yunglungc2000的個人專頁

已經入秋可以食羊啦，朋友仔帶我佐敦嘅阿凡提小廚食羊。朋友以前係新疆工作，念念不忘新疆的羊，估唔到呢度竟然有得食清真認證嘅食物，梗係要嚟懷緬一番。烤羊排$268羊排烤得外酥內嫩，肉味濃郁，肥瘦相間，配上燒烤調料和孜然，香氣撲鼻，入口滿滿油脂和肉香。羊肉串$22我喜歡佢啲羊肉串全是肉，真係食啖都到落口，坊間有啲羊肉串係有肥膏間住，我唔喜歡。炒娃娃菜$78娃娃菜份量多，食得出菜本身嘅甜味。拍青瓜$48涼拌菜嚟講佢份量好多，青瓜爽脆入味，食到青瓜嘅清新。烤饢餅$18熱食就係又香又軟，凍左之後就係脆卜卜，好好食，配埋羊肉一齊食真係好滿足。…查看更多

成日都聽啲同事話呢間九號冰室嘅質素ok所以今日我都嚟試下。地方唔算細，仲有室外位。佢嘅醒神早餐有十一款可以選擇，以早餐嚟講都算多選擇，而且佢每個套餐都標配3.6牛乳炒滑蛋，呢個都算高質素，唔係hea炒蛋。我就嗌咗個自選扒餐$50雞扒出前一丁麵，腸仔牛乳炒蛋，配丹麥多士，熱奶茶雞扒肉質唔鞋，丁面爽口，丹麥多士夠曬香，杯奶茶出色，茶味奶味都好足。同事嗌咗歐陸早餐吉列魚柳，全熟煎蛋，跟厚多士，凍檸茶呢個配搭完全係一個全日早餐，而且質素比其他餐廳嘅好啲，價錢都係51蚊，今時今日茶餐廳嘅價錢抵食啦！…查看更多

旺角分店嘅牛駅地方好干淨，4人座位好寬，我非常喜歡。呢度有三個價錢俾你選擇1.$258 美國精選牛2.$298 極黑和牛3.$338特上牛小排我選了$298套餐，主打✨美國極黑和牛、✨安格斯牛板腱、✨西班牙豬五花、✨海參,兩小時任你食。仲有10款湯底任選，我選左沙爹湯底拼椰子雞湯底，一款農味一款清甜啱啱好。雞腿🌞牛肉和豬肉片的品質非常高，入口濃濃的肉味。🌞海鮮有帶子、海參、沙白、海蝦。每款都好甜，而且肉質彈牙！🌞調味料有十幾款選擇,有花椒油、香蔥油、XO醬、炸蒜、麻醬、陳醋，你想要咩配搭都可以自己調制。🌞飲品可以話有二十幾款，清酒、韓國汽水，日本啤酒、港式奶茶、珍珠奶茶、桂花烏龍、冷的、熱的、甜的、無糖真係數之不盡。🌞甜品有哈根大師、香港本地雪條、韓國雪條、楊枝甘露、藍莓乳酪,小朋友見到一定會好開心。呢度由六點半開始已經有好長嘅人龍，記得記得要訂位呀。…查看更多

中環有間景觀幾獨特嘅意大利食店，佢喺雲咸街其中一個商業大廈5樓，有室內同戶外用餐區，戶外可以俯瞰大館嘅建築物夜晚好有情調。呢度星期四至六仲有現場樂隊駐場演唱，下次要星期五嚟現場感受下。今晚先同朋友去relax 下。佢晚餐有兩個套餐$398選三道菜同$498選四道菜，我哋今晚選四道菜試下。頭盤 自家製安格斯牛肉丸Polpetoni $198能食得出濃濃嘅牛味，配上酸酸甜甜嘅蕃茄醬，好開胃帕爾瑪醃鴨胸Duck Prosciutto$228鴨胸係好似一片紙咁薄，係真正嘅風乾鴨胸肉，肉質帶點鹹味，配上小巧嘅薄餅，佐酒一流。三文魚忌廉直通粉Salmone e Panna$218佢嘅長通粉比較煙韌，好好食，忌廉汁有奶香味，配上清淡嘅三文魚呢個配搭好夾。烤羊扒Carre di Agnello$358兩塊羊扒份量好足，炭烤嘅味道一上枱就聞到。肉質嫩滑，冇羊騷味好好食。甜品經典提拉米蘇Tiramisu Classico $118以杯裝上嘅提拉米蘇，非常正宗嘅意大利口味，奶香酒香混合口中，滿滿幸福感。…查看更多

