or#Tm65336391的個人專頁

同同事出左街食飯，第一次去到山景食，咁Budget有限，又唔想食太頹，所以諗住揀間正正常常嘅偽台灣料理，無諗過咁驚嚇。我點左個烏醋豬軟骨新竹米粉，其他同事叫左啲湯麵同定食一路都相安無事，一路傾偈，嗰吓仲覺得食晒就夠喇，唔使食到男同事嗰份咁大。已經食左一半，再喺底撩上嚟，見到一條長長哋有六隻腳收縮左嘅嘢，我嗰陣都仲懷疑緊，心諗唔會掛，可能係調味料之類嘅嘢。點知我反轉左佢，見到長形嘅身軀有尖尖嘅頭同尾部，好似中指指甲咁大，我再問我同事，佢都話係，好彩我夠冷靜，我即刻將口入面嗰啖隔着紙巾嘔翻出嚟，之後仲想喊，因為真係好驚曱甴…我同事見到都無晒胃口，食到一半都食唔到落去，勁恐怖。咁啱嗰陣lunch hour, 仲有班學生入嚟無耐喺附近坐低，一見到咁都估到乜事，即刻走左。結果只有退返嗰碗嘅錢… 真係點都唔會再去食，真係好核突⋯⋯…查看更多

喺外賣平台叫左一個香茅雞翼撈檬、一個春卷撈檬、一個香茅雞翼撈檬加左錢加春卷，點知嚟到，加錢嗰個係少左餸，正常嗰份雞翼撈檬係4隻雞翼，正常嗰份春卷撈檬有6條，但我哋其中一份叫左雞翼撈檬+$8要多一份春卷，結果嚟到係變左2隻雞翼4條春卷，變相係加左錢仲要減左我2隻雞翼同2條春卷，仲要貴左勁多。我哋以為佢搞錯左，打比佢問佢仲要話正常，我哋叫嘅係雙拼，我話唔係，我哋叫嘅係雞翼撈檬加錢加春卷， 佢仲要話咁咪比少2隻雞翼囉，啱呀，間嘢好呃錢囉！如果講明係雙拼都仲好啲呀，佢宜家係叫人加錢但減左啲料，好似係兩回事嚟…幾好食都好，都係呃錢感覺。…查看更多

行完街去咗飲咖啡，要趕喺六點前堂食完，坐喺度嘆杯咖啡。想同朋友飲啲特別啲嘅咖啡，唔想成日都飲連鎖咖啡店，於是就揀咗呢一間。等位都等咗一陣間先入到去，我叫咗一杯黑芝麻咖啡加咗$4用燕麥奶，朋友在嗌咗竹炭咖啡。職員嘅態度我覺得麻麻地，而且唔知點解沖兩杯咖啡可以等咁耐，尤其係我朋友個杯又叫到正式嚟講杯咖啡足足等咗半個鐘地只係叫咗兩杯咖啡…黑芝麻咖啡真心指薦，好重黑芝麻味，飲落都有驚喜，我直情愛上到想再飲多次但朋友杯竹炭咖啡味道一般… 只係可以接受，唔太推介… 2個人2杯咖啡，$80左右埋單，忙裏偷閒嘅話，可以接受。 我同朋友都講左句，如果日日都可以咁Hea咁歎住咖啡過一日就好喇，無晒娛樂嘅香港，仲有咩意義呀？…查看更多

