bifi53的個人專頁

今次嚟到「本命」，試咗佢哋嘅 海鮮盛套餐，整體水準非常高，每一道菜都見到師傅嘅心思同火候掌握。(⁎⁍̴̛ᴗ⁍̴̛⁎)頭盤開始已經非常出色，送上嘅海膽更係驚喜之筆，鮮甜濃郁、入口即化。最令我印象深刻嘅係 澳洲黑金鮑魚 同 烏魚子聖子，鮑魚肉質厚實又彈牙，帶有細膩嘅海水香氣；烏魚子聖子鹹香平衡得宜，咬落層次分明，完美演繹咗食材嘅鮮味同優雅。每一口都係滿足感。(⁎⁍̴̛ᴗ⁍̴̛⁎)整體節奏安排得宜，由帶子到龍蝦、黑豚鐵板燒都保持水準，最後以炒飯、清湯同甜品作結，優雅收尾。真心推薦俾鍾意高質日本料理嘅朋友。…查看更多

今次去到文華酒店嘅 The Aubrey，真係一次味覺同視覺都滿足嘅體驗😍。開場先嚟兩隻 Japanese oyster，鮮甜爆汁、滑到入口即化，加少少酸汁味更突出海水鮮香～再嚐一口 Wagyu Katsu Sando，外脆內嫩，牛香濃郁、脂香滲入口腔，真係令人忍唔住想encore！🍔💖其他菜式如 Seared Hamachi & Prawn Tempura Roll 同 Iberico Secreto Pork 都好高質，火喉控制得啱啱好；而 Charcoal Chicken Karaage 外皮香脆又唔油膩。🍣🐷🍗Cocktail方面，特別推介 Kanso Martini，調得非常精緻，香氣層次分明，配埋窗外中環夜景，氛圍超浪漫🥂✨。坐得舒服、音樂靚、燈光柔和，成個晚上都好chill～…查看更多

裝飾令人覺得好舒服，服務員態度都良好餐牌好多選擇，食左兩次都未嗌肉丸蕃茄意粉🤣比其他吸引左🤣下次一定要試！今次食左野箘蠔意粉&肉丸明太子意粉🍝肉丸明太子意粉 $118肉丸真係好有驚喜，以為係ikxa個種肉丸，點知係日式肉餅個種感覺，外脆裏面好juicy多汁，洋蔥味亦都好香！野箘廣島蠔意粉 $98牛油味好香，食落好滑。而且好多菇，好食！火炙芝士蛋糕 $59依個真係must eat! 好好味，有4層: 焦糖，生，熟芝士，合桃餅底。成為左我每次黎必嗌嘅飯後甜品(⁎⁍̴̛ᴗ⁍̴̛⁎)…查看更多

終於都食到挽肉😂 先講入口環境好特別，如果唔係見到人排隊，我都唔知原來係間鋪頭黎😂 當日book左8點食 (可以用Kabu 金會員係App book), 但都係排一條報到嘅隊，不過都唔係等左好耐就入得👍入去個環境都幾特別，圍住個爐望住職員燒漢堡。鋪頭既抽氣做得唔錯，唔會吸到成身都係味。入正題啦！我當日食嘅漢堡好juicy, 夾嘅時候已經吱左啲肉汁出嚟😆 食落肉味香濃之餘亦都好淋，我好滿意😂加埋我又好中意食好淋嘅日本米飯，覺得好配呢! 不過由於佢係用網燒，係會有啲位食到苦，因為個網好似唔係換得好密。不過整體係幾好食嘅，但如果要排一個鐘以上，我就未必食了🤣…查看更多

次次經過鋪頭都會排長龍，好多人食今日預早少少630pm前到，排左一陣隊就可以入座👍 成個環境氣氛好好，好有泰式大排檔嘅感覺，而且多人所以好熱鬧🥰當日食左和牛麵，湯好濃，和牛勁香。加埋佢自加制嘅辣椒醬好夾！個辣椒醬好辣但正☄️食麵之前仲食左個柚子蝦沙律，酸酸甜甜，好清新，柚子一啲都唔酸，好開胃🤤！甜品食左芒果糯米飯，裏面有啲碎米增加口感，唔錯！不過最後埋單$7xx，略為有啲overpriced🤣…查看更多

依間鋪真係好難搵，行過左十X座狗仔粉之後，來回望左幾次究竟點入黎呢？係咪真係要行入條黑濛濛嘅後巷😂最後真係要。。但行到盡頭發現好似進入左另一個世界，不得不稱讚室內設計師令依個後巷環境打造得咁令人舒服。今次第一次黎食坐左係廚房bar台，店員每道菜都為我地介紹又recommend 有咩signature菜式，服務唔錯。前菜 Torotaku呑拿魚蓉+三文魚子配隔離係食得嘅植物，塊野食落有啲似蓮子嘅味，整體好開胃好味。Octopus比平時西牙食嘅切法厚身啲，食落內質嘅感覺會多啲，岩中意咬口嘅人😂正餐 A4 Wagyu Beef睇賣相就知油香十足，肉質juicy，配翻酸酸甜甜嘅汁解膩，好味！Seafood Box好豐富嘅炊飯，食到lamlam脷😋個醬油令個飯好開胃，中意佢加左啲wasabi嘅葉。甜品 Sake Pear有custard個入面嘅小梨同lime jelly, 個jelly酸酸甜甜，有清新嘅感覺。係一個好好嘅收尾甜品😚…查看更多

