cookb的個人專頁

前兩日係旺角附近行街，見到有少少餓，所以就上網係open Rice 度揾附近有咩餐廳或者cafe食野，俾我揾到le間Oasis cafe，上到去發現環境幾舒服，大多數都係沙發位，位與位之間又幾闊，坐得幾舒服。燈光充足得黎，帶點柔和。坐左陣就叫左個明太子意大利粉，味道很好，再加少少檸檬汁，嘩！超好食，D蝦重好大隻，食落去好新鮮。最後叫仲左個凍蘋果綠茶，甜度適中，適合所有人飲，值得再嚟食多次，openrice網上訂位，主菜仲買一送一㖭！超抵食！下次一定會帶D朋友過黎一齊食。…查看更多

Home sweet home, 落街第一件事梗係整返個港式茶餐嘆返杯茶。歐洲返港坐當地中午機一般比較辛苦，因為差不多想瞓覺嘅時候就係到達之時，所以每次從倫敦返港都盡量搭夜機，呢頭起飛嗰頭就瞓著，但馬德里呢類需求較少嘅航點就冇得揀只有一班中午了。在家瞓醒就揸車落銅鑼灣，去到百德新街濃濃八十年代港味情懷裝修嘅喜喜，配合埋一位年紀相若茶記樓面隨店內音樂同場獻唱劉華“絕望的笑容”和黎明“對不起我愛你”, 呢個茶餐，除咗一向都好飲嘅奶茶同招牌炒蛋多士外，亦食得特別有feel。…查看更多

有不少評論認為師承墨爾本勇記的香港蔡瀾越南粉一一般般，懷著調低了的期望過來一試，反而覺得湯底清甜，粉底夠滑，牛肉尚可，價錢也不貴，憑蔡瀾先生的名氣，還是可以一來的。生牛肉湯河，還是澳美加的好吃 。…查看更多

紅雨晚上，難得一支公晚飯，諗諗計要將頹飯昇華得一啲都唔頹。想起元朗又新街名店「新記雞粥」在筲箕灣道近天悅開了分店，十多年前在新界居住時常去的宵夜勝地，馬上就兜上東區走廊，直奔筲箕灣重溫舊夢。在下戒飯粥已八年半，馳名煲仔粥生滾粥無福消受，但就依然點了當年的新記宵夜三寶：貴妃雞(叫例牌唔叫粥)、炸大腸和豉油王炒麵，雞依然係咁滑咁有雞味；炸大腸脆卜卜香噴噴全無異味；炒麵略略唔夠熱但個豉油王咁多年冇失拖。百三蚊換黎嘅滿足感比三百蚊一餐還要大，當然邪惡度亦係好高，不過我亦對自己keep磅能力信心十足，間中放肆一餐實在冇乜所謂。…查看更多

年初時曾跟隨朋友來小桃園一次，留下不錯的印象，今晚特意帶老友們來這裡嚐嚐。週日傍晚時間交通流量不大，向西飛馳於屯門公路迎著日落，心情甚感舒暢。流浮山大街《劉勝記海鮮》，《劉勝記》老闆娘向我們推薦了本月時令的黃油蟹、東星斑、大瀨尿蝦和蟶子。《小桃園》烹調功夫不俗，黃油蟹蟹黃極多如鹹蛋黃般漏油，入口軟綿綿像布甸，東星斑魚肉嫩滑，椒鹽瀨尿蝦連殼都脆卜卜肉質靚，鹹魚揚州炒飯用料足夠乾身粒粒分明。大家都吃得很開心，快快樂樂返回市區去。…查看更多

早幾日約咗波友去睇波，開波前揾間餐廳醫下肚，喺佐敦恒豐中心後街有間西餐廳，兩條友諗住快快食少少嘢，之後先落酒吧睇波。我地叫咗一個西班牙巴馬火腿PIZZA，一份牛油白酒鮮大蜆意大利粉，同兩支India Pale Ale手工啤。西班牙巴馬火腿PIZZA個皮好脆，上面鋪左芝士同巴馬火腿同一啲沙律菜，餸酒一流。個牛油白酒牛油鮮大蜆意粉，啲大蜆好新鮮，聽侍應講係每日返貨，個汁好鮮甜，我食完意粉，忍唔住連個湯汁都飲埋。…查看更多

