作為美孚老街坊，之前試過滄浪亭一次，服務態度已經麻麻，當時都忍住無計較。今次本想買外賣試試，點知體驗更差！落單嗰個男人態度已經唔太好，話我哋想叫嘅嫩雞煨麵賣晒，語氣冷淡到似嫌我哋阻住佢做嘢。仲未完，坐出面嗰個應該係負責煮嘢食嘅阿嬸，竟然拎手機出嚟影我屋企人，仲細細聲話「你唔好再遲啲嚟先買」，態度惡劣到極點！完全無基本尊重同禮貌。食物方面，上次試過嫩雞煨麵，湯底淡而無味，雞肉同麵條都好普通，份量少，性價比低。餐廳環境勉強乾淨，但同佢哋嘅名氣完全唔符，名過其實！今次體驗真係令人火滾，服務態度咁差，絕對唔會再幫襯，亦強烈建議大家唔好試，免得受氣！…查看更多
以上食評乃用戶個人意見 , 並不代表OpenRice之觀點。
3
carmanpai
我都係住喺呢頭嘅街坊啱啱買個外賣見佢舖頭咁擠擁，就企響出邊講我已經打咗order電話嚟落order，跟住有個肥阿姨竟然好大聲咁樣：嗌咗打咗電話嚟就入嚟啦，企喺出邊做咩啫？其實點解可以咁樣對呼喝客人，佢以為自己係上環一樂燒鵝嗎😅
用餐途徑
堂食
