scbrice的個人專頁

上網睇到有好多唔同鐵板燒嘅優惠，但係龍亭呢一間平時比較貴同埋近排好hit，好多明星賣廣告，所以我就揀咗龍庭呢一間嘅優惠套餐食中午飯。 入到去職員禮貌算可以 ，佢話因為我哋人多要我哋坐普通枱櫈 ，入到去其實感覺格局好似一間茶餐廳， 開始食前 職員有問我哋啲牛要幾成熟我哋都話50%，但結果係全熟不特止，牛肉好韌 。喺我哋要求之下佢哋更換咗畀我哋 50%熟但係裏面係凍嘅 。其中有一人加咗要龍蝦，未到食正餐同前菜未食完之前，佢已經送咗個龍蝦嚟， 我哋問點解咁早上龍蝦，佢話係因為其他人都有食龍蝦所以就一齊煮咗。我哋再次要求龍蝦要等食完前菜之後先上， 如果唔係就會攤到凍曬 。 最後送一杯茶或咖啡，佢哋居然係用紙杯上用咖啡機沖，呢個去到最尾真係令我哋大為失望 。 一間餐廳連個玻璃杯都冇？要用紙杯？ 總括:佢哋嘅環境好差 ,客戶服務可以 ,食物擺款好靚, 最後出個紙杯簡直茶餐廳不如 ,如果係慶祝就感覺不太合適！…查看更多

今日好遲先出去食Lunch, 門口買飛入去裏面攞嘢食幾得意，下午茶餐30蚊仲要包埋罐汽水真係抵到爛！ 下茶餐份量都ok，最重要係啲汁好多，幾好食。 會再幫襯！ 你話服務態度就真係冇㗎喇，佢都唔接觸你， 咪買完自己食咪得囉。 其實見佢餐牌都有好多嘢食㗎下次早少少食lunch又有胃口可以食大份啲。基本上員工係唔會理你，因為喺門口自助式買飛，跟住等嗌number，攞完搵位坐低食都唔需要去招呼你。…查看更多

平日夜晚開車經過見鋪面幾得意，諗住試下 9:2xpm入咗坐，點餐後發現有poster寫9:30pm後入坐會有85折，問侍應他說，你們9:30前已入座沒有offer ,但入座前都有好幾張空位 ,如果他們跟我說等幾分鐘會有85折的話我們一定等亦有選擇權等或不等.已經一肚氣！ 食品真的一般般，煮熟的材料。尤其是哪個多春魚又濕又腥，價錢也不便宜。 問他檯面上的烤爐是否用來串燒用的，他們說串燒已經燒好才上桌，那個是用來保溫用的，但我們的串燒已經放在桌上一段時間，都沒有幫我們點火保温，直到我們忍不住開聲要求，他們才幫我開火保溫。 原來這個烤爐是用來裝飾的，那就不要放在桌上吧 ！最後埋單的時候，他們說要消費滿$500不能用信用卡，要用現金，大家一定要留意！！！這間店簡直不知所謂! 所以只此一次！體驗勁差！！！I😡🤬😡🤬不想post相，因為不值！！…查看更多

今天去了圍方的山本屋吃烏冬。他們的烏冬主打以傳統古早味的方式烹調的，每次都看到長龍排隊。當排到進去的時候，因為還沒剔除完選擇，服務員的態度不好(主要服務員沒有說明入坐前要先剔好，以為給排隊的我們先看看菜單）， 還很自豪地說他們的烏冬入座後才叫最少也要等20分鐘才上桌嫁，（入坐後發現有張貼告示在牆壁）。等了真的大約有20分鐘後，烏冬來了，它的外觀很好看，服務員問你烏冬是要爽口還是軟身，（ 只不過是開蓋食先定唔開蓋食先），我喜歡軟身所以我焗咗一段時間才開蓋食，但無論哪種，烏冬都沒有太大的差別， 烏冬的麵條中心也是硬的，湯的味道偏鹹，係超鹹，有著濃郁的味精風味。 總括來說好睇唔好食 ，只此一次，不會再上當了。心急人也不要去。PS： 問服務員什麼是親子烏冬,他知吾以對地回覆係*乜嘢都有*老公再問佢即係有啲乜嘢材料?牛，豬，雞？佢亦都重複即係*乜嘢都有* 最後唯有選擇 ‘’牛肉“” 同 “”豬肉 “”同‘’天婦羅‘烏冬🤣🤣🤣…查看更多

