Kinki~的個人專頁

第二次黎，都係咁，好味都無用啦有第一次既經驗等左個幾中到出唔到餐最後要5分鐘吞個lunch今次陰差陽錯逼住再挑戰落單前問左15-20分鐘出唔出到餐佢話得之後不停問其實過哂中出唔到我就cut單走人Keep住答你5分鐘得，出緊，整緊幾個人輪住落落上上佢條樓梯最後等到2點已經遲到要直接pack落個外賣盒一個外賣意粉$178+10%Lunch set 無前菜無野飲全部加錢先有都仲好意思收10%唔會有第三次如果你時間充裕既可以考慮下…查看更多

有lunch set menu唔比人Order叫人用app又無lunch set 散叫完出門口見到lunch set menu一模一樣野收貴左幾十蚊仲要無左set既蛋呀沙律呀個d野…查看更多

抱歉無影相因為食晏普普通通一餐茶記無諗過要寫食評但係見到佢裝橫同店名如此正路我驚好多人會同我一樣中大伏叫左是日午餐焗蜜桃豬扒飯配熱檸茶 $62杯茶正路個飯同個牌寫既一樣要等15-20分鐘我有時間無問題如是者個飯到了見到一個西餐既湯咁全兜都係汁可以咁形容個焗兜底層1/3係飯中層1/3係汁無表層1/3豬扒就唔使講啦正路早餐茶記咁罐頭薄蜜桃三小片一路食一路撥開d汁去揾番d白飯係無炒底既但係好努力都失敗湯飯咁食唔係得焗飯出事既隔離叫左個都係午餐西冷牛扒配薯蓉Hea都呢請想像早餐薄牛扒一小塊兩球薯蓉完同餐牌寫既一樣午餐黎講應該唔會飽另一邊隔離忌廉白汁三文魚蟹子意粉聽落好正個樣係一pat白汁係面有幾粒蟹子見唔到三文魚不過唔知好唔好食睇樣就好伏總括而言其實茶記呢差都可以接受不過唔係咁差係無期望既情況下都失望姐係預左0分點知負分個種感覺先令我咁樣上黎寫衰一間茶餐廳唔知你會唔會越做越好希望你見到會有改善…查看更多

之前搵扒房嘅時候睇到呢度食評好多人都話慶祝生日好正因為餐廳會為你整一張餐單有你個名有埋你生日個日期好特別所以今次專登訂咗呢個地方慶祝生日已經預早一個月之前book可能適逢聖誕節前夕嘅關係淨係得返七點前還枱唯有推前啲我晚飯時間到5:30啦我以為我係唯一一枱咁早食晚飯點知原來有兩枱已經到咗一去到見到將張枱set好咗都有Happy birthday嘅字樣睇嚟好多人都係訂呢個生日餐生日二人餐係餐廳喺一日之前確認你訂位問你使唔使預訂埋如果訂位就會連埋佈置咁餐廳都好好準備咗靠窗對正海嘅位置由一入門口開始都感覺良好睇睇張餐單先坐低之後有人會幫你斟水同埋上餐包由於我哋三個人我問侍應使唔使要多少少野佢話其實都睇你自己咁我決定食咗個二人餐再睇吓使唔使加野啦唔知係咪因為我已經訂咗餐所以佢傳統會拎住一盤肉介紹唔同部位呢一個環節就冇咗啦餐包好大個我哋又驚之後會食唔落所以食咗半個就放返喺度啦最後執枱嘅時候其實有少少想打包不過好快執走咗就算啦海鮮冷盤同熱盤內容上面係有少少分別嘅冷盤當然係食生蠔蟹腳啦熱盤嘅賣點我覺得就喺蟹餅啦佢Signature Dish其中一樣就係巨型蟹餅而呢一個熱盤就有一個細蟹餅係我食過最好食嘅啲肉係一疏疏唔係一絲絲10分推薦當然要冷海鮮盤個排場就更加靚啦有埋冰底喺個海鮮盤食到差唔多嘅時候主菜牛扒就到啦我揀咗乾式熟性嘅T骨Medium嘅生熟程度乾式熟成牛肉味會再出啲如果怕牛肉味太重就唔建議啦我覺得餐廳處理得啱啱好西冷嘅部份有牛味有趙口但係牛柳嘅部份有少少乾所以我會建議大家要返Medium Rare會好啲甜品拼盤其實冇乜特別但係有幾款細細件嘅小蛋糕可以適合心多嘅我當然生日餐就會幫你寫埋Happy birthday啦其實除咗呢樣嘢之外當你一坐低叫完嘢之後侍應就會同你影張相原來即刻晒出嚟整張生日卡有晒佢哋嘅簽名送俾你所以我覺得慶祝生日係一流總括而言美式扒房嘅一個特點係冇咁拘謹對比起情侶嚟食飯我覺得一家人來慶祝生日會更加好成個食飯嘅感覺係好自在慶祝生日嘅配套亦都好好儀式感滿滿食物嘅質素亦都合理侍應嘅服務態度唔算特別殷勤但係適當同舒服環境上就無特別亦都唔係有特別嘅靚景要打卡嘅話可能會爭咗少少…查看更多

