鯨爸爸的個人專頁

噚晚朋友突然由日本飛過嚟探我哋，即時約咗幾個出嚟同佢食飯。好彩啱啱有last minute cancel即刻飛身落去攞位，員工全部南亞裔好友善，英文溝通難唔到我哋；一行5人殺到帶位笑住送我哋埋位。見到隔離枱啲份量唔細即刻落order叫咗5味齊齊share；餐廳唔係好大但坐得唔迫，廁所叫做企理唔似係夾硬整出嚟果隻。可能係晚飯時間，所以燈光調暗咗，不過未黑到要用電筒叫嘢食（每張枱都冇放洋燭架！）。講下笑下冇耐食物就陸續上到，絕對有水準，價錢又合理。大家都食得好開心，根本搵唔到理由唔返嚟試埋其他嘢食。…查看更多

今日同老婆落元朗買嘢兼食晏。本來想試果間越南嘢原來已經執咗。本着既來之則安之（加上啱啱有客走唔使等），於是就試下呢間日本嘢。坐落先知佢哋準備開第六分店，即時覺得出品應該差極有限。午餐揀咗辛辣蕃茄湯牛脷豬軟骨手打烏冬同日式叉燒炒蛋飯。食物好快就送到，食落老婆讚豬軟骨夠惗又入味；我嘅叉蛋飯亦炒得好靚，叉燒入味炒蛋亦唔老。有信心下次再去試其他嘢食！…查看更多