麻辣小瑪的個人專頁

同姊妹們在銅鑼灣Happy Hour完已經夜晚10點幾，飲完有D肚餓，朋友見OPENRICE 度BOOK 附近既心之食堂有7折，所以就上去食少少野。 上面環境偏細，不過因為已夜深所以唔係好多人，即刻就有位。 我地叫左幾樣野，分別係: 吞拿魚腩壽司，胡椒湯煮蜆，燒牛肉飯及大板燒。坦白講，唔知係間店本身就水準不太好，還是係因為太夜上去既關係，野食堅唔掂。 吞拿魚腩壽司 – 一咬就散胡椒湯煮蜆 – 湯ok，但蜆有沙燒牛肉飯 – 好普通大板燒 – 一夾即散 下次都係去樓上既深宵夜堂吧…查看更多

又到覓食星期六，之前同事送了張W HOTEL 既HK$500 DINING COUPON，可以到酒店內的餐廳消費。所以便約了喵星人去佢地既KITCHEN RESTAURANT 食個DINNER BUFFET。 身邊既同事朋友都有講過唔好抱太大期望，講真可以平到HK$500去食，我唔會仲咁高要求啦。食過什麼也不能盡錄，簡單而言，選擇雖然唔算好多，但該有的都有，法國生蠔，波士頓龍蝦，麵包蟹等；沙律BAR，芝士區，日本刺身；各種肉類熱葷區；湯麵點心區；甜品區等都有齊。 味道的話，我同喵星人都俾合格分數，因為水準唔差，但沒有驚喜或者有某些食物係特別好食而令我想ENCORE的。 原先星期六DINNER BUFFET 一位係HK$698加一，用了COUPON後加同事MEMBERHIP 75折後，只係HK$450+，係抵食既。但原價的話，真心唔會喇。…查看更多

當雙11果日網絡購物如火如荼時，我同喵星人就去左食同個”1”睇落都好似既日式串燒。 位於皇后大道西既焰亭係一間細細間既居酒屋，大概6-7張細枱倒，但員工都只係有2位，一位樓面，另一位就負責廚房。而果晚好旺場，基本上係坐滿，而就算有客走左，都未能提供俾在外面想食的客人，因為無人手清理張枱及碗筷。我同喵星人有一刻真的想幫忙執枱，哈哈。 番番黎食物上，燒物整體確實係唔錯，並無話因為太多單而求其燒。唯獨最後個冷烏冬，真心唔好食，太硬身。 總括來講，我會建議平日夜晚黎食，同埋主攻燒物便可。…查看更多

星期六又是我可以大食的日子，我和喵星人說多想吃東南亞東西，所以在OpenRice找到了這一間在她家附近的馬來西亞菜餐廳。找到後知道是在一間boutique酒店樓上的餐廳，心想不是什麼大酒店所以沒有太大的期望，但想不到有很大的驚喜。我們叫了一個牛肉沙嗲，一個海南雞飯和印度咖喱羊肉配薄餅，但走進去的時候剛巧見到隔離枱有蟹食，但餐牌上卻找不到和蟹相關的餸菜，問了職員才知道蟹是客人特別預訂的，並且剛巧預訂的貨有剩，問我們想不想嘗試，我跟喵星人互相一望眼睛立刻發亮，並跟他說當然想啦，那職員便好親切的告訴我們有什麼方式烹調，起初我想選擇辣椒蟹，但是他說黑胡椒蟹非常好食所以我便改了食黑胡椒蟹。牛肉沙嗲半打：牛肉串看上比較細小但肉質不錯，而沙嗲醬汁非常好味花生粒亦都很多。海南雞飯：雞肉不錯很滑，三款醬汁都很好味，最值得留意是那碗飯，真的是用雞油煮的飯，只係食碗飯都已經覺得好好味，非常之推介!黑胡椒蟹配薄餅：是一隻中size 肉蟹，雖然不是很大隻，但肉質很好很結實，而黑胡椒的炒法亦都非常之香好惹味，冇介紹錯！薄餅亦都非常香脆，但我覺得不是很配炒蟹下次再食我會選擇饅頭。最後配上清甜的椰青非常之滿足。總括而言，整餐飯都非常之滿意，服務亦都非常之好，由於隻蟹大概＄400到，所以埋單總共＄800到，但都覺得非常值。非常期待下一次再去。提提想食蟹的朋友可以提早兩至三天預訂便可以了。…查看更多