一心諗住買咖啡見到佢杯preface black $35又見到做緊promotionXmas set 包件Panettone, +$10有杯preface black，寫住限量咁我去到cashier就問仲有冇啦佢話有，咁我就話要拎走比完錢發覺淨係收咗$55同一時間我同事又買緊咖啡佢買完之後我就問佢點解$55嘅我要加埋杯black coffee 之後佢話出咗單冇得改個staff成個過程無問過我加唔加但係寫明xmas special 下我嗰下有啲晴天霹靂我一心黎買咖啡最後用$55拎咗一件蛋糕走究竟發生咩事 一間開Workshop 教coding 既coffee shop竟然無void單同改單既option只要你嗌錯咗嗌少咗嗌漏咗就要承擔你既責任…查看更多

又係銅鑼灣又係返工時間食晏今次有朋友介紹有一間新開嘅鐵板燒新開張期間做緊七五折優惠午市套餐都有仲話啲料好新鮮即刻book第二日你試一試午市套餐一共有四個選擇A - 有海鮮有肉B - 海鮮C - 升級海鮮升級肉D - 龍蝦餐二人份量因為朋友同我哋講個話鮑魚係喺個魚缸度即撈即燒，所以冇理由唔試啦，揀左C先講一講佢個沙律個沙律兜好大兜個兜放咗喺雪櫃度保持冷凍人客嚟到即刻見到廚師準備切沙律用料亦都好有心思有無花果啦有蕃茄仔啦有竹芋醬汁方面有三個選擇：- 蕃茄蒜汁- 柚子醋- 芥末醋我揀咗蕃茄汁都幾好食食緊沙律嘅時候已經見到廚師落咗條魚廚師將魚皮輕微煎一煎之後就起咗出嚟將魚油壓出然後放喺側邊吹乾令到入口嘅時候好似食炸魚皮咁加上靚靚嘅擺盤配合青檸泡沫同橙味嘅汁好靚好好味享受緊舊魚嘅時候師傅就將仲郁緊嘅鮑魚放落去煎鮑魚好大隻好新鮮仲郁吓郁吓上碟嘅時候侍應簡單介紹話廚師係煮緊嘅時候係冇加鹽所以可以先食鮑魚本身嘅味道旁邊仲有一啲海藻可以配合汁料一齊食鮑魚好嫩口， 而且本身嘅海水味已經好鮮火候掌控得啱啱好，好味之後你都肉嘅部份朋友叫咗豬扒煎完之後仲會有一個煙燻嘅動作廚師用咗荔枝木現場已經聞到好香但係略嫌煙燻唔夠食就食唔出啦不過豬扒調味本身都好好我就叫咗和牛薄燒五成熟加入炸蒜同蔥食到呢度已經好飽啦食完晒鐵板燒嘅主菜侍應首先會想一碗味增湯冇乜特別所以冇影之後廚師又開始整炒飯海鮮炒飯首先佢會煮熟一啲蝦粒小帶子同硯肉，再加入日本蛋蘿蔔粒同飯，用適當嘅調味，最後加三文魚子，令到個鹹度啱啱好平衡話飽話飽點知唔覺意食晒碗飯最後就係甜品同飲品甜品揀咗綠茶雪糕飲品揀咗熱檸茶熱檸茶嘅茶底係capsule 黎第一次試，都幾得意總括而言：首先，點解我會話係有心呢因為鐵板燒嘅廚師好多時會用牛油同醬油鹽同埋胡椒調味，而且係大手調味但係呢度嘅廚師調味適中會諗埋加上其他配料例如汁或者三文魚子之後， 會令到成件事唔同左所以烹調嘅時候調味冇咁重手食完成餐飯唔會覺得好油膩好辛苦第二，侍應嘅服務都算好周到不斷加茶，雖然呢樣嘢好似好基本但係唔係每間餐廳都做到只不過新開試業都仲有好大嘅改善空間略嫌有少少唔夠人手嘅感覺其實我食完第一日已經即刻book咗第二日當然第二日食嘅嘢同第一日唔一樣啦試埋A餐同B餐覺得就算兩個餐平d都各有各好食嘅地方特別講吓A餐嘅廣島蠔B餐嘅大虎蝦都好好食係可以再encore嘅鐵板燒…查看更多

