同男友買左團購試，係二人餐浪漫晚餐。地點唔難搵，餐廳內既裝潢令人幾舒服，奈何梳化坐落去太矮，男友咁高都話矮，何況我咁細粒點食。到野食來左，先來海鮮拼盤，有生蠔，翡翠螺同玻璃蝦，都幾新鮮。生蠔幾肥但屬濃味海水味重，男友唔食，4隻真係夠哂。然後上沙律，菜好青綠，配芝麻醬好味。再上飲品白酒，不要太高要求，但可以入口。男人唔飲酒，要補鐵叫凍檸蜜，因除酒只包25蚊餐飲，而25蚊餐飲只有熱檸茶檸水。主菜鮮蝦墨魚麵好食，但好(流)。兩個人一齊食ok。豬仔脾賣相好，食落都尚可以，有點難咬。到上全晚最後食既就係甜品。北海道3.6牛乳奶凍，奶味好香濃，岩哂我依d鍾意食奶類製品既人。總括來講成頓晚餐都不錯，團購價199包加一絕對抵。…查看更多
到叫到個停低,佢又CALL人黎寫,但等幾分鐘都冇人黎。等左OVER5分鐘終於落到單,到D野食黎,上個A餐,ORDER炒蛋多士, 俾煎蛋多士都算, 叉都冇隻,咩餐具都冇。難道要我地用手食? 叫人黎拎2隻叉又冇人理,最後要自己走去拎。以前岩岩開個時不錯,但依家D人手真係愈來愈差,冇哂質素。唯獨食物既質素都算OK。屋企人話魚柳幾好食,整得唔錯.我地食個丁米同沙嗲牛麵都幾好食,米粉唔會索哂D水,麵唔會太脹。另外多士仲熱,唔係下下整定再俾客人。整體黎講,早餐真係唔會再去食。客人多人手少,態度餐。晚餐唯獨價錢同質素都仲可以接受。
