不易居的個人專頁

今晚帶左老友記黎呢度睇下今次會有咩驚喜。 得知老板呢度係會做(阿媽家姐) 即係廚師發板，預早whatsapps 左老細，今晚懷住呢個緊張又興奮既心情落到舖頭喇~! 先黎刺身併盆帶子又大又甜又新鮮，，正！三文魚厚切好肥美。。。掂！油甘魚腩真係不得了，，好！劍魚，甜蝦，八爪魚。。。。一試難忘 再黎鰻魚玉子卷壽司老板話呢個壽司做既工序好繁複，做既過程會好大機會會失敗，所以唔係咁易。見到呢個壽司心諗咪又係蛋壽司有咩咁巴閉呀？！點知一啖咬落去，蛋中夾住啲鰻魚又幾夾喎，口感幾特別，好香濃既蛋味再加鰻魚既鮮味，好味到不得了，可惜只有兩舊，想再食都冇喇 T.T呢條魚叫翡翠皇魚，產自澳洲屬海魚，所以魚味濃，肉質富有彈性，用鹽燒真係最天然最好既食法！！呢個真係好好笑，老板同廚師特別為我準備既菜式，薑蔥炒蟹。我問，乜日本野有薑蔥炒蟹既咩？佢地話，冇架，好明顯呢個係中式野喇。中式菜式但用日本既碟，都算係fusion菜既，哈哈。呢個炒蟹同出面有啲唔同，配料有豆豉，芫茜，大碌蔥，辣椒乾，薑片，仲有秘製汁，個汁甜甜地辣辣地好過癮，好味！！總括今晚呢餐有驚喜得黎真係幾開心，鬼馬既老板同廚師，令整晚既晚飯生色不少，聽佢地吹下水，大家傾下計，咁就過左愉快既一晚。…查看更多

由於今日天熱太熱喇，放半晝又唔想四圍去就膽粗粗試下呢間滋味館近近地喺屋企附近唔駛行咁遠。望入舖頭見到都有幾枱客，應該唔差呱。我order左豬軟骨拉麵同薑汁豚肉飯行街，心諗呢兩樣野差極都唔會太過份呱。等左10分鐘咁上下都算快，因為太肚餓關係急急腳行返屋企準備開餐。佢地碗豬軟骨拉麵都幾細心麵同湯分開上，諗住掂喇又幾好喎，一啖咬落去啲所謂豬軟骨就出事喇，啲軟骨硬到呢又未熟透，叫豬硬骨就差唔多，真係超失望(已對佢冇咩希望) ,個湯底好似(出黎乜乜公仔麵既海鮮麵湯咁，唉！真係。。。。。個薑汁豚肉飯仲攞命白烚豬肉，個汁一啲薑味都冇，個飯1pat1pat咁。該軟唔軟該硬唔硬。講真一個餐三十幾蚊，都唔係咁呀？！唉。。。。。肯肯定冇下次！！！！…查看更多

當晚遲收工，約左老婆喺土瓜灣食飯，兩條友無無聊又無目的咁行，又唔知食咩好，結果行下行下就行到落山道，竟然發現一間日本料理。二話不說第一時間衝入去，老板就走過黎推介長腳蟹，毛蟹任食，問我地有冇興趣，自問係蟹精既我，心諗今次你地要做蝕本生意喇，老板話長腳蟹就$1800任食2.5小時，北海道毛蟹就$500任食2.5小時。我即時既反應係咁平？堅定流呀？出面都唔止呢個價喇。老板就喺廚房拎左啲蟹出黎，果真冇吹水。呢間日本料理，老板同廚師都好好，喺我地烚下烚下既時候不時都走過黎同我地吹下水，介紹一下時令既食物。原來呢間野係食時令野，同一啲特別既食材，所以老板話下次再黎時早一兩日打黎訂左先就穩陣喇。期待下次再黎會有咩驚喜 …查看更多

今晚我地一行10個人上左去呢間cafe....好彩之前book左位,如果唔係都冇位.....我好耐之前都上過黎..感覺好舒服....但今晚就差左d因為坐係我地後面班人實在太嘈喇....嘈到我地傾計都計唔到....如果老闆出下聲就好喇....d飲品keep到之前個水準冇乜點變....佢\個杯\"朱古力脆脆\"好正我仲叫左兩杯添~~之後再叫左d小食同晚餐\....um...呢個就冇乜特別...算ok喇....唔知係唔係耐冇上去呢...覺得個地方細左迫左....可能多人呱....整體上都幾好..我地10個人埋單都係660....算係ok喇....…查看更多