一早聽聞過Hugo 扒房有幾出名平平哋食個晏都afford得到一於搵個閒日帶媽媽嚟等佢感受下一個五星級嘅午餐順便比較下同文華扒房有咩分別先講代客泊車喺度食午飯可以有兩小時免費由於疫情嘅關係前前後後都去過唔少五星級酒店食飯有啲所謂五星級酒店嘅代客泊車真係令人嘩然而呢度俾咗一個好好既1st impression 首先架車揸到門口已經有人主動行出來唔好以為呢一樣嘢係必然我試過落埋車閂埋門都未有人行過嚟依度落車領牌禁𨋢全程都有人為你服務一上到去reception, waitress幫緊另一台客人但係都有禮貌咁叫我哋等一陣轉頭已經有一個外國籍嘅經理過嚟帶位我哋坐咗喺窗口的馬蹄座由於張凳係半圓形經理好細心咁樣幫你拉開等你容易行入去加分之後問你飲凍水定暖水提供抹手布上麵包籃見到待應們都好醒目唔太需要你主動叫佢過嚟麵包籃係正嘅，有三款，牛油就冇乜特別蒜蓉包。丹麥麵包。橄欖包🥖由於我知道頭盤係自選沙律甜品係餐車所以我嘅雀仔肚應該係會食唔晒啲麵包我好有忍口，食咗一個其他最後都係打包我哋兩個人所以一個要沙律一個要咗龍蝦湯先講龍蝦湯夠熱嘅，呢樣野好緊要對比起龍蝦湯最出名嘅文華扒房同埋君悅steakhouse味道不相伯仲，爭就爭在龍蝦肉唔夠多啦但係呢度嘅龍蝦湯唔需要另外加錢自選沙律頭盤我強烈建議大家嚟到一定要揀冇理由唔揀好多款式講都講唔晒Parma ham, smoked salmon, Caesar salad, shrimp, potato等大路野齊晒仲有啲特別野例如無花果沙律同埋兔仔肉批見到已經好開心主菜我哋要咗一個prime rib beef ($625)同一個鴨胸($495)真係唔好意思由於個席前切牛肉太養眼我唔記得咗幫個鴨胸影相講明先個鴨胸一啲都唔差㗎講返個牛我覺得係暫時食過最好食嘅燒牛肉出色在調味唔知道係咪文華扒房質素真係跌咗咁多我上次食真係唔覺得佢有幾特別當然啦呢一度嘅配菜係一舊焗薯比起文華扒房嘅無限款式side dishes又爭咗少少嘅Hugo嘅pudding都做得唔錯食物味道上我覺得Hugo做得好啲最後到我至愛嘅環節 - 甜品啦🤩食緊個main嘅時候已經見到㗎甜品車走來走去所以我已經喺心入邊選擇好佢可以俾你要最多兩件再配搭小生果，Macaron， chocolate雖然見到架餐車好開心但係fair啲講句佢啲甜品真係唔好食我竟然會食剩🥶🥶🥶總括而言：喺五星級酒店扒房食午餐呢個價錢算公道食到食物質素，有五星級服務完全冇投訴絕對推薦大家嚟食燒牛肉重新一次佢其他嘅主菜都好好食當然啦佢並唔係完美只要有推餐車環節就必然會有唔夠服務員嘅時候例如我食完個main都要等佢哋有人得閒先可以過嚟執枱再問你飲咩同埋推甜品餐車但係佢哋嘅服務除咗係上菜仲有斟水落單影相所以都幾忙但係做得好嘅一點係佢係你面前完全表現唔到佢係好忙其次係我留意到唔同嘅服務員處理餐車都有啲唔一樣有一個經驗好啲嘅會詳細講晒所有餐車嘅選擇而另一個只係講少少，你唔特別問佢唔會話俾你聽我個人經驗，明明有生果朱古力做伴碟，你唔問佢就唔放落嚟好彩之前睇到其他枱有我主動問一樣佢先主動夾一樣咁我又唔好意思逐樣叫就形成咗一啲服務落差啦…查看更多