今日同朋友嚟一間在香港己經扎根三十年嘅韓國餐廳，曾經得到米芝連獎項，今日終於有機會嚟試下。估唔到米芝蓮餐廳都有一個免費試食嘅角落頭，自家製嘅醃蘿蔔同埋農場梅汁，每位客人都可以隨意食用。一坐低職員先送上三款餐前開胃小食：泡菜、醃蘿蔔、菠菜芽菜、一片橙肉。小食顏色鮮豔，味道酸酸辣辣，十分開胃。醬油生蝦 醬油蝦有鹹鮮味，食一隻唔夠喉，我哋後尾追加多四隻，享受每一啖鹹鮮彈牙嘅蝦。一人烤牛排骨肉套餐喜歡食烤肉嘅我一定會點過燒肉餐，牛排骨肉切成一片片，有牛肉味又有咬口，入口甘香，燒肉必食之選。炆牛排骨套餐炆牛排骨就一舊舊連骨一齊炆，肉質好軟淋淋；湯底有紅枣，入口甘甜滋潤，女士恩物。檸檬梳打和柚子梳打兩款飲品都清爽酸甜，飯後嚟一杯清爽解膩。…查看更多

我好鍾意一個人打邊爐烤肉，但一個人自己食喺人哋嘅眼入面係好奇怪㗎。長沙灣有一間主打一人火鍋或者一人燒肉嘅舖頭，啱曬我呢啲毒毒去。佢有好多個套餐畀客人選擇，每個套餐都包含咗一個珍珠日本米飯一個和風湯、泡菜或者迷你沙律，大食同細食嘅都一次過滿足曬。我覺得咁樣幾好真係唔會浪費食物。今次叫左個牛五花套餐100g牛肉肥瘦相間，燒完食落口有油脂甘香而且份量剛剛好。我仲額外追加日本和牛50g同壽喜燒牛五花50g，日本和牛好香，燒完之後入口即溶，小小地食下，夠滋味。而壽喜燒牛五花加左壽喜燒汁一齊燒，又係另有一番風味。一個人嚟燒真係好開心，慢慢食，慢慢燒。社恐嘅我係呢度食得好舒服。…查看更多

荃灣千色滙有間主打日式休閒lazy風嘅coffee shop，成日經過都覺得佢嘅裝修好得簡約溫馨，好想坐係入面透過五彩玻璃望住啲人行，嘆杯咖啡，睇下書，打發下時間。今日終於有機會啦！阿女聽到可以lazy,好有興趣。🎈安格斯牛肉芝士漢堡配凍柚子蜜$78安格斯漢堡夠曬牛味，入口有肉汁，啖啖肉，滿足。柚子蜜夏天飲夠曬清爽，而且佢嘅飲筒係用粥做嘅好特別。🎈紅酒汁牛尾飯配薑汁咖啡$75牛尾炆得好淋，配上濃郁嘅紅酒汁，小朋友都食得好開心。薑汁咖啡好特別，拉花又靚，入口薑味咖啡味混合一齊，好特別。🎈開心果焦糖布甸$58近期開心果係一個好受歡迎嘅菜式，所以我見到開心果布甸都嗌一個試下，布丁面鋪咗好多開心果碎，入口有濃濃嘅開心果味，好正。…查看更多

朋友好耐無食放題，我梗係要帶佢食我最愛嘅極尚大喜屋啦！😋而家每人$298任食兩小時😋以前嘅舖位嘅座位又窄又暗，而家又大又新淨,地方又大咗。第一輪識叫嘅梗係叫鮑魚、燒蠔、花膠、刺身呢啲貴價嘢。佢嘅魚生刺身份量多又足，成日都爆場。第二輪叫啲牛、蝦、乳鴿王、牛仔肉、羊架、芝麻炸雞翼。我最鍾意食佢嘅炸雞翼。自助區而家有250呎咁大，涼拌魚皮、泰式鳳爪、帶子裙邊、蕎頭、沙律、雪糕、甜品，食物款式一應俱全。最欣賞佢嘅冷泡茶有好幾款,而家仲有鴨屎香檸檬茶飲呀！但估唔到佢竟然有日本最新嘅比卡超飲品呀！🤩如果鍾意飲珍珠奶茶嘅朋友都唔可以錯過佢哋自家製嘅珍珠奶茶，好有茶味。🤩我喜歡自己動手扭軟雪糕，好有滿足感，重點係Haagen dazs雪糕係任食！任食！🤩今次呢一期嘅甜品有龍嘅造型同埋松鼠造型，黃色嘅松鼠造型呢係芒果味綠色嘅龍造型呢係綠茶味，好食喎，creamy,唔假。 所以點解我咁鐘意介紹親戚朋友嚟食大喜屋…查看更多