年初三赤口，多數都唔拜年，，所以我就同左男朋友去左食個Holiday Bruch, 再Hea返一日。因為提起想食all day breakfast, 於是佢就帶左我嚟呢間食喇。 我哋無訂位，於是攞左飛仔排隊，好好彩地等左大約10分鐘就已經有枱，雖然入面都係full house嘅。本身想叫2個唔同嘅all day breakfast, 可惜新春期間，應該好多供應商都唔開工，所以無得食漢堡扒早晨全餐（$98），唯有2個人改食同一樣嘅嘢。我哋叫左2個奧斯經典全日早餐（$98），本身跟餐包左一杯$33以下嘅飲品，我哋加左錢轉飲咖啡，一杯朱古力咖啡(H$45, C$48)，一杯焦糖咖啡(H$45, C$48)。本身跟餐有個是日餐湯，係粟米湯，一粒粒咁好香濃，啱晒咁凍嘅天氣。個all day breakfast有件窩夫🧇，加埋楓糖漿，好耐無食過喇🤤🤤 仲有個炒蛋，唔會炒到老晒，啱啱好。芝士脆皮腸我就麻麻地鍾意食，比左男朋我食埋佢。仲有一塊唔太大嘅雞扒，成個餐都幾豐富蛋白質，雞扒都煎得嬾口，唔會乾晒。跟嚟仲有薯條、茄汁豆同埋少少沙律菜🥗，沙律菜都新鮮，睇嚟無太受到供應商影響，由於個早餐太豐富，啱啱好夠我無食早餐去食，加埋杯咖啡，飽晒。至於咖啡，飲落普通、正常，無特別，不過做到嗰個焦糖味，唔會比啲奶味蓋過晒。由於年初三仲係假期，所以我哋食呢個變左假日午餐嘅價錢，加一後$140/人左右。…查看更多

戒左口幾日，仲要入冬，再睇埋某YouTuber介紹，就去左食羊腩煲！呢度已經轉左做D類食肆，一定要掃安心…呢度寫用嘅係黑草羊腩煲，因為好鍾意食羊，男朋友又唔怕食羊，所以一出院就陪左我去食喇！我哋叫左一份細，用煲仔上，嚟到覺得份量唔算少，羊肉燜到好淋，就咁咬就食到，不過無乜膻味，唔夠好食。但馬蹄同支竹都好食，因為啲汁入晒味，加埋一碗白飯其實都幾一流。 嚟到食潮洲打冷點少得韭菜豬紅，個人認為全晚最好食就係佢，個韭菜豬紅唔夠辣，佢另外跟多左一碟辣椒油俾你，底下仲有大量嘅韭菜。南乳雜菜煲，上面無啦啦有1舊茄子，但係唔好食，其他菜都係味道一般，正常無特別。好多人，所以我成日都比佢哋撞到，因為我哋坐近廚房嘅出菜位……查看更多

一個萬聖節嘅晚上我哋一行4人穿上造型服裝，去到呢間朋友去推薦嘅餐廳用餐，朋友第三次嚟，主力推薦食豬手～今次我哋叫左一個pizza加一份大豬手拼盤，因為我真係鍾意食pizza！首先Pizza就係菠菜蕃茄PIZZA，方形PIZZA分成兩公婆 小份，芝士味香濃而不漏，正宗PIZZA嘅感覺。今日嘅重點就係大份嘅豬手拼盤，成個拼盤分成豬、豬手、燒豬肋骨、配菜。豬方面有傳統嘅法蘭克福腸、德國腸 ⋯⋯ 多到我都唔識分。配菜方面，除左有德國酸菜之外，仲有埋Pikled，真係好開胃，而且食到好FULL嘅時候，再食返啲酸嘢，又可以再食多啲～豬手方面，個皮好脆，而且都啖啖肉，德國咸豬手個味道少咸但好有風味。不可不提嘅係拼盤隔離嘅豬肋條，絕對係驚喜，我個人更愛食個豬肋條！其實我地食食下就覺得應該叫少一份PIZZA，因為個拼盤實在太大，食唔完有啲浪費。由於是日萬聖節，見到唔少人都作悉心打扮去慶祝，縱使餐廳無咩特別佈置都依然覺得氣氛唔錯。…查看更多