知道新城市開咗新餐廳我本人對於西日fusion菜不嬲都冇好感不過正常食個lunch唔會有太高嘅要求價錢OK有lunch set已經入得本身以為好多人排隊啦新餐廳點知本間餐廳都係吉嘅順理成章就直入去坐低啦本身其實都唔係太肚餓想食啲輕食就算叫咗一個signature嘅鰻魚蛋包飯都係現場最多人要嘅鰻魚飯上枱個賣相幾靚㗎旋風蛋入面包住嘅係鰻魚炒飯都算幾多鰻魚$128算係有交代啦見到跟餐可以加好多款唔同嘅小食我哋揀咗章魚小丸子加$28有四粒大家都知章魚小丸子依樣野唔係難食就已經係好食㗎啦所以冇乜需要點評Lunch set仲包埋沙律，餐湯同埋一杯冷泡茶由於本身真係唔係好餓諗住要一個餐加小食就算不過餐廳有最低消費每個人都要嗌一樣飲品或者小食但係小食同飲品單價其實同一個lunch差唔多所以最後都係叫咗一個lunch打包走想講吓跟餐嘅飲品正常lunch set都會Offer冷同熱嘅飲品我覺得依間餐廳無論裝修同餐牌設計都算正路但係跟餐免費只係一杯冇誠意嘅冷烏龍茶冇熱茶offer係無你可以半價選擇餐牌上面嘅其他熱飲即係起碼都$20是但倒一杯熱茶出嚟有幾難呢總括而言:一間正路嘅西日餐廳唔會話有咩太好食價錢環境合理無驚喜無投訴集團野囉…查看更多

朋友介紹呢度嘅午市omakase好抵食12貫壽司$400有找喺銅鑼灣嘅Fashion walk真係估佢唔到適逢朋友約食飯時間又有足足兩個半鐘喎試吓即日打嚟約下啦點知下午兩點真係有壽司吧嘅位置拍版決定就要來試一試佢喺門口睇多次個餐牌星期六午市$368+10%入到去首先職員叫你坐低先準備好個壽司吧先叫你話口未完就已經準備好啦坐低俾個餐牌我哋睇先發現原來壽司吧要$388+10%由於2:00已經冇乜人食晏所以係有一位壽司師傅專責我哋三個人途中職員都有keep住斟茶我同師傅講唔食蝦所以喺我嘅壽司入邊係唔會有蝦嘅俾大家睇吓12件壽司有咩種類由於可以上載照片只有12張所以最後一張右口魚同埋餐飲綠茶就俾唔到大家睇啦我幾滿意佢嘅提供嘅魚生種類絕對唔係平價貨有八爪魚馬刀貝深海池魚拖羅醬油漬中拖羅炸帶子配蟹膏海膽配紫蘇葉天婦羅唔記得咁多啦呢一間嘅師傅係偏向用特色調味例如青檸汁同埋唔同味道嘅鹽去帶出魚生嘅味道總括而言:- 依個價錢食咗12件壽司而魚生嘅種類並唔係提供一半嘅平價貨我覺得好抵食- 員工服務好好keep住斟茶呢樣嘢我覺得做得好好亦都唔係度度做得咁好- 我唯一會挑剔嘅一樣嘢係個環境，因為佢係類似半開放式，所以門外面嘅小昆蟲例如蚊滋會飛咗入餐廳入面，而且係咁圍住個壽司吧，我哋一到食一到拍，其實都幾影響食客嘅感受…查看更多

