hungry_pig的個人專頁

有人請食飯，唯有應約啦！自high中。。。慳慳地揀左兩個主菜、小食同甜品，配杯嘢飲啦！火辣墨魚汁意粉，可以配鮮魷魚($88)、辣肉腸($78)同扒虎蝦($95)，最後揀個魷魚，魷魚新鮮份量都多，店家有輕輕煎過，辣辣地，墨魚汁濃郁，食到成口中毒咁！呢個時間要忍笑斯文唔講嘢，保持儀態龍蝦汁芝士焗雜錦海鮮燴飯 ($88)呢個好夠熱，有蝦、蜆、魷魚，海鮮份量足，同飯嘅比例係一比一，唔算大份量！龍蝦汁味香，焗嘅做法令個汁更濃更杰！單骨蜜糖芥末雞翼 ($55)食呢個笑位係佢得9條單骨，分贓唔均，出現禮讓嘅情況！炸得夠乾身，但內面肉汁依然，其實好難，而佢個蜜糖芥末汁好夾，不錯！厚焗鬆餅系列，朱古力花生醬焦糖香蕉配杏仁雪糕 ($58)來呢間一定要點嘅係甜品，先可以照顧甜品胃嘅感受！個鬆餅好鬆軟，而雪糕結實，焦糖香蕉都滿滿誠意，最歡喜呢個！朱古力同焦糖就自助，怕肥就輕手啲！凍朱古力咖啡 ($33)白桃白茶 ($30)作為環保之士，強烈建議走塑喔！但味道係ok，如果店家俾支匙俾飲白桃嘅朋友食佢嘅白桃會加啲細心分！不得不讚佢出嘢勁快，快食快走，如果想坐亦都係好地方！…查看更多

今次見到麗新對面有間新舖，專賣東北餃子，有淨餃子、餃子麵同潮州粉麵！雖然舖頭細細，有點家庭式經營，難得有新舖要試一試！淨餃有韮菜豬肉、芫茜豬肉、鮮蝦水餃同鮮蝦雲呑就$25/6隻或$35/10隻；仲有隻韮菜鮮蝦餃就$30/6隻或$40/10隻！加$5就有個藥膳雞湯喎！見平時隔離街餃子店食開10隻淨餃勁飽，就揀個10隻韮菜鮮蝦餃試試，可以落佢切好嘅辣椒同生蒜粒，中意都可以落醬油，自助調味！韮菜鮮蝦餃比隔離街嘅細件！有一塊墊底菜，賣相唔吸引，餃子入面有韮菜同有一隻小蝦，味道唔濃，加上唔跟湯完全無飽肚感，食完要去7仔食個撈麵餐先夠飽，試過一次就夠！…查看更多

行左大半日，真係想搵間小cafe坐下，傾下計！叫左三款食物開心share！香辣蒜片鮮蟹肉意粉 ($98)呢個每條意粉都掛上蟹肉，辣辣地蒜味香，都幾開胃！全日早餐 ($108)有牛角包、黑松露炒蛋、煙肉、腸仔、蕃茄、焗豆、大啡茹，同小沙律呢個係非一般嘅all day breakfast，顔色吸精，佢個牛角包係好香牛油味，蛋上面仲有黑松露，味道即刻昇華左，加分！雙色芝士焗薯條 ($58)呢個係送咖啡一流嘅小食，有得送啤酒仲正！一路飲一路食可以坐耐啲，傾得長氣啲！兩款芝士帶來兩種顔色，芝士勁厚，焗完嘅芝士有拉長嘅芝士絲絲，堅！少不了我地個主角 - 咖啡凍朱 + 熱拿鐵 ☕️，一個嘆字！…查看更多

星期日嘅上午，早餐都無食，就來呢度擦餐飽！朋友雖則話我癡，早餐都未食就麻辣火鍋，但都陪我癡，巧滾動喔！一出lift見門外有個大牌寫住午市火鍋鍋底免費，即刻覺得抵左，因為好多食店淨湯底都要二百幾！同配個大海景，忍唔住要影張合照！叫個鴛鴦鍋，自選大骨滋補鍋 配重慶辣湯大骨即豬骨湯底，用紅棗、紅蘿蔔、粟米、馬蒂同大豬骨煲，呢個味道ok，唔味精！而重慶辣湯辣椒同花椒處處，堅辣！美國安格斯優質肥牛 ($216)呢個係全份嘅份量，肉質鮮嫩，肥牛但唔肥，切得薄薄，食落好有肉味！香鹵豬大腸 ($36)曉宇手打三寶丸 ($49)韮菜豬肉水餃 ($32)諗住唔做大徙鬼，叫住半份先，唔夠先再叫，再encore三寶丸！豬大腸打邊爐就比較少見，好香大腸味！稻庭烏冬 ($22)要食少少粉麵打個底，就夠晒！甜玉米 ($18)田園菜籃 ($42)打邊爐點少得叫個菜菜，多菜少肉先係王道嘛！整體係ok，半份嘅份量少左啲啲外，味道服務都不錯！…查看更多

