cc_angel的個人專頁

週末食下午茶 ，叫咗香茅豬扒法包配奶茶法包熱辣辣即叫即制，法包份量足，食得飽。豬扒好重香茅味，1.5cm厚 好juicy，配上酸甜蘿蔔 好開胃，入面係 沙律醬，牛油。 如果係肝醬就更加好了 😆奶茶絲滑，滿分👍🏻可惜週末法包只能單點，加埋奶茶$60。平日下午茶$46就好抵食了🤩 可以encore隔離枱都係叫法包 好受歡迎， 其他客人仲讚豬頸肉好好食。裝修有特色…查看更多

行到 尖沙咀內街 見到新舖頭 就即管一試見到正餐 可以配薯條 或者 roast veggie 焗蔬菜 配搭幾特別試了墨西哥熱狗 套餐(配 焗蔬菜 自由斟汽水 )約$75， 炸洋蔥圈 約$40墨西哥熱狗 係將 條熱狗切片， 青椒洋蔥等配菜 炒香， 撈埋芝士醬。 呢個食法好得意， 芝士味道都好濃郁 👍😝 roast veggie 配菜分別係 薯角 南瓜 四季豆。 焗薯角 - 冇乜調味 唔好食焗南瓜- 南瓜本身好甜， 焗完 又淋又甜好好食四季豆- 都幾好食 質地爽口 不會太過淋炸洋蔥圈(約$40)就唔爭氣啦， 係好一般嘅冰鮮貨色， 麵粉再溝洋蔥粉製成嘅洋蔥。 唔值得試。 墨西哥熱狗 套餐 $75的價錢算係cp值屬一般啦。大食女仔食完夠飽既份量 🤣…查看更多

因為喺附近做嘢所以 周不是黎食好嘢 已經食過好幾次， 不過今日實在太正 一定要請食評 等多啲人知道依家餐廳 。雜錦刺身飯$75 每次都唔同款， 睇返有乜嘢時令。 所以每次都食到唔同嘅好嘢。 刺身每一次都好新鮮- 今日 嘅 刺身有: 三文魚腩 海膽 大大隻牡丹蝦 帶子 北寄貝 玉子 不知名嘅魚🤣仲有芥末八爪魚沙律。- 另一次食 有中拖! 我覺得以$75既 價錢簡直係 物超所值蒜片一口牛定食: 好食到爆， 肉質軟林甘香， 送飯一流， 而且分量好夠， 食完直情有啲滯 仲要定食套餐 連埋前菜&刺身， 大滿足刺身定食: 刺身質素 一樣咁好， 不過烏冬 冇期望中好食。 價錢和 質素黎請都係 咁刺身飯正好多壽司 套餐: 相對其他 的套餐 比較普通， 冇驚喜。 西京燒銀鱈魚: 食得出係真。銀鱈魚， 而且有兩大塊銀鱈魚。價錢同質素 相符。加分位:wasabi係新鮮貨午餐定食 特價丼物 抵食。其他食評:由於 餐廳用 珍珠米， 熱食嘅時候 米飯比較軟， 唔係好啱我食餐廳屬於中小size, 去到要等一陣間位。totally worth the wait tho!!!…查看更多

中午經過佐敦, 見到店內的店員都是印度人(?),看來好正宗, 興致勃勃試試它的印度咖哩午餐的set 名好搞笑, 並不是ABCD這樣的順序, 而係…….考考大家推理能力 B餐是咖哩牛, C餐是雞咖哩, F餐是咖哩魚, M餐是咖哩羊, P餐是蝦咖哩,V餐是雜菜咖哩原來餐名是依主菜的英文第一個字母命名 LOL午餐包含了小食, 餐湯, 主菜, 白飯, Naan bread 和飲品餐湯令人跌眼鏡呢, 居然是忌廉粟米湯 , 而且味道淡茂茂的:/(希望係我見識少唔知道有印度版忌廉粟米湯吧@.@ )如果餐湯是印度的特色餐湯(e.g.雜豆 / lentil湯) 就更理想了餐飲的咖啡 及 奶茶沒有特別, 是英式奶茶的濃度小食是又薄又脆的印度薄餅, 配上青色香草乳酪漿汁 ,十分醒胃掛住食, 忘了影相 ;.;共order了兩個主菜- 羊肉咖哩 及 蝦咖哩首先上菜的是羊肉咖哩, 羊肉啖啖肉, 煮得入味, 口感也幼嫩, 無咩肥膏質地較平時港式咖哩稀, 味道也較清淡, 餸白飯稍嫌不夠味道。隨後上菜的就是蝦咖哩, 蝦的味道就像是茶餐廳炒揚洲炒飯的蝦仁, 只有爽口的口感, 並沒有什麼蝦味當我以為咖哩會像平時街外, 換湯不換藥 將不同材料加入同一咖哩膽時,令人喜出望外的事就出現了 外表上蝦咖哩比羊肉咖哩深色, 我估是因為香料下得更多的緣故吧!果然食落味道蝦咖哩比羊肉咖哩更濃郁, 質地也較稠令人感到高興的是這店的用心, 依照傳統印度咖哩般用不同香料配搭不同主菜。不會千篇一律將所有咖哩只做出單一味道 正吃得開心的時候, 一籃6-7塊了半圓的Naan bread便送到了,naan bread是新鮮出爐, 非常辣手。整片naan bread厚度分佈不一, 所以不同位置烤出的口感也不一樣, 有不同層次薄的位置好似食蔬打餅一樣香脆, 厚的位置就食大法包中心位置一樣煙韌的口感, 空口吃已經滋味無窮, 沽咖哩汁來吃比飯更令人食指大動, 因為naan bread不像白飯般濕潤, 所以可以吸收更多漿汁!以後一定會來番叮這間餐廳, 下次會食印度炒飯配印式炸雞 或者咖哩雜菜仲有要試印度雪糕 同埋 又甜又奶的印度甜湯圓 , 諗下都流晒口水啦, haha …查看更多