喺元朗三多食過炸雞髀先明白一隻炸雞髀究竟有幾好食😋喺foodpanda諗緊午餐食乜嘢竟然比我見到粉嶺開咗三多即刻揸車過去喺foodpanda落單仲平啲添原價雞髀$30原價芝士撈丁$25叫咗套餐有折$43.2雞髀仲係冇令我失望拎咗返屋企之後冇咁Juicy但係調味仲係做得啱啱好好入味皮脆肉滑唔知係咪因為有時差嘅關係冇喺元朗即場食咁好味講埋個配角撈丁先一打開個蓋見到芝士醬有少少一定唔夠撈晒成個面加上外賣拎返屋企已經乾乾地身我叮翻暖少少希望個芝士可以融啲但係都真係好難食🥶🥶🥶🥶肯定唔係出前一丁唯一好處係好大兜…查看更多

我知道到呢個時候仲有得Work from Home係一件好幸福嘅事而我一個禮拜仍然係有三日Work from Home咁代表我有三日要諗吓lunch外賣食乜嘢而我又咁幸福身處喺美食天堂聯和墟今次就試吓同區入邊第二間外賣壽司舖叫咗三文魚。劍魚腩。油甘魚。炙燒三文魚。首先全部壽司都好新鮮燒三文魚有另外用個盒裝起值得一讚壽司豉油同埋Wasabi大量唔使擔心唔夠講返壽司先每一種魚都係好新鮮好肥美要keep住我覺得唯一美中不足係壽司飯太凍唔夠醋酸味同一個問題好多時都會係街坊壽司舖身上發現總括而言我有決心戒左唔食品牌連鎖式壽司店希望同區小店可以做好啲我有我嘅堅持你哋都要堅持你哋嘅品質保證加油💪🏻…查看更多

食生日飯本身好想試Da Filipino 打電話訂位訂唔到諗住Walk in途經經過Lady Nara嘅時候見到有得禁飛諗住撳張飛做候補點知連飛都冇得攞😱因為已經太多人攞咗飛冇可能再派飛而呢一刻係未到晚上七點嗰一刻我先突然記得係喎海港城做緊優惠券喎大鑊啦周圍都係人又冇book枱🌪🌪係呢個時候突然之間有兩位小姐問我要唔要佢手上張飛啊佢聽到我講四個人而佢張飛係6:00攞都係四個人簡直係救命稻草🤩🤩🤩我哋有枱食飯啦之後我哋齊人等咗一陣就有位啦入到去見到佢哋嘅裝修同我哋去開沙田嗰間Nara好唔一樣充斥着少女心🥰🥰我哋都不禁喺粉粉嘅千秋度影咗相打卡勝地呀打開餐牌發現其實晚膳個餐牌同Nara一樣嘅🥸所以都係叫啲平時食開嘅我至愛嘅泰式大蝦炒金邊粉🤗佢哋永遠冇失手金邊粉夠煙韌有蛋皮包住好靚😍酸味做得啱啱好只係份量細啲黃咖喱都一如以往係加蛋個種所以比較杰身大蝦都做得唔錯走咗油食落算爽口仲叫咗個薄餅諗住點咖喱唔知係咪太多人廚房做到冇停手個薄餅拎出嚟嗰刻已經係凍凍地🥶🥶等我哋影得相嚟食已經係凍哂乾晒黐埋晒魚露單骨雞翼上枱嗰時好香好熱但係隻雞翼食落去無味有一啲仲好似解凍唔切食落去唔熟😰😰椰子雞湯好好味好足料鍾意佢又有椰香有酸酸地嘅味道超多雞肉飲完即刻飽左🐓呢一杯特飲出現喺Menu入邊好顯眼嘅位置令你揀飲品嘅時候不自覺會好想揀佢但係我覺得只係一般偏甜都係揀返完個椰青好啲🌴🌴去到好飽嘅時候我哋之前order定嘅甜品已經到咗🤰🏻🤰🏻本身諗住好飽啦一定食唔晒啦但係呢一個甜品拼盤好高質椰青糕清清地好易食左一舊😎千層糕係熱嘅好煙韌好好食反而個椰汁西米糕最容易做得好食嘅甜品只係一般仲有黐住嗰張膠紙滅完之後都打唔開嗰張葉🤷‍♀️總括而言晚餐食唔使特登嚟呢間因為個餐牌係一樣我見呢度其他食評講嘅菜式好靚有機會我會再想試吓食泰國嘢而喺大商場搵到呢間可以encore每樣食物嘅水準都算平均今次有啲食物失手相信同太忙有關…查看更多

