珍哥的個人專頁

因為食飯時間太多人，所以我都會叫外賣，每次都食叉燒蛋飯(蛋雙面煎)，等侯時間約8至10分鐘左右，繁忙時間嚟講算係快，份量夠大汁多真係百吃不厭，叉燒雖然唔算多但係飯好多,撈埋d豉油同蛋汁一齊食好滋味,總括嚟講係食唔哂，好抵囉…查看更多

我係好鍾意食雞嘅人，响食評見到咁多人都話咪咪餐廳啲鹽焗雞好食​，今日立即同同事一齊過去^_^，一坐底就梗係點個鹽焗雞飯，見​到餐廳個招牌貨係奶茶，所以叫左杯奶茶，等左無耐先嚟杯香濃奶茶​，唔係講笑，冷熱適中，茶味香奶味濃，又滑，真係好正囉，試埋啲​雞飯^_^啲雞凈係賣相已經令人食指大動，又黄又肥美，食落真係​無得彈，雞肉滑得嚟係香嫩兼彈牙，咬落去有肉汁沁出嚟，呢餐食得​好滿足，埋單都係32蚊，真係好抵，值回票價…查看更多

點幾鐘去到仲有人等位不過就唔多，約十分鐘左右就同人迫埋一齊坐，叫左個豬扒飯同埋個例湯。講真豬扒飯真係好一般，唔夠腍亦干，只能話用嘅真新鮮豬扒咁囉，豉油好少，問佢有無豉油佢就遞支淘大老抽俾我，唉^_^點解唔係用甜豉油架，咁就42蚊，貴囉，唔抵囉！加五蚊要個例湯，個例湯就唔錯嘞，夠濃料多又大碗，總括嚟講呢餐47蚊真係唔值。…查看更多