wkeieio的個人專頁

第一次嚟食,門面光亮整潔, 門外有餐牌擺放睇落都幾吸引, 一入去職員上前招待服務態度良好, 一行三人安排坐卡位, 點餐係用QR code落單, 我哋分別點了：1) 三餸酸辣麵餐(韭菜、豬腩肉、牛舌)2) 自選干鍋 (雞肶菇、土豆 、大豆芽)+肥腸3) 水煮牛4) 涼伴皮旦 + 3杯烏梅汁食物評價:三餸麵微辣湯底幾好, 豬腩肉好薄, 牛舌大小不一但煮得好冧, 韭菜一般份量, 薯粉好煙韌👍, 整體份量一般。自選干鍋(配白飯)比較野味份量都幾好, 追加的肥腸就比較冧欠咬口, 水煮牛肉(配白飯):肉質幾嫩但份量比較少 , 湯底微辣但不是平時見的紅油滿滿的, 而係比較清湯少油。涼伴皮旦味道可以, 但份量超少(估大概一隻), 要$18元唔係好抵。凍烏梅汁味道幾好👍職員服務態度幾好, 餐具柜桶都整齊乾淨, 但食飯期間有烏蠅滋擾飛來飛去, 相信係商場外來。…查看更多

前幾天在家工作中, 又快到食晏未有心水又唔想煮, 就想起佢, 之前在親戚家中食過幾好食, 所以今次叫外賣, 接單員工態度親切並介紹多種抵食優惠組合, 而且講明需時45分鐘送到, 外賣員到來也準時, 而且好有禮貌。我叫了兩個普通批、兩種雞件共8件(炸及烤), 合共$288, 開盒仲係熱辣辣, 薄餅餡料豐富👍, 雞件也大大件👍, 炸雞好脆, 蜜汁檸檬烤雞好野味👍, 家人二話不說就清晒😂😂, 遲D可以聚會時再叫大批(可加芝心)😂😂😂👍。…查看更多

行街到來見左邊泰菜翟道翟、右邊日本山戶屋, 一睇門口餐牌家人都各有心水, 店長立刻到來招代安排坐卡位(舒適闊落), 並且話兩邊菜式都可點選, 家人各自點選食物後, 店員就已送上各人一杯麵豉湯(雖然叫兩份日本餐、兩份泰菜餐), 上餐時間都算快, 食品質素都唔錯, 我叫叉燒拉麵麵質煙韌有咬口👍叉燒好入味, 大板燒要等20分鐘上枱熱辣辣餡料豐富👍, 櫻花吞拿魚腩卷都好美味👍, 店員招呼殷勤, 多坐位又闊落, 地方整潔👍, 泰菜也不錯, 冬蔭功好正, 海南雞飯好滑, 家人都食得好開心。…查看更多

放假到來走走,已是下午時份, 店內冷氣開放, 環境係舊式家庭小店茶記, 有幾張枱, 叫咗食物及飲品到來, 分別有牛腩湯麵好一般😑, 牛腩比較細粒無咬口, 湯底就無乜味😑, 豉油王炒麵就唔錯👍炒得幾干身熱辣辣再灑上芝麻好香口, 滑蛋叉燒飯就一般😑算正常啦, 至於凍檸茶就一般,反而凍奶茶就比較好👍夠茶味, 我個人就覺得炒麵及奶茶比較好, 其他就好一般啦。女店員服務態度算好, 到算帳時就$185。總結嚟睇試食過就算了吧😶。…查看更多

晚飯時間，好耐無去九龍城更係食泰國菜，一睇見Openrice就識揾食啦，去左昌發泰國粉麵屋，雖然鋪位門面很細又不起眼, 鋪內環境偏細尚算簡潔, 可容納數張枱約20人, 佈置雖然簡陋貼满食物相，四週一望去找心頭好，我就當然首點一個冬陰公：湯底用左大蝦、椰漿、草菇，香草其實湯味帶點酸酸甜甜額外覺得愈食愈開胃，颜色鮮艷，好吸引我就飮左兩碗先記得拍照添。雞/豬串燒(共半打)：好大串但不太夠野味, 還是喜歡其他店的串燒多一點。炒金邊粉：要自己再撈埋伴碟果d花生碎，先至可以夾黎食。蒜蓉炸大腸：係用生腸炸初時意為係炸田雞似的。蝦芥蘭沙律：比較酸辣。整体都可以…查看更多

晚上7點幾嚟到西環找朋友，雖然兩個人食飯都希望食到好嘢，上網一睇找到目標就嘭嘭聲去，見到都好旺下有八成客左右，雖然係街市熟食檔但上址四週的衛生情況妥當清潔，有微弱冷氣，燈火通明.....環境ok喎，睇下主菜雞煲分別有乾雞煲及火煱雞煲，而且上址有鯊魚煲及鱷魚㖭...正呀，但我得兩個人叫唔到好多嘢，所以只叫了乾雞煲(半隻$98)、涼伴青瓜($18)、燒豬頸肉(漏單)、白飯及汽水。主菜到好香的雞煲呀，半隻雞兩個人剛剛好，該煲小辣味度濃郁由於是乾燒沙鍋所以沒有太多汁，所有味度浸入雞肉內....好好味，青瓜爽脆ok，由於與朋友兩人沒有叫太多嘢食，希望下次約到多啲朋友嚟試下火煱雞煲及鱷魚肉。…查看更多

