CheungIrene的個人專頁

呢間舖頭早一兩年都幫襯過幾次 當時覺得質素唔錯今日先至再帶朋友過嚟食，點知係極度失望！炸雞一啲都唔脆，嗰個汁 酸到食唔到其他香料味道，然後個窩夫硬掘掘。 和牛嗰個就不過不失啦不過感覺都冇第一次嚟食嘅時候咁好食。 只係得兩張枱，嗰個女服務員好似夢遊咁樣 ,食完嘢又唔收碟~ 咁都仲要收加一…查看更多

餐廳熱到不得了，職員話係咁樣，坐低等個炒飯 等咗七個字， 都未嚟，已經催咗4,5 次。 啲職員 聽完就算 完全冇理過 最後 我哋都係唔等就埋單。 食物份量少得可憐 完全不符合性價比 應該不會再來這間門店…查看更多

成日經過觀塘都見到呢一間辣蟹莊。一直都好想試，因為好多朋友推介都話好食。今日終於湊夠人過嚟食晚餐。話明係辣蟹莊，咁當然要試呢度嘅避風塘炒肉蟹啦！ 肉質鮮美，香氣十足！ 非常之入味呀！ 嗰啲卜卜脆好食到直頭想拎走㖭！ 燒鵝同乳豬都非常之新鮮香口！ 小炒王鑊氣夠又足料。 蒸海斑都好新鮮，成餐飯 個個飽到行唔郁， 每人都係300鬆啲，性價比都好高。 呢度冷氣又夠，又夠乾淨，阿姐服務好殷勤，不時同我哋換碟+斟茶。 大班朋友或者一家人食飯真係一個唔錯嘅選擇。…查看更多

由知道佢要開幕開始就滿心期待！一開始有得book位就即刻book咗下午茶。 我哋book嘅係4點45分嘅時段， 啱啱好睇得到維港遊天光到天黑嘅靚靚海景。 入到去，樓底唔高， 座位空間感都ok .有即場鋼琴伴奏可以加分啦！ 食物方便不過不失啦我哋三個tea set, 三個咸點都好唔錯。Scone就不過不失。 甜點方面，極甜嘅同埋帶酸開胃嘅各佔一半。 每人可以選一款茶， 咁佢最出名就係茶。當然就唔會失望啦！要complain 嘅， 就係 落柯打嘅時候，並冇講低原來甜點可以refill ! 我哋三個人只係上咗兩set嘢，大家懵然不知 仲諗住上齊三樣嘢先嚟張大合照， 點知等下等下唔對路，問下職員先知道原來食曬之後鍾意邊樣可以refill...... 個high tea賣相唔算精緻， 三層架淨係得上面係放五件甜點，中間同下面各放一個 scone (!!) 本人覺得$588+10% 嚟講絕對 受唔起呢個定價。又，得一格洗手間，仲要男女共用嘅，地板濕笠笠。 一定要大大改善呢個問題先得！…查看更多

旺角moko 的 crepe delicious, 好食又抵食！份量啱啱好Pizza, 甜品都好食！推介黑松露pizza! 鬆脆可口！ black and white crepe! 一家大小來吃最好了！…查看更多

下午到馬鞍山工作，碰見這個餐廳， 又不用排隊，所以入去一試！ 下午茶有意粉和飲品， 連加一也不用七十元好化算！ 我叫這個蟹肉意粉我覺得很好吃 份量也很足夠！ 空間位置闊落，職員很友善，值得推介！…查看更多

一去到，不知道是店員還是店老闆都已經是黑口黑面，好像殺了他全家似的。感覺已很不好！ 心想小店繁忙，也不能要求太多，速吃飽後速走就算了。點了幾份早餐，麵浸到浮屍發漲咁，見到都唔開胃！ 火腿奄列還好 都算幾大份。 凍檸茶叫了少甜， 還是甜到飲了會糖尿病一樣 , 無下次了。…查看更多