今日同朋友去大圍踩單車，踩到馬料水就返轉頭，然後求其搵啲嘢食。個人比較喜歡一啲舊式茶記，於是行左一個圈就入左呢間茶餐廳喇。其實呢間嘢都幾爆下，但都比到1張枱我哋。我哋3個人一人叫左一樣嘢，2其中2個係晚餐連嘢飲，都一般茶記水準。勝在大件夾抵食，$49一份晚餐跟埋嘢飲，仲要勁大碟！朋友叫豬扒飯$51跟嘢飲，成碟有3-4塊豬扒，豬扒唔錯。雪菜肉絲燜米$49連飲品，太大碟食唔晒，不過好似有啲清淡，不過不失。乾炒牛肉公仔麵，$51不連飲品，牛肉無牛肉味，公仔麵比較好食😂比較注意到一樣嘢，呢間餐廳應該有樣招牌菜：鹽焗雞飯（碗），我覺得幾得意，仲幾多人叫。留意：茶餐廳比較舊式，關門時間比較早，夜晚收7:30pm㗎咋，好多人入到嚟都冇得外賣同堂食喇。…查看更多

有朋友生日，知佢一直都想嚟呢度食嘢，因為個環境非常吸引，所以一早訂左位過嚟。我哋訂左12:30，幾乎係最早，所以全場得我哋。我哋3個人，Staff仲特登留左間房比我哋，等我哋自成一國，啲枱唔使隔到咁遠都可以互相食到嘢。朋友最鍾意食藍青口同Risotto, 所以各點左一份。以忌廉汁青口作為前菜都擔心個汁會唔會有啲漏，但食落又冇嗰種感覺。南瓜汁帶子意大利飯好出色呀，因為怕個risotto會煮到一part嘢咁，一係就煮得太稀… 但佢呢個飯嘅質地適中，畢起嚟唔會覺得佢好似水咁稀或者一part漿咁杰身；上面嘅帶子好似有3粒，剛剛好我哋3個人分，然後粒帶子唔會煮到縮左水咁，煎得夠香，推介食呢個飯。我同生日嗰位朋友都鍾意食羊，所以尋日的羔羊就無理由唔點啦，一嚟到就聞到嗰陣羊嘅香酥味，仲跟左個香草醬同芥末醬，酥味食落就無咁勁，不過另一位唔鍾意食羊嘅朋友就對嗰種酥味支持唔住喇所以另外嗰位朋友就叫左個豬，慢煮豬肉煮到個肉好嫩，唔韌，完全有食完想再食嘅感覺！值得再返嚟食多次！…查看更多

今日同左2個朋友去大嶼山行山，行左幾個鐘終於徒步行到去昂坪市集，由於大家太肚餓，我提出想食PIZZA，估唔到又真係比我搵到。間嘢有戶外同室內兩邊，我哋嗰日係星期二，去到都冇乜人，但係我哋都係揀左戶外座位，12月尾坐外面有天然風好舒服。點左個串燒雞肉PIZZA同燒雞肉，份量正常，唔會太少，3個人食到好飽，可能太多肉。PIZZA好脆，其他都係普通，反而個燒雞肉個汁好好食，唔會好老，值得推介！…查看更多

第一次去有多間分店嘅「立鮨」，聽到唔少人講呢間餐廳嘅壽司好好食，就同朋友嚟試下。餐廳好多人排隊，我地6點正嚟到排左半個鐘就入到去。餐廳得企位，4人一枱嘅關係，大約3-4枱4人客基本上都會FULL。餐廳仲有做埋外賣，真係好好生意。今次點左幾款壽司，仲有第一次食白子同拖羅，仲有腦天。白子係女士恩物，仲要係時令食物，冬天食先夠肥美！腦天即係吞拿魚嘅頭頂，一啲都唔腥。拖羅今次點左中拖羅同大拖羅，拖羅充滿脂肪，一入口即刻溶左！如果餐廳可以大啲就好喇，始終日本嘅立食都係快來快去。…查看更多