火強小炳的個人專頁

自呢間食店在十一月中裝修後, 都無再黎, 呢日想起想食焗豬排飯, 一於去la, 其實我次次黎呢度都係食佢呢個飯!裝修後, 發覺同之前都無咩大分別, 只係多左幾部展示籌號的電視, 地方清潔, 職員執檯的效率都好快焗豬排飯 - 呢次唔得la, 焗得太耐, 個面燶晒, d飯又乾晒, 又落多左茄醬, 好酸.......幸好d豬排不至於柴皮.....我估我要等一排先會再黎囉.......…查看更多

同女友去左元朗, 女友提議去食日本拉麵, 上openrice搵左呢間, 一於試下!地方都乾淨, 不過d位就窄d, 裝修風格都有d日本小店的味道! 侍應態度都ok!我地叫左:招牌拉麵 - 有叉燒, 不過無咩肉味, 流心蛋又係無咩味, 但都做到流心效果, 個湯底得個咸字, 最重要係, 成碗野只係微暖!魚片拉麵 - 情況都係一樣, 不過呢碗仲差, 無叉燒, 換來幾片街市凍肉檔的雷鳴卷......唔計材料, 只講個微暖湯, 已經不可接受, 其實食拉麵都係想要果種好熱辣辣的感覺, 此店的拉麵, 原全俾唔到呢種感覺.....…查看更多

成日經過呢間餐廳, 都未幫襯過, 呢日經過, 一於試下先!地方係一般茶餐廳裝修, 都算乾淨, 不過就舊左d, 侍應要叫幾次先有反應, 因為佢地都好投入咁去吹水中!炒蛋+餐飽 - 蛋炒得過左火, 基本上伙係"發"左隻蛋然後煎, 並唔係炒, 知不過個餐飽又幾好味wor.....火腿通粉 - 味精水湯底, 通粉炒無煮到腍晒, 份量又夠, 都好好la, 如果塊火腿煎下仲好茶走 - 茶味又幾夠wor, 又滑, 讚!咁0既價錢, 有咁的水準同份量, 都仗叫做好抵食!…查看更多

星期五晚同女友去左黃大仙附近探人, 夜晚去呢度睇下有咩食, 上openrice見到有呢間, 一於試試!到達時大約係晚上八點幾, 門口都企滿人, 心諗有排等, 好大可能要轉地方, 點知一攞左票, 等一陣就有位, 仲要係卡位, 不過當晚可能係做節的關係, 成間店都係人, 都幾嘈, 不過地方都仲係幾乾淨, 而且侍應又跟得幾貼, 又有禮貌, 真係要讚我地叫左------------------->五香牛展 - 牛展都幾腍, 幾入味, 好香的五香味, 腌得好好味, 份量又夠! $28抵食!豆豉鯪魚炒油蜜菜 - 菜好新鮮, 爽口, 炒得好夠火喉, 不過 豆豉鯪魚就少左D........秘汁煎釀豆腐 - 個汁少少咸好香好惹味, 豆腐個面都煎得好脆, 而裡面仲係好滑, 不過釀果舊肉就細到呢------->一毫子都大過佢!砵仔蒸飯 - 又煮得好好WOR, 一粒粒的飯, 唔似好多食店落得太多水!呢個品牌的食店一向都係抵食而味道不錯的!…查看更多

落雨要搵地方泊車, 一於去荃新天地二期, 易等位d!原本想去一間呢期都幾出名的日本餐廳食晚飯, 一去到, 人頭湧湧, 埋櫃位問侍應攞位, 佢問我有無訂位, 我話無, 跟住佢答咁你唔使等喇, 因為好多人!想去其他酒樓, 間間都做緊團年飯! 肚餓之際, 諗起之前食過呢間, 一於再去! 地方都幾乾淨, 呢次安排左坐卡位, 正! 侍應反應快, 態度好好!因為係星期日的關係, 套餐暫停供應.....我地叫左兩個小菜同兩個白飯:魚香茄子煲 - 茄子煮得好腍好入味, 份量又夠, 肉碎又足, 熱辣辣, 不過就咸左少少!椒鹽豬排 - 唔會太乾身, 個排入面仲有肉汁, 個味都ok, 有少少辣, 唔係太油!兩個白飯就爛爛地, 多左水.....…查看更多