午餐有很多選擇, 飯 / 意粉 / 焗薯 / 焗飯 / 沙律, 我諗都有20多款呢 (選擇困難症慎入 LOL)價錢也化算, $40左右包晒main course, 飲品, 餐湯&一片蒜蓉多士很喜歡這間餐廳的素食選擇挺多, 有6款(仲未計沙律或焗薯啵 ;D 開心死)點了蕃茄湯, 焗芝士意式什菌千層麵, 熱咖啡朋友則叫了栗米湯 和 豬扖焗飯, 凍咖啡可惜餐湯比較遜色, 無咩調味只帶甜酸味的蕃茄湯, 淡茂茂的栗米湯 :/(栗米湯是偷飲朋友果一份的, haha)朋友叫的豬扖焗飯平平無奇, 不太好食… (蕃茄醬味道與蕃茄湯無異, 無咩香草調味 @@)焗芝士意式什菌千層麵 :送來枱的時候已經嗅到芝士香味新鮮焗起的千層麵 5-6層之間夾了 菠菜, 蘑菇, 杏鮑菇,芝士咸味岩岩好, 又唔會好蘇味配上有咬口~ al dente 的千層麵, 真係好好好好味!!份量幾大, 食完已經8-9成飽了@@ 男仔都可以食得飽咖啡好香好滑, 推介 ;)…查看更多

如媽媽冒名來一試這家充滿人情味﹑自由定價的特色素食小店 今晚是由德昌素食合作社煮場, 七點多到了蘇波榮, 已經有不少人陸續來臨了。可能每個來到蘇波榮的人也是常客和對她的背景有一定程度了解, 感受到濃濃的人情味。有新客人到大家都自動波的坐埋一點, 和搭枱的人很容易便打開了話題夾雖然食物的準備時間比較長, 但每度菜也十分出色 值得等候 <3<3今晚的Menu (在吃晚飯的時候還見到Menu不時新增呢~)紅菜頭雜菜湯淮山雪蓮粟子湯波菜芝士咖哩飯九層塔三色椒意粉台灣大根沙津紅菜頭辣雜菜泡菜蛋餅南乳蓮藕冬菇飯淮山雪蓮粟子湯(唔記得影相^^v) - 粟子煲得又棉又林, 清潤又合時波菜芝士咖哩飯 - 不要被她青BB的外貌嚇怕! 咖哩的香味配合幼滑的波菜蓉,, 還有香濃的芝士炒蛋粒粒, 辣度適中, 好食到飛起! 南乳蓮藕冬菇飯 - 冬菇炆得又香又林, 配上煮得入味的蓮藕和腐皮很好餸飯九層塔三色椒意粉 - 新鮮pesto的香草和松子仁味道很出, 加上帶有甜味的紅黃椒很夾泡菜蛋餅 - 煎得香口又熱辣辣的蛋餅中間夾著爽口泡菜 食到唔停口 一定會再來試活化廳和蘇波榮的晚飯<3 …查看更多

New Istanbul Kebab的位置雖然位置比較格攝,但每次食都水準十足, 今次已經第3次食了 haha, 每次都十分滿意 今日叫了lamb doner,香噴噴的羊肉加上脆卜卜幼薯條, 加上生菜同生洋蔥, 好滋味 3色醬放在台上可以任加, 白色是乳酪, 紅色是辣醬(對我來說頗辣 ), 綠色應該是薄荷乳酪醬吧?(但薄荷味道不太明顯)薯條加上大量白綠醬好好味! 香脆薯條加上好smooth的醬汁, 正啊 羊肉沒有一點肥肉, 但同時又唔會乾到像柴皮咁切成幼條洋蔥又脆又甜, 辣味已經完全泡走, 正好配合重味道的羊肉, 清洗味蕾每樣食材都十分足料, 食完己經8成飽!p.s. 有一次吃過朋友點的炸芝士小吃, 個人覺得過於油膩,食完十分熱氣 lol 但是勝在芝士味道不濃,適合食唔慣芝士味的朋友, 炸十分脆口!(似是用春卷皮包住芝士炸咁樣)。…查看更多