喺我公司樓下開咗咁耐都冇試過平時見到佢文青嘅裝修係幾吸引人嘅只係你返工放工真係冇咁嘅閑情逸致🧘🏻‍♀️差唔多$50一杯如果外賣真係好浪費我覺得呢個地方係適合有時間慢慢坐慢慢嘆所以適逢有朋友來而我又有時間就帶咗佢嚟呢一度啦舖頭入邊係冇Staff serve 你自己拎Menu自己去counter落單自己拎嘢飲講真比成50幾蚊覺得真係有啲貴😅講番杯嘢飲先好香濃嘅茶底加奶係一杯幾好飲嘅Tea latte🍵平時飲唔關咖啡嘅人不妨一試我去嘅時間係閒日大約2:30無乜人，幾舒服嫁總括而言我都係會揀返咖啡因為我係一個飲咖啡嘅人…查看更多

因為有時代廣場嘅半價優惠券係我精挑細選之下選擇咗來天下第一豬餐廳棋藝館🐽🐽我已經見到佢爸爸閉閉咁買隻豬喺門口度燒不過價錢唔平所以一直都未試今次有機會啦🤩🤩🤩🤩入邊嘅環境真係幾靚可能因為大家都用券嘅關係全場滿座所以個環境靚得來有啲嘈一入去啲員工嘅招呼同服務都好好😊😊佢哋嘅茶壺係用日式嘅鐵壺保溫度好高好有格調咁我好鍾意而佢嗰一道花膠牆真係十分吸睛😎講得做天下第一豬梗係要食佢嘅乳豬啦發覺佢餐牌上面嘅嘢好多都係有無花果包括燒乳豬叉燒片皮豬全部都係無花果有少少期待究竟佢會點樣用無花果同豬煮一道菜叫咗一個例牌燒乳豬擺盤好靚幾乎台台都有叫我覺得佢無花果係放左係點乳豬嘅醬料豬皮好脆唔韌，燒得幾好而且唔會每一舊都冇肉食剩係得肥膏👍🏻品質監控做得好好強烈推薦大家試🤝小籠包擺喺餐牌好開頭嘅位置我以為係signature兩個一籠叫咗兩籠員工仲好好咁同我哋講話要趁熱食啊☺️所以我對佢嘅期望都幾高夠熱多湯汁嘅皮夠薄不過頂頂皮嗰個位太厚講到小籠包始終都係鼎泰豐最好食同隔離枱都有叫咕嚕肉廚房應該一次過炒兩碟比我明顯見到隔離果碟大過我哋有啲唔開心😫講番咕嚕肉先做到外皮微脆既效果選用無骨嘅豬肉食落方便啲汁嘅味道教得唔錯面頭放咗啲大樹菠蘿乾不過林左整體而言都算幾好食清清地揀咗津白配返個花膠湯十分適合平時冇菜食嘅都市人🌱🌱唔睇價錢其實好好食如果正價$200一碟菜就會覺得有啲貴等得最耐就係呢一個焗釀蟹蓋性價比來講佢係算平嘅抵食嘅平時一般都過$200不過咁嘅價錢就咁嘅質素啦入邊都算係啖啖蟹肉嘅但係忌廉汁就搶晒啲蟹味啦🤨個人覺得唔使特登嗌黎試埋單around 一千蚊三個人大約半價左600蚊度幾抵食總括而言平時如果冇卷環境應該幾清幽侍應嘅服務超級好值得讚賞🥰🥰🥰天下第一豬確實係幾好食值得推薦其他嘅小菜中上水平見到佢既花膠牆，花膠應該做得幾唔錯海鮮以外嘅小菜價錢算公道所以大家真係睇餸食飯啦…查看更多

