cincin508的個人專頁

Happy Friday三個女人一個墟，到旺角行街，食dinner，預先已留位去Pancake Colours.幾個女人挽住大袋細袋戰利品，在鬧市中要找到一間既可以坐得舒服，又可以安頓好「新寶貝們」的餐廳，真的不客易，憑各姊妹們的血併經驗，都是以這老地方最為穩陣。每次我們都必選荔枝蘆薈松葉蟹棒沙律做前菜，用新鮮水果做成的沙律，既解渴又開胃，然後有黑松露海鮮意式燴飯及柏林肉腸併盤，其實份量以三個女人食量是剛剛好的，還有空間要多兩份甜品，Pancake Colours有幾款人氣之選，由其法式班戟較為熱賣，天使魔鬼蛋糕吃得多，這裡有天使魔鬼班戟。一個甜品當然未夠，我到每間餐廳都會叫「例牌」甜品─紐約芝士蛋糕，評價中上，芝士味道香濃，但餅底咬口較為軟身，如果再做得挺身點就有滿分。…查看更多

地點偏僻，樓宇密度較低的大圍，沒旅遊區的繁華、熱鬧…但香港這小地方就是不能忽略每一個角落，總會有驚人發現。位置大圍屋村後的積信街，有一道木門，橫樑上寫著「屋子」，感覺像走進一間日本民宿，有放鬆心情的快樂。餐牌設計精細，看得出老闆對甜品的外觀有所要求。老闆向我推介了該店原創的窩夫物，那當然要好好地試試何謂原創，於是要了一個小倉抺茶窩夫、浪漫冬日窩夫、芒果千層塔。第一眼見到窩夫，有一種似曾相識的感覺，才記起早前有朋友在FACEBOOK post過窩夫的照片，好奇之下便看多次，竟然我的朋友到荃灣時也吃過一樣的窩夫，細問老闆，為何原創也會撞款…老闆尷尬地解釋，屋子才是原創，也遇到被人抄襲的無奈。知道自己沒有受「原創」騙局，也會吃得特別安心、格外欣賞。吃甜品，怎能沒有coffee or tea呢，要了一杯屋子咖啡和芒果檸檬汁，我不得不讚此店的芒果作品，無論是蛋糕還是飲品，都能讓我吃到芒果的香甜，特別的是，蛋糕和飲品的芒果味都是一至，就像吃著同一個芒果似的，相信店主選料也是落足心機。總括屋子咖啡無論設計、造功、質數都能讓你感受到老闆對甜品的熱誠、執著。…查看更多

有朋友joined DOLCE 88會員，所以有coupon換16件蛋糕同我share，身為甜品怪，當然拍爛手掌讚好啦DOLCE 88每月推出不同款式，11月就有9款，而當中焦糖梨子慕斯更是得獎作品。本人特別讚好的是粟子塔和紐約芝士蛋糕。我一向都不太喜歡粟子蛋糕，大概是童年陰影，人生的第一口粟子蛋糕只給我難食的標記，但今次抱住一試的心態，由一小口變大口大口的回味著，真的愛上了粟子蛋糕。而紐約芝士蛋糕每次都是首選，有雜果配塔下，顯得芝士不太漿口，餅底有鬆軟感，好評…查看更多

同事們一直都有留意這間泰菜館，平日Lunch hour12:30已經有人到門外等位。今日，我們8個女人仔決定要即興一試。菜館非常細，大概可以容納30人，所以8位已經是只此一台，再多也要明天請早。食泰菜，例必要生菜包、冬蔭公、飛天通菜、柚子沙律、生蝦...可惜，今日無生蝦，無通菜，唯有再要海南雞飯、三味魚、一個大拼盤。先讚一讚冬蔭公，絕對是在香港飲過之中最好味的，酸辣味平均，正！生菜包好辣，一人一件後，再沒有人能繼續挑戰。我要特別推介大拼盤，熱辣辣不在話下，當中的魚餅最好味，通常香茅魚餅會被香茅味蓋過整個魚餅，我終於食到較為「清新」的一間，當然要吃兩件才滿足。吃飽飽，正想結賬的時候，原來有甜品，是一小碗的椰汁西米露，非常足料，內裡有新鮮椰子肉，感覺十分完滿我看過食評，大多數都不滿店舖服務態度，沒錯，真的很差，可能我們並不是單吃lunch set，要了幾道菜，所以店員「變臉」了。…查看更多

聽聞Cool魔是熟客，便相約朋友來吃個Birthday lunch，順道碰碰運氣。以為要排隊等位，竟然即時可以入座，似乎有點高估了。Lunch set分韓燒套餐或定食套餐，既然是生日飯，當然要食得有型有款，所以選擇韓燒。但此選顯得比較尷尬，因為兩位要搭坐八人卡位，人家六人要定食，而我們在韓燒，韓餐一向都有幾小碟，加上生熟食物放滿一台，感覺大不衛生，這點，餐廳應該要改善。我們要了小墨魚及牛肉，牛肉醃得入味，但沒太大特別。 至於墨魚，夾的時候...竟然是硬的，似未完全解凍，燒熟後，像咬著馬碲一樣，但完全無味道，感覺很怪。韓燒套餐配有白飯，人參雞湯，雞味香而不濃，味道頰當，喜歡飲湯的我，即時清了一碗。既然是生日飯，朋友仔預備了購自「Cake」的花花蛋糕，侍應們見到後，即時細心地為我們清理台面，還端了碟和餐具給我們，通常餐廳都不願食客帶外來食物，而侍應的服務，真的要給他們200分。…查看更多