朋友留貓星人住在西環，所以不是第一次來這間MEETING POINT吃晚飯。 貓星人如平時一樣，叫了西冷扒而我今次突然想吃意粉所以叫了CARBONARA。 不得不說，食物水準真的是有越來越好，感覺廚師不是轉了另外一個，便是廚師花多了心機更努力煮菜。 西冷扒煎得剛剛好五成，表面還帶一點點脆口，非常可口CARBONARA意粉質地都可以，但與AL DANTE 還一點點，個汁都算不錯，如瘦肉再脆身一點會更佳 食物本身的確是不俗，員工的服務態度整體都很好。但當晚發生了小插曲，一位員工與經理有些爭執，剛開始時都不太明顯，員工都盡量忍，但那位經理不停在那員工旁邊挑釁，其實非常影響在坐的客人，絕對是一位不專業的餐廳經理。希望下次再去時不會再有這樣的事情。…查看更多

去了幾天釜山旅行吃了很多泡菜，回來後突然很想吃一下東南亞國家的咖哩。午飯時走著走著便找到了這間THAI PEPPER。 叫了一個紅咖哩牛腩加白飯，紅咖哩味道不錯，微辣而帶少少甜，入面的配菜主要是泰國茄子都不錯。牛腩不黐牙好易咬。 整體不能說是非常好味的感覺，但可以說是不俗，但價錢上，可能位置很近太古城中心，加上由於咖哩(90元)本身不跟飯，要另加15元來個白飯，所以最後埋單成為：115.5元(連加一)，感覺略貴了一點點。…查看更多

一個星期入面最期待既就係星期五，終於都HAPPY FRIDAY，所以同幾位同事一齊去HAPPY FRIDAY LUNCH! 之前去銀杏時光後見到旁邊有間日本料理，男同事1號食過話OK所以呢日就提議去試下。 入去坐底左，見個餐牌選擇的集合很多，我地都諗了好一陣，諗既時候一邊睇，一邊先食了餐廳免費送上的茶碗蒸，因為剛剛煮好所以熱辣辣，不過欠了蛋香。 食完蛋蛋後，最終選擇了一個燒牛脷飯配扇貝蜆湯烏冬: 扇貝蜆湯烏冬 : 扇貝是偏細粒但食落口感不錯，蜆亦冇沙，烏冬都幾彃牙。燒牛脷飯 : 牛脷係已成切粒，燒汁很惹味，加上煎得剛剛好的荷包蛋，非常配飯。兩樣的份量都好足夠並不少，所以食完確係飽。 不過同行的同事選了一個有壽司既組合，就話壽司既飯不夠凍，相信係我地早去，D飯未吹涼。餐廳有送雪糕糯米糍作甜品，不過要出去門口埋了單先俾，變咗要邊行邊食。總括而言，味道不錯，不能說是非常好，都足以成為滿足的一個午餐，但沒有什麼驚喜而令我好想下次快D再。…查看更多