响open rice揾嘢食， 咁啱會去深水埗買嘢，咁就搵下深水埗有乜嘢食啦～最後搵咗呢間素年入咗去。當時冇為意呢間素年係食素嘅，入到去睇到餐牌先知，叫咗個自己鍾意嘅有辣味嘅意粉，老公就嗌咗個咖哩飯， 雖然等耐咗少少時間，但係一食發覺原來啲嘢食好好食呀。坐位坐得不太舒服 ，但係嘢食絕對值回票價。跟住見到隔離兩怡都嗌咗兩碟綠色嘅飯 ，真係好好奇係乜嘢飯，下次一定會再去食。…查看更多

老公一早帶咗阿女同同學仔去玩高卡車，佢哋已經食完午餐，遲來的我只好襯佢哋去玩密室逃脫嘅時候我同老公搵間餐廳食我嘅午餐。 畀荔園個名吸引咗入去試一試， 環境其實麻麻，但係佢裝修到有啲荔園feel，可以懷緬一下，見有一個‘’摩天輪‘’有齊幾種唔同款嘅包，就嗌咗嚟食。個流沙包唔錯， 雖然外貌唔係好精緻， 但係懷緬就感受下以前個年代做出嚟嘅包啦，啲流沙好用熱辣辣^v^龜外形嘅菠蘿叉燒包都唔差,其實味道唔差。108蚊有齊幾款麵包算係咁啦！茶介兩蚊一位，個茶好香！我都一個人飲曬成壺茶。 其實仲有好多嘢食選擇，我覺得如果去開玩嘅話可以再去試吓。 而且仲有晚市又有炒餸又有麵食，我老公都話會再嚟試下其他嘢食。…查看更多

同老人家去食飯，佢鍾意食中餐 ，揀嚟揀去揀咗呢一間悦。上過openrice見過啲菜色都唔差，就去嘗試下。 估唔到喜出望外，材料平凡，但係煮法做法都幾特別 。 煮法同用料同其他地方食嘅有好唔同 ，老公最愛個 脆皮蔥油雞，個女就最鍾意金沙鴨紅， 我就最鍾意金梅陳醋咕嚕肉 ，老人家鍾意濃湯浸千絲日本大根， 各有各喜好，個砂鍋生拆蟹粉炒飯好香，但係冇乜蟹味。 總括嚟講啲嘢食都好好味 。睇得出佢好用心機煮。 但係晚市好多點心冇得提供，下次會再搵機會去試下…查看更多

帶住兩個老人家覆完診去就近茶樓，求其搵一間，就揾咗呢間垃圾。其實食物ok嘅，但係服務係超級差。不過都冇理佢，因為食嘢都唔需要佢， 但係有樣餸我哋叫咗椒鹽白飯魚，嚟錯咗個椒鹽魷魚。跟住佢要再整過，但係到我哋食完曬所有點心追過幾次都冇嚟，食完點心之後等咗半個鐘頭有多都仲未到，三催四請跟住仲要畀個經理一句話因為廚師食飯，要等。呢句先慶！ 你個廚師就要食飯，我哋就唔使食。就要坐喺度白等？ 一間咁嘅茶樓，係唔係應該閂門畀個廚師食飯呢 ？跟住我就即刻去埋單要去取消椒鹽白飯魚， 跟住佢一嘢攞碟餸出嚟話啲餸已經煮好啦唔肯取消。我睬你都傻，我唔會返轉頭坐低同佢食囉。 最後佢都取消咗個餸，但係埋單嘅時候個收銀仲差，佢冇比单，問佢攞張單佢居然話你唔一早講話要張單。我哋不嬲唔會比单嫁喎! 真係要祝佢早啲執笠！！…查看更多

