水里秋鳴的個人專頁

打開門口做生意，留得電話喺度就唔該負返d責任！打電話打足半個鐘打爆都冇人聽！就算你唔開門都可以講聲俾人知，搞到人哋約晒人去到門口先知冇你開門！咁做生意我真係祝你生意興隆…不知所謂…查看更多

呢間嘢開咗冇耐幫襯過一兩次(喺疫情冇選擇之下)後悔離場！見佢近期做埋粉麵就當俾多次機會大家，碗麵一嚟到一試湯底⋯.俾d誠意呀！大佬，用返朝早早餐個通粉湯！賣相已經唔掂，一咬粒魚旦個心冰嘅！咩事呀？想同老闆講聲，佢遠距離問返我咩事？好！我咪大大聲同佢講d魚旦個心冰㗎囉！怪不得你間鋪永遠伙記多過客！有好多食店永遠做客一劑過，唔痕客人返轉頭！所以出品永遠得個且個，但老闆你唔好唔記得呢度係跑馬地唔係大撻地！…查看更多

難食細碗貴😑唔知佢想點差不多食遍港九新界車仔麵😑從未遇過一間好似佢咁孤寒😫就珍size嘅蘿蔔有四粒🙄用一蚊銀咁大嘅鮮冬菇嚟炆非常嘔心😖芽菜咁平都用cheap嘢哽口又腥😓用d下欄牛肉仲要嗱到冇晒味😪最重點係個所謂酸辣湯…完全唔知佢似咩味唔辣又唔酸🤮米線得果兩注😤喺柴灣區嚟講佢都算突出😏夠膽收呢個價俾咁嘅質素收呢個價錢👍🏻講真五十九蚊呢個價大把選擇😌車仔麵亦有好多出色過你🙄冇心做就返屋企抖吓啦☺️何必辛苦自己…查看更多

之前食過都覺得都ok，所以今次再嚟食，因為朝早十一點幾嘅關係，諗住先問清楚職員有冇越南嘢食先穩陣d！今次我想點個火車頭河粉，侍應話未有牛肉返到，ok啦…咁早都知預咗一定會小梗d嘢！是但…點知碗嘢一到！我以為佢入錯單，喂…車仔麵嚟㗎喎！頂…我數一數俾大家知有d咩！扎肉、雞絲、豬肉丸、魚旦同橡膠咁un 嘅牛𦟌！原有嘅牛柏葉、牛丸、牛腩同牛筋全部唔知去嗱晒邊？你冇唔緊要！你出句聲呀！成碗嘢不知所謂，根本唔係果樣嘢！冇以後😠😡🤬…查看更多

本身已經有食開柴灣地鐵站商場𥚃面間越南嘢，呢間就第一次試，餐牌有兩種生牛肉河，有安格斯同青亭(即招牌)兩種選擇，問侍應有咩分別，佢話兩種都係急涷美牛，因為本身對美牛不感興趣，而價錢又唔係貴，將價就貨$36，所以哎咗個青亭牛肉河，等嘅時間真係跨咗d，半個鐘！但嚟到又有驚喜，侍應嘅形容同本身係兩回事，因為牛肉係用西冷起片，湯底可以但咸咗小小，河粉幾新鮮，因為河粉擺嘅時間太耐，會小咗一份河粉獨有嘅香味，服務環境都可以，整體嚟講叫OK😊👌🏻…查看更多

九灣真係好小去，去到更加唔會留喺度食果d工廠式食市，今晚俾人格梗留喺呢度搵食，本身已經唔係好Happy ，仲要俾我遇著間咁嘅超垃圾小菜店！菜單選擇小得可憐，設計只想局你食Sit！豪無選擇下揀咗個西蘭花炒蝦球同口水雞，個西蘭花一嚟就睇得出佢夠膽死係成碟白灼，d西蘭花同蝦球淡到想嘔！鹽都唔多粒，食淨見到隻碟油都冇滴，堅做得出果吓好嘢！另一味湯渣口水雞鞋過鞋踭，更加唔駛講有冇雞味！但講收錢一d都唔執輸，口水雞$108，西蘭花蝦球$78！全部單價唔係餐，連加一埋單二百幾蚊食垃圾！…查看更多

充滿住家FEEL嘅茶記，午餐蒸餸選擇什多，淨係蒸魚都有五六種魚揀，但今次我選擇咗蒸肉餅，因為呢餐要快，冇時間損骨首先嚟個中湯，霸皇花煲廋肉飲落知道冇味精咸魚蒸肉餅，咸魚夾落唔散，已經知道火喉時間控制得非常好，唔會好似一般茶記做法，出到嚟夾都夾唔到，而主角肉餅一食就知···夠鮮味整體而言…查看更多

行過好多次都冇機會入去試吓，今日終於有機，見佢午餐有牛河，就試一試，因為牛河最易試出師傅工架，喂！得喎夠鑊氣，河粉滑而不油膩，牛肉鬆軟有質感，牙菜洋蔥比例均勻，可以話連好多大酒樓都食唔到呢d質素— 覺得很棒…查看更多