打完兩次風後，終於又出太陽，咁好天當然要出去食個靚lunch ! 我之前既一個POST有講因為都係轉黎鰂魚涌番工冇耐，所以唔知有咩好地方食lunch，所以最近都係用openrice做下research咁. 今次就俾我搵到呢間離公司相當近既日本食店 – 坐忘，見網上讚好既comments高達至少100，所以決定今日係你喇. 由於今日食早lunch (11:30)，入到去只有一位客人，令我可以好好咁影低以木色為主非常日系既環境。 鐘意食牛牛既本人，見到menu有黑芝麻軟煮牛肋野菜咖哩飯+凍日本焙茶，二話不說就選擇左佢，職員姐姐好細心咁提醒番有落芝麻(可能驚有人對芝麻敏感?) 個飯一黎到，第一個反應係”咁香既! ”，個咖哩汁係熱辣辣地香噴噴地撲埋黎。而第二個反應係”咁多既!”個飯好飽滿之餘，配菜同汁都非常多。絕對係男仕們新寵兒。美女們如果唔係好似我咁大食既話，應該未必食得哂。 味道方面，我其實係一個咀都有點挑挑剔剔既人，但係今次都出自真心地覺得真係好好好好食。 先講個飯，佢唔係普通既白飯而係帶黃，原來入面係有番薯、粟米同南瓜既，成件事已經感到好正。 配菜方面，唔知係咪因為鄰近街市定係日式超市既關係，入面既野菜非常新鮮好味，種類仲好多添；有翠肉瓜、紅蘿蔔、薯仔、西蘭花、椰菜花、西芹、豆角、小蕃茄。 而牛肋方面，在軟煮底下，食落非常軟熟。 個汁如上面講非常香濃而又唔會好似一般日式咖哩咁偏甜。 價錢方面，原來係64元，但12:45前埋結有95折，所以最後係61元 (仲可以用八達通添)，真係物超所值!! 已經同朋友介紹左，下次一齊去!!…查看更多

由於轉了新工係鰂魚涌上班，所以未對附近的LUNCH點好熟悉，呢個時候就會想起用OPENRICE睇下有咩好推介，見到呢間叫True House 離開公司唔遠，最緊要係一致性好評，所以就約埋同事一齊去試下。 我: 黑椒肉眼扒意粉跟蘋果汁 – 雖然唔係靚肉，但係在無”乸”過既情況下(起碼食唔出)，塊扒一d都唔鞋，好香好易入口，意粉雖然唔係AL DANTE (我唔會o係小店入面追求呢d野)，但比起很多茶記已經煮得好好，唔會太爛或黐埋哂，食完飲杯蘋果汁即刻解決食左咁多肉既油膩感。 同事: 日式蒲燒鰻魚飯跟什菜湯 ，個飯外觀上已經好吸引，同事話鰻魚冇怪味好好食，隻蛋煎得岩岩好。湯也不錯。 如之前其他人既COMMENTS所講，店舖好細，但係感覺好HOMEY舒服，老板也非常親切。價錢更加係相當抵食。一定會再去~~~…查看更多

8月11號，約了朋友Happy Friday。之前網上介紹過德國咸豬手不錯，而我地亦都有一點子無食過，所以就去試佢一試。因為驚豬手會太飽，所以叫左唔係好多野:德國咸豬手 – 皮好脆好香，肉亦都唔鞋，可以叫做係SIGNATURE DISH炭燒扇貝 – 味道不錯，好香口炸薯條 – 好夠熱同脆註: 餐廳還未有酒牌，但可以自己買上黎 (如圖中的啤酒) 小插曲: 餐廳環境都尚算舒服，但中途因冷氣壞了，所以變左好似去焗sauna咁，餐廳已經好努力咁出動電風扇，但天氣太熱了。作用不太大。 總結: 冷氣情況穩定後會再來! 哈哈!…查看更多

舊同事介紹下一齊去試雞煲加打邊邊。令我有很多個驚喜：驚喜一: 刺身很新鮮又夠凍驚喜二: 鮑魚很軟很入味驚喜三: 雞煲雞肉唔鞋個汁好惹味驚喜四: 邊爐海鮮盤又係好新鮮驚喜五: 3.6牛奶燕窩也不錯驚喜六: 服務態度好到爆埋單每位差不多340(連加一) 真係超抵提提大家以下有用資訊:不加費無限添加 – 飲品, 雞煲, 邊爐周邊食品包括湯底入面的膏蟹(牛肉除外), 邊爐海鮮盤(聖子及帶子除外) 收費添加 - 邊爐: 牛肉, 邊爐海鮮盤: 聖子及帶子, 湯底的龍蝦加HK$30六人可預先BOOK小包廂坐得舒服D仲有電視睇刺身拼盤 汁煮鮑魚蒜蓉粉絲扇貝惹味雞煲蕃茄蕃仔湯底＋膏蟹牛頸脊什丸/餃等墨魚滑+蝦滑脆卜卜類海鮮盤3.6牛奶燕窩…查看更多

