candk的個人專頁

同朋友黎過呢間好幾次，第一次2個人坐窗邊望街景，感覺不錯。之後較多人，坐大枱都不會太迫或侷促，環境算不錯。餸菜方面，極推叉燒，黎咁多次都保持到水準，又腍又香甜，所有朋友都話好味！亦喜歡佢蔬菜都有唔少選擇，我自己喜歡佢嘅金蒜蒸勝瓜同菌皇醬蒸淮山（外面較少有呢d菜式，）。雖然係蒸嘅蔬菜，但金蒜好惹味，菌皇醬亦好香口，唔會好寡好淡口！其他菜式就....唔太記得，食左太多次，記唔哂！唯一係個薯仔薄餅偏油，怕肥膩唔好叫！另外，侍應唔太忙時都好勤力fill茶。佢嘅茶好香好好飲，味道幾特別好似係麥茶黎！不過佢晚巿都幾多人，要預等位。同埋其實價錢唔算平，不過銅鑼灣租貴，係咁上下啦！…查看更多

出開銅鑼灣想掃下街先，去左食魚蛋燒賣過下口癮，經過見到呢間係新開，聽過佢好似話係元朗好出名，我呢d港島人十年都唔會入元朗的，咁梗係喺度試下啦！由於我唔食生腸嗰d嘅（大部分內臟都唔食，除左腎），咁我就一串串散叫啦！買左一串腎同豬頭肉，腎其實有少少味，但内臟應該都係咁，算乾淨；豬頭肉好爽口都唔錯，重點係個醬汁，好味到你唔信，（個女店員好友善提我撈勻醬汁先食）堅係得！我都食過旺角肥姐嘅腎（不過好多年前），但印象中只係普通，如果講醬汁呢度真係正好多，亦同串野好夾味，鍾意食呢d滷味嘅真係可以試下！我之後再試埋佢d墨魚同樣爽口好味！推介！記住一定要落醬汁！…查看更多

好細個就已食過佢隔離的明記（細個時質素不錯，但最近食返已大不如前，大退步仲貴左好多...），講返呢間甜甜屋，初時心諗開係度係咪想執明記死雞？（sorry我諗多左）由於當時咁諗，就冇食佢喇！終於有一日又心血來潮想試下，因為太安樓間芋圓我成日都夾唔岩時間食，咁試下呢間啦。冇任何期望之下，竟然係好食，覺得西灣河真係臥虎藏龍！我叫嘅係紅豆芋圓，佢d紅豆沙甜度適中，我好怕太甜嘅，料又足，有好多蓮子同紅豆，再食芋圓，煙靱有咬口，仲要真係有芋頭同蕃薯味，仲要好似只係20幾蚊，真係又美味又滿足！根據我嘅習慣，一好食又停唔到，連食左三日，肥左勁多，但真係好味，好似會上癮咁！另外如想清清地都推介椰皇凍，好清香，寒天黎感覺上又冇咁肥！…查看更多

想寫呢間食評好耐，終於有時間了！其實由未食過到現在已食左好多次（2017食左超過6-8次，2018未食），本來就係要去OpenRice search下有咩好食，就比我找到呢間悅興嘅食評，見食評雖少，但也是好評（但卻是2013，真係n年前），就當比次機會大家去試下啦！點知一試愛上！第一次來跟舊食評叫蟹肉蒸蛋啦，再叫最愛叫嘅小菜咕嚕肉，d餸黎到賣相靚已好吸引仲要份量大（細食者真係唔好一人叫一個小菜，唔係真係食唔哂架！）蒸蛋又香又滑，蟹肉唔多但真係蟹肉黎，唔係蟹柳），好味！（不過近兩次去都冇左蟹肉蒸蛋了，只有其他蒸蛋）到咕嚕肉，甜酸適中，啖啖肉，好味！份量真係超大，我地兩個唔細食都食到飽到上心口！經過呢次之後，我就連續去左幾個星期，仲帶埋家人去食，試埋脆皮燒雞，元蹄等等，都係好好味，冇失望！服務就一般正常啦，家庭式經營咁，老闆都幾友善架！真心推介！…查看更多

搬黎東區半年，都未試過呢間餐廳，因為佢18:00就收，晚上就試唔到喇。終於一日星期六下午決定要試下，望入去見卡位已坐滿，本想放棄，心想難得到左門口食埋啦！入到去叫左個我最鍾意叫的常餐，多士烘得鬆脆牛油塗得均勻（平時大部分通常都一邊會冇牛油的...），腸仔就正常啦，煎蛋是脆邊的不錯呀！叫左叉燒麵，叉燒竟然不是柴皮，仲要甜甜地的，也不錯！試吃了泰式炒河竟也意外的有鑊氣，好味！另外餐廳內的侍應也不錯，不會過份熱情但又頗友善的，難怪好像坐滿的都是熟客！自從嗰日之後，我差不多週末都會去食一次或叫他的外賣，作為一間街坊茶餐廳真是頗有水準，推薦！…查看更多

食物質素ok,不過不失，價錢尚算合理，但服務出乎預料地差！首先落單只叫2份午餐都比錯（佢提供5-6款），算！當你忙！換返ok 啦。然後食白飯仲要有咖哩汁連瓷羮都唔比點食呢？算又當你忙自己request,拎到黎就問都唔問我就比左隔離枱，隔離枱係食烤餅！（食烤餅要用羹？食飯就用手？）最後落單用背對住客人，基本禮貌都冇！我食好忙嘅茶餐廳都冇咁差服務！我只要求基本禮貌，食飯有餐具都咁難，我真係唔知點解仲要幫襯！以為出左名就唔需要再有基本服務？！所謂出名，都係不外如是！咁嘅服務，客人一定如你所願，越黎越少，你地可以慢慢嘆喇，早d退休！…查看更多