同女友去完中央圖書館, 諗起好耐都去大坑搵食, 行去睇睇有咩好食先!經過呢間餐廳, 見個裝修都唔錯, 再睇下門口個餐牌, 又幾抵食wor, 一於試下!!地方乾淨及寧靜, 我地被安排在落地玻璃旁邊的檯, 望住條街食野都幾寫意; 檯的距離都唔近, 仍保持私隱 (其他檯就有少少逼); 侍應態度好好!我地叫左兩個set lunch, 有湯, 主菜和一杯飲品:蕃茄湯 - 茄味濃, 味道好好!吉列豬排拼沙律 - 豬排脆卜卜, 但仍有肉汁, 處理得好好, 沙律係薯仔沙律加雜菜, 都好新鮮爽口, 碟邊配有一個甜甜地的醬, 用來配個豬排都不錯!即磨咖啡 - 好澀, 唔好飲......呢度真係一個唔錯的地方, 可以靜靜地同另一半傾下計, 食物質素又不錯而且又便宜!…查看更多

一早同女友去左銅鑼灣, 天氣好凍, 經過俾呢度d熱豆槳吸引住, 一於入去食野取暖先!地方都幾唔乾淨, 地下好滑, 坐圓椅, 都幾唔舒服, 員工態度麻麻地......我地叫左----------------->粢飯 - 係門口個阿姐即包, 好熱而且條油炸鬼仲有d脆, 肉鬆好香, 不過炸菜就唔係好足夠!蔥油餅 - 好油, 唔熱, 有油 "益"味, 麻麻....我地都叫左兩碗熱的甜豆漿, 好有豆味又唔太甜, 不過一見就熙上飲, 唔記得影相.......…查看更多

去過呢間店食過幾次, 水準都唔錯!地方清潔, 侍應態度好, 落單又快!今次諗唔到食咩, 見餐牌有煎雞排蛋飯, 加杯熱飲, 要HK$40, 心想賣咁貴, 唔通好好食, 一於試下!煎雞排蛋飯- 完全驚訝, 個雞排個味"腌"得好好, 雞排係煎的, 唔係炸, 煎得好乾身, 個黑椒汁少辣又好香! 飯又粒粒有飯香, 真係好好食!熱飲我叫左奶茶, 茶仔水準, 無咩特別!好開心, 可以食到一個咁有水準的午餐!…查看更多

同女友去中環, 搵個地方食個靚早先! 女友介紹去呢間!地方係以懷舊為主題, 地方清潔, 不過侍應就反應慢少少, 可能未訓醒!我地叫左兩份早餐:多士+炒蛋 - 厚身多士, 脆卜卜, 熱辣辣, 牛油已溶化晒入塊多士入面, 好惹味!蛋炒得幾滑又嫩!腸仔通粉 - 腸仔煎過香口, 通粉爽口, 不過個湯就淡左d!多士+煎蛋 - 多士之前已讚過, 雙蛋煎得過左少少火, 不過都有好香蛋味!餐肉意粉-餐用都有煎過好香口, 意粉紅色份量足夠,又爽,唔會 "林"晒!茶走 - 香滑茶味濃咖啡 - 一般貨色, 啡味唔夠在中環收呢個價錢, 算係好抵!…查看更多

下午好遲先有得食飯, 行過呢間, 一於試下!下午茶時段有特價炒粉麵, HK$23連一杯熱飲, 真係好平!呢度地方好暗, 個地又滑, 唔係好清潔, 侍應態度一般!星洲炒米 - 份量好夠, 不過得個咸字, 一d都唔辣, 上檯時只係暖, 幸好都炒得爽, 唔係一舊舊, 不過總括來講都係難食飲品我叫左奶茶, 水準一般, 不過又係唔夠熱, 唔知點解!不可不提, 我要等左半個鐘先有得食, 期間叫過個侍應跟進, 佢愛理不理, 之後我聽到有另一個食客都係叫左星洲炒米, 但未到, 叫個侍應跟進, 點知個侍應話炒野梗係要儲夠數目先炒, 點會逐碟炒, 仲叫佢等下啦! 嘩, 如果得你一個叫, 咪唔知要等到幾時先有得食簡單黎講, 一定無下次!…查看更多

來過呢間鋪頭好多次, 次次都係失望而回 , 食物質素都比其他譚仔三哥為差!因為家在附近, 又諗唔到食咩, 一於再去試下可能係下午三點的關係, 無咩人, 侍應一叫就有反應 (唔似之前叫極都唔理你), 又好禮貌又好笑容, 一d都唔似譚仔三哥員工 (其他店都係)的一貫作風! 地方都好清潔, 讚!腩肉牛丸米線 - 我叫左小辣, 米線好爽又彈牙, 牛丸就無咩特別, 腩肉夠味, 咸味適中, 湯又好夠味, 小辣已經夠晒辣希望呢度可以keep住水準!…查看更多

