mcyoyoyo的個人專頁

11點幾去幫襯，全場空枱其多，目測起碼20幾張枱係吉既。幫襯完之後簡直成肚氣不吐不快，比硬負評！首先，自助用手機落單後發現落漏單，好禮貌地叫個高大的男職員（自稱副經理）幫手補番，佢即刻黑哂口面，一副唔願做既樣咁，侮氣到爆炸😀第二，去自助區拎熱水壺洗餐具同碗仔，剛才嗰位黑面男職員黑口黑面走過黎，話「我其他客要用架！我要拎番走呀！」 首先，請問你全間舖（成30幾40張枱）得一個熱水壺嗎？係嘅話真係笑死人😇 同埋點解要將個熱水壺擺喺自助區可以俾啲客自由攞走黎用？第三，用兩張櫈擺隨身既袋，已經擺左起碼20分鐘，剛才嗰位黑面男職員先至拎住個兜過黎，黑口黑面話「我要拎番啲櫈比客坐！」。到左呢個時候，現場目測起碼仲有10幾張吉枱，吉凳就起碼有20幾30張，請問用你兩張櫈會影響你做生意？同埋擺左成20分鐘先講唔好再遲啲？你唔該都無句，真係咁樣招呼客人嗎？😇總結黎講呢位自稱副經理既男職員嘅態度超級惡劣，唔講以為殺咗佢全家，喺一個國際城市嘅機場入邊呢一位員工簡直可以用趕客嚟形容，真係未試過食餐飯都咁嬲😀至於野食方面，叫左個蕃茄蟹肉檬粉，難食到癲，個湯底根本係蕃茄撈蛋花，勁少蟹肉，咁就成為港幣$94，另外個撈檬亦都係非常普通，呢間野仲要係喺機場入邊接待唔少嘅旅客，真係笑大人個口奉勸各位寧願食隔離麥當勞或者入閘食其他嘢，都好過幫襯呢間嘢。…查看更多

今日新年流流，已經好懶唔想出街，於是叫左去銀龍呢間野叫外賣自取。揀左滑蛋蝦仁飯。攞到番屋企，一打開 個樣已經一啲都唔吸引，邊有理由滑蛋係咁既樣架！根本係蛋花，邊度係滑蛋！你呃人都比少少誠意比多少少蛋呀！啲蝦更加唔洗講，全部都係雪藏味！我假假地比左$56呀大佬，你比啲咁既質素既飯盒我，真係連小學生飯盒都不如啦係咪呀！枉你呢間野開左咁多年，好日都無咩幫襯，諗住幫襯下姐，$56咁就嘥左！希望大家唔好中伏啦～…查看更多

早排見到呢間野幾好都有200幾個好評，心絲絲想去試下。星期六黎到，朋友一早到左坐低左，一入去見到個位有啲迫，於是想轉位，個女侍應已經唔多likey，我已經唔多滿意。好啦坐低叫野食，叫左：—————————————————————-熱湯烏冬$28南瓜天婦羅$38黑醋無花果羽衣甘藍沙律$98芝士年糕$38北海道海膽雜錦爆丼$178蒜香片一口和牛$78油甘鮫$98甘栗紫薯餅$30赤蝦三隻$58醋鯖魚原條$48海膽一格$65油甘魚腩4塊$86劍魚腩4塊$68————————————————————首先個無花果沙拉真係好一般，啲黑醋都唔酸係甜既；芝士年糕$38得個兩粒；爆丼都唔值$178呢個價，淨係得一格海膽同埋幾塊魚生；一口和牛仲衰，勁咸勁多油，本身牛已經多油，仲落咁多油；油甘鮫就ok都多肉；然後重點就黎啦，落單個陣個女侍應態度已經唔多好，明明落左呢5款刺身：赤蝦三隻$58醋鯖魚原條$48海膽一格$65油甘魚腩4塊$86劍魚腩4塊$68等左差唔多40分鐘都未有！係足足40分鐘！然後終於催佢，發現原來佢漏哂單！於是嬲到即刻埋單走人；本身有9折，佢比8折我；心諗8折都嫌少啦店舖入面得個幾張枱，咁多可以漏左咁多樣野，有冇搞錯！完全唔明點解間野會有咁多好評！！！！大家真係唔好幫襯，呢間野真係大伏！！！…查看更多