡朱古力味，易入口又唔好甜。…查看更多

近排發現了一間尖沙咀的居酒屋，神隱於酒店內，如果經開金巴利道君怡酒店真係不可錯過！味醂雞泡魚乾味醂魚乾肉汁豐富，口感香甜，非常惹味。吞拿魚腩蓉小卷以新鮮的吞拿魚腩作小卷，入口鮮嫩，綿綿口感，讓人著迷。汁燒日本雞肉雞肉串經汁燒後，仍然做到嫩身口感，帶有微妙的甜香，啖啖滋味。燒日本五花腩香燒後的五花腩外焦內嫩，油脂在口中化開，肉香濃郁。銀鱈魚西京燒銀鱈魚魚肉細膩，鮮味十足，口感滑順，吃上一口讓人陶醉。牛肉昆布湯烏冬昆布湯底鮮香濃郁，烏冬彈牙順口，再有嫩身牛肉，讓人感受到滿滿的幸福感。…查看更多