今晚意外地去左Ami用餐，book左Salon入面坐，結果非常有驚喜😝餐前嘅sourdough bread熱辣辣，好香脆。前菜油甘魚配魚子醬酸甜交融，好開胃。之後嘅菜式展開左口味濃烈之旅🤣——濃郁嘅蘑菇湯搭配香菇酥美味無比🍄‍🟫🍄‍🟫🧅 洋蔥配truffle嘅甜香十足tuffle加薯仔嘅松露味就唔算濃，雖然上碟前睇住waiter 即場磨片。A4牛柳多汁美味😋🤤yellow chicken口感稍遜。最後嘅榛子朱古力香濃可口！——整體成個環境氣氛都好好，燈光柔和。職員都好細心同有善，下次有慶祝活動都會考慮再黎❤️…查看更多

✨環境一流，望住尖沙咀海景由日落到夜晚✨麵包+7道菜 全部都好岩食最中意係個湯，好濃，鮑魚薄切又好食✨主菜個牛好juicy，個面係好似威靈頓牛咁整: 係酥皮，唔會好厚層，有啲脆口，好正✨海膽龍蝦汁意粉，龍蝦汁好濃好好味，但撈埋海膽變左cover左海膽嘅味。建議分開咁食。先試左啖海膽先，因為海膽好甜唔好嘥左。✨甜品又有驚喜，係唔同東西嘅芒果味。有芒果粒，芒果雪芭(佢依到啲雪芭好滑!)，芒果雪糕粒。最驚喜係有個椰子雪糕中和翻個甜度，椰子真係好襯芒果！(開頭望到白色以為雲尼拿) ✨最最後有個貝殼蛋糕同朱古力，個朱古力極酸極甜😅✨總括成個tasting menu嘅菜式我都幾滿意💛值得推介先寫💛…查看更多

一直都中意飲Fortnum and Masion嘅茶。對上一次黎食飯已經係疫情初期，當時覺得普普通通只係食環境，但今次再食，覺得無論環境定食物都非常好☺️所以決定寫一篇食評分享下。基本上黎到都會食威靈頓牛扒，廚師推介medium rare，果然切開嘅顏色都好靚，口感都做到medium rare😋好易切一啲都唔un。蘇皮唔會好油膩而且唔會同件牛扒分太開，夾住一齊食好香口。上菜嘅時候，一如以往，店員會係你隔離烹煮個汁。雖然係打卡嘅moment，但不得不稱讚店員們都非常專業，好仔細咁遂樣介紹，令你有種尊貴嘅感覺😂跟牛扒嘅side dish有焗薯同豆角。焗薯好好食，好重奶油味、細細兜岩岩好☺️太多就會好漏。豆角都配得好合適，當食得太多肉同焗薯嘅時候，食啖豆角，中和左個份油膩☺️非常細心。全晚環境都好舒服，枱同枱之間有一定嘅距離唔會好嘈雜。加上窗外就係美麗嘅維景，真係望住都醉了😂訂位嘅時候，記住remark想要窗邊位吖😉…查看更多

以前黎山頂會覺得好似冇咩好食嘅餐廳，唔知食咩好。今次黎之前，係openrice發現左依間新店，睇落幾吸引！黎之前帶有少少期待😆絕對冇失望，入到黎嘅裝修好闊落舒服，近窗嘅位可以睇到山頂夜景。其他座位都好舒服，有一個個corner岩哂情侶自成一角🤣 我同朋友嗌左一個dinner set 再單點一份豬鞍Dinner set 包左前菜, welcome drink, steak, risotto 同甜品前菜係魚生，好香口肥美😙 個welcome drink好驚喜，甜得黎好fresh 係好飲嘅mock tail😋牛扒同豬鞍份量都好足夠，肉嘅熟度岩岩好risotto個份量好細，但因為steak啲肉都唔少所以其實咁細份係岩岩好🤣🤣 最後個甜品好甜😂中意朱古力嘅會覺得ok, 我就覺得太甜啦🤣…查看更多

已經食左Akoya幾次。第一次係兩個人食，所以試唔到好多嘢。但已經覺得串燒，西京燒，燒汁蠔同埋布甸好好食😌之後有次6個人一班朋友咁食，試左好多菜式。包括時令嘅三重懸蠔(大過我隻手!!)，玉子燒，牛舌串，三文魚子飯團同埋帶子，加所有甜品都值得一試🤣池魚刺身試過兩次，打卡黎講都ok，因為佢係成條魚串起咁上，好有心思。不過我就覺得食落普普通通啦😌最一定要食嘅係: 牛舌串燒🍢海膽燒汁蠔🍲雞蛋布甸🍮唔講咁多，比啲相大家睇下先！…查看更多