到荃灣相約舊同學食飯聚舊，重温那些年的事，朋友就話去試下川正的雞煲，我哋一行八人下午六時半左右到，果然有懷舊屋邨大排檔的感覺，見該店鋪不算大，約八至十張4至6人的枱，其中有四張有透明膠簾圍住內裡有冷氣真舒服，仲有一個大屏幕電視㖭，見上址地方需舊但仍算清潔，只是上址廁所翻新用臨時厠所不便。我哋先叫一些小食有鳳爪X2(朋友食完有叫好入味呀)、唐心皮蛋(四川小辣)勁正、牛肚等，當然唔小得勁冰凍的啤酒，之後就當然叫主菜招牌奇味雞煲（一隻）小辣--正呀(雞煲內加了肥腸、鵝腸一齊煲著勁大煲)、又叫左肥牛、豆卜、菜等等火鍋材料，干偏四季豆、泡椒炒黃沙、蝦將抄飯、蒜泥白肉等。主菜雞煲美味而且湯汁濃郁，正呀，泡椒炒黃沙的火喉剛剛好，鳳爪、唐心皮蛋、蒜泥白肉等都係我必食的心水…查看更多

早幾天約了朋友一行七人到嚟，原因是一邊燒一邊烚都幾得意，而且見之前的食評及相片都幾吸引所以決定到嚟一窩豐。晚上7時到，好在有定枱，上址店鋪不算闊落，但見整齊企理衛生情況妥當，雖然係坐圓膠櫈大排檔感覺都未感迫夾….OK，店員幾名包括店鋪負責人(兩兄妹)都算係招呼周到，現場上facebook打咭送一條干魷魚片比我哋燒，叫左嘢食但出得有點慢，令我感到特別是佢用一個三層架盛載我點選的海鮮。安格斯牛， 白鱔片， 肥牛粒，大墨魚，蟶子，大蜆，鮑魚，台灣腸，牛脷串，雞軟骨串，羊架，雲吞，鱼鮫，茄子….等整體來說: 服務OK、食物可以、環境可以、衛生OK、價格不算便宜。…查看更多

一行8人係星期五約7點半左右到，都幾多人下有大半場人，無訂位但都有張八人位，因為剛放工都肚餓，即刻先叫第一輪order，D食物上得真的很快。有野食Go Go Go。一路燒一路落單，D刺身壽司、海膽跟住上，正如之前各食評所講的，但係個爐就麻麻地，好似唔係好夠火力弱左D ，所以就影嚮左我地Go Go Go的進度慢左下來。全部食物無醃，自己落少少調味去燒，秋刀魚、帶子、蝦、鱔片、豬、牛、羊肉，雞子都有。蔬菜有青瓜，南瓜、粟米，矮瓜、菇類。-罐裝汽水啤酒任飲，熱茶熱水供應，招呼算ok……好。總結 – 任飲任食2小時 $158，雖然食物質索當然係一般，但尚算合理，如果要食到M9、蠔等就要另外加錢了， 服務員都很好有清楚提醒怎樣燒野食及人齊叫野食就開始任飲任食2小時。…查看更多

之前過去新星打邊爐，今晚約了好友打邊爐，1800時才開始所以唔多人，我同好友都常約去任飲任食打邊爐! (因為好友話喜歡酒平及多野食) 坐左約半小時就開始多人了。我叫咗脆鯇骨腩片x3，魚皮餃，雲吞，象拔蚌片，螺片，海蝦x2，羊肉片x2，雞肉，腐皮，肥牛x3，鵝腸，娃娃菜等等由於時間尚早所以叫的食物及啤酒都不用等多久就到了，但叫湯底就另外收費(我叫左豬軟骨栗米鍋$58)，食材是一大盤送齊來所以看起來都幾有份量。我覺得其食物大部份都是ok的食材，肥牛、羊肉片、雞肉、豚肉都是鮮貨，至於海產也不錯都是鮮貨，但切得薄了點份量也小了點吧。我比較喜歡肥牛、羊肉片、雲吞、脆鯇骨腩片。…查看更多

見有許多人介紹，自己都有興趣，剛巧到觀塘，行多幾步去試下，一入去人唔多，有兩檯客。我就叫了紅油抄手-----辣味可以，但雲吞餡料小。烤羊扇-----脆帶點煙韌算比較特別不是到處都有，沒那麼奶酥味, 可以一試。牛乾巴-----味道很像臘肉, 但很乾也很咸。田七花茶X2-----花茶用上了田七花蕾來泡，普通, 味道極淡。蒜泥白肉----呢個麻麻地，d蒜泥太多，而且D色水好一般，食落去D肉都冇咩特別，而且切得非常薄，失去口感。夫妻肺片----味道可以，但份量小了點。菜肉雲吞米線----與一般的未見特別。食物------總體係一般環境------店子很小，但裝飾有心思，感到一點雲南地道。衛生------鋪面都ok，但見到廚房就很大機會唔再黎。服務------店員都似沒精打采，只係問你係咪要點菜，未有特別推介。推介美食: 烤羊扇用餐日期: 2010-08-19 (約1400時)是次消費: HKD: 172…查看更多