今日同屋企人去咗呢間極尚大瀛喜食日本放題。 呢間餐廳淨係這門口都非常之擠迫，排曬隊入去好不容易才攞籌號安排入座。安排就座後，我同家人兵分兩路一批負責點菜，另一批出外去飲品吧度取飲品。哦！呢間放題仲包埋餐前小食款式都很多呀。餐前小食有我至愛的八爪魚、 螺頭 、同埋帶子邊，全部都是中華料理款式，另外仲有菜苗、 湯 及其他小食，淨係食小食都應該會很飽！回到自己張枱時 ，部分菜式已放在枱上，大部分都好吸引呀 。首先試下羊架好味唔騷， 肉質鮮嫩多汁，另外洞庭烏冬 ，烏冬的面底非常煙韌好味，好彈牙feel！壽司軍艦 、魚生刺身全部都鮮甜好味，都好新鮮 很想encore,但是肚裏的空間始終有限不能過量！傾下偈講下家事、講呀其他八卦事，時間就過得很快。到尾聲都係整番個甜品或者乳酪同埋蜜瓜雪糕都係不錯的選擇，就此完滿結束今次聚會，下次必定再來…查看更多

今日同朋友嚟咗呢間位於荃灣眾安街 嘅十八樓雞煲。 這間食肆時位於 一座大廈 裏的18樓， 該座大廈全幢都是食肆 ，在香港而家有很多地方都是這樣的， 所以搵食唔難 ，最難的還是要搵到好吃的。初嚟報到的我們 ，在服務員的帶領下坐在卡位， 他為距離較為寬闊 坐得舒服！ 在安排入座後我已看到， 隔離的飲品櫃內有我最喜愛的Jollysandy。 我朋友 已經急不及待在點菜紙上畫了很多剔號 ，也告訴我們有什麼特別的食品例如生蝦、花膠、肥牛 、鱔片 ，甚至有自己自製的韭菜餃等等！再集齊我們想吃的東西後，交給服務員， 服務員有禮貌地詢問我們要什麼湯底或是雞煲 。我們當然選擇雞煲啦 ，還可選擇微辣添， 因為如果叫中辣或者大辣我怕我們明天出唔到聲囉！在我們傾計的途中熱辣辣的雞煲已放在桌上 ，陣陣的雞煲香味在空氣中洋溢。這間雞煲預備了一個膠夾 給我們夾雞件 是一件雞後 發覺其味道足夠 ，是小辣的 ，嫩滑新鮮野味！ 服務員提議我們 先進食雞煲內的雞件 ，然後遞給我們 一渣湯水 ， 說明是當雞煲內的雞件 食得七七八八時，可放置湯水落雞煲嚟當作火鍋之用！其實吃完雞煲內的雞件已感到超過一半飽了！ 很奇怪 平時打邊爐 ，都會愛放著 辣椒絲 、炸蒜 、同埋豉油 今次也準備了 ，但是竟然是用不著 ，可能因為雞煲的味道已夠曬惹味，不用再 點其他配件來增添味道。呢間18樓雞煲果然雞煲是一個主打， 我們已約定下次一定返嚟再幫襯！…查看更多