黃埔有新日本料理店新開，我同朋友梗係第一時間去食啦！店鋪裝修好有日本風格，職員同師傅都好熱情有禮，讓人置身於日本咁樣。🌊灸燒什錦魚生飯$148魚生飯嘅配搭有金線鯛、北海道帆立貝、三文魚、每一片魚生都用火燒過，有一陣燒嘅味道，金線鯛鮮味突出，帆立貝夠肥美，三文魚油脂分佈均勻，入口甘香。呢個魚生飯真係超正。🌊牛肉火鍋定食$138火鍋湯底係壽喜燒湯底，牛肉份量大大份，好抵食。入面仲有洋蔥、豆腐、冬菇,一煲過好啱我食。佢哋午餐仲有好多款式，真係日日都可食唔同午餐。…查看更多

我約舊同事係舊公司附近聚舊食飯先知帝國中心嘅原來叫韓珍號韓國餐廳而家改咗名叫韓脈，但依然由韓國人主理餐廳所有菜式。我哋梗係入去食啦！我哋一坐低職員就會送上六碟前菜，泡菜、酸蘿蔔、芽菜、鵪鶉蛋、翠玉瓜、生菜沙律,唔夠食仲可以免費refill。重點推薦鵪鶉蛋，好好食。🥇醬油蟹配牛油飯$250醬油蟹加牛油飯係我最喜愛的菜式，不論去邊度食，我都會點呢款。我食咁多次，呢次真係有驚喜。首先啲蟹肉鮮甜彈牙，用甜醬汁醃住，入口鹹香鮮甜。蟹膏好多，金燦燦咁樣 覆蓋喺啲蟹肉上面。呢個時候加埋啲牛油飯一齊食，鮮味度達到頂峰。🥇三色餅$168呢個三色餅係店舖新推出嘅菜式，有韭菜、海鮮、泡菜,每款都好有特色，份量適中兩個女仔都夠曬食。🥇韓牛西冷牛扒$365（150g)我哋兩個都未食過韓牛所以今次要試下，而且有專人幫我哋燒埋，燒得啱啱好，韓牛冇牛騷味，但好嫩滑而且有肉汁。🥇蜂窩五花腩$150五花腩份量夠曬多，而且都係有專人幫我哋燒，肉嫩多汁。🥇人參雞湯$118人參雞湯真材實料，一上枱就聞到濃濃嘅雞味。以清甜嘅湯汁作為呢餐晚飯嘅總結，完美。…查看更多

重慶大廈喺香港係一個非常出名嘅旅遊景點，但係我從未入去食過嘢，媽媽話睇咗小紅書想入去試下食嘢，咁去重慶大廈梗係食咖哩啦。見到viu tv 有介紹呢間👳‍♂️珍珠皇宮印度餐廳，咁就入去試下。餐廳好有情調,不停播放住傳統嘅印度音樂，營造出既浪漫又神秘嘅感覺。🤩蒜蓉烤餅$30又香又軟嘅烤餅係印度嘅傳統美食，今次我哋呢個蒜蓉蝦餅真係冇得頂蒜蓉味超香。🤩印度素菜沙律$45配料有青瓜、蕃茄、蘿蔔、青椒、洋蔥、椰菜,以辣椒粉黑椒作為沙律醬，味道少少辣絕對係減肥好搭檔、撈起上嚟一齊食好開胃。🤩瑪莎拉咖哩羊（小辣）$118呢間嘅餐廳係好處就係可以根據客人嘅口味將咖哩調教得少少辣又得，非常辣又得。我同媽媽今日就選擇咗小辣，佢啲羊肉係好有羊味，配埋馬莎拉香料絕對將羊獨有嘅味道突顯出嚟🤩乳酪脆米球$78傳統印度街頭小吃，係一個個好薄嘅薄脆米球，平時食開有肉嘅今次試下素食係點樣，乳酪係凍嘅、甜甜地但係配上啲辣椒粉又甜又辣又凍好好食。🤩蒜蓉蝦$138好少喺咖哩餐廳食海睇下佢嘅蒜蓉同我哋中式蒜蓉有咩唔同，第一啖食落去係有好濃嘅蒜頭味好正，而且佢剝曬殼食起嚟好方便。🤩芒果優格奶昔$42用新鮮芒果汁配埋yogurt撈埋一齊飲，飲得出明顯係新鮮果汁榨嘅…查看更多