適逢在九香staycation慶祝生日🎂不妨諗住食好啲所以揀咗香宮加上之前喺夏宮食過兩次都覺得質素好好所以對香宮都有信心嘅😍我哋一行四人book咗7:30係lounge度飲完幾杯留肚落去食飯香功嘅裝修同夏宮一樣高樓底，宮廷氣派，寧靜舒服坐低冇耐，侍應已經準備好歡迎茶係人蔘紅棗茶仲上咗醬料同埋琥珀合桃我哋事前食咗少少嘢啦所以都唔使叫得太多餸上次喺夏宮食過叉燒覺得好好味所以好想比較下香宮嘅叉燒係咪一樣咁好食Order左半份叉燒試吓味落單嘅時候侍應問我五件夠唔夠食上咗枱之後嘅份量真係有少少落差🧐因為佢價錢貴過夏宮但係份量係細好多睇吓下圖係夏宮嘅叉燒份量無論係叉燒大小肥瘦都爭一條街味道都只係中等水平，有啲失望😔之後上枱嘅就係炸子雞貴為係招牌菜之一我覺得炸嘅程度係做得唔錯冇油膩嘅感覺，色澤拿捏得啱啱好而味道呢就略嫌淡口我覺得無乜特別之後亦都叫咗一道招牌菜賣相好靚好吸引🤩睇得出廚師係用心製作呢一道菜金汁係南瓜汁如意係黃耳同檽耳豆腐係外脆內軟豆腐上面綠色嘅部份係菠菜真係好用心亦都好好味嘅一道菜大推薦👍🏻👍🏻👍🏻👍🏻👍🏻👍🏻以下呢碟係我個人指明要試因為係好考一個廚師嘅功力喺屋企係絕對煮唔到螃蟹炒鮮奶首先上碟嘅時候，你已經明顯見到兩隻蟹嘅四隻鉗拆肉放咗喺度蟹肉新鮮爽口炒鮮奶本身係一到功夫菜吵到蟹肉同鮮奶結合一齊上碟嘅時候唔好大量出水好考廚師嘅功力上面嘅脆欖仁就可以中和鮮奶嘅膩不過我覺得四個人食份量都係太多六個人就可能啱啱好啦最後係招牌炒飯侍應已經幫你分好四碗，一人一碗本身以為炒飯都係正路嘢點知越食越有驚喜有叉燒粒鮑魚粒蝦粒帶子粒啲餸仲多個飯但係有一樣野做得唔好亦都可以稱得上係大忌就係有蛋殼碎😣最後，亦都係十分吸睛既誠意之作美點雙輝每台晚飯都會有見到隔離枱已經覺得好正好吸引我覺得每一件小點心都好好味但係有一樣野唔係好明點解成個假零零舍舍有一格吉左侍應話係廚房跟四個人嘅份量咁擺仲有每一件嘢嘅數量又唔係平均可以分配到呢一點我真係唔明要差包剪揼先可以解決到最後都係食唔晒要打包侍應都好好幫你處理總括而言：- 食物質素唔錯，但係有比較就有傷害，如果香宮同夏宮價錢相若，我會去夏宮Menu選擇、味道、細緻度都有分別- 美點雙暉係開心嘅，滿足既- 樓底高，環境好，坐落好舒服- 半碟叉燒性價比低得可憐，希望大家去叫全份會好少少啦…查看更多