今晚约咗兩位來自英國的朋友食飯，佢地話想食日本嘢，咁不如帶佢地試吓大喜屋日式放题，大喜屋一向都係放题嘅信心之選。我們book了早段時間，嘩。。。6点準時到已經排晒隊。坐底馬上點食物，兩位朋友見到咁多選擇已經嚇呆了，佢地樣樣都話想食。上菜速度極快，唔洗15分鐘，我地張枱已經放滿了。先吃剌生拼盤，朋友都極為開心滿意，因為在英國很少吃到又靓又新鮮嘅魚生，未食完已經劃定下一盤，哈哈哈。。。壽司又係朋友的至愛，一口氣又点咗十幾款。燒羊鞍又係呢度信心推介，兩位朋友每人吃了3件，佢哋話好正，又燒到啱啱好，味道一流。仲有天婦羅，D蝦又大隻又新鮮，重点係即炸熱辣辣，正。一輪瘋狂進攻後，朋友開始叫甜品，又有十幾廿款，冇辦法朋友來自英國咁遠，唯有陪佢地繼續食，减肥計劃先放下吧。埋單後朋友問後晚可以再book大喜屋食飯嗎？。。。哈哈，我可以say no嗎。…查看更多

今日去咗沙田大圍食咗個非常滿足的午餐，呢間餐廳位於大圍市內一條好多嘢食的街道上，門面較為突出非常吸引。在門口看完menu之後已決定入去医肚， 因為在看menu期間已有很多客人開門進入 ，我都驚冇位坐所以早啲入去霸位先。在侍應安排就座後，發現餐廳內設計特別， 很多裝飾品。 再看menu時因為已知道自己想吃乜，所以很快便叫了個是日餐湯加埋西冷牛扒配意粉， 其實點解揀餐湯而不選擇田園沙律，因為是日餐湯是我喜愛的南瓜湯！ 首先餐湯先到， 感覺湯味濃郁好creamy…… 之後西冷牛扒到喇主角出場…… 牛扒size適中 較為特別的是意粉彈牙煙韌， 牛扒沒有用太多的粉去醃製 感覺juicy好味。 由於牛扒意粉的意粉份量太多…… 好不容易才勉強吃完 其實好欣賞呢間餐廳煮的意粉真是好味與別不同！ 跟餐叫了熱咖啡，大大大滿足！…查看更多

今日同老公過香港喺sogo行街，行完梗係搵食啦！ 金百利廣場而家成棟都係食肆，老公今日話想食日本嘢，我哋就上咗7樓一間叫築地日本料理嘅地方食 ，一入到去裏面嘅裝修好日本feel好清雅，而且好乾淨嘅感覺，我哋就決定喺呢度食。先睇menu，menu裏面魚生、壽司、天婦羅、串燒、拉麵、石鍋飯……，所有日本料理應有盡有，我哋都唔知揀乜好，最後我哋揀咗幾款唔同嘅壽司食，跟住仲叫咗碗黑蒜豬軟骨拉麵，先嚟咗個麵豉湯 ，話係跟餐嘅，麵豉湯唔同一般平時，其他地方嘅只得個鹹味，這碗麵豉湯除麵豉之外仲好有鮮魚嘅味道，好清甜，飲得出係廚師用心烹調過嘅。海膽魷魚壽司，啲魚生好新鮮、好鮮甜，海膽魷魚壽司仲落咗好多海膽，好好味。另外蔥花吞拿魚壽司，啲吞拿魚好新鮮配埋啲蔥花，配搭簡直係一絕。仲估唔到個玉子芝士壽司都好好味，我哋仲再叫了多一碟添！黑蒜豬軟骨拉麵，黑蒜味好濃，而且碗麵湯底好creamy，啲豬軟骨肥瘦適中，而且好林，而家喺香港已好少地方食到一碗咁正宗嘅拉麵 , 湯底加面嘅軟硬適中都配合得很好。…查看更多

今日嚟到海港城呢度食飯，近海皮嗰邊開咗幾間特色餐廳，今日我哋就搵其中一間去試吓。我哋揀咗這間食片皮鴨嘅中餐廳，來到這裏當然唔少得嘅，就係要叫片皮鴨啦！片皮鴨相信所有香港人都已經食過，但這間餐廳將原本嘅片皮鴨再加上一啲特色，令到整體嘅感覺完全不一樣。不過後來睇返原來喺大陸有很多分店，佢嘅片皮鴨喺大陸是很出名的，難怪我哋食得津津有味。另外我哋仲叫咗金沙鮮魷魚，這道菜都做得非常之好，廚師做到外皮很鬆脆，魷魚很鮮美，鹹蛋份量剛剛好，相信內部廚房全部都係師傅級才做倒這一流嘅餸菜。和牛蘑菇粒都非常之美味，啲和牛入口即溶，肥膏和肉比例適中，另外啲蘑菇好新鮮，又係另一部美味嘅餸菜，成晚我哋都食得好開心，滿載而歸。…查看更多