情人節老公送花，我就請佢去我哋兩個都最喜歡的蘇山雞飯食海南雞飯。以前成日幫襯長沙灣嗰間，地方比較狹窄坐得冇咁舒服，今日太子呢間新開分店，地方寬敞坐得好舒適。一到六點半鐘準時門外開始排隊。🌟豐盛海南雞飯（半隻）套餐$138半隻雞望個樣就幾靚，海南雞肉質嫩滑皮脆，油飯有蒜香好惹味。跟餐加$15飲排骨茶我每次一定要加配排骨茶，佢啲湯料好足，有藥材味、有胡椒味，飲落去成個人都熱曬。🌟獅城芽菜走地雞飯$95佢呢隻走地雞啲雞皮晶瑩通透，食落彈牙，肉質嫩滑，而且仲有沙薑嘅香味，好值得一試。跟餐加15蚊食星洲迷你喇沙，呢度嘅喇沙湯底夠濃郁，最鍾意就係有油麵同埋米粉喺入面。🌟跟餐叫多個鮮油咖央多士$15咖央醬香甜味美，配上鮮牛油，口感一流。🌟砂拉悅菠蘿冰$48佢係用原隻新鮮菠蘿整嘅，菠蘿獨有嘅香味令🌟到你胃口大開，一個菠蘿只能夠做一杯。🌟開心果椰子奶昔$32如果喜歡椰子味飲品嘅朋友，你就一定要叫呢杯。香濃嘅椰子加埋清香嘅班蘭葉，加上少少開心果嘅味道，呢杯嘢真係好好飲…查看更多

1956年開嘅冰室你食過未？呢一間歷史好悠久嘅冰廳所出品嘅食物都好出色，所以我同朋友決定今日再嚟呢度懷舊一下。老闆就向我哋推薦以下呢幾個菜式👍🏻🌟即叫即炸避風塘炸蒜雞脾🍗$35即叫即炸果然係新鮮皮脆肉嫩🌟自家手打芝士煎蛋🍳牛肉漢堡包🍔$35手打嘅牛肉漢堡果然係比較有咬口，牛味濃，多汁。🌟香茅豬扒喇沙米線🐖$55 椰汁、咖哩汁調教得啱啱好，入口甘香，香茅豬扒肉質夠嫩。🌟足餡榛子🌰流心西多🍞$32西多士入面嘅榛子醬份量果然好多，每一啖都有滿滿嘅榛子味。🌟招牌海南雞飯每日限定100份$70佢嘅海南雞每日只係買100份，大家要早啲嚟，雞肉嫩滑，雞皮彈牙。…查看更多

我見到莆田推出新春套餐，即刻同老公去提前慶祝一下屬我哋兩個人嘅團年飯💓💓💓🧨🧨🧨新春如意2人套餐 (免菜、芥 及 加一，價值$998)🧨🧨🧨套餐包括以下菜單:1/ 鴻運發財鮑魚撈起 🥇呢個菜式寓意撈起撈起風生水起🌊職員一邊撒配料，一邊講啲吉利說話，新年好意頭。蔬菜絲配搭矜貴鮑魚，配上特製酸甜醬汁，入口好開胃。2/ 盤滿缽滿鮑魚大蝦🦐盆菜2人份 呢個盆菜用咗海參、鮑魚、瑤柱、花膠、蟶乾、呢幾款高級食材，招呼親朋好友一啲都唔失禮💝3/黑松露炒帶子🦪帶子嫩滑配上濃郁嘅黑松露香味，令人回味無窮4/ 媽祖平安麵🏵️平安麵寓意歲歲平安，麵線口感順滑，一家大細都啱食5/ 蟲草花魚鏢蟹肉羹🤩材料份量十足，入口清甜。6/ 桂圓銀耳湯配莆田紅團🥳紅團甜甜蜜蜜煙煙韌韌，好意頭🎊而作為莆田嘅會員仲有以下優惠：🎊🎯莆田會員可憑出示優惠券於門市預訂盆菜或新年套餐滿$1,000減$100；$2,000減$200，如此類推。🎯莆田會員網店訂購6人份盆菜即刻享有85折優惠😻，下單即送莆田精品媽祖麵線一盒🍜 🤑仲未係會員嘅你即刻下載Storellet成為會員啦…查看更多

寒港襲港，午餐想食啲熱呼呼嘅食物，打邊爐又好似誇張左，經過寶勒巷見到一間韓食店，諗起韓國嘅石鍋湯，烤肉，毫不猶豫就入去啦！坐低望下間舖原來叫夜首爾，夜晚嘅韓國街頭充滿咗好多特色嘅小食又勾返起我喺韓國時候嘅回憶。一坐低職員就會送上六碟小吃，泡菜、餃子、芽菜、茄子、翠玉瓜、薯仔,唔夠食仲可以refill。牛尾湯配白飯$95好奶白色嘅湯汁，有埋紅枣，湯入面仲有大大舊嘅牛尾，入口香甜，咁凍嘅天氣飲一啖成身都暖曬。調味牛肋骨韓式長切法$360個人極力推薦食呢一個牛肋骨，佢已經有基本嘅調味，而且切好晒，只需要放喺爐度煎幾秒，已經食得。肉味濃，肉質嫩。海鮮薄餅$150一入口已經好香脆，而且有好濃郁嘅海鮮味，食到係真材實料。煎餃子$120佢嘅餃子嘅size畀我哋香港嘅餃子大，且肉餡入面有賣韓國粉絲，啖啖肉好滿足。呢間店性價比好高，下次約多啲人一齊再嚟食。…查看更多