筲箕灣這間燒烤堂已是第三次黎，可想像到質素有番咁上下，但之前都是小貓 two ＆three ，所以食既種類唔多。但今次一行6人殺到，點都要盡興。而確實係成功地食到爆肚。食物太多，不能盡錄。只會特別提下重點好味的幾款。烏頭魚：預約時已預留，上之前15分鐘即烤。魚肉新鮮唔腥，肉質好嫩，應該有半條俾我KO鮮雞皮：食完先知燒鮮雞皮好食過普通果d咁多，外脆得黎仍保留雞皮的彈性。辣雞翼尖：香辣脆口，最岩配啤酒！韓式燒牛及豬：個汁好惹味，不錯紅腸：雖然係很普通的食物，但重點係唔係用果d好假冇肉既感覺果種。雞心：可能好多人都唔食內臟，但真＂心＂好食，又無怪味秋葵，笳子，牛舌：兩個字 - 好～～～～味另外想講既係，服務方面，奄奄尖尖既我都俾200分！點解？因為除了話一般果d態度好之外，最重要係真係會問我地覺得燒得好唔好，味道點，有咩需要改良。好耐未見過咁有heart！…查看更多

小瑪早排突然好想食個buffet，所以指定動作找了朋友貓星人去試呢間位於太古城東隅酒店的 Feast by the East。餐廳不太大，環境偏暗，但尚可。由於係semi buffet，食物品種不算多，但冷盤有即開生蠔，不停輸出的長腳蟹，沙律cold cut及多款甜品，很不錯。主菜我們叫了二人份的燒牛，一上枱我地好肯定一定食唔完，真的份量十足。味道方面：燒烤程度很好，但牛肉本身不太夠肉味，有點可惜。反而配菜跟薯條更吸引。總括而言，$498價錢尚抵食，亦會想再去，不過會試其他主菜。…查看更多

話說最近加入量地大軍，每日都太得閒，所以最經常做的就是在家中坐著，想一想下一餐吃什麼。這天突然好想吃個和洋式午餐，吃個意粉或三明治;所以上openrice看到對Wired Cafe評論不錯便立刻決定了。因為最近的作息與平常有點出入，去到已經是下午三時。時間再好不過了，因為已有下午茶套餐，𥚃面還有我想吃的三明治呢！但當再看了一般menu 又好想試人氣的明太子意粉，唉…所以我做了個任性的決定，就是兩樣都叫！(其實用了很大勇氣，因為怕職員成客人會覺得我太大吃)期待的食物終於上場！…查看更多

經常在openrice search 銅鑼灣有什麼餐廳時都會找到Little Vegas，不過知道不可預約總是沒有去。這天因為去時代看完《功夫熊貓3》差不多6點，便決定行去餐廳等開市。上到去已有幾枱人在等開門，6點正開門，一坐下來覺得雖然地方較小，但內裡裝修幾有趣有feel。食物時間：啤酒沙冰-啤酒味不濃但不錯，適合女士們飲賭城小食拼盤-有腸仔丶炸蝦丶雞翼丶蟹蓋和鱿魚圈等；很有水準，炸物香酥卡邦尼意粉-這個太一般，過濕，不夠creamy，不夠蛋黃味，嚴格來說不算是卡邦尼燒豬肋骨-好得，醬汁味道剛剛好，肋骨肥瘦適中整體來說是滿意的一餐，期待再來。…查看更多