新開店咗一段時間，今日終於有機會去試一試個午餐放題。 我哋食嘅係午市套餐，有唔同嘅選擇，有平有貴，我哋試咗個可以食到黑毛牛嘅餐。2百多一個人。 湯底有好多選擇 ，D牛肉真係唔錯，雖然唔係頂級，但係對比出面其他放題，啲牛真係絕對對得起個價錢 ，嘢飲款式好多又有雪糕雪條， 菜式亦都有好多選擇， 調味料有好多唔同嘅醬汁 ，今次係第一次見到有腐乳醬嘅 ，用嚟食菜就真係頂呱呱！ 放題最重要嘅就係你叫嘅牛一定要上得快 ，呢樣佢絕對做得到。 放題九十分鐘你叫嘅菜上得快好重要。食得開心，服務員態度又好。好開心滿足嘅一餐。可惜唔記得照餐牌～…查看更多

生日飯，周圍搵地方，搵咗好多間，終於搵到間可以坐足7個人，餐牌又唔錯， 環境望落都唔錯嘅地方。去到有免費泊車。入坐環境清靜又舒服。仲安排咗個向海嘅座位畀我哋，服務員態度一流！每一道菜逐樣逐樣上， 服務員細聲解釋每道菜的食品， 而且每道菜都精心烹調， 廚具精緻。 唔止有樣， 仲要好好味！早2日前預定咗“澐之饗宴”， 因為都怕唔夠食另外再叫咗幾樣餸。 但係我哋預計錯誤，每人一個宴都已經好夠食，已經食唔落。仲要嗌多幾個餸，但係可以試到其他餸嘅味道， 我咕嚕肉好正！個叉燒好香！ 個菜都與別不同！出面普通中菜食唔到。 價錢亦好公道。 一定會去再食過同推介俾大家。…查看更多

環境古色古香，食物也很特别。價錢不便宜但真心好吃。初初以為有壽司吃，但原來也是火煱食材。🤣打卡最好。雖然訂了位置和時間，但入坐安排非常混亂。這麼大的餐店 這樣的安排真的很失望 。服務不是特別好，但火鍋也是自己煮的，也不用他們多服務～但吃食好，朋友們一邊煮食一邊談心非常高興。…查看更多

已經好耐好耐冇嚟過八月花， 由於中午要去又一城觀禮 ，之後就book咗八月花晚餐， 餐牌完全唔同曬 ～唯有點一啲總廚精選去食 ，個湯淡咗啲，但係啲嘢食都幾有特色， 都好夠食。 用料靚。 有興趣可以睇下啲相，我會將啲食物名擺埋上去。…查看更多

朋友介紹，服務好好。室外環境佳，見到有人佈置唔知係求婚定生日！菜色ok.味道亦唔錯～阿囡話好似去咗旅遊度假Feel咁，又真係好似嫁。不過如果晚餐要早小小泊車，車位不多同埋用餐可以，行街不行，沒有太多商店。…查看更多

以前都有去過呢間餐廳經濟實惠嘅 ，但係服務就一般，今日換完身份證諗住去食早餐，剛剛好11: 32分，早餐到11:30完嘅。 入去都係諗住問下仲有冇早餐姐，冇都諗住入去食下其他嘢，但係點知佢一句得埋嚟：話「有！！聽日早啲咪有囉！」 其實冇咪冇囉，唔使咁樣講嘢呀 ！嗰下聽到即刻掉轉頭走～…查看更多

隱秘嘅工廠區上面有間咁正嘅cafe。地方細細，但係服務好，環境舒服，啲嘢食仲要係好好味添！今日上去叫個主食仲要有餐湯加飲品送，超值！回頭率非常高嘅一間cafe！…查看更多