放工來個快餐，食飽飽就返歸！金鳳日光日白就食得多，夜晚真係第一次！夜晚唔好似lunch等咁耐位，話咁快就有位，要搭枱都係常識吧！松露醬鮑魚帶子片扁意粉 ($95)，加左個餐湯餐包同餐飲就加$20！望一望原來齋飲品都要$22至$28不等，突然覺得轉套餐抵好多！松露味濃，每條意粉都掛上松露嘅黑點，再配上小帶子同小鮑魚片，真係少有嘅配搭，氣派十足！如果少啲油，會輕怡啲！美國安格斯肉眼扒餐 ($155)朋友仔中意大啖大啖肉就叫左呢個，呢個價錢已經包左餐湯餐包餐飲！肉眼扒size夠大，可以揀鐵板或者平板上，朋友仔叫左個5成熟平板上，望落偏生少少，建議大家叫鐵板5成熟就剛剛好！朋友仔話味道ok，肉質鮮嫩，根位少，真係啖啖肉！而薯角真係好脆，不錯！枱上面貼左張紙話凡晚市堂食消費滿$500就送$50現金券，如果有4個人就有機！如果晚市都唔使加一就更好！…查看更多

今日同我親愛嘅同事farewell，要開開心心食餐好！一行四人來到呢度！美國牛肉煙肉漢堡 ($98)兩個叫左呢個，漢堡有得揀3、5、7成熟，兩個都叫個7成，出餐快，相機食先！結果係一個正常一個係勁血淋淋，但味道都豐富，有芝士、煙肉、蕃茄！而薯條就弱啲，熱但油膩同唔算脆！蟹膏焗龍蝦意粉 ($108)呢個賣相ok，有半隻龍蝦，意粉嘅汁就少啲，意粉份量就仲少！正常女士都唔夠，何況男士！香草檸檬春雞配沙律($88)半隻燒雞，好耐無食過燒春雞，唔鞋已經高境界！個汁就有啲辣，還好吧！沙律配日式嘅麻醬，感覺唔太夾，黑醋正常好多！份量堅少，或許服務搭夠！同出嘢快收嘢快！…查看更多

今日係油尖旺區打躉，午飯->睇Pet pet 當家 2->晚飯都係呢度！入到呢間，被安排一張二人座嘅枱，店員放一個放袋嘅籃子係枱下，等大家食得舒服啲！叫左兩個主菜同一個小食開心share！香蒜大葱芝麻雞撈麵 ($63)呢個有雞絲、青瓜絲、葱絲同麻醬係面，底有撈麵，食完第一口嘅感覺係熱嘅雞絲粉皮味嘅撈麵！料足，味道都唔錯，撈埋每條麵都掛上麻醬，share食完全唔覺得膩！香酥排骨蛋炒飯 ($78)排骨煎得好香，仲要配炒飯底，呢個組合比較少見！不過略嫌排骨乾身左少少，如果有個汁點就更好！香炸蝦丸 ($45)呢個先係驚喜位，佢係有蝦仔、魷魚同蟹子混埋一齊，異常爽口！即炸即上碟，熱呼呼冒煙架！…查看更多

而家台灣麵多左好多分店，平時都有幫襯開，今次來太子始創中心嘅呢間，我印象以前唔係台灣麵，已經太耐無蒲過！佢除左麵食，仲有台飲嘅外賣自取，都係鮮果茶、芝士奶蓋、沙冰之類，而家買一送一，下次有機會試一試！今次食佢個雙排雙格餐，咁就可以試多幾款！佢有唔同組合，出名貴價嘅多數係A區，普通啲就係B區！AA $72AB $68BB $65AA 紅燒牛肉麵 拼 香酥雞扒肉燥麵雖然半碗，但紅燒牛肉嘅份量都好足！味道依然，係香濃嘅味道！而雞扒就正常味，如果唔直接放落湯就更好！AB 蒜香雞翼肉燥飯 拼 韭菜雲呑肉燥麵，免費轉新竹米粉一飯一麵嘅組合，飯有兩大隻雞翼，有肉燥係飯面，好適合送飯！韭菜雲呑加肉燥米粉都ok，而湯麵嘅湯可以做泡飯，不自覺地食多兩口飯！加左$4轉紅豆奶茶，紅豆甜度適中，成杯奶茶生色不少！…查看更多

