細細寶的個人專頁

Reception服務態度極差！星期二（6月3日）1:30pm去到攞位飲茶，被告知得返廚房旁位（Open Kitchen)，我話朋友未到我可以等，佢話好，我等咗半個鐘，期間我都見有其他兩位Walk-in，一心以為嗰兩個人坐咗近廚房個位，點知原來reception姐姐一心留返近廚房張枱俾我，將其他好枱俾其他Walk-in嘅人，真心玩嘢！ 點知同招呼我哋開茶個男部長講發生咩事之後，佢即刻同我哋轉咗張卡位，因為其實都接近last order人客都走又冇booking，咁容易嘅事，唔明白reception姐姐點解要咁玩嘢？Reception 姐姐仲要由頭到尾黑口黑面，好似欠咗佢咁，貼錢買難受，酒店有咁嘅服務真係嘆為觀止！P.S. 1 - 未食過咁難食嘅春卷，啲餡唔新鮮又散！2 - 可能有內部規定要幫客人斟茶，但當客人坐卡位而杯茶又擺咗喺近窗位置嘅時候，侍應不斷打斷客人對話，要求拎杯斟茶，就算我話自己斟都唔可以，好stubborn同disturbing!…查看更多

強烈建議，如果大家想慶祝、搞聚會、搞event等等都不要book波士廳，因為佢會Last Min打電話嚟叫你改日子或者Cancel Booking，換來不知所措同一肚氣😤😤👉🏻我兩個月之前book定波士廳1🈷️3日同屋企人一齊為老公慶祝生日， 已經book晒窗邊位、留定生日蛋糕、生日牌。點知12月31日除夕下午，波士廳突然打來話佢哋1月3號有人包場，叫我改日子。我同老公慶祝生日要為咗你哋臨時有人包場而改日子？？Ridiculous!!! 😡😡👎🏻👎🏻仲要佢哋打電話嚟係通知你，令人感覺係「係咁㗎嗱～」，好唔舒服、好難受！😠😠時間咁倉猝根本book唔到其他心水餐廳😢😢太過份、太無誠信！希望各位都不要經歷我的不知所措，本來高高興興book位慶祝，最後換來失望同一肚氣！#沒有誠信的餐廳#最伏餐廳#隨時取消你Booking嘅餐廳#最後一刻叫你改時間嘅餐廳#最差餐廳#TheSkyBoss#波士廳101#yumcha…查看更多

今日外賣自取L2熱狗餐（盛惠$38），拎到返公司，打開個盒先見到成隻熱狗係啡黑色嘅！係個底黑曬有燶味嗰隻！嘥我時間拎返去換，點知個收銀阿姐大聲夾惡話係咁！我話我之前食過唔係咁，同埋唔應該個底黑晒兼有燶味！點知佢話成批包都係咁（成批包一返來已燶？你當我白癡？）！其實之前食佢D飯同意粉已中伏，一係無味、一係無料、一係一pat pat!!! 如果唔係喺正公司樓下，一定唔會幫襯！諗住食包會穏陣D，點知都出事！！最差係佢地D態度，咁呃人，我一定唔會、唔會、唔會再幫襯！！…查看更多

適逢媽媽生日，豪一次三個月前訂定天龍軒窗口位等媽媽開心下：）去到環境都幾靚，但除咗帶位笑容鞠同有禮外，其餘的態度都有D高傲，媽媽同我事後都覺得佢地對其餘兩枱內地同外國人嘅態度好好多：（例如我問佢有咩茶，佢掀咗嗰頁俾我，跟住我一睇到龍井就9秒9叫，但我叫完先知佢已經走開咗!食物質素都ok1) 义燒餐包 - 好好味, 熱騰騰的, 皮好脆好"菠蘿", 义燒份量好足好juicy!~(2) 鳳爪 - 好得, 係食過最好食的鳳爪! 食到最後一隻都係熱騰騰的, 每一隻都黏上適量0既汁 =)(3) 鮑汁荷葉飯 - 好失望, 淡而無味, 蝦唔新鮮, 份量少, 不值這個價(4) 义燒 - 太貴, 二百多元, 不過見很多食家推介還是一試~ 味道偏淡, 偏肥, 偏鬆, 口感一般, 試一次夠lu =p(5) 燕窩潡奶 - ok好味, 燕窩都足料, 88元都ok…查看更多

尋日掛住太平館嘅干抄牛河，六點多就跟男朋友開開心心去排隊。啱啱坐落，男友見隔離的卡位剛走，就好禮貌咁問帶位的部長可唔可以調去卡位，嗰陣真係無乜人等，否則部長都無咁多時間＂招呼＂我地：（部長之前唔知係咪收咗咩氣，好惡好大聲好串咁話："...你係咪要坐卡位吖!起身啦，起身呀，你要再等過...＂最後都無調位，我地只係希望開開心心食飯，唔係想受人氣!但係，無論之後嘅干抄牛河同洋蔥豬排有幾美味，成個氣氛都被呢個帶位無禮貌嘅部長破壞晒，好慘! 大家都要小心避免受氣!其實太平館賣的不只係食物，仲有懷舊同人情味，但今次遇到咁不快嘅經歷，下次都未必會再去尖沙咀分店：（好唔開心，所以希望喺度反映下，希望太平館喺服務有所改善，其他食客不用受氣!食物，環境，服務，其實係唇齒相依的!…查看更多