朋友極力推介荔枝角呢間西餐廳，今晚我哋就一於嚟試下。裏面嘅環境暗暗哋，而且好靜，啱曬兩個女仔一齊嚟傾下偈，食下飯。我哋叫咗個二人套餐，個餐湯配埋個飽，個飽並唔係用蒜蓉飽，好特別，配另一種飽而且係配埋黑醋同橄欖油，好好味，個沙律係牛油果沙律，啲蔬菜好新鮮，味道酸酸地好開胃。我哋仲有一個主菜係大啡菇黑松露意大利飯，個飯軟硬適中，個大啡菇仲好大隻，廚師煮得味道很好 我和朋友都大讚！個套餐實在太多嘢，我哋兩個女仔最後食到好飽，好滿足！…查看更多

今日老豆生日，上網睇下有咩地方好食，我哋揀咗美麗華呢間百樂小館試吓，一嚟到裏面裝修好靚，而且座位幾寬敞，唔知啲嘢食o唔ok呢？我哋睇餐牌叫咗好多嘢食，跟住侍應俾咗幾杯功夫茶我哋飲，飲落去啲味道好特別好香甜，我都係第一次飲功夫茶，應該係食潮州嘢之前，飲咗會開胃啲，同可以提升食物嘅味道！另外仲有幾碟前菜喺度，我哋好肚餓，先食左前菜先，啲前菜都好特別，味道唔錯 ！我哋叫咗好多嘢食，講都講唔曬，不過我覺得最值得提嘅係個-五香炸芋絲卷，個卷炸得好金黃香脆，而且芋絲味好重，啲芋絲好新鮮，啲芋頭味又好香濃，係我至愛。最後我哋仲叫咗杏仁蛋白茶，啲蛋白茶啲杏仁好香好有杏仁味，都係我至愛，最後連老豆嗰份都飲埋，啲杏仁味真係好香，而且呢度啲師傅做得好好。…查看更多

之前朋友介紹，話呢一度啲裝修好型㗎！啲嘢食仲好ok㖭！所以就上嚟試下，上星期上嚟Shine呢間西餐廳試下，不過成個星期嘅夜晚19:00都Full咗，都book唔到，今個禮拜朋友生日，終於book到啦！ 一上到樓入到嚟，第一個感覺啲裝修真係好型格，主要色調配了好多紅色為主，整個裝修個設計都好新穎，今日同朋友慶祝生日佢都話好有feel！黃金蟹餅配菠蘿莎莎黃金蟹餅好香脆，裏面仲好多蟹肉添！配埋菠蘿莎莎好開胃，平時食番茄沙沙就食得多，菠蘿沙沙都係第一次食，感覺比番茄沙沙仲開胃啲，菠蘿酸酸甜甜好新鮮，值得推介。海鮮墨魚汁配意大利飯個飯裏面有好多唔同嘅海鮮配搭，有大蝦，另外啲海鮮好大粒，粒帶子仲大過五蚊銀好多，配埋其他海鮮加埋啲意大利飯，配搭簡直係一绝！啲意大利飯軟硬適中，好好味！安格斯牛柳配青胡椒汁我哋仲食咗份安格斯牛柳，牛柳好林，好夠肉味，非常Juicy，我同朋友都讚不絕口，配埋啲青胡椒汁 ，再加埋側邊啲配菜好特別好靚，最後食到我哋大家都好飽，好滿足！爭啲唔記得講，我哋仲叫咗特飲，我杯奇異果梳打好清新，啲生果好新鮮，配埋個意大利飯剛剛好，可以有啲消滯嘅感覺。好值得推介嘅西餐廳，我哋下次一定會再你。…查看更多