今次一行半圍席人繼續到港島區為食一番，進攻北角渣華道熟食街市。別小看熟食街市，不少名人無名而來，還有外國遊客手持旅遊書到來覓食，看到這來頭，真的想快快有枱開餐 由於我們不到七點到場，所以很快就可以入座。首先我激力推介墨汁墨魚麵，如美女們要顧及食相而放棄，那就走寶了，這道菜亦經眾食家評價為必食之選，內裡的墨魚丸彈牙而鮮，讚！其次是南乳炸豬手，豬手被肉包圍著，如要一口咬下去，你便中計了，因為豬手是即叫即炸的，炸得熱呼呼的，皮帶微脆肉嫩，吃兩件才夠滿足。還有鹹魚魚餅夾豬仔包、椒鹽九肚魚....雖然沒有整齊裝修，沒有境色陪襯，但有中西合壁的美食，又是街坊食價，份量剛好夠我們六人份量，不用爭食。只是街市食檔別要求有甚麼服務，甚麼態度，乾脆把自己當一晚的粗人，大吃得吃，說話要大聲便大聲吧 …查看更多

今日lunch time想食辣嘢，所以試下同事們都食過嘅麻辣車仔麵。價錢都算平，原價$33三餸麵，外賣只收$31我選擇雞腎、雞翼、魚皮餃，麻辣湯底配上海麵，服務好，有禮貌，湯同麵分碗包。至於食物質數，最出事係個麻辣湯，雖然見到有湯料中嘅花辣粒，第一口有辣嘅感覺，但係無麻feel，仲越食越咸，我相信唔食辣嘅人，選擇牛湯底會覺得好咸，因為我越食，辣味同牛湯味分離咗，感覺失望。…查看更多

我一直以為漁灣熟食街市的晚市都只係得一班麻甩佬係到飲酒、打邊爐，豪放地大吃大喝我地方，但係有位朋友介紹我到街市裡面的[澳門茶餐廳]，朋友同我講嗰到有鐵板，有咖哩，好好味。於是我地今晚就約埋一齊去食。 馬介魚魚湯雜菜煲，濃香魚味，雜菜被湯浸住，鮮甜到不得了，夏天食好舒服 咖喱羊腩煲配豬仔包，咖喱質地唔會太油，但係我嫌羊腩少咗D，薯仔大舊咗D; 豬仔包熱辣辣，點咖喱汁，食完一個都仲想食多個 免治牛飯，好大碟。配料有薯仔，牛肉碎，太陽蛋。非常足料。最後要加多句，食物真係要曾熱食，凍咗真係零舍鹹…查看更多

本人經常幫曾榮記，第一佢夠平，第二用料正，湯底好濃，同埋每碗炒麵都有菜係我LUNCH TIME必選!!我每個款式都食過，極LIKE豬頸肉、雞翼尖、豬紅、牛筋仲有辣椒油!!!最緊要係即叫即做，所以等5-8分鐘都值得^^…查看更多

早前睇<大廚出馬>有一位80後廚師得獎,比賽過程睇到我流晒口水,於是同一班同事lunch time去試吓!!可能我地8個人去,所以等位都等得唔耐!! 入到去其中一部電視仲重播緊當晚<大廚出馬>的比賽情況!!望一望個餐牌, 價錢算係中價啦!! 我地每人選一款炒麵, 再加多一份蝦餅share, 首選當然係大蝦撈檬啦, 招牌菜嘛, 仲有生牛肉湯河; 雞絲湯金邊粉, 香辣牛肉炒金邊粉; 燒牛肉撈檬.....唔好睇d樓面個個都咁後生, 佢地個個都好好禮貌, 尼方面令我地好滿意^^食物方面, 最好味係燒牛肉, 牛肉好入味, 但係撈檬個汁做得唔好, 色水淺, 聞到d怪味, 叫侍應幫我地換過就好d, 不過味道都係唔夠 另外就係炒金邊粉,辣味做得剛剛好, 炒得唔會過油, 好味!!至於大蝦方面就好失望, 隻蝦原來只係好睇唔好食, 因為隻蝦原全無味!! So bad!! 蝦餅味道唔夠濃, 質感唔夠彈牙>< 其他湯粉都無咩特別, 同其他越南餐館無分別!! 總結: 食過之後, 我感受唔到廚師參賽時的氣勢, 一心以為好有水準, 但係食過之後, 我仲覺得價錢唔合理!! 失望至極><…查看更多