N.J.的個人專頁

唔想諗食咩 就叫左個2人餐食 558加一好似好豐富咁 有以下item，但食物味道真係麻麻地，🙂‍↕️🙂‍↕️ 惟一可取嘅係飲品，我地叫左梳打黎飲，啲生果都算新鮮嘅。前菜 1份主菜 1份飯/意粉/年糕 2份甜品 1份連2杯飲品／／如果係好肚餓 想食飽個人，呢間餐廳可以食嘅，但唔好對食物質素有任何期望。衛生都麻麻地 有啲污糟…查看更多

3個字，中晒伏❗️❗️❗️平時好少寫食評，但今次唔寫唔得。買左3個包，味道都真係好麻麻，唔講唔會知係酒店烘焙主管主理。環境雖然有企位畀人食野嘅，但啲包裝紙，用餐後嘅餐具，都無職員處理，擺晒係枱面，感覺好污糟🤮🤮講返食後感：1. Blueberry Cream Cheese Bagel（2.5粒⭐️/滿分5粒⭐️計）- 餡料真係有Cream Cheese, 有藍莓味嘅- 但好硬，無平時食Bagel應有嘅彈性2. Cinnamon Bun（2.5粒⭐️/滿分5粒⭐️計）-味道還可以，但每一層layer散收收，斷開晒-又係好硬3. Sasuage Roll（2.5粒⭐️/滿分5粒⭐️計）- 呢個估唔到賣30幾蚊一個包，都會食到廚師腸😂😂😂- 表層酥皮ok ge，同味道無層次今次無食到佢出名嘅批同Tart, 但唔會再試。。。…查看更多

今次假日黎飲午茶，價錢唔算平，但味道同屋邨酒樓睇齊， 同屋企人飲菜，都覺得中晒伏，唔會再幫襯。今次叫左點心為主，有鳳爪、菜苗餃 、xo醬炒腸粉、黃橋燒餅、千層糕、菠蘿叉燒包，通通都好麻麻，而且又唔新鮮。個千層糕雖然係推介商品，但食落係又乾又變型，好有機會係翻蒸又翻蒸。鳳爪、菜苗餃味道好一般。xo醬炒腸粉炒到好油，無xo醬味，啲芽菜唔新鮮。係啲焗點好少少，黃橋燒餅、菠蘿叉燒包，尚算脆皮，但賣相真係好麻麻，都似翻焗。總之，可以留返機會幫襯其他酒樓！！！:(:(:(:(:(…查看更多

好幾年前係Bangkok食過After you, 見係香港開左Franchise 就試下，點知一試就中伏。首先，員工服務好差，入座order混亂。Cashier就叫人搵位先，waitress就叫人order先，對客人呼呼喝喝，唔該加強返員工陪訓。另外，食物質素同原店好大距離！！！係差好多!今次order jor個芒果糯米飯toast, 只有死甜味， 食完喉嚨痛，多士唔脆，芒果都唔甜😅😅，其實買左經營權，唔該做返好啲，影響埋原店個Branding!完全唔會再食，貼錢買難受咁。…查看更多