襯出糧同屋企人去食餐好既，見到山見台式火鍋出左個主題 係關於「港式情懷」，有芫荽皮蛋豬骨鍋湯底，諗到都覺得正。任食區有50款以上前菜、台式小食、甜品同飲品。🔴湯底必叫芫荽皮蛋豬骨鍋。芫荽香同豬骨湯底嘅濃郁即刻爆出嚟，皮蛋溶咗少少落湯，飲落順喉又有層次，仲有少少甘香。用嚟涮肉涮海鮮都好夾，唔會蓋過食材嘅原味；另外梗係揀麻辣湯底，夠辣夠麻，食到好爽🟠小食🔷碗仔翅：口感似翅羹嗰種黏口，但唔會杰到離譜，黑醋加白胡椒就係童年記憶，暖笠笠好治癒。🔷咖喱汁魚蛋：港式街頭味100分，咖喱香辣度啱啱好，唔會搶戲，配湯底涮菜超match。🔷格仔餅：一拆開熱辣辣，牛油香撲鼻，外脆內軟，甜品位一定要留返畀佢。🟡套餐我哋今次係叫Lv 3 極品吃到飽（100分鐘），入面可以揀月建封門柳、薄切牛舌芯、澳洲羊舌肉幾款都正。封門柳油花平均，落豬骨湯底涮至七成熟，入口超嫩；牛舌芯薄切爽彈，輕輕一涮就食，淋少少蔥蒜更香。🟢自助區 & QR落單有前菜、台式熟食、甜品飲品任拎。青菜菇菌類新鮮，豆腐、凍伴菜好清新，台式滷味同炸物做得唔錯，甜品仲有布丁、奶凍類，飲品選擇又夠多，飲到好爽。…查看更多