之前去b仔食野, 經過此店, 見都有好多人幫襯, 今日決定去一次!店內地方唔大, 因為唔想坐街上的檯, 所以要等左一陣先有店內的檯, 我地兩人被安排去一張六人檯, 當時已有一對情侶, 而我地兩pair人就打對面坐, 點知個男老闆走過來, 死都要我地排排坐, 佢話要留番d位俾第二D客, 我心諗咁坐又有咩唔同, 都係得2個位, 不過算LA, 反正又唔係坐得耐, 咪跟佢指示去坐LAW, 之後隔離有張二人檯, 我同我女友就轉檯,由於已落單, 所以同個男老闆講聲, 點知佢的反應係: "你鐘意轉就轉, 不過我無時間執檯架, 你鐘意坐就坐!" 咁的態度, 真係好得! 跟住都要等左成十分幾分鐘, 叫左幾次其他的員工, 先肯執檯呢度地方都唔係好清潔, 不過通常食粥地方都係差不多!講番食物先:涼伴皮蛋 - 個醬蒜味好重, 少少辣, 都幾好味, 如果個皮蛋係糖心就仲正!艇仔粥 - 個粥底好綿, 又足料, 花生又夠脆, 好味!黃鱔蝦粥 - 個粥底好綿, 黃鱔同d蝦都好鮮甜, 而令個粥都好鮮甜好好味, 估唔到呢個組合會有咁好的效果!蜆蚧鯪魚球 - 熱辣辣, 魚肉新鮮彈牙, 好味, 不過個蜆蚧醬個味怪怪地!芽菜炒河 - 味淡, 醬油炒得唔均勻, 河粉 "鞋"口食品水準真係幾好, 不過服務態度就令我唔會再幫襯了!…查看更多

同朋友去左大美篤玩風帆, 中午行出來搵食, 諗下不如近近地去呢度, 話晒出名!兩個人被安排去左一張四人檯, 闊落, 侍應態度好好!地方又乾淨!我地叫左兩個午餐, 連飲品都係一人HK$35 - 咖哩牛腩飯 - 咖哩味好濃, 好香, 又唔係只得個辣字, 咖哩汁中的椰汁帶出咖哩的香味, 牛腩又炆得好 "林", 有牛香味, 加埋個配菜薯仔, 入晒味, 胞肚又好味!原汁牛腩飯 - 個汁好香好有肉味, 帶出晒牛腩香味, d蘿蔔吸晒d精華,好正! 兩碟牛腩份量都好足夠, 啖啖肉!兩個飯仲連兩杯野飲, 飲品我地叫左凍奶茶, 水準一般, 無咩茶香味, 得個甜字.....…查看更多

去完大彿, 坐巴士去大澳, 行左一陣見到呢間餐廳, 入去食個下午茶先!地方都乾淨, 檯與檯之間好闊落, 坐得好舒服!雞翼出前一丁 - 魯水雞翼, 雞翼都好入味好香, 不過個麵就煮得 "林"左d乾炒牛河 - 幼身河粉, 味好夠, 不過就油左d, 唔夠乾身, 牛肉無咩牛味, 咸左少少我地仲叫左一杯凍檸茶同一支大可樂, 每人HK$35, 都幾合理, 唔因會因為係遊客多的關係而加價要一提, 個侍應大叔好好人, 落單又快, 最重要係, 唔會因為有其他客等位, 而要坐緊的客人搬位去讓張檯出來, 反而叫人慢慢坐, 真係好尊重每一位客人!…查看更多

上次去大澳, 想一試呢度d茶棵, 點知賣晒, 失望而回一年後, 再到大澳, 終於如願以償, 由於之前剛食左下午茶, 飽到上心口, 所以只係買左一個花生甜茶粿, 茶棵到手時係熱辣辣的 (雖然係由一個發泡膠盒拿出來), 茶粿皮厚度適中, 質地煙韌, 餡料係花生碎加五香粉, 香口惹味, 唔會太甜, 整個茶棵最妙之處, 係用柴火蒸同埋塾底塊葉, 令到整個茶棵滲透柴香同葉的清香味, 係外面鋪頭食唔到的美味! 個茶棵一到手, 我已張開口, 搞到唔記得同佢影番張相添一個小小的茶棵, 已睇到店主對食物質素的執著, 外面的食店, 真係要多多向呢間鋪學習! 仲有, 店主的態度係好友善!…查看更多