開心又食唔開心又食，大魚大肉嘅時間到，今日係可以令你食得好放嘅放題呀！一坐低就狂畫狂畫，點你想食嘅嘢。。。和風牛肉壽司雙色香芒之戀香芒吉列大蝦卷法蓮草芝士鰻魚卷芝士軟殼蟹卷滿屋櫻蝦芝之戀壽司好味，芝士鰻魚卷好食！可惜泡菜牛肉卷無得試！不得不讚芥辣八爪魚手卷，芥辣八爪魚濃味，配細細唔多飯嘅手卷，正！刺身就最中意食蝦，三文魚勁厚身，好新鮮，呢個係encore份量！朋友仔話香草紐西蘭羊鞍幾香而唔蘇，ok喎！焗廣島蠔味道係ok，但個底勁油喔！鹽燒雞翼燒勁好香好乾身，係encore之選！燒有機鮮菠蘿係令你開胃，繼續作戰嘅良品！天婦羅 (鰻魚、番薯、蝦)，心態係樣樣試少少，本身係唔太中意天婦羅，食落都幾香口喎！和風汁牛柳粒都幾濃郁，味道唔錯！食左都好多，樣樣食啲都好飽！到甜品胃品嚐喇！椰冰楊枝甘露，做法同平時唔同，配一個雪糕球都幾滿足！食到尾呢個先係主角，係哈根達斯！仲有新口味喔！食完勁滿足，又係減肥嘅開始！…查看更多

別天神係常幫襯嘅拉麵店，主打賣豚骨湯麵同蝦味噌豚骨湯麵，絕對係佢signature拉麵！套餐有多隻蛋，仲有得揀餃子或者小龍蝦蟹籽沙律！蝦味噌套餐 ($115)有櫻花蝦、兩塊豚肉、流心蛋、粟米同香蔥！成個湯充滿住蝦嘅味道，配啱啱火喉嘅流心蛋同豚肉，配料的確豐富！麵嘅韌度剛好，成個感覺係佢無退步過！側邊有七味粉、芝麻、辣芽菜、香蒜同薑，可以自由配搭！辣芽菜辣味十足，辣味提升，開胃左！仲有tempo紙巾，好細心！小龍蝦蟹籽沙律，有好多細細粒嘅小龍蝦，都幾好味，用紫菜夾住食，仲正！別天神套餐，即豚骨湯麵加強版 ($105)朋友仔叫呢set，佢都話唔錯，應該不錯啩！…查看更多

有人請食飯，就揀間豪少少啦！成日見呢間好多廣告，相真係吸引，試過先知真章！佈置得勁靚，古典風同卡通crossover，牆上仲有唔同嘅句子，幾特別！同地方寬敞舒適，位與位之間相隔都幾遠，好有空間感！每張枱都放有圍裙，細心非常！招牌夫妻鍋 - 麻辣鍋 + 酸菜白肉鍋 ($188)呢個鴛鴦湯底特別抵，佢個麻辣鍋半鍋都要$108，$188食兩款都幾好！麻辣有分大中小辣，未試過叫個中辣穩陣！主角到。。。都幾足料，麻辣有佢出名嘅鴨血同豆腐，而酸菜白肉鍋有好多白肉，真材實料！手切牛小排 ($338)牛肉味濃濃，比一般肥肥牛厚身有口感同脂肪分佈少啲，都係不錯選擇！團團丸丸 ($118)有4款丸類，一次食足4款，滿足感大增，唔使食極都同一款咁寡！中意食蝦嘅朋友要試下佢個蝦丸，濃度足，好唔普通！松露香菇貢丸 ($49)聽見松露兩個字而叫，有齊貢丸嘅特色，丸中丸同滿滿肉汁！略嫌松露味唔夠，重口味少少就perfect！菜肉餃 ($48)個人中意食餃，就叫左，都不錯！唐生菜 ($48)蔬菜係降油膩感，打邊爐必叫！培火鐵觀音珍珠奶茶 ($28)紅豆薏米水 ($28)打邊爐亦唔可以唔叫凍飲，係令你繼續食落去嘅良伴！佢個飲品台味好重，打邊爐唔一定係叫酸梅湯同竹蔗茅根！要另收茶芥及汁醬，每位$20！如果like Facebook 同 IG嗰啲，會有85折！為左抵啲，分享下都要！特別嗚謝朋友仔嘅款待喔！…查看更多

難得約朋友吹水，都係搵間cafe先坐得耐，有嘢玩有嘢食唔使趕住走！叫左個意粉同一個勁豐富嘅小食。。。忌廉海蝦明太子意粉 ($128)有一堆紫菜絲係面，撈埋每條意粉都係紫菜，味道豐富左，仲有好多蝦蝦蝦，味道都算唔錯！幸福摩天輪 (酥炸芝士包、司華力腸、蜜糖雞翼、薯仔炸蝦卷、脆炸薯條) ($168)五款食齊，都幾滿足！哈哈，當有重量就向下轉，又幾得意！不過記住唔好摸個隔底，啲油會整污糟對手！跟餐有杯飲品，想有特別啲就要加錢！佢飲品種類勁多，多到佢要用三板紙列出來，太誇張吧！紅茶、綠茶、芝士奶蓋、梳打、朱古力、珍珠奶茶等等系列，每個系列再有唔同味！果粒茶系列 (原價$68，跟餐加$28)本身叫芒果果粒茶，但無得賣，就轉藍莓果粒茶 (蘋果、藍草莓、洛神花、玫瑰果、黑加侖子、太陽光瓣)，配個小蜜糖！柑桔檸檬梳打(原價$48，跟餐加$10)…查看更多

今日去尖沙咀蒲開，行開小舖，越行越入見到呢間，都差不多食飯，見佢寫7點45分前離座有9折，就go go go！叫左兩個主菜同兩杯飲品！未上菜先來餐包！韓式和牛面配韓式牛肉汁 ($348)睇真啲係牛嘅面珠燈，一隻牛兩個面珠燈，會唔會太罕有？肉質好滑好嫩，好易入口！不過汁就濃味少少！以為係薯角，原來係番薯，滿滿嘅番薯甜味，比薯角還要吸引！自家製黑松露野菌芝士意大利雲呑 ($168)有五大隻雲呑，入面裝滿野菌芝士，黑松露味濃郁，好味喎！不過份量唔算多！凍香茅蘋果汁 ($68)朱古力咖啡 ($48)天氣熱實要配凍飲！香茅蘋果幾特別，細細粒嘅蘋果配條長長嘅香茅，感覺清新！準時7點45分前離座，快食快走平幾十蚊都幾抵！…查看更多

朋友仔嘅生日，提早book定枱來到呢間！點解book呢度嘅原因係呢度唔限時，可以任坐唔嬲！一行7人叫左好多嘢食喔！服務又幾好，不斷幫我地添水！野食到喇芝士帶子仔菠菜意大利餛飩 ($138)西班牙海鮮墨汁飯 ($298)西班牙豬手 ($388)芝士煎蟹餅 ($168)黑毛豬煙肉欖油意粉 ($98)除左黑毛豬煙肉欖油意粉好啲外，佢啲主菜又貴又唔抵食，啲配搭怪怪地，芝士煎蟹餅仲成堆粉，好失望！甜品還好，同佢慶祝生日有即影即有相同生日卡，都叫特別，加返少少分啦！鮮雜果麻糬窩夫 ($138)呢個Crème brûlée係登記會員免費送，呢個好香好滑，不過係無得賣架！…查看更多

係旺角旺區見到中國移動舖頭嘅門外，俾一個burger廣告吸引，發現中國移動舖內有lift上呢間勁隱蔽嘅食肆，就上左去！舖內細細有好多張小圓枱，裝修骨子有格調！經典和牛漢堡配焗薯 ($118)漢堡係我地必叫，好豐富喔！個包有用心煎過，有煎蛋、兩大塊煙肉、和牛，芝士、蕃茄等！和牛juicy，兩個人share食，一啲都唔肥膩！而漢堡係配埋氮氣咖啡，睇真啲，原來氮氣咖啡要$46，突然覺得個餐好抵！氮氣咖啡有齋啡嘅顔色同濃度，特別在佢成個杯滿滿氣泡，好香濃！卡邦尼意粉配溫泉蛋($92)呢個幾好食幾creamy，有隻溫泉蛋係面，搞均更濃郁！佢特別嘅地方係有一塊脆脆嘅炸物係面，整碎撈勻更有口感！松露醬薯條 ($68)薯條炸得過火少少，所以乾身少少！不過個松露醬令佢加返唔少分！另外叫左杯Mocha，$50有少少貴，但佢任坐嘅地方，傾計都係有杯嘢飲爽啲！…查看更多